陳根記

营业中

休息中

今日兩條友去食， 18:30時候去，人唔算多，自己搵枱坐， 諗好食咩後叫呀姐點菜，第一個後生仔叫佢， 明明睇到扮睇唔到，再叫另一個呀姐點菜，佢叫我自己手寫落張紙到（下😒心諗！ 你收我加一，仲要我自己點…） 叫左3樣野..西檸雞超失望，炸粉厚雞肉少…冇肉既西檸…其他野唔洗評..平凡…埋單仲要出去自己攪掂..請問加一服務費用左去邊到？ 收得加一應該要有與眾不同效果…服務第一…價錢仲要唔平…如果各位有其他餐廳選擇，建議唔洗試呢間..呢個價錢大把選擇…我老公食完仲肚仔唔舒服第一次去也是最後一次。

放工唔想煮同老婆去石門搵嘢食見到陳根記門口好多人 原來等外賣一㩒飛就有位被安排到最埋邊近甜品舖張二人枱隔離有個大垃圾車 期間不斷有人打開掉垃圾 影響食慾😩由於坐最埋邊 坐底後無人理餐牌 茶咩都無舉咗好耐手先有餐牌要自己寫 寫完俾樓面 但又唔俾筆又要舉好耐手先有筆😂兩個人叫咗四樣餸椒鹽九肚魚芝士粟米豬扒豉椒排骨蒸陳村粉豉椒炒蜆叫完餸仲未有茶黎洗嘢 唔想再舉手自己行出去搵樓面要茶🥲我都明大排檔唔好要求服務 同陳根記由禾輋到依家 都唔憂做唯有呃自己食物好食🙂食物味道還可以 無咩特別一般小菜水準比較好食嘅係豉椒炒蜆個汁好味 但有1/3係吉殼同未開殼🥲最唔抵食係芝士粟米豬扒完全搵唔到有芝士粟米汁好水豬扒好乾埋單要收加一服務費 盛惠$380唔明大排檔點解要加一仲要完全無服務可言😓總結 食物中規中矩 服務係0應該唔會再去🙂

沙田友重拾陳根記係唔洗理由。四個人！總共叫左七個餸！Wasabi手撕雞：呢個係定番，基本上每次都食佢，比以前好似淡左少少，合格啦。蛋白扒時蔬：一般薑蔥蠔：隻味係唔錯，不過始終本地蠔係唔及桶蠔，仲成$120，下次唔叫。芥末沙拉骨：冇芥末味，如果要食wasabi味既朋友要失望，但當普通沙拉骨、送飯都ok！椒鹽賴尿蝦&椒鹽鮮魷：穩陣野，送啤酒唔會死。其實真心我覺得保留到一貫水準只係好多朋友愈年長，食既睇既愈多，我覺得以大排檔黎講，都已經算係不錯！

曾經我很喜愛去禾輋陳根記大挑檔吃晚飯，喜歡它的自在，點了餸菜，就沒有人騷擾，自酙自飲，雖然食物質素一般，直頭係大排檔格局，酒樓價錢，但是，還可以接受，幾年前它升格移去了石門京瑞廣場地舖繼續經營，維持大排檔風格，我都間中去幫襯，今日，老公想吃中餐，就話去陳根記，我們前後腳進入、在門口就掃描了安心出行，記錄了時間，其間站在門口的負責人並放有提示用餐時間只有一個半鐘，到差不多用完餐的時候，一名女侍應就很不禮貌地催促我們時間到要埋單走人（是趕客走的態度），我老公比我早到少許，安心出行顯示還有十分鐘，我們表示會準時埋單，但那個阿嬸還是不斷催促，很是討厭，當我拿着結賬咭到門口收銀櫃枱結賬時，看到剛才的負責人便反應一下意見了，他竟然態度惡劣的說用餐時間印在結賬咭上，哈哈😅那張咭是入座後才在枱上看到的，結果，吃的是一肚氣😡老公話，這樣的食肆，那樣的待客態度，以後不用再幫襯了，更何況今晚吃的琵琶豆腐像一顆顆的小石頭，獻汁如漿糊😡

因為去開石門嗰頭所以就去嗰邊食嘢，都幾多人排隊，而且店舖有限時80分鐘之內要食完。今次就叫咗幾樣嘢食，包括滷水鵝片，椒鹽鮮魷，酸菜魚，XO醬炒斑片，同魚香茄子煲。總括來講食物我覺得不過不失啦，比較有驚喜嘅係滷水鵝片，入口香料味好重，食得出好濃郁嘅滷水醬汁味道，唔需要點醋都覺得好好食。不過姐姐嘅服務態度就有少少差，純粹想問有冇得加茶，結果態度有啲粗聲粗氣。而且一開始啱啱入咗嗰陣突然間無啦啦有人比張甜品嘅傳單，以為係同一間鋪嘅，問一問店員佢哋都唔好態度咁話唔係我哋舖頭嘅，要買自己拎現金行過去。感覺上真係有少少差。

久仰大名前往陳根記。平日晚飯時間七點幾路過，見不多人等位，就入店進餐。兩個人點了4個菜。冰鎮豬手，薄切，味道不錯，最惹味是汁。個人覺得冰鎮有點多餘，一來吃來肉凍得牙齒受不來，二來肉味削弱了。西蘭花炒斑塊，斑塊算是彈牙，份量也足夠。卤水大腸墨魚似乎是大排檔獨有的美食，不過不失。辣酒煮花螺，不太辣，屬於BB辣個種，湯底加上燈籠椒絲，吸收湯底，不錯。以環境來說，店面佈置盡量近似冬菇亭，實是給人鈎起往日的回憶。我只可說是盡量像真，因為哪些牛角扇吹出來的風，地上一攤攤的水迹，似乎模仿不了。

呢間嘢係自己寫號碼落將單上，之後俾佢 order，三個人點咗三個餸先，点多幾個餸張枱都放唔到啦，其實都好清楚寫咗三個號碼order d 餸，可能嫌我哋點得少又或者一次過要點哂所有餸，因為只可以食80分鐘。佢自動幫我哋加一個餸，發現後叫佢減返，之後半個鐘先上咗兩個餸，得返50分鐘，餘下一個小炒皇要追先上，大約一個鐘上埋小炒皇，得返20分鐘食，想加多個餸啦，佢話唔好意思夠鐘喇，10分鐘後要埋單。我話小炒皇啱啱先到喎，俾多5分鐘你啦。全程80分鐘要走，快食 buffet好過佢啦。

以住禾輋差不多幾個月就去一次，搬去石門今次都系第一次，叫左椒盬九肚魚，条条好似系多春魚咁款，完全無九肚魚滑嘟嘟口感，一碟椒絲腐乳通，賣相好似清炒咁，又吾夠味，另一碟經典呀，叫左個琵琶豆腐，系好足料，大大粒，但口感系食緊鲮魚球囉，跟本不是琵琶豆腐既感覺，最後一碟椒鹽鳝片，中規中距，但真系無下次。

話說之前係佢舊舖已經食過兩三次 記得以前好旺同埋都幾好食。今次經過 門口有個姐姐叫我地試下隻雞，雖然最後無選擇 但就選擇左食個椒鹽鱔片同豉椒炒鵝腸😍好好食啊個鱔片，外賣都好好食，如果即場食真係不得了，仲有鵝腸都幾好食，又夠辣，我一定會再去

唔好睇佢個裝修好似好新，但係入邊嘅嘢食質素絕對有大排檔嘅風味。嗰日去到我食咗佢嘅小炒王，豉椒炒蜆，仲有佢嘅四川麻辣雞煲。老實講，佢嘅小炒王真係有啲失望，因為冇咗我最鍾意食嘅韭菜，變咗做西芹，不過反而變咗西芹個口感變得更加豐富。可能因為個人喜好，冇得食韭菜，會有啲失望。佢個豉椒炒蜆就值得一讚，蜆肉入邊一啲沙都冇，而且仲有海水味，以我所知有啲餐廳會博爛個蜆殼，務求令到小菜可以快啲上碟，但係呢一間舖頭絕對冇馬虎，剩係得一兩隻蜆係冇開到殼，其餘嗰啲全部都開晒殼。佢個四川麻辣雞煲，好有風味，如果你係一個鍾意食辣嘅朋友，咁就啱晒你，因為麻同辣嘅味道都10分充足，而且滲晒入雞肉入邊，就連雞煲入邊嘅洋蔥亦都有雞肉味同埋麻辣味，呢一樣嘢係令到我有驚喜嘅。

今晚仍然未改為兩人一檯，一於即慶去石門搵食每次嚟到呢度，實在太多選擇， 今次朋友提議不如食小炒，懷緬一下大排檔！所以就試吓陳根記，唔知係咪以前佢喺沙角邨嗰間大排檔，火候十足，其中黃金頭油雞，肉質鮮嫩非常入味而XO賴尿蝦， 雖然好細隻， 勝在好大碟，而且非常新鮮,有幾隻而且有好厚嘅蝦膏，價錢合理，並且不太濃，味道啱啱好啱晒我呢啲無飯主婦！至於椒鹽白鱔片，好有驚喜！可以保持肉質爽口，加上啱啱冚咗腥味，下次可以再試另外叫咗菜心炒鮮魷，菜心軟硬適中，不太油膩， 但鮮魷不夠新鮮，不夠爽口

只可惜不是跟大夥兒在一起，點一些大菜好像也浪費了點🤔也只好只點了兩個甜品😅說起來，以前一直也聽大家說陳根甜品很不錯機緣巧合吧，小妹竟然是第一次嚐到陳根記的甜品🙈嗯，真係幾好食平時的我其實不太喜歡芒果和他的甜品，今天確沒拒絕芒果很甜🥭，最怕那種酸的有渣的一口脆的外脆內軟外熱內冰凍真的不錯，果然是招牌只是覺得睇下抹的生忌廉好像沒必要了🤔芒果腸粉也很厲害，冰冰凍凍還真的滿爽的🤤前：芒果腸粉後：芒果一口脆

個咕嚕蝦，皮勁厚，冇肉嘅好難食。魚香茄子等咗九個字都未到，啲飯都等到凍灑。追咗佢幾次侍應十問九唔應，重要侍應服務態度好差，追佢第五次嗰時先話漏咗先話幫我整完全冇諗過係佢哋有問題，伏到一個點。

陳根記搬去沙田石門後一直都想再試，但每一日都咁多人，真係好難的起心肝用粒幾鐘等位。疫情下，好多餐廳都少咗堂食客，所以決定趁「人少少」嘅時候幫襯返一次。放工後以最快嘅速度趕到餐廳攞位。到達陳根記時大約6:35，可以自行入座，但目測已七成滿。然後喺不足10分鐘內，餘下嘅三成枱亦已經坐滿。餐廳裝修刻意營造以前大排檔喺禾輋邨嘅感覺，但始終係有分別，營造不來。我哋叫咗招牌蠔餅、孜然棒棒骨、椒鹽白鱔片及白菜仔炒雞柳。嗰期仲要係每叫一個餸就送一罐汽水或者啤酒，去大排檔食就啱晒。感覺係每碟餸無乜點加價，但份量就少咗啲。餸整體都係好味，但就好似比以前少咗氣，我個人覺得仲係唔錯。而且出餸好快，餸又夠熱。可能舖個比以前大排檔時細，再加上客人都幾多，所以繁忙時間限時80分鐘，如果同朋友傾計係唔夠喉嘅，要留意下。不過其實我又唔覺得好嚴格執行，因為我哋食咗個半鐘又唔係太趕我哋。

記得以前成日去舊鋪陳根記食飯價錢平之餘 食物出品亦有水準新鋪搬左去石門都幫襯過好幾次個人覺得水準依然keep 到今次帶埋一家人黎晚飯wasabi 手撕雞材料好豐富 有火腿 海蜇 蟹子 青瓜絲 同雞肉今次比平時食既wasabi 味濃左d 食到有d 眼濕濕作為前菜 可以refresh 一下個口先鹵水分蹄呢度好特別 係唔同出面d 鹵水既分蹄做到爽口彈牙 事必之前需要一番功夫先有既效果蠔餅做到脆口得黎又唔會覺油膩蠔仔都幾大隻 加上又唔腥五味魚柳師傅將醬汁調味得好好 味道酸酸甜甜又係一道開胃菜孜然豬仔脾記得以前舊鋪果時有得揀美極豬仔脾而家餐牌上又唔多見有咁就唯有食呢個孜然味呢個味都唔差 惹味之餘唔會過咸肉質都保持到有小小水份 唔會做到好柴