雅苑座

之前聽朋友講Greenery既Lunch Buffet有6折優惠我就早2個星期就book台,好開心可以享用到呢個優惠!! 同媽咪&仔仔準時12點就黎到,唔洗等位好快就有人帶我地入座了! 高效率..LIKE呢隻個環境好舒適,而且樓底好高好光猛!首先享受我既前菜啦,凍海鮮好鮮甜,唔會話有好大陣既雪味,值得一讚!!而且沙律都有好多款唔同既選擇!!之後就食OPENRICE推介既海南雞飯,雞好滑而且油飯好香!! 真係無推介錯呢度甜品都有好多唔同選擇!每樣都試D....我最鐘意就係佢一杯杯個D甜品,真係好好味!!最後食左2球H記既雪糕...好滿足!!總括黎講,,6折可以食到呢次既Lunch Buffet我覺得係好抵!!如果遲下仲有呢個優惠,,我會再book台同我老公黎食!!

適逢媽咪生日同埋細佬帶女朋友見家長，所以就揾個就大家搭車嘅地方食飯。其實以前喺尖東返工嗰陣都成日去greenery食buffet,不過轉左工就冇去lu。一去到除左見到同以前一樣有singer唱歌之外，仲多左個靚女singer一齊合唱，show time感覺就更加豐富。一開始就梗係食凍海鮮同魚生啦，蟹腳同以前一樣咁鮮味。驚喜黎喇，石斑壽司都係第一次見/食，就連成日去日本嘅uncle都話好味，肉質彈牙。第二驚喜:“海葡萄“，連媽咪都話睇電視介紹過，我就聽都未聽過，我真係大鄉里。D海葡萄加左柚子醋，所以味道好清新同開胃。一行埋去熱盆就見到炸到脹卜卜嘅廣島，就即刻夾左4隻自己食晒，好味。到切蛋糕喇，服務員已經同singer夾好時間唱生日歌，再加埋singer 嘅可愛同幽默，令慶祝嘅氣氛更開心，媽咪笑了！

開頭打去book位,話好滿,要一星期後先有6折位.心想好似好勁噉.去到見到多數是強國人同老人居多,心想有點中招嘅感覺.冇法啦,唔來都來了囉!未夠鐘已經好多人走去等搶海鮮,真係好驚.食品種類唔太多,以肉類為主,好一般嘅食品,比起其他尖沙咀接近價錢嘅酒店,算係低當次.都有些食品可以嘅:長腳蟹,南瓜湯,海南雞飯,藍梅芝士餅,pancake+雪糕長腳蟹:新鮮,但好淡,唔知點解食完後個碟有好多橙色一點點嘅嘢留係隻碟道.南瓜湯:幾清甜,口感唔錯,幾香濃南瓜味.海南雞飯:油飯幾香,雞好滑,做得唔錯.藍莓芝士餅:藍莓醬唔太甜幾好味,芝士餅香而不重味,入口都幾舒服,唔會太飽肚.pancake:做得好滑好香,加Cream好好味.雪糕:咖啡味幾好味,不過唔夠滑,食落重會有d雪粒.好彩有6折,唔係真係要買鎚仔.

與友人相约到帝苑食buffet，酒店每人送一份帶子同鲍鱼仔。雖然鲍鱼的size不大但味道不错，帶子配忌廉汁同鱼子非常配合且帶子真的非常大。Seafood方面有鱼，小龍蝦，麵包蟹等，水準不错魚生OK尤其三文魚肥美非常。甜品選擇很多味道不错且因size不大多吃幾款都不怕

好像很久沒有與家人吃自助餐, 今晚, 選擇了帝苑酒店的The Greenery。記得上一次到這兒, 已經是四五年前, 座位安排在WINDOW旁, 那邊感覺較擠迫. 但今晚坐位安排在中庭庭園位置, 旁邊有水池, 空曠開揚, 環境相當不錯, 加上有精彩的樂隊演奏, 頓時忘記煩悶工作.. 好, 要盡情去吃!我較愛冷盤食品, 刺身有七八款的選擇, 試了油金魚, 立魚及三文魚, 三款都很新鮮甜美! 壽司有四五款的選擇, 全部都是火炙的, 我最愛的燒三文魚壽司, 大片又肥美, 只嫌飯是箱壓及預先處理好, 形狀太大, 夾得不容易, 吃多兩片很快飽肚。記得上次吃了長蟹腳超級回味, 今次當然沒有錯過, 而且仍保持水準, 一樣的鮮甜多肉美味, 還有麵包蟹, 龍蝦仔等冷盤海鮮, 應接不暇!另外我們每人送了一客珍寶帶子和鮑魚仔, 嫰滑帶子調配魚籽及忌廉汁生色不少, 鮑魚仔味道不錯, 煙韌又軟腍。這兒甜品值得推荐, 有即造班蘭班戟、朱古力蛋糕和冰皮朱古力卷

坐位舒適寧靜,食物份量充足,夠3-4人享用.食品選擇及其賣相精緻美觀.有別於一般洒樓嘅感覺,環境適合朋友聚會傾談,星期一的晚上用餐,沒有繁忙等位的感覺也沒有冷清冇人的現象,墨魚丸很香口,冬陰公蟹蓋味道剛好,斑頭腩新鮮冇骨,豬仔骨淡味一點,芋泥包仔好好味,若甜品份量加大少許就更滿足.

琴晚媽咪生日，為咗輕微報答一下多年嘅養育之恩，所以就決定帶佢到the greenery嘅buffet食一餐豐富嘅dinner。先唔講食物，那環境實在不俗而且幽雅，我地坐咗係全場正中間，雖然俾幾張枱包圍住，但位與位之間都有段距離，唔算逼夾，坐得都幾舒服，而且又剛好對正舞台，就算俾其他食客遮住都可以看佢地嘅大螢幕or電視機。真係要講講現場嘅駐場男歌手，邊彈鋼琴邊唱英文歌，相當浪漫，不久更有個女歌手上台獻唱，歌聲同樣貌都一絕，使全場更有氣氛。由於打電話前有講到有人生日，所以仲送埋個生日蛋糕，最正係可以要求上生日蛋糕時點生日歌，讓歌手即場為我媽咪唱生日歌，使她樂透。同埋要講埋啲staff 超好服務，主動幫我地一家人影大合照，仲等我地影好哂相媽咪吹好蠟燭許埋願再主動問我地需唔需要幫手分蛋糕，照顧周到之餘仲好好笑容，值得一讚！開始講食物，種類都幾多，雖然冇生豪，但都有其他凍類食物，好似長腳蟹，龍蝦仔，煙三文魚咁，食落唔錯仲好新鮮。熟食真係要講講佢嘅燒牛肉，即叫即切，配上佢地嘅汁口感味道一流，肉味好出。而佢地仲有好多不同種類的熟食,例如鴕鳥肉,鴨胸,青口等等.其他嘅仲有串燒同埋燒味，佢地啲叉燒同燒鵝

最近一家人到尖東帝苑吃 Buffet, 因數年前曾到過該處，感覺大有不同，沒有了地上的小橋流水，去增多了座位，但當晚見人客佔了九成多，還有歌聲及琴師助慶，氣氛很好。最近春天天氣不穩，令人很多時都覺得氣管不，卻發現有鱷魚肉燉螺頭湯，甚為貼心的安排。本人喜歡海鮮多一點，有多款蟹選擇，肉質鮮甜。要了一過白灼海鮮及蜆等，湯底很鮮甜，可惜有一兩隻蜆還未吐清沙粒，稍為美中不足。還有中秋才可吃的冰皮月餅，但卻有冰皮甜品，它的冰皮朱古力卷，內有脆米黏著朱古力醬，外包著冰皮，不太甜，很好吃!

琴日同三個朋友黎左雅苑座試左dinner buffet,呢度既環境真係好幽雅，現場有駐場歌手唱懷舊既英文歌，十分浪漫。我覺得呢度好適合同一班朋友一邊享受自助餐一邊暢談。buffet食物種類都幾多，長腳蟹等既涷類食物都好新鮮。本人最喜歡係甜品區，朱古力噴泉同班戟都好值得一試。朱古力噴泉除左水果外總有泡芙可以選擇。buffet送左一人一客既珍寶帶子，配上魚子醬真係好好味。

曾幾何時，初次到來「帝苑酒店」這「雅苑座」餐廳吃自助餐時，覺得環境不錯，食物選擇既多，味道也好。多時沒來，在聖誔假期的某一天中午，趁著不用上班，曾經再去吃自助午餐，想不到環境依舊，但食物卻似乎並不如前，令自己好生失望。無疑，它的食物仍是有一定的水準的，好像「海南雞飯」，仍然雞滑飯香，保持水準。刺身款式雖不太多，只得三文魚、吞拿魚、八爪魚和鱲魚四款，總算新鮮，而且也切得慷慨。但凍海鮮只得長腳蟹爪、凍蝦和青口，種類就不多了，而且味道也普通。至於熱盤方面，亦只是普普通通，令人印象難忘，由衷地覺得非常好味的不多，比較突出的我覺得已是燒牛肉了。即叫即製現場烹煮的自選材料意粉也是一個較為吸引的部分。而在甜品方面，則還是較好的，原味班戟與較特別的班蘭班戟都好吃，一些小甜點和蛋糕味道也較佳。多款的「哈根大師」雪糕，也值得一嚐。不過以它用信用卡折扣過後的價錢，仍要二百多元，而在服務方面卻因為人手似乎不太足夠而強差人意的表現，我就覺得這自助午餐只是 OK而已，在這價錢範圍之內還有其他更吸引，性價比更高的選擇呢！

超滿意滿足抵食開年自助晚餐, 原本只係普通自助餐, 但最後好多野意料之外好誠意嘅above average!! 價錢: 過時過節食自助餐實, 睇openrice內容介紹開年飯已格價, 計過$588 + 10%呢度大酒店過時過節黎講算合理~ 點知賣單時侍應提我地好多信用卡有8折, 4個人平咗差不多$700, 每人連加一約$510, 咁多食物質素服務又好!! 好開心嘅bonus 環境: 有live music live piano guitar, 可以點歌, 所以食得好舒服自在; 年初一仲有財神同每一位派利是, 雖然只係朱古力金幣, 但小朋友開心, 大朋友又好意頭 食物: 好多選擇試唔哂, 質素平均好!! 今次新年名為" 風山水起 年年有餘 帝苑新春賀年自助晚餐", 我已做哂research, openrice例咗 意頭菜式, 我好迷信講意頭嘅人所以揀呢度~  新春自助晚餐特備每位客人更可獲贈一客兩隻的翡翠蠔皇鮑魚: 雖然size不大, 但ok, 煑得啱啱好個汁好好味!! 撈起: 係三文魚刺身, 鮑魚絲, 菜絲(青瓜, 蜜瓜,

今日同女朋友一齊放假，去咗朋友仔勁讚嘅 Royal Garden 雅苑座食buffet ；因為落雨，所以早到咗攞位先，個帶位姐姐好好人，見我哋攞住好多嘢，俾咗張4人枱我哋坐得舒服啲 唔似得有啲Hotel唔理客人需要因為時間尚早，buffet未開始，我哋一於趁機繞場一周，睇下有咩吸引先……女仔都係情有獨鍾於甜品……其實仲有好多好吸引嘅熱盤選擇，有爐端燒，海南雞飯，即切火雞肉，燒牛扒；最重要當然係朋友仔極力推介嘅蟹腳啦一開始當然要品嚐一下蟹脚真係好鮮甜 ，啲刺身好新鮮；經過一輪冷盤，當然要品嚐下啲熱食啦……跟住又點會少咗女仔嘅至愛甜品時間丫加埋杯好好味嘅咖啡，絕對係完美嘅ending P.S. 除咗食物有水準同質素外，當然唔少得有好嘅服務態度啦值得一讚嘅就係：每位有直接接觸或者係八卦留意到嘅員工都有親切嘅笑容，仲有最重要係有一種俾到客人貼心溫馨舒服感覺嘅服務態度一定會繼續支持，希望下次會再有驚喜

屋企人生日, 就去了雅苑座食 DINNER BUFFET會選雅苑座, 一係價錢中等, 唔算貴. 二係屋企有人唔太食生冷野, 據聞這間熟食款式比較多, 所以就選了這間海鮮類雖然沒有新鮮生蠔食, 但食了長腳蟹, 蝦, 青口, 和煙三文魚, 味道幾鮮甜, 唔錯魚生吧有人負責分配魚生, 要了三文魚和油甘魚, 厚切, 幾肥美旁邊有人烚海鮮, 我點了三款, 貴妃蚌, 帶子和花螺. 貴妃蚌和帶子只給一個, 花螺就給了一大碟, 最後要分俾其他人食, 而味道方面, 覺得烚完沒咩味牛肉, 牛舌, 炸蠔, 哈密瓜火腿都 OK食到這裡已經開始飽了, 轉食甜品. 試了幾款芒果和朱古力的甜品, 幾好食 雪糕係 HAAGEN DAZ坐咗陣, 忍不住再去要多個 PANCAKE, 入面放咗雲尼拉雪糕和香蕉, 好香椰香味, 這個好食服務唔錯, 侍應收碟好快, 加水都快 

二家姐生日快到了，為了送她一份好好的生日禮物，帶她到帝苑試一試這裡的buffet一早book了位再次光臨帝苑，環境依舊這次特定要求了一個近窗最角落的位置，比較不遠又靜一點首選吃的當然是刺身和沙律因的不吃刺身的關係，只盛了一碟沙律不過聽家人的評語好像很新鮮，挺肥美的說沙律方面有已拌好的沙律如雞絲沙律，粟米沙律等亦有自己選菜再加配料再搭上數個醬汁如千島，凱撒等我試了些粟米沙律，粟米稍縑不夠甜，夾雜了些蘋果倒挺爽口，味道鮮鮮爽爽的拌了個千島醬沙律，習慣性地加了芝士粉，麵包粒，菜葉很爽口，很對我胃口，前後吃了兩大碟吃主菜前先喝了中湯及西湯各一碗西湯是普通忌簾湯，正正常常沒甚麼特別中湯是我至愛的椰子雞雞味夠反而椰子味假若再重一點就更好了，整體來說咸味適中，很好喝碰巧每人送一隻大閘蟹，別看賣相只有小小一隻，內裡挺足料的，夠多膏，已超出我心目中送的水準！在熱食處行了一圈，有紅酒牛尾，羊腩，意大利飯，串燒，印尼薄餅，燒豬腩肉等印尼薄餅有點重口味，上次來帝苑嘗過不太對我胃口羊腩很腍不太膻，很好味意大利飯不得不讚一下，飯乾濕適宜，很香芝士味，雖然明知很飽肚，但仍忍不住吃了一大份串燒我去看的時候只剩少量，等

星期日先岩岩食完酒店自助早餐，隔幾日又食自助晚餐，真係又肥又滿足! 同男朋友拍拖週年紀念，呢個地點係男朋友揀既！之前有聽同事講呢度既甜品好好食，不過我唔係好鐘意食甜品，所以ignore左同事既comment！應該係做緊promotion，有大閘蟹(一人一隻)，雖然細左啲，但都幾正！不過喺自助餐食大閘蟹好似有啲煩！(酒店有提供較剪)我好欣賞啲煙三文魚，卷得好靚。但醃得太咸啦！仲有我既欣賞個中湯，好熱、好甜、同好鮮！另外，個環境幾好丫。啲位雖然逼左啲(香港係咁架㕸)但氣氛唔錯！仲有駐場歌手唱歌，應該係菲律賓人黎既。佢唱左我最愛的Fly me to the moon，非常切合慶祝紀念日之後佢仲最廣東歌，唱左最hit既歲月如歌雖然我唔好甜品，但係食自助餐就係要乜都食下既心態。我都有夾左啲。佢地既甜品真係好好味！原來我同事話呢度既甜品好正真架同埋仲有最流行既macaroon本來我諗住用黎做影相道具(哈哈！港女自拍)但係我覺得都唔錯呀!非常滿足既一餐，真多謝男朋友既精心安排！