阿閒泰 (K11購物藝術館)

营业中

休息中

以前黎過k11阿閒泰食飯，覺得味道唔錯，今日就決定嚟呢度外賣返屋企開餐。外賣袋都好精美，食物包裝得好好👍見到有lunch set ，價錢抵啲😍包一杯泰式荔枝茶，味道幾清新香甜。💕虎蝦炒金邊粉$108兩隻虎蝦都幾大隻，金邊粉炒得好香，好彈牙，配料豐富。💞泰式鹹蛋黃金單骨雞翼 $88 鹹蛋黃味道濃郁，雞翼炸得香脆，夠入味。💞秘製三式串燒（6串）$148 手作豬肉，香茅雞肉及羊肉各2串， 燒得好香， 肉質juicy，配埋調味醬汁，味道正宗。

冇晚市嘅關係，出街食飯只可以午餐。今日專程快閃午餐，去咗尖沙咀K11食泰國菜。疫情期間，當然唔使等位啦，但係佢都有唔少客。午市套餐有好多選擇，我哋叫咗一個巴東蟹肉炒飯炭燒豬肉串，同埋泰式辣肉碎飯。餐牌上邊，最特別嘅係杯飲品，我叫咗一杯阿閒泰奶茶配自家奶茶雪條凍。午市優惠，仲可以加$35要兩隻泰式生蝦刺身😍😍呢間餐廳擺盤好靚，職員仲介紹如果食得辣，可以當Cocktail咁樣一齊飲住食😍😍個生蝦刺身非常好食，個汁非常入味☺️蟹肉炒飯炭燒豬肉串嘅串燒非常似泰國嘅味道，勁似去咗泰國咁😍😍而且肉汁juicy！！我最欣賞係杯奶茶！！佢分開咗三樣嘢，一樽茶底，一杯熱淡奶，一支奶茶雪條同埋奶凍，職員教，先將熱嘅淡奶到咗入去杯奶凍雪條果到先，等佢凍咗少少之後，再加埋茶。又好玩又好飲！😍😍😍初初覺得唔夠甜，但係當雪條開始融化時候，成杯奶茶嘅味道出晒嚟😍😍lunch set黎講份量都幾多，性價比好高，絕對會再次返黎食！😍😍😍

阿閒泰咁岩行過K11，見到有間餐廳裝修幾靚，本來以為係西餐廳，望吓餐牌先知原來係食泰國嘢，見到有lunch set就決定入去試吓！香煎帶子冬蔭功湯粉麵（卷粉）$108食泰國嘢當然要食冬陰功湯麵，食冬陰功最怕唔夠酸唔夠辣，要搵到一間餐廳嘅冬陰功啱自己口味都唔係咁容易，呢間餐廳嘅好處就係冬陰功湯麵另外會比椰汁同埋青檸俾你，如果太辣你就可以加椰汁，如果唔夠酸就可以加青檸，基本上一定啱自己嘅口味！今次揀咗香煎帶子，帶子大大隻有三粒，全部都好厚，外煎到金黃色，咬開入面唔會過熟。面底揀咗卷粉，煙靭幾有咬口，入面掛哂湯好正🤩泰式咖喱配薄餅 $25見到$25可以加小食，咁平梗係要試下，咖喱完全有驚喜！個咖喱真係超級超級超級好食，椰汁味香濃，辣到適中，如果開放返晚市，一定要叫一大兜食！薄餅亦烤得剛好，25蚊超值！蜂蜜牛奶咖啡 $18估唔到泰國餐廳都有特色咖啡，但係佢嘅咖啡一啲都唔失禮！蜂蜜味超級濃，唔使加糖都啱啱好，咖啡好大杯，咁嘅價錢性價比真係好高🤩巴東蟹肉炒飯配炭烤 $138蟹肉炒飯有鑊氣，烤肉串一啲都唔馬虎，蟹肉炒飯會跟埋魚露，唔夠味可以隨時自己調整，烤肉串亦都有泰式燒烤醬，都係嗰句，若然開放晚市

🇹🇭阿閒泰行過k11睇到呢間餐廳裝修幾靚，野食幾吸引，就決定試吓😌煎肉眼扒木瓜沙律 $118木瓜夠新鮮爽脆，煎肉眼扒有6件，肉質腍多汁有牛味阿閒泰手切肉眼爽彈牛丸船粉 (泰國空運直送新鮮手造幼粉) $108好大碗，配菜: 手切肉眼、爽彈牛丸、通菜、芽菜、炸豬皮肉眼有炭燒烤味肉質腍、牛丸爽口彈重牛味湯底好濃，好重藥材味船粉好爽彈，徧厚身泰式醉貓炒手造卷粉 $128香料同肉碎炒手造卷粉，炒得乾身，微辣好入味，有D似泰式生菜包味，幾特別好惹味，手造卷粉煙韌，落埋青檸汁，酸酸地幾開胃芒果椰汁糯米希臘式乳酪軟雪糕 $78睇Menu賣相吸引，嚟到好醜樣😩希臘式乳酪軟雪糕係酸酸地幾好味芒果肉多，夠甜，最底下係微暖嘅糯米飯中間落咗芒果汁，徧酸，佢落得太重手好酸😖2個人埋單 $475味道同份量都唔錯，甜品就差少少😕環境闊落，有氣氛，坐得好舒服店員有禮貌，主動收碟斟水👍都可以一試嘅

K11 mall餐廳選擇很多，這間門面掛上紅燈管, 分外吸引注目，而餐廳裏面的裝修和擺設亦都很有心思，用了統一的風格 。從餐牌上可見，選擇非常豐富，有麵飯等主食、沙律、前菜、甜品，甚至連意大利粉都有，他們的泰國菜並不是簡單的青咖哩黃咖哩，從食物圖片所見用料非常多。 我們點了豬肉丸船粉，船粉比較幼身索汁，肉丸爽口彈牙，比起港式肉丸細少一點，湯底鮮味但比想像中要辣，另外還有泰式海蝦蜆金邊粉，海蝦非常大隻，而且擺設得很美觀，加上花生、青檸汁調味非常開胃。除主食外，我們還點了香茅豬肉米紙卷，紙卷紮實而且包滿了餡料，裏面除了豬肉外，還有新鮮菠蘿，第一口已經有非常清新的感覺，非常適合解辣。餐廳還有其他不同款式想試，可惜今次已經非常飽肚，唯有下次再來吧~

抗疫晚餐$350，冇諗過呢個地方有呢個價錢嘅食，家住九龍城，呢間比九龍城泰菜更好食，四個餐另加兩個小食，價錢同質素都好好，餐具和包裝袋都好靚，希望做得住，加油！

最近係尖沙咀食咗一間好好味嘅泰國菜呢間泰國菜結合傳統於創新，好多款菜式都好吸引。⭐脆炸軟殼蟹米紙卷配牛米紙卷係東南亞美食，一般配蝦，配上炸過嘅軟殼蟹，但係口感香味都好襯⭐自家手打脆炸蝦餅食泰國野又點可以少得蝦餅？我每次去泰國鋪都一定會叫蝦餅，呢度嘅蝦餅份量夠，仲有兩款唔同嘅醬可以點。⭐脆炸薯條泰式三色醬同樣係以醬取勝，薯條火候啱啱好，炸得金黃脆口！一種醬一種風味，一份三食。⭐青咖哩牛油果帶子隻蟹肉主食叫咗青咖哩，我鍾意青咖哩比黃咖哩咁更惹味！牛油果都係第一次試，又幾滑喔～年頭嘅香煎大隻帶子值得一提，真係非常好食！加埋啖啖蟹肉😍😍😍(必試)⭐甜品 泰國菜嘅甜品係必食，每款都好特別別到我揀咗兩款 楊枝甘露沙沙唔講唔知，仲以為我食緊雪條啊，但係其實佢係楊枝甘露！好特別！打卡一流！ 泰式街頭椰子雪糕🍦呢款係泰國傳統甜品，佢地再改良過，賣相更加精緻，味道更加細緻，椰子🥥味好香好濃，令到我食唔停口。 如果妳都鐘意食特色嘅泰國菜，呢間你一定要試啦。😍😍

跟朋友尖沙咀辦年貨，朋友想吃泰菜，我推介了位於K11 的阿閒泰，之前跟家人吃過後，都想再品嚐其他菜式，餐廳裝潢有小清新特色及熱帶風情的感覺，環境舒適闊落，最適合跟三五知己談天說地！餐牌食物款式多，特式飲品及甜品很受推介，賣相吸引！泰式香葉鴨肉肉碎跟平時吃的泰式生菜包不同，這裡會用鴨肉做生菜包！點了走辣碎洋蔥跟鴨肉和一齊炒，配搭生菜夾肉碎開胃之選。伴碟的香茅蝦片也很夾！配鴨肉另有風味自家手打脆炸蝦餅即叫即炸十分新鮮，蝦肉很彈牙和香脆，配泰式辣醬手切肉眼爽彈牛丸船粉船粉配菜十足，有手切肉眼、爽彈牛丸、通菜、芽菜、炸豬皮，船粉爽彈，湯底濃而且手切肉眼很有咬口，牛丸彈牙充滿肉汁，加埋吸收了濃湯嘅豬皮很入味，置身泰國的感覺。斑蘭椰香鮮奶咖啡伯爵茶鮮奶兩杯味道比較偏甜，椰香味重，咖啡幼滑；伯爵茶味香濃想享受悠閒新派泰菜，可以一試，餐廳富有泰國地道風味，環境又清雅，下次會再品嚐餐牌上的更多美食！

疫情之下，冇左晚市堂食，唯有下午出街衝刺。去左尖沙咀行街，幫親左係k11 既阿閒泰。Menu 都有唔少選擇，主要係泰式。手切豬腩豬肉丸船粉$108湯底夠濃郁，配料有豬肉丸，菜，炸豬皮，腩肉，腩肉味道好好，仲可以自行加辣粉，更加惹味。粉既份量足夠，而且好入味。芒果耶汁糯米希臘式乳酪軟雪糕$78Greek yogurt 感覺冇負擔，呢個甜品十分推介，底下係耶汁糯米黎，估唔到乳酪雪糕加上煙韌糯米係咁夾。泰式海蝦炒卜卜蜆金邊粉$128金邊粉炒得好入味，甜酸度岩岩好，加上蝦，青口等海鮮，味道唔錯。加埋青檸汁，酸酸甜甜好開胃。

今日去阿閒泰「見阿閒」（泰文解吃東西）。這是一間新派泰式fusion菜，而它的手造粉/香料是泰國直送的。裏面的裝修熱帶風情，綠色植物+滕職用具，給人休閒渡假的感覺。🦐自家手打脆炸蝦餅$78爽口彈牙，外層炸至脆卜卜熱辣辣，蝦膠處理得很好沒有蝦腸，加上酸甜醬點綴，更可口🐔泰式單骨雞翼配自家製泰式辣醬$78單骨雞翼方便入口，已拆骨，雞翼炸得脆口不肥膩，有金不換香味，配上自家製酸酸辣辣的醬汁更開胃🌼烤原個椰菜花配青咖喱醬$78這個菜很震撼，整個椰菜花上碟，很大棵；青咖喱醬椰汁味濃，少辣；這個椰菜花要自己切開🍞香草蒜蓉焗麵包$58這個麵包烤得很香口，面頭佈滿香草蒜蓉醬，剛剛好，脆而不膿，熱烘烘的*我們把蒜蓉包點青咖喱醬吃，美味😋⭐️泰式海蝦卜卜蜆炒金邊粉$128這個味道調校得很好，有齊香辣酸甜味道，有少許醬汁不至於太乾，有脆卜卜的菜脯伴口，配料的份量足夠，喜歡泰國的肥嘟嘟芽菜，大蝦及青口新鮮；美中不足就是金邊粉有一嚿嚿的狀況…☕️生薑香茅茶$42一壺的份量不少，可添加熱水；生薑香茅味濃郁

同朋友係尖沙咀行街經過見到呢間泰式餐廳咁靚😍就一於試下佢先🤣.💎 $88 手作羊肉串燒（3串）好香嘅泰式串燒😍份量幾多.💎 $28 印度薄餅表面煎得好香脆🤩趁熱食就最好食～.💎 $128 泰式醉貓炒新鮮手造卷粉個名好得意🤣味道都好好有好多肉碎 混埋卷粉一齊食好香好正😍.💎$68 椰青滑冰好靚嘅椰青沙冰😍😍好大杯🤣飲唔哂.🛋環境：餐廳係k11 art mall入面好易搵到😎店面/室內好多草類裝飾環境好靚🤩.📸打卡位：背景影到鋪頭中間bar area嘅座位～好有置身於cafe嘅感覺😲.⏰等位時間：星期六嘅3點半去到唔洗等🙈

冬陰功湯粉118🌶因為佢用咗泰國直送嘅新鮮手做幼粉，所以湯粉索咗冬陰功湯之後，特別好味，🍜而且質地夠煙韌，加埋豐富湯底，有微辣嘅感覺，仲酸酸味味。大蝦都夠大隻，食落鮮甜。🐷手切豬腩豬肉丸船粉，經典嘅泰式船粉，同樣係用咗幼粉，🥘配料都好多元化，有正宗嘅脆豬皮，豬腩肉，仲有彈牙嘅豬肉丸，🍢所以都好滋味。🍥小食我哋試咗佢嘅脆皮豬頸肉，伴自家製檸檬番茄醬，🐷豬腩肉好爽口，有口感，而檸檬番茄醬酸酸地，都可以去除油膩嘅感覺。🦐自家手打脆炸鮮蝦餅，🔥因為係新鮮炸出嚟，所以都好香脆。🧋奶茶配自家奶茶雪糕凍，入邊仲有一條奶茶雪糕棒，所以搭配好可愛，🥰亦有創意。

今日又來K11行下街.肚仔餓了.需要找好東西吃.朋友建議食泰國嘢.我們就去了阿閒泰！！首先,因為它的外觀壯修實在大吸引了~~不是那單一的泰式壯修而是那種給人家的舒服感覺.打開餐牌好多食物想試.但總不能試哂~所以揀了兩個人能享受的分量.首先,一定先少不了柚子沙律.這柚子沙律味道很fresh也不會辣.而柚子好甜.甜而很凊新.我們見餐牌里的飲品好吸引.忍唔住也要試這杯特色鴛鴦泰色奶茶.味道好有香港舊式奶茶的香濃味.如再少煉奶更好味！跟住,就開始食熱食.好想食魚.所以叫了燒鱔.這味菜真的不得了.鱔好新鮮又爽口.完全不淋身.那部位一些骨也沒有.食太識嘢一定不少得泰式炒通菜.雖然便是不是通菜嘅季節但這味通菜很有鑊氣！最後再encore叫了香茅豬肉捲.點解可以個皮咁煙韌.香茅同豬肉比例非常配合.價錢好合理如果有這舒適環境再加上食物質素不需$500食這麼多美食

今日放假同女朋友去咗阿閒泰K11食Tea 我哋嗌咗兩個下午茶餐 泰式鹹蛋黃金薯條 $58 薯條新鮮炸起包裹住好多鹹蛋黃碎 食落好大陣牛油味 有小小掩蓋咗鹹蛋黃味 但係都好香口 而且薯條係粗薯 所以好有薯味阿閒泰碳烤迷你拼盤 $98 裏面有雞肉豬肉羊肉各兩串 尤其以雞肉串最好味 雞肉串中間以香茅串起 香茅味濃 雞肉肉嫰有汁 +$32有泰式豬頸肉沙律 雖然只係32蚊 但係份量都唔少 豬頸肉爽脆 沙律酸酸甜甜好開胃茶餐會免費跟埋咖啡或者季節冰茶 都真係幾抵食 我哋唔想放假都飲咖啡驚夜晚瞓唔著 所以叫左冰茶 冰茶唔會過甜都啱我哋口味另外叫左杯青檸冰涼特飲同埋楊枝甘露沙沙配自家製雪條 前者調得都幾好飲 我哋叫咗有酒精版本 飲落都夠酒味 後者就又可以當甜品又可以當Smoothie咁飲 而且唔會過甜整體嚟講呢度嘅下午茶真係好抵食 而且環境都舒適 推介大家嚟試試

阿閒泰·K11高質泰菜泰妹又出動啦！💃🏻💃🏻💃🏻Book mark左好耐既阿閒泰，終於比我捉到機會嚟試吓啦😂。餐廳環境舒適乾淨，設計以渡假休閒風為主，一入去就令人覺得舒適同放鬆。泰式醉貓炒新鮮手造卷粉 $128手造卷粉幾特別，我地都一致俾好評。加上微辣的豬肉碎一齊炒，味道更香更入味，簡直係色香味具全！👍泰式鹹蛋黃醬卡邦拿意粉 $138好少見泰國餐廳有意粉食，但係又有我最愛嘅鹹蛋黃，所以特別想試吓🤣，鹹蛋黃同意粉撈勻後，食落有輕微嘅蛋香味，味道還可以，但唔夠手造卷粉吸引。脆皮豬頸肉🍋 $78呢款同平時食嘅豬頸肉有啲唔一樣，冇油膩嘅感覺，肉質可以保持鮮嫩，外皮香脆可口，可以話十分惹味。🤤🤤脆炸豆腐伴泰式魚露 $68豆腐表皮酥脆，內裏豆腐仍保持嫩滑，加上酸甜的魚露，味道更吸引。士多啤梨希臘式乳酪軟雪糕芭菲 $78甜品好正呀😍，又好食又靚，用黎打卡一流。👍酸酸甜甜的乳酪配上脆卜卜的芭菲，仲加入好多爆珠，口感豐富。泰式泡沫奶茶🥤 $48泰式奶茶🥤係用泰國專有嘅茶葉，所以味道比較特別。