隨心 (已搬遷) 新店位置

TGIF，又到一個星期最令人愉快的一個晚上了，今次同朋友仔黎側漁涌呢到搵野食~見到呢間食馬拉野的餐廳似乎不錯喎~ 餐廳環境都不錯，位置闊落，坐得亦舒服，而D姨姨都好友善好好人.. 第一印象不錯! 無骨海南雞飯 $85朋友話想食海南雞飯，於是就叫左一份黎試下，D雞咬落好滑，D飯落左好多雞汁落去，但食落唔會好淋，飯粒仲keep到煙煙韌韌，好好味!海鮮喇沙 $85份量岩岩好，配料十足，有兩隻蝦，魚片，蟹柳豆卜等等，D海鮮食落都好新鮮tim! 而個湯底味道辣道剛剛好，配合香濃的椰汁味，非常醒胃.. 本身不太吃辣的我好中意呢個湯!  另外一提的是，佢地個麵底係米粉+瀨粉，食落口感特別，而且都好正宗!沙嗲串燒(6串) $65最後叫一份沙嗲串燒~ 內有豬肉雞肉串燒，肉質同口感都不錯。