陸陸雞煲火鍋 (已結業)

朋友之前食過白布街呢間陸陸雞煲話好味，所以朋友生日再來食，訂左5位坐地下那層，坐下睇到有一張單張說 ”如果讚好Facebook 專頁就可以有優惠” 有筍嘢更係拿拿聲做，我地4人讚好之後給服務員看，選擇了一碟炸響鈴價值$45, 真係抵! 落單係用iPad 自己選擇。我哋5個女仔叫了一個大雞煲$228，一個半隻雞煲$158，我哋先食晒所有雞件，我哋個個食得辣叫了中辣剛好食到，d 雞件好夠味好惹味, 之後加湯打邊爐，手切肥牛好滑，店內特別推介係油炸鬼釀墨魚滑，索左湯汁咬落還有脆口的感覺，正! 但小心淥菜時索咗辣油會嗆喉。