陶源中菜

营业中

休息中

第一次使寫食評。晚飯叫了一條東星班，出嚟嘅係黑色。叫部長嚟了解下，部長話係東星班，一班姐姐喺側邊轟炸你話東星東星，之後部長又話乜野雜星班。咁究竟你係賣緊乜嘢星班？犯左商品說明條例吧。。。本人食開東星斑煮熟左都係紅色。台面紙巾盒污糟邋遢, 筷子好油。

兩小時大閘蟹放題 大閘蟹有三種煮法揀 太雕蒸,油鹽焗, 清蒸每次落單預大慨15分鐘左右上菜都算幾快有蟹公同蟹乸 雖然冇得自選但蟹公或者蟹乸都好味每隻都係蟹膏都好多仲好甘香原汁原味既就當然係清蒸油鹽焗都好特別, 太雕蒸就有酒香另外仲有特盛三式有鮑汁原隻鮑魚伴百靈菇,蟹黃扒豆苗同金湯小米燴遼參三款特式菜都好好味除咗大閘蟹仲有其他嘢食有片皮鴨,椒鹽豬扒,椒鹽蝦,壽包,奶皇包,手拍青瓜,甜品有楊枝甘露,蛋白杏仁茶,香芒布甸 種類都幾多食得好飽👍🏻

貼錢買難受，這是我的感受。我以下講的係全部真實感受，我唔會只係形容自己有幾貼錢買難受，可能有些朋友會覺得性價比還不俗，我只是提供我個人遇到的情況給大家參考。陶源唔知幾時開始由一間中級酒家變成一間茶餐廳，其實我都一早知道。康城陶源我都去過一次飲茶，服務及環境令人驚訝，因為茶餐廳至少有哥哥仔放低兩杯水，問你「食乜呀，快啲啦」，而陶源係沒有人理你，而且啲嘢非常陳舊。康城商場開了幾年我唔記得，但這間陶源的嘢好似用了三十年咁舊。講返大閘蟹放題，是日係中秋節。係我衰，我懶，我想食大閘蟹但我唔想自己整，所以我竟然再去陶源。網上平台先繳大約$558一位，兩人共$1116，埋單再另外俾茶介加一$150，所以總共係$1266。* 2小時無限任食大閘蟹、片皮鴨放題（放題點餐紙）* 【網上平台獨家】每位顧客可享 蟹粉小籠包（一件）、花雕熟醉蟹（一隻）、秘制妙齡乳鴿（半隻）* 【額外加送】每位顧客可享 特盛三式（鮑汁扣原隻鮑魚伴百靈菇、金湯小米燴遼參、蟹粉扒豆苗）* 用餐時間：第一輪18:00 - 20:00；第二輪19:45-21:45* 如你未有準時於預約時間抵達餐廳，餐廳將取消你的訂座，而

今日中秋節正日🥮，屋企人話要去飲茶🫢，咁所以就去咗呢間陶源中菜，我哋點咗蝦餃，燒賣，山竹牛肉，蝦腸，牛腸，咖喱魷魚，鳳爪排骨飯，黑芝麻流沙包，鮮竹腐皮卷。食物質素就好一般，一般酒樓點心嘅味道，冇邊一個點心特別話好食，勝在地方坐得夠闊落。但係地方雖然夠大，但係員工完全唔夠，我哋想加水或者添加其他調味料，完全冇一個待應可以幫到我哋，最後終於搵到一個㕑房佬去幫我哋，佢好熱心咁出嚟幫其他點心姐姐手，請問早上呢段時間其他部長去晒邊？🥹

上年去呢間酒家食大閘蟹好飽足，今年繼續約朋友大拆蟹一番。 🦀大閘蟹任食 太雕蒸蟹隱藏着輕微酒香，而清蒸口味保持原汁原味，油鹽焗比較重鹹香味。有部分會食到爆多嘅蟹黃，金黃軟滑。任食北京片皮鴨同生炒糯米飯 。片皮鴨皮香肉嫩，加上餅皮容易飽肚。每人限量：鮑汁扣原隻鮑魚伴百靈菇嘅鮑魚幾大隻，炆得夠軟腍。 金湯小米燴遼參比較少見，味道香濃，蟹粉扒豆苗嘅蟹粉份量慷慨，每口豆苗沾滿蟹粉。 小菜嘅椒鹽海蝦同豬小扒惹味。避風塘雞翼大大隻，滷炸豆腐同白灼生菜清下膩口感，不過份量比較多。 甜品嘅楊枝甘露同香芒布丁幾足料。 壽包大到啱啱塞到入籠。 服務仍舊好周到，會主動收碟速度快。

☆ 陶源中菜將軍澳康城路1號The LOHAS康城4樓418號鋪✦ 大閘蟹放題又到左食大閘蟹嘅季節啦，上網見到陶源出左呢個大閘蟹放題即刻衝去試下，呢個放題除左無限追加大閘蟹、片皮鴨、小食主菜同甜品之外，每人仲有特色三式(鮑鮑汁扣原只鮑魚伴百靈菇、金湯小米燴遼參、蟹粉扒豆苗)。• 大閘蟹 (清蒸、太雕蒸、油鹽焗)3只整法都各有好味，清蒸就原汁原味d，太雕蒸唔會話好重酒味，微微酒香味道又提升左，而油鹽焗我就覺得鮮味最出，可能因為鹽帶起左鮮味，只只都好多膏好鬼正！• 片皮鴨片皮鴨無乜肥膏好岩我，皮又脆，有得咁任食真系好爽(〃ω〃)• 小食主菜、甜品有多款嘅小食主菜甜品都可以任叫，椒鹽海中蝦、避風塘雞中翼、脆鹵豆腐、楊枝甘露、呂宋香芒布甸，好多選擇，而且質素都好ok。

最近大閘蟹當造🦀繼上年食過之後終於又可以約埋大閘蟹迷去將軍澳康城「陶源中菜」食大閘蟹放題啦😋呢度星期一至四$528加一限時2小時任食大閘蟹🦀北京片皮鴨🦆糯米飯、小菜主食及幾款甜品😍‼️入座每人包左每人一份🌟金湯小米燴遼參金湯味道帶甜遼參夠軟滑🌟鮑汁扣原隻鮑魚伴百靈菇鮑魚非常入味夠且軟腍滑身🌟蟹粉扒豆苗勁多蟹粉掛滿鮮嫩豆苗😋🦀主角大閘蟹有3款包括清蒸、花雕蒸同埋鹽焗🤩雖然係任食蟹🦀蟹嘅質素夠高質👍 我就鍾意清蒸點蟹醋一齊食原汁原味😋朋友就比較鍾意花雕蒸份酒香味道有層次🥰今晚全部都係蟹女🤗每隻打開充滿橙黃色爆哂膏😋食落帶蛋黃甘香😊肉質仲好鮮甜🤗佢地上菜都算好快😬我地足足食左23隻蟹🦀真係超級滿足呀🤤🙌自助區有小菜、甜品蛋白杏仁茶😬薑茶地瓜🍠奶黃千層糕、飽點及紅棗糕🤗另外劃紙仔點左楊枝甘露🤩最後食咗咁多蟹飲返碗薑茶，成身即刻暖粒粒🥰好酒之人我地額外加左$78蚊叫左一壺8年太雕酒😎店員會幫忙坐暖😍一邊食蟹一邊飲真係人生樂事🥰呢度星期一至四$528加一

又到食大閘蟹既季節，唔同既餐廳都推出咗大閘蟹既菜式。陶源今年已經推出咗2小時任食大閘蟹放題。可以任食3款口味大閘蟹，有其他既小菜、甜品可以自取，每位仲會送特盛三式一客。🌟特盛三式鮑汁扣原隻鮑魚伴百靈菇、金湯小米燴遼參、蟹粉扒豆苗入座後就會送上原隻鮑魚、燴遼參同蟹粉豆苗。鮑魚同燴遼參都係每人一份。鮑魚爽彈，連同鮑汁及百靈菇食好惹味。小米燴遼參濃厚但調味淡 🌟花雕熟醉蟹每位都送一隻花雕熟醉蟹，呢款係新口味，蟹膏同蟹肉都較實，花雕味唔重🌟大閘蟹套餐可以無限追加大閘蟹，大閘蟹有三種食法清蒸、太雕蒸、油鹽焗。清蒸同油鹽焗最好食，可以食到蟹既鮮味，蟹身同蟹蓋都係滿滿金黃色蟹膏，口感軟滑、蟹肉香甜。太雕蒸大閘蟹帶酒味，但有少少搶咗大閘蟹原本既鮮味。大閘蟹即蒸都要等耐少少，如果要加蟹記得提早叫🌟北京片皮鴨、多款小菜、主食、甜點除咗可以食大閘蟹外，仲可以係外面自取點心、小菜、甜品等。如果鐘意食片皮鴨都可以自取，配埋餅皮、醬汁同青瓜等。片皮鴨既外皮都幾脆

話咁快又到🦀季當造嘅時候啦🤣🤣唔使講梗係要食蟹啦😎👍🏻今次呢就帶大家去試下大閘蟹放題🙌🏻逢星期一至四都有得食，$528/位（另需+1)就可以享受2小時大閘蟹放題😚🫶🏻✨整體評分:7.5/10✨味道:7/10✨服務:8/10✨環境:8/10✨人均消費:～$550佢有三款味道大閘蟹可以選擇，分別係清✨蒸大閘蟹 太雕大閘蟹 同鹽焗大閘蟹🦀清蒸大閘蟹 原汁原味，食到好濃蟹嘅鮮味，佢嘅蟹膏都唔少🙌🏻😎✨太雕大閘蟹 太雕係酒嘅一種🥃食落都有淡淡嘅酒香味✨鹽焗大閘蟹 三款入面呢個會相對係比較重口少少，蟹殼外圍都包住好多鹽，食起上嚟鹹鹹地 味道都幾特別放題入面除咗可以嗌以上三款唔同口味嘅大閘蟹之外，仲可以叫唔同嘅點心，糖水飲任（筆），我食嘅時候有番薯糖水同埋紅豆沙，應該有可能每一晚都唔一樣😎另外 以下呢四款食物都係會包埋喺放題入面送既：🔻熟醉蟹 （位）老實講佢呢個蟹係酒味超級濃，特別當你食到佢入面啲蟹肉，佢個味係超級濃，有酒香味，做得幾好食👍🏻🔻蟹粉扒豆苗 好入味，不過我覺得佢鹹咗少少，我食嘅時候係溝咗少少水嘅，個汁呢就會啱啱好😚佢嘅豆苗係超級嫩口 好好食，一啲根都冇🔻鮑汁扣原隻鮑魚伴翡翠 （位）鮑魚

食物質素：一般，炒粉麵偏鹹，濃味服務質素：超差，職員無禮貌見到有職員執枱時跌左筷子落地，照擺返上枱。問攞點心紙，有個經理大大聲話：「掃QR code啦」咁就行左去，明白新興好多要掃code，不過飲緊茶嘅係老人家，講多句係咪咁難呢？況且我哋係加單，之前係用點心紙環境：枱布、枱凳有污糟唔會再有下次

💡高質任食大閘蟹一踏入9月份，就到左大閘蟹當造季節, 由9月開始直到1月初都可以算得上當造, 最近又見到陶源中菜有 2小時任食大閘蟹放題套餐, 咁當然係約埋朋友去食大閘蟹啦。中菜館位於康城 Lohas商場4樓最盡頭，附近有間馬會可能認住馬會會易認路小小，一入菜館就見到紅酒櫃，見到有相當多既存酒。亦都見到唔同種類比較高檔既茶葉供客人選擇。裝修都好有格調, 感覺舒適。前菜🍽蟹粉扒豆苗這道菜將新鮮的豆苗與濃郁的蟹粉巧妙結合，口感絕佳。蟹粉的香氣和豆苗的清新交織在一起，風味層次豐富。蟹粉的滑順質地讓每一口都令人愉悅，而豆苗的爽脆增添了口感的變化。🍽鮑汁扣原隻鮑魚以原隻鮑魚為主角，再配上濃郁的鮑汁，展現了極致的口感和風味。鮑魚肉質鮮嫩，結合了鮮美的海鮮味道，而鮑汁則帶有深厚的鮮香。鮑汁扣原隻鮑魚兼具視覺和味覺的享受，我同朋友都覺得可惜，因為唔可以再點。主菜大閘蟹有３​種口味, 清蒸, 太雕蒸同埋鹽焗。我同朋友每種口味都有試🦀清蒸： 清蒸大閘蟹保留了蟹的原汁原味，蟹肉鮮嫩，蟹膏滑順。輕輕的蒸汽將蟹的風味提升至極致。🦀太雕蒸： 太雕蒸大閘蟹融合了酒的芳香和大閘蟹的鮮美，風味獨特。帶有微醺的風味，給

人生第一次写食评，因为被这家餐厅的服务质素可以低到如此程度而吓到。从前台开始就可以感受服务很奇怪，给了我们一个号码，没有任何解释，我问，这个号码大概需要等多久，被对方很凶的瞪眼，一直不回答，我再问多次，她才慢慢说这是台号，可以进入。我们进去后，完全没有任何服务员理我们，拦住两个服务员，才大概知道该台的位置。到了台位（台上也没有号码，要靠猜）坐下，完全没有服务员过来服务，要自己索要餐牌。好唔容易选好菜，才发现连餐碟杯筷都要自己去拿，没有人服务。各色客人自行在餐碟台上拿来拿去，看着就不卫生。纵观整个餐厅，全是客人，寥寥几个服务员只是走来走去，也没有实质做任何服务。我们气的决定不吃离开，想好心同服务员说声我们台的点餐要取消，遇到个似manager的女人，当我开口说话，对方头都不偏，完全不理人。我叫住她告知我们餐台点餐取消，她作为服务人员全程黑面，也没有说一句话。所有体验都让你觉得只有更差的在后面。离开后在open rice 看到其他人这家餐厅的评论，原来很多人都体验过这么差的服务。没可能会再光顾，我还要特意注册账号告诉大家千万不要去，在香港生活了十几年，这是最最最差的一次吃饭体验。👎🏻👎🏻👎

慶祝長輩生日加新居入伙，父親原本想訂8人餐，但最終因為想要一條海魚東星斑取代沙巴海花尾，訂了一個$4,688 的12人餐。於是，我們也邀請多了人。套餐中有個湯，鮮人蔘花膠燉響螺老雞湯。名字吸引，湯裡面只有一隻老雞，整枱人也沒有找到一點花膠痕跡，湯很清爽沒有膠質感覺，響螺只找到一小片，而鮮人蔘，經理說這個季節無。我們感覺這個湯只是老雞湯！！當魚上來的時候，我們更驚訝！竟然上了兩條東星斑！兩條東星斑顏色很淺，味道不似海魚。我爸也非常驚訝，因酒樓沒有預先告訴他！其他菜式也是一般。虎蝦伊麵的虎蝦肉是梅的，感覺是浪費了靚蝦。北菇柚皮扒翡翠的柚皮非常非常的清淡，吃得出柚皮的苦澀味。12人餐的份量比一般酒樓還要多。本來我地8個人食，後來11人食，份量仍是遠超我們的食量。雖然份量多都係好，但若經理能適時提下我地，就不會叫咁多和減少會浪費。最終埋單~5400! 不推薦在這裡擺酒!

這間酒樓由The Lohas商場開幕只今一直無改善：見仍有新居民中伏，所以才補出食評說出多次不良經歷本人大約光顧過3次，情況一次比一次差，無論食物質素、價錢、服務特別差：第1次：開業早期。午巿飲茶 - 食物還可以，價錢偏貴，食物質素對唔住價錢，但侍應明顯不在行炒散，永遠唔會主動加水，人手不足之餘客人呼喚要三催四請，還看到侍應之間互相指責情況。第2次：大閘蟹放題 （死蟹/臭蟹）放寬晚巿堂食後諗住食餐勁既，成差唔多$500位，一黎頭一輪4隻清蒸蟹有2隻灰黑色的糕，另外1隻怪怪唔新鮮既，得1隻正常食得人，後尾再叫鹽焗，醉蟹都有類似情況，同經理投訴後，之後每一輪都正常番，4隻最多得1隻無咁新鮮，才不再出現死蟹情況，及後經理解釋應該是來貨問題（雖然我唔信，明顯係有搏懵），當時經理態度還可接受才不追究。第3次：晚巿2人套餐$888知客姐姐套餐介紹入座後，叫伙記落單時竟然回應無呢个餐，當時我話你出面小姐介紹架喎，當時本來想起身走，攪完一輪先落齊個餐每項2選1或3選2等菜式，食完前菜後我仲加多个龍蝦伊面，等左大約半小時都無菜上，最後竟然龍蝦後叫都黎左食埋都未見$888套餐主菜既鮑參海鮮上，追左伙記3次

呢日帶住阿仔阿女同長老飲早茶，好彩平日唔洗等好耐。呢度景觀開揚，張張係圓枱，座椅軟熟，坐得好舒服。一開始我哋坐咗咗一個風口位，職員見我哋有小朋友，主動同我哋換過第二張枱，好細心👍🏻鮮蝦紅米脆皮腸呢個脆皮腸粉係必食推介，外層紅米腸粉又薄又滑，中間有層脆皮，最裏面嗰層蝦肉彈牙，成個腸粉咬落去好有層次感，正！蝦餃皮薄煙韌，蝦肉彈牙，隻隻蝦餃大大粒，好好味。鮮蝦腸粉腸粉好滑，啲蝦好大隻，咬落去好有口感。鹹水角外皮夠脆，內層煙韌，饀料略嫌唔夠多，味道大致不錯！皮蛋瘦肉粥個粥好綿，皮蛋同瘦肉絲都足料。黃金糕個糕夠煙韌，鍾意佢味道唔太甜。