陶源酒家 (已結業)

12/11(三) 3:15pm三點三的下午,提早離場,與阿梁結合到"陶源"喫下午茶.下午茶時段,店內人丁單薄.甫坐下,侍應已告知四點為截單時間,快手點了雲南野菌餃(中),蘿蔔糕(中),灌湯餃(頂),煎腸粉(大),蜂巢鳳尾蝦(大),生煎包(中)及奶皇包(中).下午茶點心全部七折,原價價錢分別為$16.8,$23.8,$28.8,$33.8,$36.8.點心水準總體不俗,以灌湯餃的燕窩魚翅餡及煎腸粉的薄脆可口最為人樂道.蜂巢鳳尾蝦及蘿蔔糕也對味的.至於野菌餃及生煎包可免則免.餃皮厚得俗不可耐,萎縮的生煎包更是油光滿碟!侍應們的服務竭誠得有點過位,感覺倒有點不自在,花消$175的下午茶,偶爾一來,不為過也...

今日泥陶園酒家飲茶。十二點半前去到即刻有位。坐低無耐有個侍應埋泥話無炒粉麵，有炒飯，不過要耐啲。由於人未到齊，就叫住四碟點心：蝦蛟、蘿蔔絲酥、黃金鳳尾蝦同埋叉燒包，同埋再叫多個荷葉飯。無耐之後，個侍應埋泥同我哋講無晒荷葉飯，同埋我哋所叫個四碟點心，得番叉燒包。佢話廚房入面個爐爆咗同埋啲油淋咗落去啲料到，問佢有咩食，佢話得蒸點。算啦照食啦，點知愈食就愈多油煙，真係好似無晒冷氣咁，件衫成陣味。叫買單叫咗兩次都唔得，最後要去佢個櫃檯到俾先得。今次食物質素，無可奉告。酒樓應該一開始就話有咩問題，佢係我哋坐好哂，叫晒嘢食先講，搞到想走都走唔到。

咸點: 蝦餃$28非常之鮮味,不過又有點假,飽魚汁义燒包$28做得不錯,但講真並不懂得什麼味是飽魚味飽魚汁雞腳$33好味道飽魚雞粒酥$33我以為是同义燒酥差不多樣的東西但原來是同雞批差不多樣的,而且是中空的,雞粒本人找不到,飽魚更不用說,實在搵苯帶子腸粉$18因為是特價所以是底食的水晶素菜餃的餃皮真的很水晶而且亦有咬口,反而粉果做得太精緻這是現在一般高級食肆的漏病,總是將粉果皮做得太薄致粉果不似粉果,很是奇怪甜點:全餐唯一的甜點,宮廷燕窩糕只可以形容成椰汁糕無什麼特別總括來說,雖然價錢較貴但食精一點的話還是可以的

今日有個朋友帶我黎呢間陶源, 佢話呢度d"雞煲翅"好好味喎~咪同幾個朋友一齊黎試下, 點知原來真係好好食架, 仲有其他野都好好食架, d服務都唔錯tim~~

Have order a nice fish, but it was overcook, a wasteStaff blame the problem is the fish !, Service is terrible, brought a ice cream cake to the restaurantstaff forgot to put it in the fridge and the cake melt !Staff again blame their fridge is broken ?Suppose to be a good restuarant, but cook is bad and service is bad

29.6.2008 (日)是日同屋企人去永安同先施shopping,因為我要買游衣黎學游水咯...買完野就順理成章又黎陶源飲茶la~由於事隔成差不多成一個月,都唔係好記得食過乜野lu,但係記得係好食,個o個乜鬼煎堆仔好好食!!!陶源d野係唔平架,不過真係一分錢一分貨囉! (係蝦餃麻麻,一夾d皮爛晒)

同老婆屋企人食晚飯，七點鐘唔算多人。這裡鮑魚出名，但係今晚無食。 例湯 - 清清甜甜原盅燉。拼盤 - 燒腩仔最滿意！炒豆苗 - 夠鑊氣。 茄子煲 - 好油。生炒骨 - 香口，肉汁鮮甜。蒜香雞 - 肉質算滑，皮幾脆，但無乜雞味。杏仁露 - 杏仁味香。 唯一係侍應唔加水，連部長都好忙，行黎行去，一樣唔加水，叫左三次先加一次

咁啱行經..見到又忍唔住.. 食左個芒果cream puff同埋香芒糯米'遲'兩樣都5蚊佢話樓上新鮮整 放落黎賣但個puff 好硬... d cream又實得滯... 成舊野無乜味...有陣酸味添反而個糯米'遲' 幾好...皮薄多料~5蚊一粒 都算抵啦不過有心食飯甜品..就唔推介啦... 一路行一路食既小食..就幾抵既

24.4.2008 星期四由於唔知邊個太"醒目"o既關係，搞到我經過左個中環，去左北角，結果又要返番去上環，xya%#$!&@...!!本來某人諗進黎飲個煲咩胡椒豬肺湯o既，但係唔知邊度定廚房出錯左，結果無得飲，某人當然又晌度嘈嘈閉...好煩，食餐飯都要嘈！叫埋ｄ送又完全唔開胃，淨係得個咕嚕肉岩我食...唉。基本上我成餐都淨係食咕嚕肉撈飯，那個甚麼鵝掌呀、鮑魚呀，我都無食，因為我都唔鍾意食。聽亞媽講話覺得碟鵝掌鮑魚淡左ｄ，但係就好軟林o既。個豆腐...好滑。個腐皮...無意見，裡面係木耳同唔知乜野，點食呀，齌黎架喎？至憎食齌...!!!個咕嚕肉好好味，粉漿好薄，仲食到係脆脆地架添!每餐實有生果盆同桂花紅豆糕送。好無奈o既一餐~(笑面係俾咕嚕肉)

13.4.2008 星期日上次晌哩度食完隻片皮鴨又送張雞燉翅coupon俾我地，咁梗係又去食過啦。。。約埋公公婆婆，總共五個人一齊去食。時間係晚上７點鐘，都唔係太多人，哩度一向都唔爆場，可能係地理的問題吧。叫左：1.雞燉翅(半價) $2xx -- 好正好正!!好足料，啖啖翅，湯亦十分濃郁但又不會過咸，很好~ d雞亦煲到軟晒，一咬落去骨肉分離，正啊...!!!2.拼盤--有水準，脆皮燒腩仔仍然咁正；炸豆腐都好好，唔太油，炸得恰到好處。3.蛋白炒蝦球--ok，幾清新，蝦亦新鮮。4.松姬茸遼參豆腐煲--淨係食左豆腐，幾好。5.瓦"撐"豉油雞--正呀~~幾入味，雞又嫩滑，好味好味。6.粒粒濃湯扒時蔬(咁上下啦個名)--d菜唔知做乜咁硬...送左生果盤同杞子桂花糕，生果不錯，桂花糕我一向唔鍾意食，無意見。埋單九百幾，每人平均消費二百幾。如果以食物質素同服務質素黎講，其實都唔算話好貴，都係值咁o既價錢o既。

公司開年了, 老細豪開, 叫哂所有人黎陶源, 開碗翅, "浪浪口" 魚翅, 我一向好欣賞陶源, 完全沒有失望.另外燒味, 中午小菜, 很有水準, 可能是過左兩點, 人少, 服務質素好, 出菜又快, 老廚炒得好食.最後每人一個杏仁露, 甜一甜回去, 正式開工!

上星期有個客請食晚飯,大家在想旺角有什麼靜局d既中菜酒樓,想了很久,原來在仕丹福酒店地庫有間陶源酒家,環境不錯,很歸一,不用左轉右轉找朋友,房廳在下一層,環境很岩商務傾生意!果晚點了一個佢地話鎮店的殿堂級叉燒,真的好好味,肉質又鬆又滑,味道甜香,燒腩仔,卜卜趣,細細舊,好骨子,5花腩,不肥,真的好正...仲有生炒骨,跟一般酒家不同,不是一舊排骨去炸,而是將豬肉切成長條狀,沾上粉去炸,食落去,感覺到薄薄的一層脆皮,肉質爽滑不黐牙,肉汁豐富,很新鮮!侍應話,佢地既生炒骨沒有用色素染料,紅色的獻汁是用紅谷米淆出來的,食客大可放心!全晚我最欣賞就是那個雞煲翅,4位用,足8量翅..wow,煲鷄湯又香又濃,成煲都是金黃色的,是用很多隻鮮雞慢慢淆出來,不含味精,現配合不同火喉,d鷄又要煎過可出味..wow,聽落都好多工序..8量翅很足,一啖一啖..wow,很豪啊!!甜品,當然試了他們的旦白杏仁茶,果然名不虛傳,生磨杏仁茶..用了不同火喉,才可將杏仁茶煲至起膠,熄火後,再落蛋白..聽完都唔係好明點製!不過,唔駛怕,個侍應話,佢地老闆全哥一月二十六日,在有線娛樂台,主持一個三分鐘節目,教人點樣去學"食"

中午時段上到二樓飲茶一上去, 檯擺得好密, 坐得唔舒服.食方面荷葉飯, 瑤柱好多, 味道很好部長話好搶手, 一炒起就好快賣哂點心賣相好好, 湯做得唔錯不過冇計, 中午黎, 中上環滿是lunch客

2007-09-17每次來飲茶都是在一樓的﹐無論是那個部長的環頭﹐每次都一定有生果送的(無論有沒有吃小菜)﹐但這次上二樓﹐吃完之後問了兩個都話除了吃小菜外是不會送生果的﹐有點不明白他們的運作。不過差不多12 點半才臨時訂檯都有位﹐都很開心了。這次沒有吃任何小菜/ 湯﹐只吃點心﹐所以埋單時感覺比平時來經濟多了。點心仍然有水準﹐不過就不見突出。最喜歡是芋茸炸春卷﹐真的很香芋頭味﹐我一個人就吃了半碟﹐想唔肥都唔得啦﹗紅油抄手都幾好味﹐不過原來冇人鐘意食﹐要我一個人清晒﹐如果再辣些就更好。吃了這兩樣﹐和幾條淥得不夠淋的芥蘭﹐其他的點心(牛肉丸﹑花生炆鳳爪﹑腸粉﹐甜品等) 就吃不下了﹐不能置評。

2007-08-21承蒙食友更正才知道正名士奶豬﹐就是還未戒奶的豬仔﹐比乳豬還要小﹐所以幾個人都可以點來吃﹐更何況這次是酒家免費送的呢。事源上次來飲茶﹐女部長介紹說4-5 個人8 月份來晚飯就有得送﹐當然要問清楚4 個人是不是有得送﹐答案是正面的。趕巧兩個姑姐來找我﹐順道叫埋弟弟4 個人齊齊去試奶豬去也。下午打電話去訂位時再一次確認是否4 個人都送奶豬﹐這時女部長說卻說要5 個人才送﹐4 個人只可以送燒味拼盤﹐那我說沒得送就不來了﹐才說要問過經理才行。10 分鐘後她回電說ok﹐已經替我們預留了一隻奶豬﹐我們才去晚飯的。去到是另一位女部長serve 我們的﹐吃了奶豬才知道原來要什麼贈卷的﹐上次的女部長又沒有給我們﹐也沒有說清楚。我跟她說沒有贈卷﹐心想大不了就給錢囉﹐不過心裡是有點不高興的。但這個女部長處理得不錯﹐她禮貌地說不要緊就走開了﹐之後都沒有再提過這件事﹐最後當然奶豬還是免費的。上次有樂意x 的脆脆乳豬﹐這次有陶源的脆脆奶豬﹐各有千秋﹐不分高下。起初以為奶豬也是只吃脆皮的﹐但原來是整隻連肉剪開一塊塊的﹐所以是脆皮連半肥瘦的肉一起吃﹐一口咬下﹐多重口感﹐絕沒有膩的感覺。難得有這麼好吃