陸陸雞煲火鍋 (已結業)

特豋down個app黎負評 食開一品 唸住食啲新嘢 路過見到好似ok咁就入去啦 結果 啲雞啲鍋底完全冇味 啲雞份量又少 得幾舊肉 其他都係骨 一啲香味都冇 真係請都唔食 係得啲牛好少少

伏中之伏冇睇個差評真中伏首先大雞煲得好小雞、唔知有冇半隻、全冇雞味、雞煲個湯差到暈、好油冇咩辣味仲要甜完全唔掂所謂手切肥牛其實味道不差但好細件而且完全不似平時正宗手切今日最長見識係炸魚皮竟然係腥、去cheap cheap俾食都未試過午餐肉好腍、食左一啖已經唔掂、加埋個個得個油字的湯底完全突顯唔到食材味道、真心好差而且每碟價錢唔平但勁細碟總結一句：非常垃圾唔怪得完全冇人排隊、尤其係星期六的晚上我地去主店另一間直頭拍烏蠅

約埋好朋友團個早年，天寒地凍梗係食雞煲。呢度用ipad點菜，你叫侍應加乜加物佢會話你要自己撳先得飲品方面都幾多特別選擇，我叫咗芒果冰幾好飲，唔太甜啱啱好。主打嘅雞煲，叫咗小辣，但有啲唔太食得辣嘅朋友已經嫌太辣要不停飲嘢。我自己食得辣嘅覺得ok，反而係嫌啲雞肉一般，肉質麻麻，雞味欠奉。火煱配料如肥牛、響鈴、手打丸等卻有驚喜，質素不亞於港式火鍋店舖面有少少迫，不過土地問題旺區食嘢係咁可體諒。現場抽氣效能不足，食完返屋企連底衫都有雞煲味所以大家唔好著啲難洗嘅衫入去食。

琴晚跟好朋友一行8人點左兩個雞煲，雞件都多，每人食到5 6舊，like左Facebook仲送肥牛！因為有d朋友唔食得太辣，於是叫左小辣，但原來都幾辣，但都幾刺激，同埋夠入味。食之前，d店員會行過來幫你炒下，食到差唔多就可以加入清湯，再落鎹，d雞煲汁加左湯都有味，加入薯粉超好味，肥牛算正常，響鈴同魚皮都夠香口，野飲夠特別，香蕉冰同芒果冰都好香但唔會太甜，叫兩杯仲有優惠。唯一就係坐得有小小逼，都值得番兜。

朋友之前食過白布街呢間陸陸雞煲話好味，所以朋友生日再來食，訂左5位坐地下那層，坐下睇到有一張單張說 ”如果讚好Facebook 專頁就可以有優惠” 有筍嘢更係拿拿聲做，我地4人讚好之後給服務員看，選擇了一碟炸響鈴價值$45, 真係抵! 落單係用iPad 自己選擇。我哋5個女仔叫了一個大雞煲$228，一個半隻雞煲$158，我哋先食晒所有雞件，我哋個個食得辣叫了中辣剛好食到，d 雞件好夠味好惹味, 之後加湯打邊爐，手切肥牛好滑，店內特別推介係油炸鬼釀墨魚滑，索左湯汁咬落還有脆口的感覺，正! 但小心淥菜時索咗辣油會嗆喉。

呢篇其實係我第一篇食評，我都好遺憾係篇負評..冬天其實不外乎都係打邊爐食雞煲，行開旺角search到呢間有二百幾個好評，其實都無去深究啲負評講乜，就已經直頭走去walkin了。以事論事，舖頭設計同裝潢係睇得出有心思，連點個菜都用哂ipad咁，第一印象無可否認係幾良好。不過！奈何雞煲唔同文青cafe，並唔係話食吓氣氛影吓相就會滿足，我哋係真心想食雞煲先黎，點知伏哂。論雞煲，我哋兩個人，望住煲嘢半隻雞幾條頸，成煲啲雞都無肉，已經食到你眼望我眼。然後真係要講吓個味，係油味！純粹嘅少辣加油嘅味！擺舊雞入口，夾硬食到少少肉，跟住就就有陣辣味，跟手就成口油，個味道就係咁，我一路食一路開番啲負評黎睇，個感覺好似搵到同甘共苦嘅朋友咁，啲共鳴感出哂黎。然後加湯變火鍋，哇，個手切肥牛，大份到我個口大少少都應該可以一啖就吞哂，其實個肥牛本質唔曳，仲好食過啲雞幾廿倍，但個量真係對唔住個價錢。再講埋個菜，我地嗌咗一碗好似拼盤咁嘅菜，乜都有啲，得呢個算中規中矩正路啲。最後講埋嘢飲，我地望到隔離檯嗌咗啲檸檬梳打，好大樽成jar咁上，以為掂啦，四十幾蚊兩份分啦諗住，點知連梳打呢啲咁入門級嘅嘢，都可以整到好似真係飲緊梳

想話食下雞煲，唔好成日都去一品同汀汀啦！見66雞煲咁多人話好食，就係你啦！入到店內，聞到好香呢～～雖然覺得小貴啦，但好食既話都可以～結果雞煲本身唔好食！又話有麻既？點解咁鬼甜既？雞煲唔香既？叫左鵝腸，預左份量唔會多，但實情係少到嚇一跳！部份鵝腸啡色既？我諗食左都無事既，只係唔靚啫蚌ok的菜盤都正常手打墨魚滑ok的百花釀油條？油條硬中帶脆，都ok,但「百花」太實連拎起相機影相既意欲都無稻香都好食過佢🤦🏻‍♀️係裝修靚d（但張枱頂腳，櫈唔好坐既）

同朋友在旺角行街買波鞋，買完鞋餓餓地想醫吓肚朋友就提議食雞煲，話附近有間好好食，一於接受佢既提議去試吓，順便休息吓去到門口已見好多人在排隊等位，侍應話最少等四十五分鐘至一個鐘既然來到又話噤好食，即管等吓，在等待時候聞到雞煲真係好香好想快d入來試吓，終於坐低即刻睇吓叫乜先，我朋友話叫個陸陸雞煲（例）選微辣，另外追加豬軟骨，兩個人都夠食冇再叫其他嘢雞煲滾起開蓋即刻香氣撲鼻，雞好嫩滑而且好入味，個汁辣辣地丶甘甘甜甜豬軟骨啖啖肉，咬落軟軟腍腍，今次朋友真係冇介紹錯

早早6:30pm去到呢間舖頭 仲有好多位置，但係無雙人檯，兩人去一定要同人搭檯。呢點唔係好鍾意。叫作幾樣小食都幾好食，所以都好期待個雞煲。個雞煲係夠辣夠麻，但係唔夠鹹香味，好似淨係得辣味。都叫左招牌推介既油條釀墨魚滑同埋黑白墨魚滑，墨魚滑非常不夠爽口，同埋有少少腥味，唔鍾意。叫作一個蔬菜雙拼，幾十蚊得果少少量蔬菜，好唔抵。總體感覺呢間不如openrice上既評分甘好食。如果順路經過可以嘗試，但係唔值得特登去食或者排隊😢😢

鍾意食辣雞煲嘅話，你間一定要試，已經食過好多次，每一次水準都保持到。辣到有得選擇，如果食唔到太辣可以揀小辣，食完再加清湯打邊爐都係一個好好嘅選擇，而且材料好新鮮，薯粉一流

聽朋友介紹黎到呢間食雞煲 本人都鐘意食雞煲架 但呢間真係朋友介紹先黎食 咁就試下作佢先啦 今日叫左個小辣既雞煲 我另一個朋友唔食得辣所以先叫左個小辣 味道唔錯作佢個辣係麻辣黎

想食雞煲 但係之前成日都聽到呢間但係都未食過 終於食到喇 妹在吾使等位 兩個叫左半只雞 都夠食 味道吾錯 啲雞都幾入味幾惹味 加左牛肉 好味 加左蠔 雖然係急凍但係都好重蠔味 冇雪藏味 絕對值得叫 有驚喜

見門口都好多人排隊 但係係門口都聞到好香既雞煲味 就一於排個隊 食下睇下係咪真係咁正先 叫左雞煲 小辣 辣味都唔錯 我本身係食得辣 所以我覺得下次可以叫個中辣 我覺得辣味唔係好夠 不過個辣都幾香

天氣一轉凍就會想食雞煲再打邊爐，朋友推薦左呢間，我地一行四人，叫左細既微辣雞煲，怕辣既都唔驚，一啲都唔辣，啲雞都幾滑幾入味, 四個人食份量啱啱好。如果食得辣既朋友就叫大辣試試啦。食完惹味既雞煲，店員就會幫你加清湯，幸好佢唔係加水！我地叫左好多配料，牛肉$168，叫左啲雙拼既菜加粟米，墨丸，魚皮，豆腐，響鈴，帶子，牛柏葉⋯⋯所有野都幾好食既，但份量就真係有啲少，細細碗既菜都要$44-48，真係有少少貴。而且間舖係分上下兩層，枱同枱之間只有一部iphone既距離，好迫，坐得一啲都唔舒服，如果要俾呢個價錢，可以食好啲。

呢幾日天氣變凍，最好就係食雞煲加打邊爐。朋友話試過唔錯，所以即刻去試下先😋😋我地一行四個，都好多人係到食緊，位置比較窄，有啲配料都冇地方放。呢個雞煲有分大辣中辣小辣，啲雞質感都幾滑，味道足夠。暖肚一流👍🏻👍🏻到牛肉黎啦！好新鮮，但好薄，同價錢有啲貴要$168。我都唔捨得再叫多一碟😂😂魚皮好大片, 好硊，味道好👍🏻👍🏻我地仲叫咗新鮮墨魚丸，好特別，有黑白兩色。好好食 🤗😋😋仲有玉子叫，所以一試， 感覺普通。