陳儀興飯店 (崇齡街)

营业中

休息中

陳儀興夜晚都座無虛席好熱鬧，好彩今晚早少少黎唔使等位就入到。平時食打冷都鐘意叫滷水拼盤，可以食唔同野，但今日入到黎，見到隔離枱D鵝勁靚，就忍唔住叫碟鵝食下。澄海鹵水鵝D鵝肉質地柔軟，鹵水汁均勻滲入每一塊鵝肉當中，墊底既豆腐滑捋捋，都索晒D汁 😋潮洲春菜其實我都未食過，不過見佢個名咁有特色就試下啦，原來係質地類似芥菜既蔬菜，個菜汁好夠味，仲有D肉片。食煎炸打冷野，食返碗菜就岩喇 😆蠔餅簡直係打冷必食。蠔仔唔算好大粒，但勝在夠均勻，D脆脆都香，又唔會油憶味，點個魚露食就match 喇 😍

每一間潮州食店，滷水必是店內的靈魂，這間有數十年歴史的老店，滷水味道香醇並帶出絲絲香料的香氣。陳儀興這間潮州打冷老店，相信附近的街坊都不會陌生，店內除了不少區內客人外，亦吸引不少區外客人光顧。店舖沒有華麗的裝俢，地道、實而不華的感覺，令食物成為店中的亮點。滷水鵝件 ($98)👍👍👍👍👍鵝件肉厚並帶骨，滷水味道滲均匀，連骨頭也帶著滷水的味道。鵝肉軟滑亦不太肥，份量也很多，以$100元有找的價錢，算是十分超值。魚湯浸大蜆（$78)👍👍👍👍👍奶白的魚湯除了鮮甜香濃外，並帶有濃厚的胡椒香氣，配合新鮮飽滿的大蜆，只有一個字形容，就是「鮮」。潮州蠔仔餅（$70）👍👍👍👍👍半煎炸的蠔仔餅，外脆內軟，金黃香脆的蛋包著綿滑的蠔仔，口感先是香脆、接著是有一點煙靭，隨之而來是鮮甜爆漿的蠔仔，香口軟滑兼具。啤酒（$32）👍👍👍👍汽水（$12）👍👍👍👍門面內在環境餐牌

店名易記，與已故香港女演員拿督夫人同音，而且在短短新蒲崗彝倫、爵䘵街一帶覇了4間舖，於是引起我的注意。是日，周末黃昏，華園旁的其中一店爆滿，遂左轉去了有卡座的分店。主餐牌像厚厚的典籍一樣，反而來客包括我都左望右望牆上的彩圖點菜。寫單哥仔說沒有醉雞、魚扣（我特喜愛...），於是改點了鹵水拼盤（來打冷沒理由不吃潮州菜）、香煎藕餅、蠔仔粥及哥仔推介的豉椒黃蟶子。鹵水拼盤碟頭不算巨，但料全，鴨腎、豬肉、豆腐、紅腸、豬大腸、豬耳、墨魚🦑、鹵蛋...爽腍鹹淡，滿足口感味蕾；對藕餅一向是「不過電」，沒期望，咬了口，微微透肉汁，夾雜顆粒年藕，連吃了三四塊；端來的炒蟶子，居然不是殼肉分離殼多肉少，每一殼肉都一pair pair的得齊整，有點驚訝，而且除了經典地用豉椒炒外，額外加了金不換提味，所以很容易就囫圇吞棗；可能到尾已有點飽，到最後的蠔仔粥就感覺不到有啥特別，就是泡飯加了蠔仔一樣。

上次就食過陳儀興火鍋店，隻黃金甲到而家都沒齒難忘！今次經過新蒲崗就試埋佢嘅陳儀興小菜啦！潮州菜啱晒我呢啲鍾意重口味嘅人，打冷小菜樣樣齊，今日得兩個人就叫左三味餸試吓:金黃香脆炸蠔仔餅！不得了，熱辣辣啱啱乍起，蛋漿調較得好好，好實淨唔會一夾就散，包含蔥花，芫荽，同埋鮮味嘅豪仔粒，咬落渣渣聲！配埋個魚露送飯簡直一流！豪仔肉粒粒脹卜卜嫁，有圖有真相冇花冇假😍滷水鵝片，鵝肉鮮嫩，滷水超入味，睇到層,鵝皮都上曬色就知啦，鵝皮超薄，平時怕肥膩所以食鵝唔食皮，呢碟多肉又無肥膏我皮都食埋，汁都撈埋飯👍🏻😀不過小心碎骨啊！滷水咁出色試埋佢嘅滷水鵝腸啦，咬落索索聲口感100分！爽啊！九十幾蚊有咁大碟，超抵食囉！另外店員個個都好親切，係度食飯好有家嘅感覺☺️必定再幫襯！

潮洲打冷係我最愛嘅菜系之一，今日同男朋友係新蒲崗搵食途中見到呢間餐廳，心癮起就入左去食哈哈😚.雖然得兩個人，但係太多菜式都想食，所以最後我地叫左四樣食物🤣整體食物質素都好好，份量大碟，抵食！.潮洲蠔仔餅有兩大塊蠔餅，好大份，蠔都算大隻👍🏻韮菜豬紅我係第一次係打冷舖食豬紅🤣本來以為會係好淡味個種，原來係好惹味！豬紅同韮菜都有好香嘅五香味道，送飯一流！避風塘炒蜆呢個有少少辣，唔食得辣嘅朋友要自己衡量一下，哈哈！不過，食落真係好香口，好惹味😋澄海滷水鵝滷水鵝係我食親打冷必叫嘅菜式之一，呢到嘅滷水鵝夠濃味，連下面嘅豆腐都好入味🤓去開附近，值得一試呀！🤩

今日屋企冇人煮飯，咁就齊齊落街食。去食屋企附近一間晚市好多人去嘅餐廳。呢度有打邊爐，雞煲同埋小菜。咁我哋今次就叫咗冬瓜盅，所以另外叫咗小菜食。首先講吓呢個冬瓜盅，冬瓜盅超級足料，入邊有鮑魚，雞件等等材料，飲落去好清甜🤪 之後叫冬瓜盅會跟一個野菌雜菜，我哋另外再叫咗芋頭同淮山。將啲蔬菜一次過放晒入個煲度，超級甜超級好味！小菜我哋首先叫咗炸墨魚餅，炸墨魚餅金黃色好吸睛，食落去爽口彈牙，係不錯嘅佐酒小食。之後叫咗呢度嘅招牌，拔絲咕嚕肉。呢個真係好食到停唔到口，唔係好食得出有炸粉，但係個皮就好脆好正！食落冇肥肉但係都唔乾，總之呢碟餸係超級正，再黎食都一定會叫😍仲有一樣都超級推介既就係蜜椒薯仔牛柳粒，呢個最正既野係個蜜糖汁，薯仔同牛柳粒配上蜜糖原來可以咁正咁惹味！！牛柳粒煎到好香，外面微脆，入面仲好嫩滑，味道好香又帶點甜，好有驚喜🤪

樸素的外表，但美味在其中。炸蝦棗大大粒，爽口彈牙又有汁，點個醬少少酸，口感好特別，大人小孩都會喜歡！春菜排骨：潮州人先識叫，我第一次食，有少少似芥菜，微苦但又甜甜地，菜身比較林，老人家都食到。豉油王鵝腸好爽滑又入味，不會太鹹，食落亦唔肥膩，底下的芽菜吸收了香濃的汁，特別香。必叫之選：砵酒焗肉，好滑好軟，味道好香，有少少甘甜味，配飯最合適。竹笙扒雜菌：足料清新，上面好多竹笙，雜菌好滑，底下亦係芽菜，但清新口味，同豉油王鵝腸個底果d完全唔同。每碟份量都唔細，加上地方都唔算太窄，招呼唔錯，上菜快手。值得一讚，店員見到老人家同行，等位時專登留張櫈叫老人家慢慢坐，好有禮貌

小店打冷的味道好令人懷念 細細個個陣屋企成日帶我地去食打冷相信住九龍區嘅人都會識得陳儀興滷水鵝片😀肥瘦好平均唔會令人覺得好油膩感分量亦都比較多味道好足夠自己一個食晒一碟其實都冇問題最緊要就係有一支啤酒送鵝片 絕佳配搭大腸拼滷墨魚😀我的最愛啊睇得出小店唔會就住就住每一碟都好大碟炸蝦丸😀成日食潮州菜嘅人都一定聽過炸雙棗今次就淨係叫咗蝦丸每一粒都好彈牙入邊都有一隻蝦油鹽水海鮮蜆肉粉絲😀送飯一流好多蜆肉粉絲日都好夠味

朋友帶路，話新浦崗有間打冷好正，先黎一個鹵水鵝腸，鵝腸係雪藏貨，好韌，冇味，連個汁都冇味，打冷基本野都做唔到，失望畢咗落碗，先記得影薄殼應該係好鮮甜，呢個唔鮮甜，又係冇味凍蟹，唔記得12兩定14兩，開價$580，講價後$500肉質唔錯，但冇咩鮮味，但呢個價錢，可以接受。辣子田雞，完全唔香，仲有雪味，唉…黃金蝦，好好味終於有一樣野係好食，可能小炒仲好過打冷野用淡水大頭蝦，好大隻，隻隻都滿哂咸蛋汁，好香，蝦係新鮮，好鮮甜可以為左個蝦而再去試其他小炒，但打冷菜式真係不能再試

打冷黎講呢...唔係話呢間最好食, 但講好食同抵食夾埋黎講, 呢間一定無得輸呀,佢地炒小菜都好夠鑊氣, 但有時係會咸左少少...重口味既人好岩食!↓呢個大眼雞貴就係貴左D $250, 但係店食同自己整2回事...店舖係一次過大堆頭去整, 點都會鮮味過你自家制既...我地平時會食馬友魚, 唔係間間打冷都有我食, 馬友魚就會有油香D, 大約$190一條,凍魚一定要點佢地既黃豆醬, 即時提鮮.↓滷水鵝件加鵝肝 $138  o係香港唔係度度都有得食"粉肝" 粉肝既意思係個肝食落口係即溶既, 唔會好似食豬潤甘乾乾地啃到野甘...在香港食到呢個質素算係甘了, 我俾4粒星唔係話唔好食, 只係在汕頭食到比呢個更好食.↓豬紅$50 個豬紅唔會太痴牙, 本身既夠味,  必得比較大件左.

呢排返工比較多野要煩, 收工要食啲特色野慰勞吓自己, 所以黎到咗呢間食潮州菜的餐館，環境優美，裝修精緻，座位也比較寬敞。潮洲菜必點的當然是滷水，滷水鵝腸從廚房送出來時已經聞到香噴噴，滷水汁恰到好處，不會太咸。鵝腸驚艷到我，中間還夾著肥膏。底下還有吸盡滷水汁的豆腐，不能錯過的一道菜式～第二道菜式避風塘炒蜆，夠辣夠搶，炒蜆肥美，雖然不是很大隻的那種蜆肉，避風塘味好濃郁。那個避風塘炒得好好，味道真係好正！鹵水鵝都好出色，鹵水味並唔係留於表面，仲係入埋肉度。有時，鹵水鵝仲會有陣壓味，呢隻完全無。份量又夠。整體賣相和味道都係滿分！味道：这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民。

「陳儀興飯店」是我最愛的潮式打冷店，只是一直未有機會寫，皆因每次上菜時，都急不及待開餐，往往忘了拍照。這一次終於記得了，「相機食先」！希望在這裏可以推介給大家幾款我最喜愛的菜式。他們在新蒲崗一共有三個舖位，位置相當接近，一般很快便可以入座。門面擺放了很多各式各樣潮州醃製食品及海鮮。餐廳以圓枱為主，如果人數較少便多數要搭枱，地方尚算寬敞。閒日七點左右到已十分爆場。以下推介的幾款小菜都是我每次來吃必點的。第一款是我的至愛 • 「潮式醃獅蚶」，我去過香港不少打冷店，第一，不是每間打冷店都會有醃獅蚶食，第二，這一間醃製的獅蚶是最入味，最能帶出獅蚶鮮味！然而，因為是生醃和有血水，不是每個人都能接受到，因人而異。我一開始都有點怕，但自從去年便是一試愛上，更成為了這店的忠實粉絲。第二款是蠔仔粥，材料十足，每一口都會食到蠔仔，而且相當肥美鮮嫩。再配上冬菜，與蠔仔味道非常恰配。第三款是鵝肝配鵝片，同樣滷得出色，好入味！最後這一道是蒜蓉粉絲蒸蟶子，好大隻，啖啖肉，滿足感100%。這間不只好食，而且價錢亦很平民，絕對係高質打冷！

全家都愛吃潮州打冷，不過喺香港好難搵到間平價的潮州菜餐廳。呢間算係又平又靚了。母親節來呢度食晚餐，9點仲是爆滿，要等位。終於有位但都係要搭枱。可見生意興隆的程度。🐟马友得番最後一條，店主推薦，於是我哋等位時便reserve咗。慢火炊，所以谷出马友的油份，比一般的做法肉質更嫩更滑，好正👍🏻。魚腸都處理得算干凈，冇乜苦澀味，如果加d果皮蒸就仲香。蠔餅炸得酥脆，够火候。🐷肚湯唔係豬肚慢慢煲出來的，冇乜豬肚味，而且落咗豉油，湯的色澤偏深同味道較咸。鱔蒸得恰到好處，肉嫩皮滑，送飯一流。買單600來蚊，都算係抵食。

2019年4月20日星期六今晚夜晚會去附近工業大廈有活動所以先嚟呢度食個晚飯。呢間鋪頭都幫襯過唔少次數。味道質素有水準價錢尚算可以餐廳嘅裝修就唔算特別不過都算乾淨企理基本上你可以唔使睇餐牌周圍都已經寫晒嘢食嘅價錢同埋有晒相今日叫咗一個蠔仔粥。味道好味材料十足。淡淡你都會食到蠔。強烈推介第二味菜係老婆次次都會叫嘅煎蓮藕餅。剪得十分香脆材料十足好好味另外一個係炸蝦棗。第一次試呢個餸坐低一陣職員就問我地叫唔叫呢一個佢話好味所以就叫你試吓都算有驚喜味道非常好食。一定要試最後一個清淡一啲嘅就係粉絲煲，呢一個就冇之前嘅菜式咁吸引但係配返上面嘅菜都好食

食過夜晚，大排檔質素，酒樓嘅價錢，都係食個麻甩風味而已。linch time諗住衰極有個譜，但低處未算低，恐怖程度有點那個。。。先嚟嘅係三寶飯，呢三寶，除咗鹹蛋叫正常外，呢一條、係一條豬扒，乾旱柴皮，令人沮喪；兩雙瘦奀雞翼，食埋都無一口肉，實在情何以堪；唯一好嘅係多菜！咖喱牛肉飯牛肉係份量夠嘅，但何解無味嘅？咖哩係好黃嘅，但點解無味嘅？太神奇喇！檸檬茶叫呀姐走甜，但嚟到係甜嘅，無心裝栽！其實呢間嘢夜晚咁好生意，又何必賺到盡咁計較？用咁劣質嘅食物質素，叫人點會想嚟食晚餐？孤寒！