陳儀興飯店 (崇齡街)

营业中

休息中

今日適逢一田大減價，記去左mikiki 掃下貨，之後朋友提議不如去附近食埋晚飯，有一間出名既食潮州菜打冷餐廳，二話不說就去左搵位啦！爆晒場，我地等左一陣先有位！充滿住潮位打冷風味特色，開左壺茶飲，仲叫左2支汽水解一解喝！澄海鹵水鵝$98: 打冷當然要食番碟鹵水鵝，汕頭澄海最出名就係鵝，鵝肉皮薄肉嫩，給陳年滷水煉得琥珀晶瑩，入口順滑，果然係餐廳招牌菜式！普寧浮豆腐$68: 普寧盛名出產豆腐，平平冇奇既炸豆腐切開加入韮菜一齊食，豆腐肉好鬆化，酸酸地易入口，十分特別既食法！魚湯蜆$78: 超鮮甜既魚湯浸蜆，蜆肉大大粒好豐滿又冇沙，仲有粉絲墊底做配菜，轉眼間已經飲晒d魚湯！避風塘炒蟹$398:店員極力推薦既菜式，果然冇介紹錯，帶點微辣既避風塘炒蟹，用蒜片炒得好甘香，就是辣椒的香氣都能炒入蟹肉中，而螃蟹🦀️殼都有經過敲碎處理過，讓整個料理更能入味；把蟹殼剝開後，就可以看到美味豐滿既蟹肉，炒得好乾身、好彈牙鮮甜！讓人吃完蟹之後仍啜指回味😋😋😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

今晚去咗新蒲崗，朋友介紹食打冷，所以就去左一個好少踏足嘅地方，呢到好多食市，仲有一個大型商場，由黃大仙地鐵站行去都係十幾分鐘，都唔算太唔方便。呢間餐廳性價比高，難怪好多人食，好好生意。韭菜豬紅 $50，裡面豬紅好大舊，咬落唔會散晒，有口感之餘吸晒汁既味道，好入味，點埋辣椒油更惹味！下低有好多韭菜，好吃！普寧浮豆腐 $68，呢個豆腐外表平平，就像普通炸豆腐，但其實好特別，要剪開，再浸落一碗滿滿的韭菜粒一齊食！蒜香骨 $75，炸得好香脆，細細粒，食落仲有肉汁，不會太乾身，味道恰好，不會太咸或太淡。避風塘炒蟹 $398，是晚重點就是這個炒蟹！炒得好乾身，雖然有點辣，但依然食得出蟹好鮮甜！

成日經過新蒲崗見呢一間小店都會有人排隊，而且門面睇落去有啲歷史嘅痕跡，正宗潮州打冷老字號。今日終於嚟到一試呢度嘅潮州菜。我哋食咗招牌滷水鵝，滷水鵝夠肉質嫩滑，而且好入味，整得好出色。另外底下仲有啲滷水豆腐，連埋啲滷水汁一齊食，非常美味。另外仲叫咗普寧豆腐，一碟份量都幾多，炸得好香脆，豆腐夠滑，點埋個韭菜汁或醋，味道更加突出。再叫咗個蒜香骨，炸得脆得來又唔會好熱氣。蒜香味夠濃，面上有啲炸蒜，好香口，送飯一流。仲叫咗個忌廉飲，爽！埋單$270左右，抵食！

最近有親友返黎香港放假，佢地話想食香港地道野，咁我就帶左佢地黎新蒲崗陳儀興食打冷。打冷係外地並唔常見，除左大陸，相信無咩其他地方可以食到。潮洲打冷最出名一定有滷水鵝，生煎蠔餅等美食。今次同朋友洗塵，梗係唔可以慳啦，避風塘炒蟹，我地揀左隻差唔多2斤重既。鑊氣夠，蒜粒好入味，辣度岩岩好。滷水鵝件，滷水好夠味，如果可以有去骨鵝片就梗加好啦。另外仲叫左粉嫩鵝肝，呢個出面少d 可以食到，鵝肝好肥美，朋友都話好味。總括陳儀興既打冷係有保證既，始終呢個係佢地既招牌菜，下次會再試多d 其他野食。滷水鵝件⭐️⭐️⭐️⭐️⭐️油鹽水大蜆⭐️⭐️⭐️⭐️生煎蠔餅（小）⭐️⭐️⭐️⭐️避風塘茄子⭐️⭐️⭐️避風塘炒蟹⭐️⭐️⭐️⭐️⭐️粉嫩鵝肝⭐️⭐️⭐️⭐️⭐️

很久未食過打冷了，今日來到新蒲崗，被陳儀興飯店門口掛著的打冷鹵水鵝、紅腸、凍蟹、墨魚、鹵水豬腸、鵝腸...等等，吸引住了。裏面已經很都有很多人，裝修整潔。餐廳的牆上貼滿了圖文並茂的菜式，令有選擇困難症的人也容易揀到菜式。而菜牌上也有非常多的菜式，有水煮滑牛肉、大漠牛柳粒 、蒜香骨、避風塘茄子、避風塘炒蜆、九菜豬紅、魚湯蜆、蠔餅、澄海鹵水大鵝肝、豆醬雞、潮州凍魚（馬友）、 香炒魚露蝦 、避風塘炒蟹...等，非常多款式呢。澄海鹵水鵝$98澄海鹵水鵝鵝件較厚肉，底墊有少少豆腐，鹵水鵝肉質軟腍皮帶腍滑，滷得夠入味，鵝肉味道夠濃，打冷必食之選。避風塘炒肉蟹$438避風塘炒肉蟹，面上鋪了很多的炸蒜、蔥及辣椒，令人感覺非常吸引，上枱飄著避風塘蒜蓉辣椒的香味，蟹炸得時間剛剛好，肉質嫩滑，帶著椒鹽的蒜蓉及辣椒香，再加上炸得脆脆的辣椒蒜蓉，感覺非常惹味。最加多一個白飯及潮州粥，及每人一支汽水，食得很是滋味。

而家新浦崗唔同晒， 再唔係以前咁只得工廠區， 食飯都唔會諗可以黎呢度搵食。 今次我專程帶屋企人黎食陳儀興打冷 , 陳儀興係新浦崗好出名， 有成4~5間呀， 佢地d 打冷有質素， 雖然打冷來來去去都係食咁上下wn, 但正宗潮式打冷真係好難搵， 所以連我媽媽都大讚佢地煮法正中， 並唔係求求其其。好耐都無食過咁好食打冷。我覺得潮式打冷 , 必食要點以下。。。而👍🏻係一定要點， 真係好好食1/打冷必食春菜2/澄海鹵水鵝👍🏻👍🏻👍🏻👍🏻👍🏻3/厚肉多膏肥鵝腸👍🏻👍🏻👍🏻👍🏻👍🏻4/大漠牛柳粒 5/避風塘茄子6/避風塘炒蜆7/九菜豬紅 8/魚湯蜆9/蠔餅10/澄海鹵水大鵝肝👍🏻👍🏻👍🏻👍🏻👍🏻11/潮州凍魚12/避風塘炒蟹 , 我至愛呀👍🏻👍🏻👍🏻👍🏻👍🏻 打冷仲一定要飲樽裝藍妹， 唔係就差咁d啦。呢間真係回頭率有100%呀， 我下次要同班朋友仔再黎， 人多可以再點多d 唔同款食物， 我仲有好多野都想食呀。

人多嘅聚會就最啱食打冷，6個人嗌咗9個餸，非常豐富！♦️ 獅蚶當中最令我surprise嘅係呢個叫獅蚶嘅海鮮，腌製後生食，細細粒但就非常鮮甜🤣.♦️厚肉多膏肥鵝腸本身就唔太中意食腸，怕污糟同腥。但呢個鵝腸唔腥好乾淨，仲勁肥🙈.♦️水煮滑牛肉朋友們都話好辣，食到標曬汗，但我又覺得唔算好辣，勁香口，好啱送飯。.♦️蒜香骨份量都幾多，蒜香味十足好香口，仲好脆，超推薦！.♦️避風塘茄子意想不到嘅好味，茄子炸得香脆，仲好入味，越食越辣越香口！.♦️避風塘炒蜆啲香料太足料🤣要搵好耐先搵到啲蜆肉😂味道唔洗講，實係好正！.♦️蠔餅唔算好油，即炸起，熱辣辣！蠔嘅份量比想像中多好多🥰.♦️澄海鹵水大鵝肝雖然唔係法式果隻鵝肝，但同樣都係好重油香味滑嘟嘟，入口即溶！.♦️避風塘炒蟹蟹肉好鮮甜，辣辣香香，要同朋友鬥快爭嚟食，唔係就會無得食！

好似好耐冇打食評，因為最近都少咗出街食飯。喺諗住求其食嘅心態下食到唔錯嘅道地潮州嘢，要記一記。除咗一般嘅小菜之外，仲有好多款唔同嘅海鮮不過只求填飽個肚only~ 就淨係叫咗幾樣野食。鑊氣小炒皇：有菜、蝦乾、花生等等，好香好脆，適合送飯。香煎蓮藕餅：唔係整得好厚或好多粉，而且唔太油膩，一咬落去係有一絲絲蓮藕，食完個感覺都唔會好熱氣，做小食唔係餸都好滋味。潮州蠔仔粥：估唔到一碗都好大碗，啱兩個人食，啲蠔仔夠曬足料。落啲胡椒粉更惹味。可能平時好多人經過都未必會被吸引行入去食，但呢餐好有潮州風味可以話係一間有啲隱世美食嘅餐廳呢！

7:00黎到Full哂，店員就帶左我地去轉角另一間，舒服d乾淨d。【澄海鹵水鵝】$98鹵水色澤深邃，肉厚細嫩，幾有鵝味且無腥膻，鹵水汁藥材香料味加強dd就更好。底下有軟滑既豆腐，勁入味！【大漠牛柳粒】$85試下新式煮法晚牛柳粒，未係其他店見過。大量既辣椒乾花椒、牛柳粒、豆角、腰果去炸。豆角炸到勁乾身，香味十足又有嚼勁，仲辣中帶麻，有花椒香氣同麻痺快感，牛柳粒醃重手左少少，有些少偏鹹。【蠔餅】$70將蛋漿炸到金黃香脆，口感乾酥，但蠔餅無煮到過哂火，仲保留鮮味，蠔仔仲係好飽滿肥美。

近近地同幾個朋友去新蒲崗食潮州野，叫左幾個小菜，味道幾好， 比較好味既係蠔餅，反而聖子唔多抵食，以為會有反沙芋，點知無就試左個黃金沙芋，感覺不一樣， 如果有就非常好了！

好耐未試過一班朋友一齊食打冷啦，前幾日終於有機會啦，仲簡左間一流打冷店，食完真係令我地好滿足！水煮牛肉呢鍋水煮牛肉令我好有驚喜，麻辣既味道調得岩岩好，令我地食得好過癮，而且就連配菜同樣好味，芽菜索曬麻辣汁，用黎送飯真係一流蠔餅呢個蠔餅同樣好好味，味道夠曬鮮味，而且煎既時間岩岩好避風塘炒蟹呢個炒蟹同樣超惹味，而且蟹都算大隻，炸蒜仲可以拎黎送飯🙈🙈避風塘茄子中式炸茄子真係比較少食，但同樣有驚喜，炸皮做到好薄身，口感不錯避風塘炒蜆蜆食得出好新鮮，而且食咁蟹隻都完全無沙，抵讚！

平日夜晚十分旺場，主店太多食客幾乎滿座，被帶列轉角鋪位，坐得舒適，食得招積。每次一入坐，姐姐們馬上奉上茶&醬油三寶。滷水鵝件每次必點菜式！滷水夠入味，但又唔鹹，而且滲透均匀，連骨頭也帶著滷水的味道。鵝件底有豆腐，嫩滑入味潮州蠔仔餅份量超多，蠔仔餅炸到金黃香脆、外脆內軟，蠔仔分量比例好多，啖啖蠔肉，口感鬆化香脆，貨真價實。大漠牛肉粒餸飯一流，四季豆及牛肉用籽然粉、炸蒜及辣椒乾爆香，多重味覺，而且仲有腰果同豆角，加埋辣椒，非常野味。

位於新蒲崗嘅陳儀興飯店一直以嚟肥雞都好多朋友推薦我食呢一間嘅鹵水嘢咁肥雞有一日搵朋友去試咗入到去梗係試下佢個招牌鹵水拼盤個鹵水拼盤入 入面有鵝腸鵝肝 墨魚豆腐蛋等等 佢嘅鵝肝非常之好味鹵汁非常之入味呀送飯一流除咗嗌鹵水拼盤之外再嗌多個爐鹵水鵝肉 坦白咁講佢啲鵝肉真係肥雞食過咁多間鹵水之中水腫係頭三㗎因為食鹵水鵝最忌就係啲肉好鞋同埋乾然呢一間做得非常 好啲喎肉係好滑嘅所以肥雞畀個號字除咗食鹵水拼盤之外肥雞試埋佢嗰個胡椒花甲湯呢一個就正正常常份量都頗大

打冷@地址：新蒲崗崇齡街 40 號地下網址：https://爸媽都是潮洲人，自小識食固體食物，餐桌上已經常出現潮洲食品，而打冷更是一樣很出名架，細個已見買好多老水鵝同內臟或凍海鮮，大人邊食邊飲啤酒/whisky蒜香骨，識我都知我愛啜骨，炸香蒜碎同排骨，一件放入口惹味無比，大碟抵食避風塘茄子，茄子其實好有益架，有藍色色素蔬菜明目又好高花青素。茄子泡油維持鮮紫色,加埋加了好多豆豉同豉油炒起，夠曬鑊氣架！澄海鹵水鵝潮洲人由細食到大，奶水同血中已是老水鵝，冷盤來的，肉好夠味，鵝皮同脂肪位唔會有油溢味架大碟抵食之極，有大排擋風味，只要唔介意環境一般，餐廳坐滿好多街坊同大叔！

基本上我每個禮拜都會黎一兩日，好多時d餐廳食頭兩次好食，到食第三次既時候會發覺麻麻，keep唔到個水準，但陳儀興就無呢個問題，黎咁多次都無失望過，抵佢咁好生意，會繼續幫襯