陶源酒家 (已結業)

今日泥陶園酒家飲茶。十二點半前去到即刻有位。坐低無耐有個侍應埋泥話無炒粉麵，有炒飯，不過要耐啲。由於人未到齊，就叫住四碟點心：蝦蛟、蘿蔔絲酥、黃金鳳尾蝦同埋叉燒包，同埋再叫多個荷葉飯。無耐之後，個侍應埋泥同我哋講無晒荷葉飯，同埋我哋所叫個四碟點心，得番叉燒包。佢話廚房入面個爐爆咗同埋啲油淋咗落去啲料到，問佢有咩食，佢話得蒸點。算啦照食啦，點知愈食就愈多油煙，真係好似無晒冷氣咁，件衫成陣味。叫買單叫咗兩次都唔得，最後要去佢個櫃檯到俾先得。今次食物質素，無可奉告。酒樓應該一開始就話有咩問題，佢係我哋坐好哂，叫晒嘢食先講，搞到想走都走唔到。