阿閒泰 (K11購物藝術館)

营业中

休息中

今天到K11行街，見到一間格調清新嘅泰菜餐廳阿閒泰，決定入去食個tea。叫咗兩份tea set，免費配日本季節限定果茶，另外加錢配了生蝦刺身。手切豬腩肉豬肉丸船粉十分美味，湯底甜甜地，配手造嘅幼粉，味道係泰式正宗風味😋😍船粉係泰國空運直送，手造真係唔同啲，特別滑溜。裏面有腩肉，豬肉丸，炸豬皮，芽菜及通菜等，份量好多。另外個set係泰式肉餅車打芝士蕃茄羽衣甘藍脆漢堡配脆炸薯條，漢堡包麵包脆卜卜，裏面嘅材料豐富。薯條可以配香茅醬汁，好有泰式風情。

今日嚟到食午餐，首先飲咗一個煙肉薯仔湯，有啲薯仔蓉，而且有好香嘅煙肉味，一個好好嘅配搭！之後叫咗一個泰式紅咖喱香草雞扒配薑黃飯，首先食落去啲飯有啲薑黃味，好特別，而個咖喱，有少少酸酸辣辣，好開胃，而香草雞扒啲雞好滑好嫩，而且個雞皮唔會好油，再加上有啲香草味，所以個雞扒都做得好香！另外再叫咗一個自家泰式手撕豬手.蕃茄.羽衣甘藍配漢堡脆炸薯條，首先個豬手係切成一粒粒，方便入口，而個豬手好入味，豬手皮好彈牙，另外羽衣甘藍好新鮮，薯條炸得好脆，好熱辣辣！另外叫咗一杯熱咖啡同埋一杯凍咖啡，好香嘅咖啡味，而且好香滑！

家人放假，我與家人棄山歩行，往K11商場閒逛，在「阿閒泰」吃喝。餐廳裝置具西式田園風格，環境優雅。餐廳主打泰西fusion菜，以西式烹調，結合泰國食材，口感與視覺都很新穎。很綿滑的忌廉餐湯餐湯~~阿閒泰慢煮牛面頰豬肉丸船粉（泰國空運直送新鮮手做卷粉）~~牛面頰即是牛的一對面珠登，面頰肉中間更夾著一層層的骨膠原，膠質豐富，肉質軟腍鮮美。豬肉丸肉汁豐富，肉味鮮甜爽口。大大塊的豬紅很有煙靭口感。色澤深黑的湯底，牛味香濃，是船粉特色。喜歡嗜辣，隨餐奉上辣椒粉自行添加。船粉還配泰式沙律汁沙律。泰式慢煮豬頸肉惹味喇沙醬炒手做卷粉~~慢煮豬頸肉肉味濃郁軟滑，喇沙醬炒卷粉味道帶少辣，非常惹味，卷粉爽滑可口。泰式紅咖哩香草雞扒配薑黃飯~~紅咖哩汁味道有別一般紅咖哩汁，特別綿滑，味道不濃但美味。香煎香草雞扒不錯，薑黃飯香軟好吃。即磨熱咖啡

阿閒泰係K11商場入面一間新派泰國菜，好耐之前已經黎食過晚飯，味道唔差賣相亦靚，WFH唔想成日困喺屋企，就出黎食個lunch解下悶氣。木色設計加上仿真樹葉，透出泰式風情之餘亦比好多傳統泰菜店乾淨企理。Lunch Set由$88至$152，包餐茶、餐湯/沙律同主菜，亦可加錢加配小食，主菜無論係常見嘅泰式粉麵飯，或者泰式fusion意粉/漢堡都有，選擇都幾多元化。忌廉湯 - 跟餐嘅忌廉湯杰度適中，味道都可以。沙律 - Lunch Set如果主菜係揀湯粉麵，餐湯會轉左做沙律，跟餐沙律除左車厘茄、青瓜同紅蘿蔔之外，竟然仲有羽衣甘藍哩啲超級食物，不過如果多返少少醋汁會更好。泰式慢煮豬頸肉惹味喇沙醬炒新鮮手造卷粉($108) - 卷粉外表有啲似粗河粉，但口感就薄身同彈口啲，喇沙醬味道幾濃郁惹味，我加埋青檸汁食，多左少少酸味更好食，豬頸肉份量都對版，整體唔錯。阿閒泰海蝦卜卜蜆冬陰功湯金邊粉($108) - 哩個冬陰功湯非常足料，裡面加左大量香茅、南薑同檸檬葉，非常濃郁惹味，辣度大約等於中辣程度，所以一定要食得辣先好點。海蝦同卜卜蜆都幾大隻，海蝦唔霉，卜卜蜆亦嫩口冇沙，另外仲草菇同秀珍菇。金邊粉粉量適

K11入面有好多嘢食 但係今日特別想食泰國嘢😂 所以就去左阿閒泰 之前食過已經知道佢質素好高👍🏻😋 呢碗係阿閒泰慢煮牛面頰肉丸金邊粉 佢個湯係極度正宗嘅泰式船湯 根本就係泰國食過嘅味道😻😻😻 金邊粉好好食好煙韌 仲要吸晒湯汁 慢煮牛面頰好㝝好香 瘦得來又帶少少脂肪🤤 仲有肉丸好juicy 一定要試泰式紅咖喱香草雞扒配薑黃飯 附有蔬菜配料 紅咖喱好濃 仲要夠辣夠過癮😍 鍾意食辣嘅人一定要食 香草雞扒好嫩滑 佢嘅皮仲要煎得香脆可口👍🏻食泰國嘢梗係要嗌番杯泰式奶茶啦 好濃嘅奶味 好甜😋 係正宗泰式奶茶啊！另一杯就係普通水果茶食完好似去咗一轉泰國咁😂想去泰國嘅時候就去食超正😋

疫情持續，日子要過，美食要吃！🤣🤣難得同老婆一齊放平日，行下街 high tea😬K11出名多美食，行到三樓畀這間泰國菜的格局吸引咗！整個裝修感覺好休閒,綠色植物為主調，真有點泰國渡假嘅感覺😎😎下午茶餐選擇都好多！船粉最有代表性！🥳手切豬腩肉豬肉丸船粉，湯底真係一流！百分百泰國風味！好香濃，成碗湯清曬🤣🤣船粉係泰國直送，真夠誠意，豬紅好靚好好味呀！非常弹牙！豬腩肉好入味，口感唔錯！😝😝加咗泰式生蝦刺身，不過不失啦，醬汁調教得唔錯老婆最愛甜品點了自家製椰香奶凍配荔枝！椰香味重，奶凍軟滑口感加上荔枝嘅清香，下午茶一流，賣相好靚添😍😍泰北豬頸肉沙律，好有驚喜配搭得很好，大量蔬菜加上酸酸辣辣豬頸肉，值得推介！飲埋杯拉花咖啡，成件事非常圓滿😝😝喺香港泰菜來講，這間非常值得推介😋

約會朋友大家互相慶祝生日，見到呢間咁新式嘅泰國餐廳好想試吓，我哋星期六比較早少少嘅關係所以客人唔多，坐得舒服😉我哋睇餐牌有太多選擇啦，最後決定叫一個泰式冬蔭功海蝦pizza 🍕，泰式香葉肉碎飯🍚，另外叫兩杯特色飲品，泰式奶茶配自家製奶茶啫喱及奶茶雪條（有得飲又有得玩）、柚悠（檸蜜提子蜜糖）！食物飲品方面確實唔錯呀！我哋覺得好好味，而且份量都好足呀！店員服務態度又禮貌，而且細心，我哋食得好愉快呀！

前幾天和朋友到尖沙咀購物，在K11商場內看到了一間泰國菜餐廳「阿閒泰」，半開放式的，於是便走入去試一試。餐廳的座位很闊落，坐得舒適。我們看過餐牌後，點了兩個套餐和一個小食。套餐非常豐富，附有湯或沙律，還有飲品送。“泰式紅咖哩香草雞扒配薑黃飯”,紅咖哩香而不辣，椰香味濃，兩塊無骨雞扒大大件，加上香草的薑黃飯，份外惹味。“阿閒泰手切蝴蝶腩豬肉丸船粉”，先前我們預期的只是一小碗的肉丸粉，但送來的竟然是一大湯碗充滿餸料的金邊粉，真令我們喜出望外。餸料有層次分明的豬腩肉，入口爽滑，還有豬紅、炸豬油渣、豬肉丸......等,再加上超好味的湯底和爽口彈牙的金邊粉，使人一試難忘，大家一定要試試。“泰式單骨雞翼”，脆香雞翼配上泰式醬，非常可口。其餘的餐湯、沙律、飲品等也不錯，尤其是餐湯，忌廉磨菇湯，磨菇味特別濃郁，非一般餐湯可比。最令人驚喜的是在尖沙咀的高級商場內，竟然有又美味又實惠的餐廳，而且服務員的服務態度非常好，值得稱讚。

lunch食3個套餐，$118, 炒粉很干、無味、得幾塊肉，船粉&冬蔭功粉少餸兼普通，很難食到咁難吃的泰菜！服務也是令人不舒服，少客不忙但還是不耐煩粗聲粗氣。見到咁多好評，忍唔到一定要寫，忘記密碼重設都要，全部6個差評都好中肯、事實！價錢有80%是for環境！

今日氣溫急降，就同媽咪行吓商場，去到尖沙咀K11 ，見到呢一間泰國餐廳設計感覺舒服，所以就揀咗呢個地方食午餐。一人叫一個set lunch，我揀咗阿閒泰海蝦卜卜蜆冬陰功湯金邊粉，我媽咪就揀咗泰式慢煮豬頸肉惹味喇沙醬炒新鮮手做卷粉。我嘅湯金邊粉比較辣，但係有足料海鮮。媽咪嘅豬頸肉卷粉有咬口，有泰式滋味。餐飲我哋就揀咗100%阿拉伯即磨咖啡，同埋凍嘅日本季節限定果茶，我哋非常喜歡，如果呢一間唔係餐廳，都會係一間好有質素嘅Cafe。最後加咗$20配個甜品，椰香奶凍配荔枝啪啫喱，我想講成個午餐我最鍾意就係呢個甜品，除咗賣相吸引，椰子香同埋荔枝香都好突出。

2021年1月1日當然要食好西啦，所以訂了枱食亞閒泰。見OpenRice既食評不錯，所以都有啲期望，但老實講一般啦！原本想叫冬蔭公海鮮湯金邊粉，但竟然話無金邊粉，唯有改叫意粉！但其實當時只係下午2點，咁快就話無哂金邊粉。仲有個紅咖喱薄餅，啲紅咖喱醬落得太少，唔係好食到紅咖喱味！一個泰式燒烤醬焗粟米，計埋加一要$70幾，一條碎上粟米真係好貴，但見網友極力推介，係好食既，但試一次就好了。另外仲有杯連埋雪條既泰色奶茶，都要$70！總括來說，間餐廳真係都幾貴，但食物方面就一般般，同埋都味精重，因為轉個頭要飲好多水解渴。

元旦日去咗k11行, 諗住食好嘢, 點知中伏！嗌咗1) 海蝦米紙卷- 淨係賣相已經唔掂, 一擺入口, 個米紙卷個皮疑似未熟, 硬掘掘. - 而米紙卷入邊包住嘅羽衣甘藍係超級硬,完全放唔到入口.2) 泰式炒蜆墨魚意粉- 墨魚同蜆一d都唔新鮮, 又霉兼冇鮮味🤮- 意粉份量唔多又乾爭爭, 仲要夾雜勁多泰國香料扮份量多3)香茅斑斕茶- 茶味一啲都唔香濃. 焗左好耐都淡而無味.4) 烤雞串- 唯獨是呢個比較OK. 雞肉烤得算香同夠腍. 價錢比較貴可以喺九龍城食到半打. 整體而言, CP值勁低, 食完－d都唔飽, 仲要200蚊位, 唔會建議人去食.No next time!

星期日午餐時間黎，坐得舒服，菜式選擇多，而且價錢唔算貴！.📌泰式醉貓炒新鮮手做卷粉 $128用泰國空運直送新鮮手造卷粉，每一片都好薄，細滑彈牙，落左好多泰式香料落去炒: 九層塔、辣椒🌶️、青檸、甜豉油，酸，辣，甜平衡得好好！微辣既味道，令人一啖接一啖咁食。好食👍🏾 .朋友叫左個南瓜忌廉新鮮手造闊條麵食落煙韌，口感creamy，但個人會比較推薦泰式醉貓炒新鮮手做卷粉🤭😌.📌 阿閒泰自家製氮氣冷泡檸檬茶($58) 朋友一向唔飲凍檸茶，但今日竟然推薦我飲呢個氮氣冷泡檸檬茶！果然，茶味夠香濃，唔會太甜。上面有一層泡沫，軟綿綿又夠滑！.總結來說，值得一試，會回頭。.食物：8.5/10環境：9/10抵食度：7.5/10回頭度：8.5/10.Follow my Instagram :🙋🏻‍♀️🥢: sikdord🙋🏻‍♀️🍷: yumdord

去開尖沙咀行咗成日，黎到k11附近想搵間野坐低食下，呢到嘅下午茶無論食物品質，定係價錢都好岩食。🔷泰式香葉肉碎煎蛋飯 💰88超級濃超級香口，配飯真係超級一流，但係就未夠辣，如果再辣少少就會好啲。不過面頭個太陽蛋，啲蛋黃流到落啲飯撈埋一齊食真係超正。🔷阿閒泰經典卡邦拿煙燻豚肉 💰96卡邦拿味嘅蛋黃醬好濃，但係啲煙燻豚肉就好肥，所以冇乜點食。另外個意粉口感夠晒煙韌彈牙，面嘅份量仲一啲都唔小添，食完好飽。

朋友喺K11開咗一個護膚品嘅Pop up store , 探員佢就順便喺K11搵食， 發現一間裝修得好精美嘅泰國餐廳。 一心嚟食泰國菜，打開Menu原來西泰fusion非常有驚喜。冬陰功粉夠辣，海鮮都算多而且新鮮，蝦肉鮮甜爽身，絕對唔係雪藏死蝦。鹹蛋黃薯條都係第一次食，估唔到又真係非常惹味，加少少青檸汁調一調味更加正。藍青口帶子墨魚汁意粉，好似同泰菜沒任何關係，但係其實佢嘅醬汁都有少少Thai 嘅感覺唔係完全忌廉汁。呢杯青檸梳打， 加咗香草，就真係好Thai . 食完辣野飲佢就好爽。