阿麥廚房 (已結業)

生日月食不停，今日就跟中學同學一起慶祝了，原本我地係想去咖啡弄的，奈何太多人，所以退而求其次去了加路連山道揾食。經過門面不錯的 Mackie Kitchen，又唔駛等位，酷熱天氣下諗都唔諗就入去了。小店地方唔算小，但枱排得頗密，主要係四人靠牆枱或中間二人枱。坐下店員即送上午餐牌，大概係$70-$80(需加一)既扒餐，由於當時差不多兩點半，故問店員有沒有下午茶餐牌，有喎！所以我們就點下午茶了！下午茶餐牌都有兩三款意粉，三文治及甜品(心太軟﹑芝士蛋糕)，由於朋友已準備生日蛋糕了，故我點了巴馬火腿芝士沙律菜三文治，朋友則點了炸魚薯條﹑三文魚忌廉汁菠菜意粉及黑松露帶子意粉。全部賣相也不錯，由於出門前已吃了少許，故我沒試朋友既意粉，但也吃了一點炸薯條，係連薯皮一起炸的那種，好味。至於我點既三文治，自動烘底，好香口沙律菜很新鮮，整個配搭好好，好味！每款下午茶餐都包一杯飲品，除特飲及花茶要加錢外，其他如 Mocha, Hot Chocolate, Latte, Expression, etc都不用。我們分別點了 Mocha, Mochachino, Flat White同Caramel Macchi

阿麥廚房格局屬咖啡店一類，裝潢走年輕消閒路線，適合短聚小休。午膳時間另有一系列午餐供應，約七八＋元一份，取價可接受。餐前蒜蓉包香脆度皆合預期。意大利菜湯食味質感稍為單薄，能追加肉類食材及濃縮湯底更佳。主食煎極黑豬肩扒水準不俗，豬肩扒肉質鬆軟自然，肉香調味亦不錯。各配菜水煮時間不足，口感較硬身。餐飲意大利泡沬咖啡賣相OK，味道合意。

母親節要找地方同母親慶祝, 網上找到這間評價不錯的來試下, 訂了檯.這裡在著名的丹麥餅店附近, 有點隱蔽, 不過總算找到. 在這個位來講人流都算多.門面裡面裝修不錯, 年輕活潑舒服的格調, 顧客也是二三十的年輕人居多.餐牌很特別可愛, 雖然種類不多不過主要餐館的食品都有.點了炸雞套餐, 牛扒套餐, 海鮮燴飯, 黑松露飯.炸雞套餐最好, 炸雞很脆, 鹹鹹地很好食, 而且份量也不少.牛扒餐, 牛扒普通, 薯條很脆而且香口, 如果肥肉軟一點更好.海鮮燴飯, 普通, 料也不多. 黑松露飯, 很香很開胃, 飯也很入味.服務一般, 可能是新開的店, 服務員好似不太熟悉餐牌裡面的食物.

一向都鍾意去阿麥食西餐，今日中午同事升職，又撿選呢度作宴請招待。阿麥嘅西餐出品一向不錯，價格合理，最鍾意食呢度嘅意粉，好creamy。不過我至愛嘅三文魚意粉呢期無被包喺set lunch, 於是order咗辣茄醬雞肉意粉。喺香港食嘅辣嘢，通常都無乜辣味。但呢個辣茄醬雞肉意粉，真系辣嘅！佢應該系落咗辣椒仔，喜辣嘅朋友就應該會覺得好過癮。其他同事order咗牛扒，非常之大份。我試咗一舊，亦有牛味。不過如果以口感嚟講就唔算出色。BTW，呢度提供wifi，喺hk食店嚟講，真系比較少有。如果你喺銅鑼灣想食d感覺親切d嘅西餐，不妨嚟呢度坐下。

數年前曾經到訪過這店，印象中食物服務一般，位置也迫，人多時也嘈吵。但我仍然記得舊時此店好像有個小小的圖書閣，讓客人可以把看過不要的書留下，讓其他客人取閱，讓書本漂流不至浪費。今次再訪，發現已裝修過，整店的氣氛由柔和的白光變成了暗暗的燈光，情調更佳。然而，四處張看也找不回當年的圖書閣，失去了一份特別的意義和文化氣息。說回食物，是晚的set dinner 選擇頗多，最後選了「德國式咸豬手芥末燒汁」。除了Set Dinner menu, 另外有可散叫(小象Menu很有心思)，但選擇不多，最後還是點了Set Dinner。前菜是凱撒沙律及焗蟹蓋，湯點了忌廉湯。沙律味道調得十分好，不會過多醬料，而且新鮮，很回味！蟹蓋也不錯，只是好像有點點凍了忌廉湯不夠濃稠，而且吃不出是什麼味道的忌廉湯，是3款前菜食品中最遜色。主菜出場，份量十足！最吸引我不是豬手而是著條！立即品嚐了數條便停不了口，炸得很香脆之餘又充滿了芝士香，十分好味！我更忍不住向侍應說﹕嘩，好好味的著條！至於豬手，個人認為燒得比較乾，份量搭夠。最後還有飲品和甜品。甜品是焦糖布甸，不會過甜，不錯。食物方面，印象中比數年前進步了很多，賣相及味道更

[經朋友介紹，到了這間餐廳；餐廳的環境很雅致，其中的特色穡是我喜愛的紫色！頭盤我試點了番茄凍湯，味道酸酸的，有點似V8。主菜我點了具特色的油鴨肶，味道不錯，特別配合了那個油腊汁，咸咸香香的、最重要是肉質嫩滑，居然比我之前在法國吃時的更好味！友人點了黑松露野菌意大利飯，因為我們被那香味吸引，差不多吃完才記得忘了影相，果然是新手食家，冇辦法啦。哈哈！餐飲我點了泡沫咖啡館，啡味略淡但回甘，很適合我。

仲係銅鑼灣工作時,見完客去左食TEA番去老家附近求其簡間野,又求其叫左個波菜3文魚意粉.以1個下午菜來講,呢個份量都OK,因為也收番70蚊3文魚份量都唔算小,但係波菜,洋蔥既配合下,呢個意粉出奇地只係食到咸味.調味上十分單調.老實講,呢個配搭,我都叫係我既錯.但係呢種食法唔應該存在,意粉都算煮得al dente.所以我覺得係口味問題,我唔識理解呢個配合有咩好食.如果佢加番個好RICH 既cream sauce,應該會好好多.

地址 : 銅鑼灣加路連山道9號地下位置有點難找 >0<~為找它行錯路在times square 後面還要步行10-15分鐘先到想不到銅鑼灣鬧市也有別緻寧靜的店子 mackie kitchen經常同其他品牌合作搖身一變成期間限定, 今次到護膚品牌 bliss店中有bliss 產品架, 門口也貼了張卡通美少女和妹妹去了high tea, 一杯飲品加一件brownie蛋糕 $68 set brownie 味道不錯, 但朱古力味就不夠濃brownie 加了碎nuts, 加一球vanilla ice cream, 涼透心碟上用朱古力粉寫了blisswaffle 吃下是酸酸的 >0<, 初時想會不會是變壞了但加了暖暖朱古力醬, 吃下不太甜哦伴碟擺得美美, 看得出心思檸檬soda 沒糖, 檸檬的微酸, 剛好平衡一下dessert的甜味加上店內環境也座得舒適shopping時另一休息地點

這餐其實已經是新年前的晚餐～　位於銅鑼灣加路連山道那邊，隔壁就是我介紹過的榮式燒雞扒，當然今晚的主角不是它啦！星期五的銅鑼灣實在太多人了，還有四出辦年貨的人呢！幸好早已經訂了位，不然很多地方都要排隊才可以輕輕鬆鬆嘗個晚飯 吊上水晶燈，充有格調吧？　二人行點了兩款套餐（套餐包括了是日餐湯及餐包及鴨胸沙律，以及一杯飲品）：１）鮮雜菌意粉配黑松露忌廉汁＄１０８２）安格斯肉眼扒＄１８８ 鮮雜菌意粉配黑松露忌廉汁　－　當上枱已經香氣撲鼻～　就是因為黑松露了！黑松露碎跟忌廉汁十分夾，而意粉質感很有嚼頭（煙韌），正！ 安格斯肉眼扒　－　點了七成熟，煎的剛好的～　肉質是嫩的，但沒甚牛肉味～　以這價錢來說不太對辨吧～還是自已買回家煎的好！ 不好飲的凍朱古力～　水跟朱古力各自各的～　差！Cappuccino　－　可以要求拉圖案的，拉了一個心；啡味較淡～但算是幼漏的！總括食物來說只有意粉較為出色，其他則中規中矩啦～　

情人節不一定要有情人的。今年，我選擇了約朋友聚餐，談天說地+聚聚舊。最後計埋我只係得三個人，不過唔緊要呀~ 正所謂三個女人一個墟，都可以傾得好開心。自從上次試過這裡的晚餐，就好想再食... 難得他們的情人節套餐不算貴，(平均 二百多就OK)，一於訂位！早在網上已睇過情人節套餐的SET.... 真係好吸引...最後大家都點了"Love together" XDDDum...... 南瓜湯無乜南瓜味 >_< 都係James' Kitchen 的南瓜湯好味D服務員都幾細心，佢見到我地全部人都喝完個湯之後，才上 下一度菜呢~ 讚呀~我們的LOVE TOGETHER 終於黎啦！可能是我地掛住傾+影相.. 所以到食果陣已經凍左D >_<續樣講下.... - 意大利飯: 太"林", 有D酒味...- 蝦: 燒得好香, 可惜凍左- 三文魚扒: 一般- 吞拿魚扒: 好「鞋」 =.=- 帶子: um..... 好明顯係雪的..因為口感唔似新鮮帶子當晚的甜品是芒果奶凍奶凍上的芒果汁好味 (因為我唔食芒果的, 所以把芒果粒分晒畀朋友)，溝埋奶凍真係一流~ 我地訂晚上7點...

環境：寬敝舒適，光線充足，坐在窗旁與友人聊天，都幾寫意。 食物：麵包上塗上了綠色的蒜蓉醬，在顏色上覺得有點奇怪。雜菜沙律質素一般，意粉份量頗多，都幾creamy，有很多露荀，如果多D雞肉會更好。服務：服務員見一名爸爸和一名年約5歲的小孩子進來，便馬上遞上塑膠食具，十分細心。價錢：午巿套餐約80元。

與太太時常出入加路連山道, 經常經過這間餐廰, 記得年初時Addidas在這間餐廰做推廣, 餐廳變身為Addidas Cafe, 甚有特色, 當時曾試過它的心太軟及Creme Brulee, 口感不錯, 太太尤喜歡這裏的甜品. , 可措, 餐廳提供的 晚餐每晚也差不多, 有時使人提不起興趣來吃。 幾日前, 我和太太準備吃晚飯, 經過加路連山道, 發現這餐廳推出新的二人餐, 太太見到有炸軟殼蟹吃, 立刻提議我們入去試試這二人餐。現在興Fusion 菜, 我很欣賞這種有特色的配搭, 我自己喜歡食牛扒, 而這裏的澳洲肉眼扒很juice, 七成熟剛剛好, 好正! 至於炸軟殼蟹也很好味, 深得太太的歡心,其他的配搭如意大利粉和沙律也保持高水準, 值得向朋友推介。最後來一客心太軟, 一吃便知是新鮮即焗的出品, 正 我有一提議, 希望餐廳可以改善, 就是可以引入一些上好的紅酒, 因有好的扒類, 亦應介紹我們飲靚酒吧.

路過加路連山道，被窗內的豬手吸引了進去。雖然餐廳的裝修不算特色，但柔和的燈光、舒適的坐椅、紫色的特色牆，又為它加分不少。Menu居然是手作的，很具特色。我們急不及待地點了德式燒豬手餐和蟹肉露筍意大利粉。忌亷汁的意大利粉夠creamy, 味道不錯，而且蟹肉和露筍的份量都多。我最期待的豬手亦沒有讓我失望，豬皮脆脆地而肉身有口感，讓我懷念起在德國吃咸豬手的曰子！為了讓晚餐畫上完美的句號，我另外點了一客朱古力心太軟；雖然等候的時間久了一些、而且賣相一般，但居然很好吃，外脆內軟、少量的朱古力醬流出來，味道不甜，是我喜愛的黑朱古力。最後加上一杯凍朱古力，讓我滿足極了！

叫咗個二人餐1）餐湯雜菜湯. 比正常嘅酸另外一個加$20轉龍蝦湯好唔抵！係我成世人飲過最難飲嘅龍蝦湯！！2）前菜薯蓉焗田螺. 好似冇焗過同冇味雞肉凱撒沙律. 勁酸完全唔係caesar sauce，雞肉係勁鞋嘅白切雞肉3）煙肉雜菌意粉. 幾好食啦安格斯牛扒. 要加$35，堅難食，唔會係安格斯囉！好似幾廿蚊都不如嘅扒！！！！4）心太軟. 冇乜特別食大家樂都咁冇嬲 -.-

去到已經快9點~一入去個女侍應就同我地講我地9點半lasr order~10點關門喎~仲有成個鐘咁快同我講定好似想趕我走咁...menu係一本人手整既小餐單~幾得意~不過唔知點解入到去冇心情影相3個人點左3個dinner set~先上餐湯~有位體型較大的女侍應服務差得很...一黎就好粗魯咩都唔講大大力咁放d湯響度就走左...收野又係講都唔講聱...之後黎頭盤鴨胸沙律~味道可以接受~今次係個男侍應服務~好好多...至少佢唔會好粗魯咁掉低走人...之後上主菜~個雜菌意粉幾好味!松露個汁唔錯!三文魚扒拼帶子一般...份量較少.大食之人可能唔夠~豬手一般~但未食完主菜就問都唔問上左我地另叫既甜品...好彩食完個主菜都叫有人收碟...未夠9點半又催我地叫埋個餐飲...但餐飲可以叫其他coffe都唔洗加錢~但果位女侍應前後放左3杯不同的coffe上黎唔講明邊杯打邊杯~仲要有一杯落錯左order我都冇出聲~見到我地分唔到邊杯先話我地知...甜品叫左心太軟同焦糖燉蛋~不錯!各跟餐加$38食緊甜品果陣仲有幾枱客~竟然見到有一位女侍應已經換左衫...制服都換埋再做野好似好趕住走咁~總體上食物算係咁~但服務