陳根記

营业中

休息中

其實我住九龍區所以唔係成日都可以食到陳根記！佢搬之前我食過一次嗰陣時覺得好好味，大排檔風味，好夠鑊氣👍之後佢搬咗都未試過，今次係附近行街，所以當然就想試下陳根記啦！搬咗之後佢喺商場裏面，感覺餐廳環境係衛生咗好多既，不過食物就比之前差左少少！d野無咁有鑊氣魚香茄子煲都好食既 送飯真心一流♥️👍個菜就唔太夠味同埋太冧～ 依個係佢個招牌蟹籽手撕雞，但有d失敗係d雞唔新鮮，成碟淨係食左海哲個骨都幾好味😋🙌🏻最後想食甜品要去隔離佢地既甜品鋪買，買完拎返黎堂食咁，依個芒果要大推🙌🏻🙌🏻 好好味，芒果唔會酸，好甜，個炸皮亦唔會厚！

陳根記呢個名聽左好多年，但以前又無特登去禾輋邨食，前排有晚去到石門搵食，友人就提議去呢間新舖食。大排檔搬入室內，樓底夠高仲係鐵皮頂幾地道，裝修白色為主簡樸又光猛，全場摺枱並排鋪著膠枱布，枱上攞放著一個經典膠水壺，加埋膠櫈甚有傳統大排檔情懷，重點是有冷氣以及衛生環境唔錯。雖然望唔到廚房，但見到出餐好快，亦食得出有鑊氣。Wasabi蟹籽手撕雞 $90（例）第一啖係嗆的，但青芥末味之後無咁濃。手撕雞大小剛好，加埋青瓜絲及蟹籽，口感豐富，幾開胃。茄子鵝腸煲 $82 好足料，好多鵝腸，茄子軟硬適中，味道略鹹，最啱餸飯，但真係比較油。椒絲腐乳炒通菜 $68幾大碟，菜算嫩，不過味道偏淡，唔係好食到腐乳味，一度懷疑自己落錯單。.兩個人三個菜其實都食唔晒，呢啲地方應該要一班人去叫好多餸開心Share！

星期日同朋友行完山，就去咗排好出名嘅陳根記，我哋六點半去到排咗半個鐘到。Wasabi手撕雞評分: 9/10 份量都幾多，手撕雞肉質嫩滑，配上wasabi超夾金銀蛋時菜評分: 8/10因為我哋有一個朋友係食齋嘅，所以就叫咗碟菜俾佢，今日嘅時菜係白菜仔，配上鹹蛋同雞蛋絲同清甜嘅湯底剁椒白鱔片評分: 8/10白鱔幾好食，好新鮮，但可惜份量偏少，底仲有啲粉絲，湯底配飯一流黃金頭抽雞評分: 7/10 好普通，冇咩特別椒鹽魷魚鬚評分: 8/10炸得好香脆，正！

一直都有去開禾輋邨個間陳根記，確實係好食嘅。所以都有啲想試吓搬咗地點後，質素有冇變咗。 當晚同家人一家六口 (五大一小童)去咗石門依間陳根記。我哋叫咗酸菜魚、蒜蓉蒸蝦、乳鴿、炒飯、wasabi炸魷魚等。初初我哋都擔心酸菜魚會唔會有魚骨，因為我哋都有老人家同小朋友。幸好完全食唔到有魚骨，而且味道一流。蒜蓉蒸蝦，蝦味尚可，至少蝦肉唔會感覺好「霉」。乳鴿同炒飯都不錯，當然亦唔算特別出色。至於個wasabi炸魷魚，味道確實不錯。既可以出都wasabi味，亦可以出到炸魷魚味道。環境都算闊落，感覺唔算太迫。到晚上食飯時間，仍然見到好多人等位。整體感覺唔差，但如果諗住想食返大排檔嗰種感覺，就真係唯有喺冬菇亭食，先至攞得返依種感覺。

陳根記喺禾輋都算幾出名，咁啱入去沙田就同朋友去試下，8點預咗要等位，點知去到完全唔洗等，我哋坐低就點左四個餸之後朋友去洗手間，都未返嚟啲餸已到齊，四個餸唔洗10分鐘到齊？即係話所有餸都係整定，唔係即炒？上到檯啲餸係暖唔熱，有沒搞錯！！！我係鍾意大排檔有鑊氣先至專登嚟食，仲要係味道一般，炸大腸炸得太乾冇乜肉食，馬拉盞通菜過鹹，椒鹽九肚魚唔熱唔好食，燒乳鴿同一般酒樓一樣冇驚喜，但酒樓坐得舒服過佢，地方好逼，4張檯黐檯成一行。想叫餸要自己落單，仲要加一服務費，完全冇服務！唔會再去冇下次⋯⋯

沙田大牌檔名店 只做walk-in 星期日5點半到已經8成滿 人氣依然爆登 大牌檔例牌菜式應有盡有，有冷氣食鑊氣小炒係正既，叫咗5樣餸埋單$488唔算特別平而且碟頭偏細，性價比唔特別高，仲要山長水遠入石門就唔值得啦😕咕嚕蝦球 ($98) 個汁酸甜平衡得幾好，炸漿好鬆化香脆但太厚重，望落大大嚿其實都係只係炸漿厚，蝦球普普通通。特色甜麵醬魚雲煲 ($88) 個煲細到…. 裡面都唔知有冇半個魚頭😅魚雲亦當然只有一嚿..魚頭有先走油所以有脆感，用甜麵豉醬煮味道夠惹味既，但份量上真係有啲太迷你..椒鹽九肚魚 ($88)新鮮炸出都唔覺油，外脆裡面魚肉熱辣辣軟腍，略嫌炸漿太厚。金銀蛋白菜仔 ($70)呢碟的份量就乎合返大牌檔標準啦，好多鹹蛋同皮蛋，鹹香十足夠哂味。薑蔥炒豬什 ($90)又係好細碟，豬什亦唔係好足料，只有粉腸、豬心、豬肝、豬肚，感覺唔太抵食，不過薑蔥炒係好惹味既。芒果一口脆($38; 8粒) 甜品係分開另一個檔賣 要自行去買帶返位食，脆蛋漿皮蛋香十足，口感外微脆亦帶軟糯，包著冰凍芒果一齊食有多重口感，又真係幾好味果然係招牌甜品。

🤔 石门｜陈根记｜138 HKD #丁丁香港探店地址：沙田石門安群街3號京瑞廣場二期地下5號舖-从东平州回来离得不远就来打卡陈根记一句话点评中规中矩 打卡过就行 不会特地来吃-「芥末蟹籽手撕鸡」一口下去！好呛蛮特别的菜可以一试鸡肉很嫩-「芒果一口脆」特色甜品底下有奶油非常作弊因为脆皮不够脆多蘸点奶油之后满脑子都是奶油的甜味会忽略不脆的事儿了-「孜然一条骨」肉稍微有一点老但是很香个人更喜欢这个牛仔骨偏肥我牙口不好-「椒鹽九肚魚」确实是我来港吃过的九肚鱼倒数了但也不算差劲-「特色榴莲奶露」还是一样太多奶油作弊！只有底下一层榴莲上面全是奶油-「排骨陈村粉」陈村粉不错！偏甜口但排骨很好吃-「XO 酱小炒皇」这个菜怎么都不会差

陳根記如今大不如前, 待客態度差、味道差、食材差、份量也大不如前, 今晚之後不會再幫襯！1、接手老闆的新一代及新伙記, 態度都比以前禾輋的差！食肆要限時90分鐘, 這點明白的, 想生意做多轉, 這算是食客與食店之間的約定, 但這店卻自己破壞限時約定, 在這90分鐘內由坐低、落單、進食都會不斷騷擾食客, 務求要令你少於90分鐘離開, 令你食得趕、催促你盡快離開！這樣為何要定90分鐘, 倒不如定60、30分鐘？！新一代後生接手後, 本末倒置！究竟係要先賺客, 才有生意賺到錢, 定係而家啲生意太好, 疫情期間都唔憂無客, 要趕客呢？！2、食物味道及質素差今晚叫了幾道菜, 都大不如前：“椒鹽鱔片” ---- 炸到乾哂水、鱔片無味、肉質嚡唔新鮮；“粟米斑塊” ---- 獻汁都無, 粟米粒加一少pat蛋就算, 斑塊炸粉厚, 硬嗗嗗；“Wasabi手撕雞” ----- 份量比以前禾輋老店的, 少起碼三份一, 甚至接近一半.以前禾輋老店, 企喺度等位就算等一個鐘, 也沒有怨言, 因為廚房夠鑊氣、份量足、加上老闆同伙記忙極, 待客也算不錯. 搬去石門之後仍有經常幫襯, 雖然石門泊車極之不便, 但疫情期間

今日同太太放假去咗石門既帝逸酒店上一次有幾家學生家長來酒店STAYCATION晚上FOODPANDA咗陳根記外賣今次2人拍拖照舊外賣了陳根記除了因為方便可以叫外賣送到地面一田門口取餐外最主要是食物的確係好味上到酒店房開餐時餸係熱的真係即叫即整即送。今日點了三餸兩飯：魚香茄子煲 ： 好美味，如果可以改善的話，我喜歡茄子煮耐一點，淋一點，會更入味生炒骨 ： 好味梅菜扣肉煲 ： 好味呢間食物質素一流加上現時外賣送餐方便快捷兩樣配合得宜時就算不在店舖吃叫外賣時也能吃到熱辣辣的美味外賣

超難食，皮厚又淋……失望👎……差，應該放耐咗之後再返炸咕嚕雞球有點酸…..好普通無驚喜椒絲腐乳通菜，正常合格梅菜蒸肉餅，正常合格下次應該唔會吸引再來幫襯。有啲失望

Arrived at 6pm and it was packed. Waited for 20 mins to get in.This is the most local Resturant you can get. Families out for casual or celebratory dinners3 of us ordered. Ginger spring union oysters, sweet and sour chicken, fried rice, waksabi prawns and salt&pepper calamari.All were very delicious. No wonder the queues !! There was at least 50 people waiting when we finished at 1945.Service was surprisingly good.Great Chinese, efficient, good service.Would recommend locals to try and vis

難得佢去咗石門，朋友話試吓間大排檔我哋大概6:15入座都已經坐咗七成以上嘅人難得嚟到大排檔梗係食啲有鑊氣嘅小炒跟住嗌咗個炸大腸，一個椒絲腐乳通菜仲嗌左個乳鴿之後再嗌多個八珍豆腐煲炸大腸入邊都唔算太多肥膏，炸嘅程度都啱啱好，但係如果再熱少少就好啦😂豆腐煲上枱都仲係熱辣辣好滾嘅，就係鍾意大排檔呢種感覺椒絲腐乳通菜都炒得好好食而且都夠大碟最後大家都覺得個乳鴿好好食，雖然唔算好大啫，但係好多肉，個皮都脆卜卜❤️而且佢枱與枱之間個空間都好多，大排檔來講算坐得好舒服

一向都係陳根記嘅忠實fans😍以前喺禾輋已經成日同朋友食👭而家新址進駐石門🔔仍然保留到大排檔嘅風味🤡值得加分✅🔸Wasabi蟹籽手撕雞（例）（$88）必食嘅特色招牌菜💥手撕雞🐓連同火腿🥓海蜇👉🏻青瓜絲🥒蟹籽入口🐟爽滑耐嚼😋wasabi辣得嚟唔會太攻鼻👃🏻作為前菜嚟講💬非常醒神開胃💁🏻‍♀️🔸魚香茄子煲（$70）茄子鹹香帶辣🍆腍滑熱焫焫🔥惹味指數爆燈💡保持到一貫水準😚🔸時菜炒鮮魷（$78）時菜係西蘭花🥦即叫即炸夠鑊氣👏🏻魷魚爽口彈牙🦑食落有嚼勁😬蘸淮鹽食🧂香酥滿溢✨佐飯一流🥢🔸白飯（$11/🍚）

我叫左個蠔仔肉碎湯飯, 真係唔知有幾難整,等左半小時, 仲好難食, 蠔仔數得出得3粒。難食。我覺得自己好似食緊滾水湯飯。打工仔LUNCH得一小時, 買個外賣等左半小時。本想退款, 收銀又扼住我話就快, 廚房得一個師傅。其實人手唔夠就唔好做午市。無下次。

甜品- 招牌榴蓮奶露：絲滑奶露加埋冰涼嘅榴蓮塊，如果食雪糕咁樣，幾正。個口感好啱鐘意奶味同榴蓮嘅人。份量唔算細。芒果一口脆：芒果味十足，外皮酥脆，甜味足。芥末手撕雞：雞肉嫩滑，海蜇新鮮芥末味也最重，青瓜有助提升清涼口感。總體而言，唔錯喎。豉椒炒蜆：陳根記幾年前嘅炒蜆味道都蠻新鮮蠻正，但係呢次嘅炒蜆，除咗咸仲有d食材唔新鮮嘅感覺。總之唔係好推薦。