陳儀興玫瑰餐廳

营业中

休息中

北上公幹了半個多月，回港最掛住係打邊爐！因為港式火鍋湯底，仍是我最愛。和朋友專程來了新蒲崗的陳儀興。坐低先來一杯凍檸樂，大大杯透心涼！湯底是飽魚花膠冬瓜盅，是朋友預早預訂的，真知我心！大大隻鮑魚和海參在冬瓜上面。未食都已經好吸引。冬瓜盅上枱仍要煮一陣，等熱了，湯滾起了，侍應便會幫手將冬瓜剪開。不過，首先要飲啖靚湯先。清甜滋潤，好暖胃。手打三寶丸有蝦丸、鯪魚球及豬肉丸，因為是自家製，所以睇得出足料，豬肉丸混入了梅菜，鯪魚球有蝦米，蝦丸有香葱，各有特色，爽口彈牙。細的安格斯牛肉是邊爐不能缺少的好伙伴，雖然不算厚切，但肉味都夠。滑牛是厚切的，牛味更濃，口感更滑，好食~韭菜餃大大粒漲卜卜，一份有8大隻，粒粒韭菜，餡料飽滿。魚皮響鈴雙拼，這個真的是意外的驚喜，估唔到咁好食，新鮮炸起，魚皮大大塊，響鈴又脆，每一口都卜卜脆，單食都好開心，當然打邊爐也是一流。最後的三菇拼盤和油麥菜，份量也足，打邊爐又點可以唔食菜呢?雖然位置較遠，但屹立新蒲崗多年，有大把捧場客，加上不用加一、茶芥及醬油費，難怪成為區內老字號了。

呢間餐廳有火鍋有小炒，勝在夠貼地，傳統湯底由$68起至到豪華級湯底$408，豐儉由人😝，有啲火鍋配料加$5就可以雙拼添👍，另外最抵嘅就係呢喥不收加一茶芥及醬油錢添，性價比高👍🤑。🫕鮑魚花膠冬瓜盅$248花膠鮑魚海參各有4件，花膠夠哂軟腍，鮑魚爽彈，海參爽滑，仲有雞件增加湯頭嘅鮮甜味，冬瓜大大件，煲到腍哂先食好正，消暑又清熱，呢款咁特別嘅湯底係要預訂㗎😝。🥢招牌手切肥牛(細)$208我哋兩個叫咗個細size嘅肥牛，份量都唔少，油花好靚，輕輕灼熟，有口感又有牛味。🥢自家手包韭菜餃拼手包芫茜粟米餃$58兩款餃都好似乒乓波咁大隻，餡料實泵泵，韮菜餃充滿濃郁韮菜香味；芫茜栗米餃嘅芫荽味都好濃並且多了粟米嘅清甜味。🥢脆鯇魚腩$78鯇魚腩夠新鮮，爽脆鮮甜，腩位唔會太多骨，啱哂我。🥢彈牙鮮蝦丸$88蝦丸爽彈鮮甜，並混入了芫茜，增添香味。🥢皇帝菜$36呢款菜非常之啱打邊爐，有種獨特嘅清香味。🍻藍妹啤酒(枝)$32火鍋配啤酒，正。餐廳有卡位及大圓檯，都好適合一大班朋友吹水或兩小口子嚟打邊爐。

今日嚟到位於新蒲崗嘅陳宜興玫瑰餐廳打邊爐餐廳主打唔同特色嘅鍋底，而且仲有小菜。最大重點係餐廳唔需要收加一同埋比任何醬料錢😋😋😋Menu有大量食材選擇，而且有大部份食材可以雙拼，所以唔係太多人嘅情況之下都可以叫好多嘢試少少👍🏻👍🏻👍🏻鮑魚花膠冬瓜盅雞湯有大量冬瓜,加入鮮美的鮑魚和滋補的花膠,再以雞湯為底汁熬煮而成。冬瓜清香爽口,呢個湯係夏季限定，想食嘅話可以打電話預約，一想嗰陣店員會等佢滾多幾分鐘先之後我哋可以飲咗湯再打邊爐。都唔錯，既可以打邊爐又可以清熱氣😋😋😋火鍋料:手打魚麵 -新鮮魚肉細緻揉製而成,口感鮮嫩有彈性😋黑柏葉 - 都幾新鮮，煮五6秒就可以食得👌🏻麻辣香芹餃 - 有香芹和麻辣調料餡料包裹在薄薄的餃子皮中,香辣可口。鮮蝦雲吞 - 皮薄餡靚，不錯滑牛肉 - 雖然冇平時首設牛肉咁好食，但係性價比一流👌🏻👌🏻👌🏻魚腩 -有彈性和鮮味👏脆皮餐肉 - 即叫即炸，同響鈴一樣唔可以煮太耐蝦丸 - 以蝦肉製成的彈牙蝦丸,除咗蝦味之外，仲有芹菜調一調味，我幾鍾意呢個配搭👏

今日去了新蒲崗，去左食火鍋我們之前定了黃金甲鍋底金甲鍋底桶蠔$178.0蟹籽墨魚滑$98.0安格斯（大）$238.0金甲鍋底有一隻大蟹，蜆，大大片南瓜鍋底好鮮甜，南瓜好淋滑，會有店員幫忙剪開南瓜大蟹鮮甜，好好味。滾之後可以開始飲湯。😋😋🤤🤤🤤桶蠔～肥肥的蠔，好鮮甜，好好味。😍🤤🤤蟹籽墨魚滑～好爽口彈牙！😍😍安格斯～肉味濃郁，好淋滑的肉質。😝傳統小區，小店份量足味道不錯，氣氛熱鬧。🤣😂

📍 今日嚟新蒲崗打邊爐，七點半已經全場爆曬人勁旺場，餐廳分咗小炒同埋打邊爐，或者兩樣叫埋食都得！試咗店員極力推介嘅海鮮濃湯黃金甲($348)做火鍋湯底，個湯用咗原隻新鮮蟹同蜆去煲，個底仲有半個大南瓜、洋蔥、鴻喜菇同粟米等等，成個湯超級鮮甜。店員仲會幫我哋拎咗個南瓜出嚟再剪開個，方便煲完隻蟹之後先煲南瓜嚟食，又提我哋要飲晒啲湯先好打邊爐，飲得出完全冇落過味精，全部都係海鮮嘅味道。招牌手切肥牛(細碟$208)會片花紋都好靚，淥10秒左右就食得，入口軟滑又重牛味。脆鯇魚腩($78)厚切大大片，同樣淥好快就可以食，淥得太耐就冇咁爽口。餐廳仲有自家餃叫，都幾多特色嘢除咗西芹之外，我哋試咗芫荽粟米餃同鮮蝦雲吞(雙拼$58)，前者芫荽味好重，再配埋粟米清甜又幾多汁。鮮豬膶拼鮮牛肉($67)就幾抵食，豬潤都係厚切保留到個口感又帶點粉嫩。呢度同朋友聚餐成個環境氣氛都唔錯，仲要冇收加一、醬油費同茶錢，會有下次！

呢排天氣非常悶熱，所以選左個消暑冬瓜盅（記得提早預約）$248的價錢有4隻鮑魚、4條花膠同4條海蔘，佢的鮑魚唔會令人失望，同第一次食的時候一樣彈牙新鮮，花膠同海蔘雖然細細條，但勝在真材實料，唔係扮花膠。另外冬瓜清甜消暑，配埋個雞湯底，我地2個人都食哂成個冬瓜。招牌手切肥牛（細$208），條條牛塊花紋相當靚，睇得出好新鮮，食落好有牛味，肥瘦得宜。鬼馬墨魚膠8件（$98），油炸鬼魚膠，之前食過有d餐廳小食熟上，第一次試呢個放入鍋底，開初怕會淋哂，但食落又唔錯，墨魚膠新鮮，油炸鬼香，口感豐富。炸魚皮（$57）喜出望外，原來咁好食！新鮮滾熱辣，炸到脆卜卜，可以即食的小食，仲要條條都好大條，仲要原來係咸蛋皇炸魚皮，一定要食！手包松露雜菌餃（$53）八大粒，入面的菇菌切到細細粒，好有咬口，中意食菇類的唔好錯過。另外，仲有鮮魚腩（$62）有6條大大條，夠鮮嫩蜂巢豆腐（$42）份量大，吸汁好食皇帝菜（$36）新鮮。

主打雞煲、火鍋及鑊氣小炒，呢日平日晚市都好多客人幫襯，好熱鬧✮重慶辣雞煲 半隻半隻份量都幾多，煮滾後就可以食啦，小辣開始食就唔太辣，越煮越入味，辣得好爽呀，雞件好嫩滑，啖啖肉，辣中帶微甜，好惹味😋之後可以加湯 或者 轉湯底，就可以開始打邊爐啦✮胡椒豬肚湯底奶白色嘅湯底，飲落好濃嘅胡椒味，感覺好暖胃，仲有好多猪肚，猪肚夠淋，如果鐘意胡椒豬肚湯嘅，一定要試下，好正！✮招牌手切肥牛擺碟幾精緻，油脂均勻，食落有牛味，肉質好軟嫩，兩個人食曬一大碟，好滿足🥰整體味道好好，冇茶芥、冇醬油費、冇加一，好抵食！難怪咁多人幫襯～

這間在附近都算人氣挺旺的，主打火鍋和小菜，而且最吸引人的地方是不收茶水錢和加一，另外價錢比很多店都便宜，還有雙拼選項，難怪吸引不少街坊光顧了！重慶辣雞煲（１５８元）雞煲的配料挺足的，醬汁非常香濃，味道麻辣，非常港式，配上剛剛好熟的黃油雞件，口感嫩滑多汁，肉質又有彈性，非常惹味！而且還配有一份菜給你，挺有性價比的！安格斯牛肉（１７８元）雖然只是小份，但份量都挺足的，口感挺滑嫩，有牛肉香，油花也比想像中好！自家手包韭菜餃＋自家鮮蝦雲吞（５８元／雙拼）雙拼份量很足，每粒都超大粒，裡面滿滿的料。韭菜餃脆嫩多汁，又有肉香。鮮蝦雲吞口感爽滑，亦有豬肉香！潮州手打牛丸（８８元）口感非常爽滑，入口爆汁，牛肉味香濃。五花腩肉＋豬粉腸（６７元／雙拼）豬粉腸量挺多的，是熟的，口感偏嫩滑。腩肉口感爽滑！彈牙白魚蛋＋響鈴卷（６２元／雙拼）白魚蛋魚味很香，質感爽滑不油膩。響鈴卷非常吸湯！油麥菜（２６元）韓國辛辣麵（１８元）

👧🏻😋👅🍽✨玫瑰餐廳唔會令人失望 冇野扣分 🤓-🍲 火鍋小菜各有fans, 7點鐘左右就坐滿晒人, 大多都係訂座客人; 店員非常友善, 樓面好忙, 但出餐快手亦不忘貼心照顧客人需要🍲 經常推出新湯底, 如果要試晒店內poster既湯底, 部份都需要提早預訂; 火鍋料就全部即叫即做, 係食到既鮮味🤤-🦀 🎃 海鮮濃湯黃金甲 $348💯湯底金黃色係南瓜同原隻蟹, 上鍋時隻蟹腳仲郁緊好生猛, 邊爐前先飲一碗勁鮮甜! 南瓜金湯好濃郁, 仲有蟹肉蟹膏, 蜆肉, 粟米, 芫茜甜味-🐓 黃油雞（半隻）$118✨鮮甜肉嫩皮夠滑, 少少肥而冇一忽肉係柴, 黃油好香!-🐑 蒙古羊卷肉 $98💯唔算太羶, 尤其是經過黃金濃湯既洗禮係更顯鮮甜, 嫩滑得黎有咬口-🦑 鬼馬墨魚膠 $98✨油炸鬼包住蟹籽墨魚膠, 因為要確保墨魚膠全熟, 油炸鬼唔會好似響鈴咁外脆內軟, 但吸盡濃湯精華係更好食-🧆黑松露豬肉丸 $78💯粒粒分明唔會痴埋晒, 肉丸好肥入口彈牙爆汁, 仲流出好香黑松露味-🍤特選配料 $57 雙拼+$5✨彈牙蝦肉卷仲魚蛋質地, 蝦肉好鮮甜✨響鈴卷即叫即炸, 第一啖就咁食仲係熱辣辣, 淥幾秒仲係脆卜卜再儲住濃

天時暑熱，食一個消暑冬瓜盅就最適合不過，多次到訪的新蒲崗「陳儀興玫瑰餐廳」最近推出鮑魚花膠冬瓜盅，消暑之餘又滋陰養顏----------🔹鮑魚花膠冬瓜盅 $248加入雞件令冬瓜盅味道更鮮甜鮑魚爽滑彈牙，花膠軟滑富骨膠原，雞肉嫩滑鮮味，湯底清甜不膩美味指數：8.5/10----------🔹招牌手切肥牛 (大) $298油花分佈平均，賣相一流輕灼肥牛令肉質保持軟嫩有彈性，肥瘦適中，入口充滿鮮牛的油脂感，牛香濃郁美味指數：9/10----------🔹脆鯇魚腩 $78厚切的脆鯇肉更具口感，魚皮跟魚肉同樣爽脆，魚肉雪白鮮嫩，帶鯇魚獨有的魚油香美味指數：9/10----------🔹自家手包韭菜餃拼獨門芥末西芹餃 $53 (雙拼 +$5)餃子粒粒飽滿更是新鮮現包外皮薄而細滑，韭菜鮮香十足，豬肉同樣鮮味，菜多肉少是個人喜愛的比例；芥末西芹餃入口是嗆鼻，有意想不到的驚喜，滋味過癮美味指數：9/10----------🔹皇帝菜 $36----------自家製五花茶及羅漢果茶足料低糖，解渴解膩更具多種功效

朋友介紹新蒲崗有間抵食免茶介醬油及加一的打邊爐，還有一個很吸引的海鮮鍋，這次經開新蒲崗特來試試。 餐廳隱藏在工廠區的大街，鄰近MIKKI，不難找，餐廳很大，平日也坐滿人。先點了一個海鮮濃湯黃金甲，有大大隻肉㙰加上粟米南瓜，還有不少大蜆，湯底果然跟名字一樣金黃色的，蟹很大隻，佔滿整個鍋，蟹肉很多很鮮甜，煲出來的湯很鮮甜美味，不會熱氣的感覺，一定要原汁原味喝完再加湯打邊爐。推介一定要叫海蝦，因為十分新鮮，上枱時還會郁，而且很大隻，啖啖肉手切肥牛，不是急凍貨，每片牛肉都佈滿油花，厚身，有濃濃的牛肉味，好味。松露雜菌餃，一咬下去便有很香的松露味滲出，內藏雜菌，外型像一個可愛的小錢袋。結尾點了窩荀片和油麥菜，蔬菜很新鮮，為美味的一餐結尾。飲品點了涼茶，羅漢果茶和金銀花，可解熱氣。

✨️冇加一✨️冇計茶位及醬料費✨️可以預先訂位✨️仲有免開瓶 能夠集合曬以上四樣嘢嘅火鍋店，喺香港現今已經好難搵，仲要有人情味嘅service、食物質素又唔錯， 難怪平日座無虛席！ 💁🏻‍♀️消暑冬瓜盅鍋有鮑魚、花膠及海參，湯頭用雞件淆製，滾起嘅時候先食雞件，雞肉嫩滑！之後再食埋鮑魚花膠海參，滋陰養顏呀！ 夏天食下冬瓜燒下暑，可以同火鍋嘅熱氣打和番😆 呢度加湯係真•加湯，唔係加熱水㗎😂 💁‍♂️火鍋配料都有好多唔同嘅選擇，我哋今次就冇叫牛（ 見到隔離枱碟牛好靚呀，下次要試下），大推手打梅菜豬肉丸、 即包韭菜餃拼芫茜粟米餃，兩款都食得出係自家炮製嘅用心作品！ 皇帝菜用上皇帝菜苗，特別清甜冇渣～ 脆鯇骨腩肉質爽脆新鮮，讚！

一間出色嘅火鍋店就算位置唔太方便都總會有好多客人慕名而啾，好嘢當然要返食，暫時嚟講食過咁多間火鍋店，呢間真心性價比高又老實。大概七點嚟到舖頭都差唔多坐滿人，上次食過無蝦有蟹鍋非常有驚喜，所以今次就試海鮮濃湯黃金甲鍋 (需提早預訂）。海鮮濃湯黃金甲材料有粟米、南瓜、大量蜆同大肉蟹等等，湯鍋滾起後店員不停提醒我哋記得飲多幾碗湯，果然無介紹錯湯底真鮮甜有蟹味，我同朋友都不約而同飲咗兩至三碗先開始食，蟹鉗大大隻非常鮮甜。第一次叫呢款手打魚麵都幾有驚喜，放落個鍋煮耐咗都唔會斷開，魚味突出口感彈牙，口感有啲似切絲嘅炸魚片。上枱時嚇咗一跳第一次見咁大粒雲吞，食落先知原來裏面有成隻蝦喺度，果然貨真價實。松露豬肉丸用豬肉剁碎加入黑松露搓成，每碟有八大粒，食落有咬口之餘帶淡淡松露香氣，口感層次豐富。本身諗住食手切肥牛，不過侍應介紹啱啱有吊龍，所以就轉咗食呢款吊龍，吊龍肉味濃郁有嚼口，難怪咁多人鍾意食。雖然係雙拼但係份量都唔少，鮮滑牛拼鮮魚片兩款都好正，魚片晶瑩透亮少少骨都無啱晒我呢啲懶人，新鮮滑牛肉質鮮嫩，無論煮餸、燒烤、打邊爐都一樣咁正。

#新蒲崗美食 #小蓮星呑食新蒲崗🔻 陳儀興玫瑰餐廳 新蒲崗爵祿街33A-37A號百勝工廠大廈地舖/🧃消暑冬瓜盅 $248勁震撼，真係半個冬瓜盅放喺湯底入面，上面仲鋪滿鮑魚、海參同花膠，名貴兼鮮甜，滾起嗰時，店員會幫手剪開啲冬瓜，勁有儀式感！啖湯都非常鮮甜，因為入面有勁多雞件！飲咗好幾碗/🧃招牌手切肥牛（細） $208估唔到細份都咁大碟！雪花好靚，牛味同油香都好香濃！/🧃獨門芥末西芹餃 $58鍾意Wasabi嘅必叫！咁好食，仲好醒胃，西芹都好有口感/🧃粒粒章魚丸 $62最大推係呢款丸，真係冇見過，入邊真係一粒粒章魚粒，爽口彈牙鮮甜/#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

炎炎夏天都阻止唔到人們打邊爐嘅決心！咁熱嘅天氣打邊爐，當然要揀返個消暑啲嘅冬瓜盅湯底！仲有鮑魚同花膠可以補一補，實在滿分！完全冇圖片只供參考嘅感覺，上枱一樣咁正，大大塊冬瓜，大大隻鮑魚，仲有花膠同海參市面好多打邊爐用嘅花膠其實都係魚肚，又大又厚，但係唔好食，呢度用嘅係真花膠，細細隻但都好正。鮑魚非常鮮甜又夠淋。湯底係真雞湯，好好飲，店員都有提我哋記住飲，最終真係俾我哋飲到見底先再加豬骨湯打邊爐由於冬瓜盅份量太大，所以冇辦法叫太多嘢食，但必須叫的一定係牛，仲要叫碟大既安格斯牛肉，鍾意脂肪少牛味又夠濃。另外叫左餐廳推介芫荽粟米餃、魚皮餃、貢丸、章魚丸，當然唔少得嘅係炸魚皮同響鈴卷。食物都可以選擇雙拼選項，咁樣對想試多幾款嘢食嘅人實在係好好嘅選擇。芫荽粟米餃好大隻，好好味，一食就知係手工餃👍🏻炸魚皮超香超脆超正👍🏻響鈴卷都係手工制，呢個真驚喜👍🏻另外仲有好多自家制飲品，試左圓肉紅棗薏米水，十分足料又唔太甜👍🏻好多食物都睇得出店家付出咗唔少心機，所以食物質素都好好，而且店入邊嘅店員都非常之有禮殷勤，呢啲就係良好香港食肆👍🏻