阿閒泰 (K11購物藝術館)

营业中

休息中

很久沒有吃過泰國菜了！每天都落雨，今天就來K11試試這間泰國菜，全程室内搞掂！🍴阿閑泰慢煮手切肉眼爽彈牛丸船粉泰國新鮮直送的手做卷粉，出面比較少見到，所以試一試新野！材料豐富，入面有炸豬皮、入曬味的白蘿蔔、豬紅、芽菜、牛丸等等，牛丸正如其名非常彈牙，不是我們平時吃開的粉，真材實料。🍴泰式海蝦卜卜蜆炒金邊粉金邊粉炒得乾身但不油膩，蝦肉口感嫩實，有啖啖肉的感覺，卜卜蜆都大隻。🍴秘製三式串燒包括有手作豬肉，香茅鷄肉和羊肉，全部都燒得非常入味，食泰國菜一定要食返幾串串燒先過癮。🍴士多啤梨希臘式乳酪軟雪糕芭菲芭菲大杯，中間的脆脆雖然浸左一段時間，但仍然可以保持到很脆的口感，士多啤梨也很甜！飯後甜品一流

之前真係好耐冇出街食飯啦！日日喺屋企悶到抽筋⋯⋯好似冇咗自我咁！心情難以形容⋯⋯而家卒之同老公可以食飯行街😬心情相當興奮😆⋯⋯🇹🇭阿閒泰🇹🇭餐廳型格！走fusion路線⋯⋯泰式鹹蛋黃雞翼雞翼炸得非常香脆！最重要係單骨添⋯⋯啱晒我哋啲懶人⋯⋯本人非常喜好鹹蛋黃！泰式香葉炒肉碎呢款菜式非常惹味👍充滿泰國風情😋又香又辣，香葉嘅香氣滲透喺每一口肉碎😋配以脆炸米餅！Yummy⋯⋯阿閒泰冬陰功湯粉由泰國直送新鮮手做幼粉！粉質煙煙韌韌！大蝦非常大隻！有青口和大量雜菇，湯頭非常香濃！幼粉吸收了湯汁非常美味！芒果希臘式乳酪軟雪糕芭菲士多啤梨希臘式乳酪軟雪糕芭菲其實每次呢個係我哋最喜愛嘅甜品之一⋯⋯😋😋今次有少少插曲😅😂希臘軟雪糕同我哋所叫嘅食物一併送上😅所以雪糕溶晒😂但係都好好味😋店員話因為要清洗和消毒雪糕機😂整體餐廳嘅菜式都能維持高水平😬

🤰🏻今天跟同事去了尖沙咀，同事說想食泰國菜🇹🇭，我們就選了阿閒泰，感覺餐廳環境寬敞，設計簡潔清新，價錢也不錯，選擇也很多。我們大概五點🕔到，不用等位，我們點了一個前菜、兩個主食還有一杯奶茶。1️⃣ 香芒🥭紅菜頭米紙卷 $78這個前菜十分清新健康，特別適合炎炎夏日的季節。特別喜歡它的芒果配汁，酸酸甜甜，十分開胃可口。紅菜頭和紅蘿蔔絲很清甜，加上香甜的芒果，是一個非常清新的配搭。2️⃣ 泰式海蝦🦐卜卜蜆炒金邊粉 $128味道酸酸辣辣的，十分刺激味蕾，味道很獨特，跟以往吃的金邊粉調味有點不一樣，我很喜歡。金邊粉炒得剛好，軟硬適中。海鮮很鮮甜，有一隻青口和兩隻海蝦。3️⃣ 泰式醉貓炒新鮮手造卷粉 $128第一次吃手造卷粉，口感很特別，煙靭有彈性。調味甜甜的，九層塔令味道昇華，很香很美味。4️⃣ 阿閒泰奶茶配自家奶茶雪條凍🧋 $68賣相十分討好，很適合打卡用。奶茶味道清甜，茶味香濃，特別喜歡泰式奶茶裡淡淡的香料味。職員服務態度很好，很有禮貌。一定會再支持

母親節一行14 人來光顧，坐下來老媽說想吃 煎蠔餅、菠蘿抄飯、芒果黑糯米。一開餐牌通通都沒有，完全沒有飯類，咖喱只有軟殼蟹和魷魚（好似係魷魚， 總是不是正常的）。我們點了串燒、燒雞、肉碎生菜包、生蝦刺身、米餅、抄粉，咖哩軟殼蟹和薄餅。雖然味道不算差，但好似每樣汁都差唔多味（除了咖喱啦）。餐牌選擇少得可憐🥺如果二人去，可能會好啲，我哋咁多人去，實在沒有選擇了。埋單$2000，好似冇咩食過野咁。此外，除了一個侍應醒目啲，其他真的呆呆滯滯。難為醒目果個一早叫我哋 如果落單要搵返佢。總括，下次唔會再黎！

心情好要吃飯，心情不好更需要吃飯，而且還要吃更多。所以餐廳也只能選我喜歡的，不愛的東西不想吃進肚子裡!阿閑泰虎蝦炒金邊粉$108可辣可不辣的金邊粉，自行調味，看賣相就很不錯，超香濃的， 金邊粉炒得乾身又不油膩，虎蝦超大超香，廚師剪掉了蝦頭，吃時就不怕刮傷口了。阿閑泰鹵豬手香飯，糖心蛋$92豬手鹵得超入味，肉質軟念Q彈，軟而不爛，份量超足，一個大男生也夠飽肚，糖心蛋也恰到好處。泰式奶茶配自家製奶茶啫喱及奶茶雪條$68這個超推薦，不失望，奶味超濃郁，所有甜的部分都是由雪條溶出來的， 挺有特色。

疫情放緩，又係時候出動食好嘢。今日爸爸放假，就請佢過嚟一齊食泰菜。Ahan Thai之前行K11嘅時候見過，亦都有朋友介紹過。餐廳嘅門面吸引，啱晒打卡😝斑蘭椰香鮮奶咖啡（熱）第二度無飲過，味道好特別，斑蘭同咖啡好夾好有驚喜，😍 咖啡大杯又好飲，唔會太甜，冷氣好凍嘅時候，一杯熱飲落肚實在滿足☺️首先嚟嘅係煎海蝦芒果牛油果有機藜麥泰式沙律，係好好嘅開胃菜，冰凍，酸，鹹，甜，加埋軟滑嘅牛油果，有咬口嘅藜麥，一下子又好多重味覺嘅刺激😆不過牛油果有小小爛，應該係壓凹咗。我無要求換，切走咗果小小，不過就有少少失望。其實可以切粒唔要果部分？香煎帶子青咖哩醬新鮮蔬菜濶條麵賣相吸引，青咖哩味道頗特別，甜中帶辣，仲越食越辣。蔬菜濶條麵好煙靭，香菇同帶子煎過，都幾香口。餐飲叫咗個Affogato, 賣相真的很吸引，雖然飲落就有啲論盡😂 滾熱嘅 Expresso 用玻璃樽仔裝住，waiter亦都好貼心咁提醒要注意溫度。

晚市堂食放寬了兩個星期，早早訂了位約友人吃飯，尖沙咀食飯真的挺方便的，鄰近地鐵站，扶手電梯上到二樓便立刻見到這間餐廳，非常易找。裝修很清雅，座位很闊落之餘，侍應哥哥還安排了梳化位給我們坐得很舒適。香芒紅菜頭米紙卷味道非常清新，蔬果爽脆新鮮，配上芒果淡淡香甜味，開胃與打卡都一流。------------------------------泰式醉貓炒新鮮手造卷粉一放入口就吃到很香的洋蔥蒜味，手造粉十分煙韌彈牙，配上肉碎，惹味非常。------------------------------泰式香葉鴨肉肉碎生菜包與平時生菜包不同的就是這道菜是採用鴨肉，鴨肉營養豐富，肉質細嫩，且烹調得宜，完全不會有膻味。調味香草味很突出，再擠上一點青檸汁，配上生菜，香辣兼清新，令人忍不住一塊接一塊的吃。配魚蝦片炸得香脆而不油膩，邊吃邊聞到陣陣蝦香。------------------------------泰式鹹蛋黃醬卡邦拿意大利粉卡邦尼吃得多，配上鹹蛋醬，意想不到的夾，鹹蛋亦不會太漏，意粉很掛汁，正。------------------------------阿閒泰自家製氮氣冷泡檸檬茶驟眼看好像一杯生啤，上

《阿閒泰手切豬腩肉丸船粉》（$98）船粉可揀卷粉或幼粉，見卷粉特別就揀左，口感帶點煙韌，幾特別。豬腩肉片好嫩滑👍🏻仲有細細粒既豬肉丸，另外有啲類似響鈴既條狀配料，十分香口，我都幾中意😁《泰式海蝦卜卜蜆炒金邊粉》（$128）海蝦唔算好爽口彈牙，一般般，份量亦較少，旁邊有辣調味粉，味道偏辣。唯一我最欣賞既係佢既金邊粉，真係好有咬口偏煙韌👍🏻《芒果椰汁糯米希臘式乳酪軟雪糕芭菲》（$78）本身對佢既期待度好高，點知賣相同Menu照片差好多，好失望🤥 份量好似細左，而且賣相好一般。味道還好，糯米飯仲係暖的，配上Yogurt icecream 係幾新鮮既配搭，味道都唔錯，加上芒果Jam，偏酸，食完唔會好甜膩，不過賣相真係差咁啲！

疫情後約friend食飯，點知…😰店面員工態度勁rude,食物普通CP值低。服務員好似審犯咁，女經理叫極唔郁。次次答轉頭但永不回頭。餐飯遇著咁嘅情況，餐廳員工好似同啲客有仇真心想起身走人😡幾個friend唔想影響飯聚，唯有食埋餐飯先。今次第一次寫劣評，真的不想有人去一間唔平既餐廳受氣！既然係咁！我哋作為客只可以選擇”唔返轉頭”同時，對Storellet呢個集團管理既餐廳- 避之則吉晚餐日期30Apr

第五次疫情深居簡出幾個月, 四月底終於出動走走, K11 Art Mall這一级商場亦見重現生機👏👏中午在這商場買了些茶具後便見到這泰式菜館, 決定來個泰菜午餐👏👏午餐款式繁多, 全自動手機點菜我選了香煎帶子冬陰功湯配泰式新鮮幼粉；好酸辣者必感滿足, 湯底味道強勁, 是味蕾大挑戰, 好吃辣的我亦吃得熱汗流🤭🤭, 帶子及青口亦新鮮😋😋太座則點了香煎帶子青咖哩醬配新鮮蔬菜闊條麵, 賣相討好, 太座亦欣賞青咖哩醬伴帶子闊條麵滋味足😋😋意猷未盡追加了煎海蝦、芒果、牛油果、有機藜麥、泰式芒果醬沙律, 主食後再吃開胃沙律真有另感覺, 泰式芒果醬酸酸甜甜, 藜麥有咬感, 煎海蝦爽脆, 配合得好巧妙😋😋👏👏最後以兩杯跟餐茶飲：阿拉卡比即磨咖啡泰式季節茶完結了滿足的泰式午膳👏👏

服務員服務態度差過馬L 超級串 毫無服務態度可言😡😤🤬😖 呢款嘢食賣晒/冇貨就咁講個冇字，其他乜都吾講。帶位落order全部黑口黑面，連叫佢加水飲水都黑哂面。幾個員工都係咁🙄🙄相隔幾個月再返嚟食 乜都唔同晒 嘢食水準差咗一大截🤦🏻‍♂️🤦🏻‍♂️🤦🏻‍♂️冬陰功除咗辣其他乜味都食唔到 個青口仲要洗唔乾淨。有晒內臟有沙有草，吾似有洗過。食完個肚有啲隱隱作痛。。。然後個menu都吾同哂。平時食開openeice d 推介全部冇既。成個感覺就係完全唔值得。食又食得唔開心，坐又坐得唔舒服。應該唔會再返嚟食

K11新式泰菜有驚喜Chill一Chill。呢到個lunch set 我覺得都幾經濟平均$88-108(+10%)，加一杯餐茶如果想食多少少種類，仲可以加$18-35一個小食☕泰式鴛鴦 $58通常泰式都比較甜，阿閒泰就比你自己控制甜度！分開奶+茶+奶茶冰上，先加奶溶冰再慢慢加茶~點飲個味都唔會變淡，飲落好香濃易入口又滑～前菜:　２隻生蝦剌身 $35剌身新鮮，味道都有少少辣嫁~放係２個透明杯入面，打卡able!泰式海蝦金邊粉 $128大大隻海蝦、豆腐乾、炒蛋、芽菜、花生碎等，用料豐富，麵質煙韌，味道係偏酸，開胃之選~阿閒泰燒脆鱔 $128鱔肉鮮嫩爽滑彈牙，而個外皮又燒得岩岩好，好食阿閒泰AHAN THAI📌 尖沙咀河內道18號K11購物藝術館2樓219號舖

今日跟家人到尖沙咀K11購物。快到中午，我們決定先吃午飯。扶手電梯剛抵二樓，見到一間提供泰式和西方融和菜餚的食肆。午市套餐頗合心意，主菜配飲品，還可以優惠價加添小食顧客自行以QR code下單，圖文並茂，可慢慢選擇 泰式咖哩配薄餅 (+$25)泰式咖哩香氣飄飄，味帶微辣。 薄餅酥香，單是薄餅已覺美味， 蘸點泰式咖哩更滋味。是一道不錯的小食。 安格斯牛肉·手作牛丸濃湯船河·泰國新鮮幼粉/卷粉地道的泰國船粉，湯底色澤呈深偈色，含濃郁牛肉味道。 配料豐富，這個升級版的船粉用安格斯牛肉 肉嫩味濃。手打牛丸肉質爽口彈牙，還有香脆炸豬皮 、清香白蘿蔔、 豬紅、 爽脆芽菜和通菜。 幼粉掛上美味的湯汁，香脆的蒜片增添香味。 香茅豬肉米紙卷 (+$28)煙煙韌韌的米紙卷裹着香茅豬肉。蘸點清新微酸的泰式醬， 口感清涼，是一道開胃小食。 阿閒泰虎蝦炒金邊粉家人不嗜辣，下單選項可要求走辣，非常貼心。食物送來時，虎蝦香氣撲鼻而來。虎蝦肉厚味濃，金邊粉炒得乾身不油膩。 季節茶(凍)清甜果香味道。 阿拉比卡咖啡(熱)家人說咖啡濃厚得宜，十分喜歡呢。

好耐無食過一間咁伏既舖👎🏻平時都唔會留言忍唔住要留低一個差評，都唔知依度d好評係點樣得黎既⋯⋯可能我咁啱揀既都唔係出名既菜啦😡😡😡新年到依家開返晚市堂食，第一餐竟然咁失望⋯⋯港女想影下相都影唔落手🤣🤣只可以講圖片只供參考，由主菜到甜品，每一碟野上黎都好失望，不只外貌差，好似無上色咁，泰國菜一向都係顏色上睇到都開胃架啦，佢d餸真係好似p走左d色彩咁，暗淡無光，睇到都唔想食，食落連味道都無，真係不可一 不可再😡😡😡😡😡

同朋友去尖沙咀k11 art mall裡面shopping ，經過呢間泰國餐廳，見到裡面充滿東南亞氣息即時被吸引，所以行完街肚餓就揀咗黎試吓。呢個時間有lunch set揀都幾抵，所以我哋點咗兩個午餐🙆‍♀️香煎帶子冬蔭功湯粉🌟湯底好濃郁酸中帶辣好開胃,而且配料都好足👍帶子同青口鮮甜無比!而粉麵有幼粉/卷粉選擇!我們選擇了幼粉軟硬適中份量很多好抵食!泰式醉猫䐁肉炒卷粉🌟豚肉肉質鮮嫩,味道惹味香濃😋卷粉食落口非常煙靭又彈牙十分推薦👍Lunch set 跟2杯飲品🌟斑花椰香鲜奶咖啡☕️味道好特別,有淡淡椰子奶香味同咖啡好夾好有驚喜😍阿拉比卡咖啡☕️味道比較甜咖啡味比較出,味道不錯!另外仲可以加$35泰式生蝦剌身🌟食泰國菜必試生蝦刺身🙈 鮮甜肉質大隻彈牙!