陳根記

营业中

休息中

第一次幫襯禾輋邨舊店 搬咗之後幾年無食過環境同食品都變左唔少環境比舊店乾淨 用QR落單 仲有新既甜品部 WASABI 蟹籽手撕雞 $95最出名既菜色 覺得WASABI味好似無之前咁重凍食幾開胃 黑椒牛仔柳 $92黑椒汁偏甜 肉質ok係份量少 呢個價錢唔值得香煎蠔餅 $95 overcook 左同粉多過蠔咬落去都係炸粉黎 芒果一口脆 $38都係必食推薦 即叫即炸好新鮮外熱+咸 內凍+甜 係幾特別 但作為甜品就太飽 個人麻麻地鍾意呢種配搭芒果腸粉 $28性格比超高既甜品 重椰味腸粉包住新鮮甜芒果 勁滑同超好食 性價比勁高 特級楊枝甘露 $30 超好食 好滑 唔酸都唔會太甜 同好足料結論 甜品比主菜出色

[🇭🇰香港- 沙田].真係好多年冇黎過啦! 上次黎仲係半户外嘅大排檔, 而家已經變咗地舖, 不過最犀利係佢哋真係裝修到好似以前咁樣, 連地下都鋪左石仔不過真係太耐冇食啦, 問我係咪同以前一樣都真係唔係好記得, 不過性價比就超高👍🏻 樣樣都超大份, 必食當然係”Wasabi手撕雞” 同 “芒果一口脆” (記得一去到就好叫定,費事食到最後賣晒!).🔻🍽 陳根記📌 地址: 沙田石門安群街3號京瑞廣場二期地下5號舖.#tummysreadyatshatin #tummysreadyforhongkongstyle #tummysreadyforchinese #tummysreadyfordessert

<讚👍🏻>🥣芒果一口脆（8塊）🥣：💰$38個底有啲cream，芒果肉算大粒，外面沾麵包槺連千層皮包住咁去炸到外脆，個皮甜甜地似牛脷酥味道，整體口感特別🧐溫馨提示：陳根記分左餐廳同甜品部，買甜品就唔好去餐廳個度喇，因為啲姐姐會好唔耐煩咁叫你去返甜品部買😂好味程度：⭐⭐⭐抵食指數：⭐⭐環境指數：⭐⭐

「陳根記」應該沙田友都唔陌生。大學讀書個陣同Frds 周不時都會去食，不過自從搬咗去石門後就少咗。今次去搵返啲回憶～新鋪嘅地方當然舒服好多，乾淨俐落。仲有得用App 拎定位。不過佢嘅吸引力依舊冇變，當晚去到門口都係大有人龍。堂食限時90分鐘⏱Wasab蟹籽手撕雞🐔 一啖落去係feel到幾重Wasab味，但個人覺得就唔攻鼻嘅，平時冇食開芥末嘅朋友仔可以放心大大啖食。手撕雞大小剛好，加埋青瓜絲、火腿絲及蟹籽，口感豐富，幾開胃。一開波叫嚟食就啱嫁啦～椒鹽魷魚鬚🦑炸粉唔算厚，炸得非常香口，搭配埋佢啲醬汁。不知不覺就不停咗好多條🤣避風塘瀬尿蝦 🦐 嚟大排檔食避風塘就好似twins 孖公仔咁。唔食唔得。瀬尿蝦非常惹味，size 亦中規中距。蝦肉食落亦都唔會話「霉」，不過成碟都幾重口，要注意⚠️。中式牛仔柳 🐮酸酸甜甜嘅汁非常醒胃，而且牛仔柳大件亦淋身。送飯認真一流🍚食飯之外，陳根記仲有唔少甜品可以買嚟食，今次簡咗一口脆😚芒果🥭一口脆 外皮炸得幾香脆下，入面個芒果🥭都凍凍哋，敏感牙齒可以攤一攤先食。芒果唔酸，外熱內冷，底鋪咗忌廉，可以match嚟食。不過個cream比較甜膩~要注意🫵

WOW哩間大排擋 想食好耐公司飯 咁啱就離哩間野食 一行十幾廿人 可以大試特試五點半離到唔洗等位 直入哩間室內大排檔 眼見嘅地方都好乾淨 上菜超快係蒸野真係要等下水煮牛 辣蝦 辣炒蜆 辣雞丁 全部睇起離好紅 但好失望 辣呢？好在啲海鮮冇話梅 啲蜆冇話得啲殼唯有覺得有一丁點辣味嘅係避風塘炒蟹 但啲肉少等可憐椒鹽九肚、墨魚、魷魚鬚 九肚魚最香最脆滷水拼 啲墨魚淋嘅 一啲都唔爽口 感覺唔新鮮 豬耳就爽滷豆腐就唔入味 滷蛋就滷到味道啱啱好 其他冇食椒絲通菜 兩碟 有一碟啲人話好鹹 即係參差 好在我碟唔鹹什麼十三味牛百葉 乜鬼離 純粹就啲牛柏葉唔會冇味 唔明琵琶豆腐 鍾意鯪魚味嘅人 應該會好鐘意食總括而言 我食嘅範圍內 會想翻撻嘅只有椒鹽九肚 其他真一般其實我覺得哩間大排檔 重點係甜品檔不過佢嗰個大大幅 一口芒果脆 真係一啲都唔好食 皮肉唔夾我見班戟超級大件飽滿 應該唔錯真可惜我唔知有甜品點 食太飽己經塞唔落有機會去甜品檔買佢嘅甜品試

今晚一家人即興嚟陳根記食晚飯，場面好旺好多人。第一次幫襯，我哋叫了5個小菜，但等咗半個幾鍾先陸續上菜…都真係有啲耐，因為我哋叫嘅菜都唔係全部需時咁耐…第一個餸到嘅係呢碟椒鹽九肚魚，脆口好味😋第二道係呢碟孜然一條骨，老公覺得幾好食，我就覺得無乜特別😆第三道菜係馬拉盞通菜，我覺得唔够味，偏淡。第四道菜係鬼馬鴛鴦浴，用蝦醬蒸豬肉，低舖有一層油炸鬼，係幾鬼馬嘅，但我覺得有少些咸。最後係咕嚕雞球，雖然外型一啲都唔似球體，但味道唔差，够脆口同甜酸味適中大排檔有冷氣都坐得舒服，但係雖然店内已使用了掃code落單，但係由於客人太多，店員比例偏少，呢樣我覺得有改善空間。

之前已經食過一次外賣，覺得非常唔錯，好想試吓即場食，適逢間鋪收10點，我哋9點26分都仲有得入座，本身QR code 落單，樓面姐姐好熱心叫我哋就咁叫就得🤭，menu都唔使睇，就已經叫咗個乾炒牛河同埋冬陰功蜆湯。上碟望落去好靚仔，感受到嗰種鑊氣，條條分明唔算好油，相當唔錯，只係略嫌唔夠味道😛（對我嚟講）。轉個頭個蜆湯都上枱啦反而呢個好有驚喜，冬陰功湯夠味，啲蜆好新鮮，亦都冇乜沙，配埋粉絲芽菜底，飲晒食晒已經好飽好滿足🤭，快靚正，下次再試其他嘢先

以前開喺禾輋邨嘅時候成日食嘅陳根記自從佢搬咗之後就冇再去過食啦，近期路過覺得有啲懷念於是就去再試一試，大排檔來講可以講係已經十分之乾淨，但係服務來講啲姐姐串左少少啦，冇得罪佢都會講你兩句咁，自問對服務態度要求唔高，都係嗰句啦大聲唔代表我冇禮貌？😂食物質素方面冇問題份量當然冇以前咁多，Wasabi雞嘅招牌菜式，三個人要例牌已經足夠，雞肉質嫩爽口，個麻辣花螺，麻辣鮮香完全做得到，最後仲有一個酥炸廣島蠔，佢一放落枱面，香味四溢睇落去粒粒飽滿，食落去酥脆可口，外脆內軟，大家可以試一試

有多年歷史嘅大排檔，原址在沙田禾輋邨，搬左鋪依然都係人山人海～.▪️原味手撕雞 $88青瓜、海蜇配上手撕雞，做前菜開胃一流！鍾意食辣嘅可以叫Wasabi味▫️椒鹽鮮魷 $95炸得岩岩好，唔會太多粉，魷魚亦煙韌▪️薑蔥田雞煲 $92煲黎講田雞煲一定係陳根記嘅特色之一，食過一定唔到轉頭 ▫️滷味拼盤 $152紅腸、豆腐、豬腸、滷水蛋等 送啤酒一流▪️啤酒/白飯.另外都叫咗甜品外賣，因為實在太飽強烈推介大家叫芒果一口酥同榴槤奶酪

石門咁耐，而家先知道陳根記有甜品🤣試咗三個甜品，「芒果一口脆」、「香蕉朱古力拿破崙」、「楊枝甘露」。1. 「芒果一口脆」舖頭寫住推介，咁一定要試吓！ 果然唔錯，外層用麵包糠炸到脆脆，裏面粒芒果好大粒，非常鮮甜！不過有個建議，下邊唔需要咁多忌廉，可能本身怕太乾？其實芒果好多汁， 食落唔會乾，忌廉反而有啲林左。2. 「朱古力香蕉拿破崙」呢個甜品就真係麻麻地，如果再俾我揀，我會揀芒果拿破崙。太多忌廉，一次落去已經爆曬出嚟，雖然明白拿破崙本身要用糖整到脆波波，但實在太甜啦，邊度見到個餅好多糖粒….其實佢冇乜朱古力成份，中間有啲薄薄甜香蕉，好努力食，我食咗三份一真係太甜放棄咗….. 3. 「楊枝甘露」抱歉呢個唔記得影相，不過好好食啊！裏面有兩大舊芒果，仲有啲爆珠，食落好濃郁，非常推介！另外都買咗一個例牌Wasabi手撕雞已經好耐冇食，味道同以前有少少分別。雞老左少少，無咩wasabi 味了，但總括而言都OK既！

-呢間係我由細食到大嘅老字號陳根記 😙記得以前細個嘅時候成日同朋友走去禾輋冬菇亭食㗎😍必點嘅 Wasabi手撕雞 唔知大家有冇食過呢到佢哋搬咗去石門之後品質好似冇以前咁好？定係人大個咗 口味都會改變⋯🤪轆轆吓外賣平台突然見到 佢哋嘅甜品❇️ 芒果一口脆 都係我以前必點嘅甜品之一外脆內冰凍 亦都選用左好甜嘅芒果果肉🤤🤤🤤❇️ 芒果拿破崙 雖然外賣來到已經歪哂 但都不減佢既味道😋脆卜卜既餅皮 加上輕型既cream 同甜甜既芒果⋯正！😍❇️ 原味木糠布甸 都一樣好好味 忌廉唔會太甜或太膩 甜度比例岩岩好🤩一啖接一啖食唔停💜...💵WORTH: 7.5/10👩🏻‍🍳TASTE: 7.5/10🤵🏼‍♀️SERVICE : NA/10☣️RETURN: 7/10

陳根記 (沙田)沙田石門安群街3號京瑞廣場二期地下5號舖K先生同屋企人係陳根記常客，一直諗住帶J妹嚟試吓，可惜撞正晚市禁堂食，咁就唯有買外賣啦！可能真係大家口味唔同🤔👨🏻‍💻K鐘意食 ，👩🏼‍💻J覺得期望過高，同一直耳聞「好好食」有距離～芒果一口脆 $38 (8件)👩🏼‍💻J ： 外皮炸得香脆，內裏芒果凍凍哋，唔酸，外熱內冷，但忌廉比較甜膩～ Wasabi 蟹籽手撕雞 $90 (例牌)，外賣盒 +$2手撕雞肉 + 海蜇+ 火腿絲 +青瓜絲 + 蟹籽～ 例牌大約足夠2人份量！ 另外仲有 每隻 $285 ，半隻 $160 👩🏼‍💻J ： Wasabi味幾出之餘唔攻鼻～ 不過海蜇有沙、仲有腥味🙈 鹽水手撕雞，正常，肉質唔嚡，但未算好軟嫩～

原來陳根記搬咗嚟呢度，朋友帶我去試。地方好乾淨亦都好光猛，冬天坐室內一啲都唔覺得凍， 平日嘅晚上都好多人坐滿座 。 要等咗一陣先有位入，場面好虛撼。叫咗菠蘿咕嚕肉，蠔餅，乳鴿。三樣都好有大排檔風味，有水準夠鑊氣。尤其是個蠔餅足料， 推介。啲蠔大大隻好厚肉， 新鮮炸起真係好正。隻乳鴿又係正，啲肉好嫩滑，多汁，皮脆。最後打包咗兩個糖水返屋企食，芒果pancake 真係唔推介，冇乜芒果。 啲芒果粒亦都唔甜 。但係個榴槤幾好食。

由沙田禾輋冬菇亭搬到去石門，餐廳天天都好多人幫襯，今日我們都奏一奏熱鬧先。不想等太久所以大約晚上六點左右就去到，餐廳內已經坐滿一半以上了。滷水拼盤點拼盤就最正，樣樣都有因為我喜歡吃鵝片、豬腸、豬耳、墨魚、豆腐等，所以點滷水拼盤就沒有選擇困難症啦！椒鹽九肚魚炸得很乾身，非常之香脆肉質鮮嫩幼滑。XO醬小炒皇這個又是去大排檔必定點的，鑊氣夠好惹味，材料有韭菜花、腰果、魷魚、蝦仁、蝦乾等。最後倒必點個糖水吃的，特色榴槤奶露 和 真。夠薑蕃薯糖水。

見石門好多餐廳,今日同兩老去左陳根記，睇左陣叫左三餸一湯，鮑魚雞湯、椒鹽九肚魚，每日例牌蒜蓉蒸中蝦同埋豉油王豬腩肉。鮑魚雞湯：估唔到個豉油勁好食，用來點雞肉一流，不過要另外叫人比，唔會跟湯上，湯都好飲又夠熱，同埋個湯勺好特別，可以隔油。椒鹽九肚魚：好瘦好少食咁瘦嘅九肚魚，不過因為咁都比平常九肚魚香脆蒸蓉蒸中蝦：普普通通，淡咗啲要另外點豉油食豉油王豬腩肉：呢個落單個時都有問佢點煮，佢話炒之後個底有芽菜推介我地兜亂，咁信佢喇照落單，點知來到好似盤翻炒隔夜餸咁，肉片抄芽菜加蠔油汁濕揼揼咁，唔明咁嘅垃圾組合點解會放係餐牌，真係三餸飯都唔會見到🙃🙃🙃最後埋單四百五到，應該就唔會再來