阿閒泰 (世貿中心)

营业中

休息中

晚飯 - 佈置優雅但食物很差 - 我們兩人晚飯叫了柚子沙拉, 豬, 燒雞, 白飯和芒果黑糯米.  菜上得很快,但白飯催了兩次還要等20分鐘才到, 菜已食完, 白飯只好取消. 1. 柚子沙拉從冰箱取出, 冰到全無柚子味道. 2. 燒雞太乾, $178 但分量很小, 每人只有4件; 伴菜的菠蘿太酸. 3. 芒果黑糯米的芒果發黑,無味,整個甜品很冷很難食.  員工因為趕住收工, 8:50要埋單, 9:00突然發現桌上的食物不翼而飛.  整體評價是劣.

最近彷彿迷上了泰國菜，可能因為天氣潮濕，特別想食啲酸酸辣辣嘅嘢食。剛巧世貿開咗間新派fusion泰菜，所以毫不猶豫就入咗去光顧。泰式椰汁雞湯雖然係一人分，但都夠兩個人share。雞湯味道清甜，好足料，椰子味好香濃，滿有驚喜。香茅豬肉米紙卷豬肉香口，香茅味突出，配搭魚露一同進食，簡直冇得頂！阿閒泰幸運炭烤拼盤呢個拼盤真係超級豐富，未食已經垂涎三尺。燒牛肉軟腍多汁，係剛剛好的熟度。魷魚鬚香噴噴，有吱口。虎蝦大隻，蝦肉彈牙，味道新鮮。手作香茅雞肉串賣相好得意，用香茅變做竹籤串起雞肉，雞肉軟腍入味。菠蘿真係燒得好Juicy，清甜多汁。另外仲有大大個番茄🍅，舖有黑胡椒粒，雜菌入味，成個拼盤簡直一絕。椰子沙沙配自家製芒果雪條賣相吸引，用嚟打卡一流。不得不讚係芒果雪條，芒果味豐富，係自家出品。而椰子又香又濃，食完真係大滿足！整體而言，呢度食飯可以嘆到靚海景，環境舒適，而且服務員都好勤快呢！

今次黎試呢間餐廳係銅鑼灣新開既分店 @ahan.thai 位於世貿中心，呢個商場最近進行翻新，所以多了很多名牌店舖及新餐廳，係最近銅鑼灣既新好去處🌝餐廳新裝修，有小小海景睇，環境乾淨，光線充足，座位都幾大，坐得好舒服。叫咗個牛肉船河同蝦餅。蝦餅冇我想像中咁香脆，但味道都算唔錯。而船河味道好香濃，值得encore ☺️最後仲加咗個椰子雪糕🍦入面仲配有腰果，粟米同粟米片! 好豐富 😁只係略嫌椰子雪糕未夠香濃，但整體都算唔錯 😋唯一唔係幾好既係服務方面。唔係冇禮貌，不過可能新開店，員工唔係好熟手，又唔係好醒目，坐低後冇主動提供水，要問先比； 而且上飲品時將飲品放係枱同枱之間既罅隙 😵‍💫 杯飲品差d 俾佢倒瀉 😳

海景新派泰國菜，餐廳用上清新自然既淺木色同綠色，而空間亦都非常闊落，好悠閒舒適的感覺，窗邊仲可以望到海架☺️脆炸軟殼蟹米紙卷配牛油果醬 (3件) $78💮透光輕薄既米紙包住鹹香酥脆既軟殼蟹同生菜💮放在米紙卷底的是清新綿滑既牛油果醬💮再蘸一點微辣沙律醬伴食，清新又醒胃💮係一個可口又滋味既配搭小食泰式鹹蛋黃金薯條 $63💮薯條炸到金黃色，香脆可口💮鹹蛋黃漿都黏上各條薯條💮入口即有濃濃既鹹蛋黃味，但又唔會太鹹💮食起黎都無油膩感，非常滋味阿閒泰冬蔭功炒虎蝦意粉 $128 👑💮有2隻大虎蝦，虎蝦大隻厚肉，肉質鮮甜爽彈💮吃前滴上青檸汁，味道更清新舒爽💮配料有草菇、車厘茄同冬蔭功香料等💮揉合酸中帶微辣的泰式冬蔭功醬汁，特別開胃💮意粉彈性中帶點煙韌的麵質，極易掛汁💮泰西Fusion的新穎配搭完全不帶半點違和感楊枝金露沙沙配自家製芒果雪條 $58💮就像天然無添加的的清新感覺💮芒果雪條啖啖芒果肉，又香又甜💮面頭鋪左微酸的芒果爆珠，配埋一齊食，酸甜酸甜，味道好豐富💮楊枝金露配芒果是無敵配搭伯爵忌廉牛角包窩夫 $68💮牛角包麵團焗壓成窩夫，有齊牛角包的酥脆及窩夫的烘烤口感💮外脆內軟的牛角包窩夫配上Earl Gr

銅鑼灣好難搵到一啲比較寧靜嘅餐廳，今日竟然畀我搵到世貿中心呢一間環境恬靜嘅泰國餐廳，仲對住遊艇會靚景！一坐低我就叫左杯阿閒泰自家製氮氣冷泡檸檬茶，飲品上面有一層厚厚嘅泡，而且好香檸檬味，係唔錯嘅開胃飲料。餐廳上菜速度非常快，適合嗰晚就快餓死嘅我。先嚟泰式生蝦刺身，蝦肉新鮮彈牙，連埋上面嘅辣椒同蒜頭一齊食，辣味十足。仲有炸蝦頭，咬落有蝦膏。泰式三文魚牛油果他他，牛油果他他酸酸地夠開胃，三文魚又大粒又新鮮。泰式鹹蛋黃金薯條，炸到香口但唔會太膩，仲有啲炸咗嘅香茅葉，可以就咁食或者點醬。阿閒泰街頭大蝦炒金邊粉，非常足料，有青口、蝦和蛋，撈埋花生芽菜等配料一齊食非常滿足。椰青滑冰係一大大杯的椰青冰，有刨冰口感，不能係聞落去或者飲落去椰子味都好重，飲完仲可以刮啲椰青肉出嚟，飲品同甜品兼備，非常抵玩。勿洞脆脆煎蠔餅，用咗好多蛋，令到蠔餅好厚，外層炸到好脆，同時加咗木瓜絲、沙律零成件事冇咁熱氣。餐廳仲提供辣椒醬同魚露美食客點嚟食。餐廳仲有很多甜品同cocktail，個樣好吸引，下次嚟要試一試。

世貿終於裝修重開襯食Lunch時間去睇吓有咩新餐廳。阿閒泰裝修幾靚，又清新，咁我哋就入去食喇！Lunch set 都多選擇，有飯，有麵，仲有輕食添。今次我哋兩個，每人各點咗2個Lunch set：（1）燒雞酸辣湯。配泰國新鮮幼粉燒雞無被酸辣湯蓋咗個香味雞肉唔算好滑，無咩雪藏雞味，算不過不失酸辣湯似係東陰公湯，酸辣適中，酸辣之間無互搶大家嘅味。酸辣湯清清嘅酸酸辣辣帶點香茅味（2）青咖喱雞扒焗茉莉香飯 香濃青咖喱有椰香味，配飯一流👍🏻雞扒同 "燒雞酸辣湯。配泰國新鮮幼粉" 個雞口感差不多個set我哋都揀咗泰式奶茶濃濃茶味配香滑奶，味道咁香

泰休閒 你到銅鑼灣 想搵一撻地方 坐得 的舒舒服服 我個選擇呢一間泰國嘢門口裝修優雅 闊落安排設計簡約頭先叫咗杯 鮮磨薑汁黑糖鮮奶咖啡 ，薑汁咖啡第一次嘗試。配上特濃鮮奶 非常之香滑好味！之後就叫咗一客炭燒牛肉配青芒果沙律！ 炭燒牛肉燒到焦香，青芒果過非常之醒胃。田園沙律新鮮好味！脆炸軟殼蟹 米紙卷！脆炸軟殼蟹脆卜卜 ， 米紙卷包上去好味 又醒胃！炭燒魷魚， 即叫即燒 炭燒魷魚燒到焦香！ 魷魚非常之肥美， 大大啖一啖咬落去清新可口！ 炭燒虎蝦串燒！ 虎蝦非常之大隻， 新鮮虎蝦，蝦肉紮實！ 去上泰式甜酸在非常之好味！！

銅鑼灣世貿中心裝修咗好耐，近排見佢開返，仲有啲新食肆，發現一間新派泰國菜叫阿閒泰，對正告士打道海景，即刻幫襯吓先去嘅時候係黃昏，仲睇到少少日落頭盤係泰式三文魚牛油果他他，牛油果打到變成漿鋪响底，三文魚就切粒粒，配襯切咗絲嘅檸檬葉同一啲食用花，上枱好精緻，調味方面有微微嘅青檸酸同牛油果溶，幾開胃第二個前菜係泰式香葉肉碎蘑菇沙律，做法似肉碎生菜包，但入邊加咗香菇，味道層次豐富咗，辣度方面都適中，食得好過癮再嚟就係脆皮豬頸肉伴自家製蝦片，豬頸肉係厚切，口感爽脆。蝦片新鮮炸起特別香脆，伴泰式酸辣汁，惹味跟住叫咗個冬陰功虎蝦意粉，冬陰功味道好濃，虎蝦大大隻，仲有其他海鮮。意粉嘅口感屬於偏硬，冬陰功嘅辣味就令人越食越想食最後嘅甜品梗係芒果椰汁糯米飯啦，呢度選用嘅係黑糯米，而入面更混合咗果仁碎，增加口感。椰汁方面選用唔太甜嘅，整體唔會食得太漏餐廳整體感覺幾好，新淨闊落光猛開揚，坐得又舒服，我諗食中午飯都會好超好舒服

昨晚，我跟女朋友打算堂食，在門口拿飛排隊後，一直沒有叫號，我們在門外企了差不多30分鐘，不停看到有人買單出嚟，當時大約晚上8:30 ，直至我走到門口向門口的女服務員查詢，他第一句就跟我說「咩呀」，我還很有禮貌地問他請問什麼時候才會叫號，已經最少五至六枱人離開，何況我跟我女朋友，只是兩個人。最後那個女服務員竟然跟我們說如果等不到可以離開🤬你估我好想食你嗰間嘢未啊，如果你唔打算俾人入，你就直接我攞飛嗰陣時就叫我唔好攞飛，同埋如果9:00 last order，拎飛時你係咪應該要提吓啲消費者？

#銅鑼灣地膽 話世貿中心最近又有新餐廳開！一於去試下喺4樓嘅阿閒泰！餐牌主打泰國菜，有前菜沙律🥗粉麵🍜甜品等fusion菜式；餐廳內空間感中足，超濶超大窗邊景觀相當唔錯！特大卡位濶落舒適！🥗🥑泰式三文魚牛油果他他 $98底層厚厚一層牛油果他他，上面滿滿三文魚粒粒，味道酸甜，清新又開胃！ 🍤自家製手打脆炸蝦餅 $48/ 2pcs炸至金黃色嘅脆炸蝦餅，呈方條型狀，切開滿滿蝦肉，扎實香甜！配埋酸甜醬食更惹味！🌶️🍝冬蔭功虎蝦意大利粉🍝 $128上枱超香嘅冬蔭功虎蝦意大利粉，搶眼嘅大虎蝦，蝦肉爽甜，冬蔭功味道濃郁，每一啖意粉都掛湯汁；配料有草菇、車厘茄同冬蔭公香料等，口感豐富，十分出色！🍜炭烤牛肉。濃汁牛丸船河  $98大大件炭烤牛肉果然有炭香味，咬開肉嫩唔係全熟；湯頭香濃惹味，捲粉增加口感，牛丸滿滿肉汁又彈牙，配菜有卜卜脆嘅炸豬皮，綿滑嘅豬紅同芽菜等，值得一試！🥭楊枝金露沙沙配自家製芒果雪條 $58 自家製芒果味雪條啖啖芒果肉又香又咁；楊枝金露酸甜醒胃，裡面仲有粒粒芒果爆珠！必點之選！阿閒泰地址 📍：銅鑼灣告士打道280號世貿中心4樓L4-06號舖

今天約了在銅鑼灣上班的好友在世貿中心阿閒泰午膳，吃了一頓精緻的Fusion泰菜。這店子的雅緻陳設為食客帶來一種悠閒恬靜的進餐環境；其中一面的落地大玻璃窗更能遠眺部份維多利亞港，非常舒適。餐牌內的午市套餐組合選擇很多，豐儉由人、各適其適、任君選擇。～阿閒泰虎蝦炒金邊粉 （配香草🌿蒜蓉焗包、香茅豬肉米紙卷和熱蜂蜜鮮奶咖啡☕️）泰國經典食材金邊粉入口煙韌彈牙，加入了豐富的配菜如豆乾、菜甫粒、雞蛋等和泰式醬料一起炒，鹹甜酸味俱全，既惹味又醒胃。煎得剛熟的虎蝦和青口，鮮美可口。再加上擺碟一點也不馬虎、賣相吸引，令人食慾大增。伴碟的還有清爽芽菜、小青檸、辛辣紅椒粉和惹味花生碎等，客人可按照自己口味添加嚐試，非常貼心。*這份午餐我選的前菜是焗麵包條，香草蒜蓉味突出；香茅豬肉米紙是另一個不錯的選擇，輕薄的米紙包裹著清香菠蘿和香茅肉碎等豐富餡料，入口又爽又醒胃😋。至於鮮奶咖啡☕️的賣相亦十分討好，除了有美觀的拉花外，鮮奶泡沫製作得細緻綿密，蜂蜜的味道與咖啡融合到位，入口又香又滑。～又話啦菠蘿雞肉炒糙米牛肉串燒 （配青芒沙律🥗、泰式季節奶凍和熱花茶）餐前先亨用一份由新鮮疏菜配製的沙律，可讓胃口大開。主菜有著濃

晚上總是令人回味宵夜的味道。這天和朋友晚上一同前往吃飯，回味一下泰國的情懷。脆炸軟殼蟹米紙卷配牛油果醬，內裏香脆可口配搭零負擔的米紙，加入Superfood牛油果調制而成的果醬，味道一流，口感極具層次，我香脆的軟殼蟹，令我不禁回味跳脫的泰國。泰南紅咖喱慢煮牛肋條，熱情如火就像太多的生活一樣，熱辣辣好熱好熱，但卻令人不自覺一步一步的投入起來，就如這個咖喱一樣，吃完一口一口，停不了的感覺。楊枝金露沙沙配自家製芒果雪條，極度喜愛自家製的芒果雪條，就是天然無添加的感覺，配搭港人最愛的楊枝甘露，最佳選擇。鳳梨清新特調，小清新，酸酸甜甜，就是開胃。

有一段時間沒吃泰菜，特別掛住最愛的阿閒泰，今天在銅鑼灣發現有阿閒泰分店，即時入去就坐醫肚，味道果然依舊的好。脆炸軟殼蟹米紙卷 $118軟殼蟹即叫即炸，所以十分香脆，包裹着新鮮蔬菜，還有薑片，多重口感和味道，非常清新，米紙卷旁邊還有牛油果醬，很滋味，作為頭盤非常不錯。阿閑泰秘製鹵豬手$98豬手鹵得非常入味，豬手肉質軟念Q彈，柔軟又不爛，份量多，肥瘦均勻，糖心蛋也恰到好處，又入味又滑溜溜的，蛋香十足，最愛伴碟的酸菜，和醬汁異常配。阿閒泰冬陰功虎蝦意大利麵 $128整碗意大利面散發著濃郁的冬陰公味，入口更不用說了，冬陰公汁伴的意大利麵更香濃可口入味，濃縮了冬陰公的精髓，虎蝦超大超香，青口飽滿入味，味道難忘。炭燒牛肉濃汁牛丸肉丸船河 $98這個船粉份量也夠有很大，湯底很濃的牛肉汁味，牛腩肉夠香又厚切，牛肉丸彈牙，保留了肉汁。豬油渣既可口又邪惡，油香提升了整碗粉的味道，居功不少。

銅鑼灣世貿翻新之後 俾我發現到4樓有ahanthai裝修得好靚 空間非常闊落 用上清新自然嘅綠色同埋淺木色系 有好休閒同埋舒服嘅感覺窗邊仲要係望海㗎 食物選擇都好多 睇落除咗傳統嘅泰式食物之外仲有一啲新鮮大膽嘅配搭 飲品有好多唔同嘅選擇 仲要好靚 ♡´･ᴗ･`♡♥︎泰式三文魚牛油果他他 $98 新鮮嘅三文魚 有呢個泰式嘅新食法非常清新 顏色配搭得好豐富 ♥︎街頭大蝦炒金邊粉 $128 大蝦好彈牙 加上好多唔同配料 食落去好香 ♥︎炭烤帶子冬陰功湯配泰國新鮮幼粉$108有大大粒帶子 仲有唔同嘅配菜有大量嘅新鮮香草 包括 檸檬葉 香茅 九層塔就咁睇已經非常豐富同埋吸引 食落去真係好美味 冬陰公湯滋味無窮最鍾意呢隻粉 連埋湯一齊食 軟綿綿有彈力 超級好食 ♥︎Ahan Thai topical punch $78有酒類 好冰涼 有唔同嘅果味 ♥︎蘋果汁 $35

世貿裝修咗咁耐，終於逐漸重開並且有食肆進駐啦！其中一間就係阿閒泰，因為有自然光嘅關係，感覺新店更加開揚舒適。閒日三點非凡忙時間真係可以坐到窗邊四人座。同時又係下午茶時段，有成21個選擇，價錢由$42 - $88（另加一服務費）。《 T14 無骨海南雞濃湯船麵 · 泰國新鮮幼粉/卷粉 💲66 》雞件無骨十分嫩滑，配上泰式酸辣汁好提味～湯底香濃，配料有通菜、芽菜、豬紅、泰式炸豬皮、蘿蔔，可能因為係Tea set所以無肉丸架～《 T19 無骨海南雞冬蔭· 泰國新鮮幼粉/卷粉 💲72 》椰汁味濃又唔會太重奶味，而且當中亦有香茅及香葉提味，有菇、車厘茄、芽菜，不過可能係Tea set所以無蝦～《 T15 東羅泰滷豬手飯 💲60 》豬皮極軟腍入味，豬手肉都嫩滑無渣，本身豬手汁已經夠下飯，再配上酸汁及酸菜開胃和減膩，惹味～飲品：2x 泰式季節茶凍➕$5 《 菠蘿紅茶 》微甜好味～《 蜂蜜鮮奶咖啡+💲15 》香滑微甜有啡香～甜品：《 泰式季節奶凍➕💲30 》上面放滿士多啤梨，都幾大杯，入口香滑有奶香～《 AhanThai Earl Grey Croffle 💲62 》窩夫酥香脆口，加上雲呢拿雪糕及伯爵