阿木台灣麵 (豉油街) (已搬遷) 新店位置

上次經過舊店見到超級多人排隊，放棄左，今日經過見到豉油街開了新分店，見不算太多人等位，即刻禁飛排隊。餐牌選擇多元化，有牛肉麵、台式便當、拌麵、老台灣醃菜、台灣小吃、蛋餅、肉燥飯、魯肉飯，台式飲品，價錢合理。肉燥拌麵-每次到台灣餐廳都會必食肉燥，肉燥味濃郁，麵條好彈牙。鹽酥雞-炸得金黃酥脆，雞肉嫩滑，好Juicy，鹹脆香口蜜桃汁-蜜汁味突出，不太甜，而且仲有粒粒果肉，口感豐富門口亦有一大個貨架，擺滿自家品牌和台灣的產品，竟然比我見到有胚芽，即刻買左包返屋企沖飲品

*阿木台灣麵*2021年第一餐外出食飯❤️細佬想食台灣野咁就有佢去阿木啦😋介紹左佢食超彈牙牛肉麵4塊牛肉又厚又淋又大塊（好想學佢炆到咁淋呀）仲介紹左好好味鹽酥雞 又香又脆今次叫左芝士粟米蛋餅，d芝士流曬出黎，好正呀😍隔離枱睇到都忍唔住跟我地叫台式炸大腸：個大腸真係正到無得講，好似燒肉個種香味咁，外脆內軟仲配埋佢台上個辣醬真係好香（佢仲有得買48蚊）麻辣蒜香肉燥飯：有麻辣醬有埋蒜同好好味既肉燥配大大粒珍珠飯 份量真係好大好足料黑糖珍珠鮮奶+仙草真係我的最愛細佬叫左芝士岩鹽奶蓋燒烏龍個茶同奶蓋好夾❤️🥰好好味 台式炸大腸芝士粟米蛋餅黑糖珍珠鮮奶+仙草芝士岩鹽奶蓋燒烏龍香蔥麻辣肉燥飯紅燒牛肉麵鹽酥雞共：$278

在舊店吃了多次紅燒牛肉麵, 今日去新店再試一次。在疫情期間的中午時段等了15-20分鐘入座(其實比舊舖快多了)。落單後5分鐘牛肉麵就出現眼前。先喝湯, 第一反應是為什麼咸了....頗多。再加酸菜吃的衝擊更厲害。是自己吃得清淡了? 還是湯頭改了? 反正以前我會多喝幾口湯, 今次就不了。麵幼而微曲, 硬度適中。點的切片牛展(另有角切)有四塊, 非常大塊而厚度更接近1cm。以前的有點太軟太鬆, 今次的有點𡁻頭, 比較厚實👍。但是牛展真的太大塊了(我是第一個投訴的嗎?😅), 吃完肚子有點太充實。幸好沒有加㸃前菜小吃, 不然怎可能吃完全部。總括來說, 仍是店家誠意之作, 沒有在市道低迷時將貨就價👍。希望可以繼續保持水準。

🎅🎄一年一度聖誕節, 今年聖誕大家都好唔快樂, 但日子總要過, 唯有苦中作樂, 搵啲好嘢食吧! 最愛的台灣麵食開新店, 店面大咗好多, 光亮簡潔! .🍜麻醬拌麵 $37 ~ 熱食的! 暖暖而爽口彈的麵, 配上又濃又香滑的麻醬, 夾上新鮮爽口青瓜絲, 多重口感, 好滿足! 麻醬既香且滑, 又濃又杰, 麻醬愛好者不可錯過! .🧀芝士肉鬆蛋餅 $38 ~ 超超超軟滑的蛋餅, 比我在台灣的更好食! 滿到瀉的肉鬆, 香港的芝士, 味道出奇地夾! 🍑白桃紅茶 (凍) $34 ~ 味道好清新, 桃同紅茶原來好夾, 食咗碗濃濃的麻醬麵, 呢個紅茶正好解膩!.🤩新店門外有貨架, 超多台灣食品、飲品! 豬腳、拌麵、飲品、太陽餅、醬料…等等, 仲有我最愛的鴨血豆腐冬粉…啱晒而家幾乎日日要煮晚餐的, 仲可以一解對台灣的思念耶…🤤🤤

🎅又到聖誕, 🎄又再聖誕…今年攪攪新意思, 唔食西餐食台灣菜🤤 食咗當去咗的慨念! 🙄.🤤🤤最愛紅燒牛肉牛筋麵🍜 $69 ~ 我覺得係全香港最好食的牛肉牛筋麵! 🐄牛肉用上牛腱 (牛展), 又厚又大片又腍又滑, 一口咬落新鮮細膩, 🤤🤤🤤牛筋同樣又腍又滑, 超豐富膠原蛋白, 食落一口膠質! 麵質爽滑彈牙, 湯底濃厚無味精, 絶配! 👍👍👍🐥鹽酥雞 $38 ~ 呢度既炸物超讚! 炸皮薄又脆, 鹽酥雞用上全雞胸, 但一啲都唔嚡, 仲好 juicy! 👍🧀芝士岩鹽奶蓋炭燒烏龍茶 (凍) $42 ~ 奶蓋唔算好厚, 唔會好膩! 茶味都幾香! 🤩新店門外有個超大貨架, 大量台灣食品🥫、飲品🧃! 🐖豬腳、拌麵、飲品、太陽餅、醬料…等等! 麻椒拌麵好新穎 (我未試過🤭), 仲有芋香豬腳, 咁得意唔係唔買嚟試下掛! 🤗

一個人閒逛旺角終於有時間去拜會阿木台灣麵, 之前試過要等幾十張真係好誇張被迫放棄, 幸好今次只係要等幾張枱, 就可以入座. 午餐選擇了招牌菜紅燒牛肉麵配熱台式奶茶, 等左10分鐘左右已經上齊. 一黎見到牛肉麵鋪面的紅燒牛肉有4大舊咁多, 厚切得黎又煮得好腍好入味, 粗麵亦都好彈牙剛剛好, 最重要係湯底真係不錯, 令到牛肉更加保持到香濃嘅味道, 一啖牛肉一啖麵再加一啖湯整個味道配合得非常好, 熱台式奶茶我都幾鍾意佢嘅茶底, 算係不錯, 都可以推薦.

其實我已經試暈哂阿木店裡面差吾多所有野食。於是寫份食評支持吓, 依個時勢, 小店好難做。好味抵食既小店大家更加要多多支持一吓。老闆娘都從廣華街舊店搬左去依間新店。老闆娘係台灣人, 但我次次都同佢講廣東話佢都識聽仲好好心機。第一次食叫牛肉麵同古早味冬瓜茶絕對吾會錯。依兩款都係比得上我在台灣食既水準, 而牛肉麵真係數一數二! 以後去台灣可以留肚食其他野, 因為去阿木度食牛肉麵就!!另一推介係芝士肉鬆蛋餅 - 不過都幾飽肚嫁! 最好兩個人叫碗麵加蛋餅就差吾多!! 吾中意肉鬆既朋友都可以叫玉米。炸豬大腸味道吾錯, 但真係有d "un"... 我有時懶得趙。仲有記得帶多d 現金!! 因為好多乾貨買。 我試左麻醬味拌麵好味。 所以返轉頭買左最人氣的蔥油味返屋企試! 仲有幫朋友買左聽聞超正既鴨血冬粉同豬腳。

老爸最近係旺角食到間牛肉麵好好食，於是帶我去食，因lunch時間，所以等左陣先有位，佢鋪頭外面係賣下台灣野飲，零食，入邊就係鋪頭堂食。佢牛肉麵有紅燒，有麻辣，有番茄，我爸叫左番茄，我就叫麻辣，跟餐係有杯野飲跟，可以叫珍珠奶茶，lemon 紅茶，lemon清新茶，我就貪得意叫左杯lemon 清新茶，lemon唔靚，所以好苦。講返換牛肉麵，我試左少少個番茄牛肉麵個湯，一般，唔覺好重番茄味，反而我個麻辣味，唔錯，辣辣地，幾好味，佢牛肉好多，有大概4塊左右，每塊都好厚，味就冇咩，唔會話麻辣牛肉麵就諗任牛肉都係個隻味，其實冇。有好林，唔會咬唔開，以牛肉量既cp值黎講，係ok

這間阿木台灣麵新開嘅分店位於旺角豉油街嘅店舖!呢間店舖人流非常之多!好多客人係店舖門外等位!真係人流十分之多!一枱客人埋單出去!另外又有客人入去!真係未停過!.紅燒牛肉牛筋麵鹽酥雞便當芝士肉鬆蛋餅梅子地瓜條黑糖薑母茶芝士奶岩鹽奶蓋炭燒烏龍.紅燒牛肉牛筋麵呢碗紅燒牛肉牛筋麵!真係份量十足!去嘅牛肉勁厚!咬落去超腍身!牛肉間住一條一條紋!牛肉味道超好味😋😋😋!去嘅牛筋味道十足入哂味😋😋😋!咬落牛筋到又夠哂腍身!十分之有口感😙😙😙!真係好有水準👍👍👍!去嘅麵軟硬適中!爽口又彈牙!.鹽酥雞便當唔需要去台灣都食到😋😋😋!一次可以食到幾款好想食嘅食物😙😙😙!去嘅鹽酥雞都好有水準!味道恰恰好!外鬆脆內又夠腍身!肉燥飯食到入口!我覺得好有台灣食嘅味道🤔🤔🤔!肉燥夠哂腍又唔覺得韌!都算好好食!.芝士肉鬆蛋餅蛋餅賣相十分吸引😍😍😍!睇見都好想食🤔🤔🤔!真係睇得又食得!外皮好烟韌餡料十分豐富!又食到鬆脆嘅肉鬆😋😋😋!聞到好香嘅芝士味道😙😙😙!食到停唔到口!.梅子地瓜條金黃色鬆脆嘅外皮!上面洒滿梅子嘅粉末!帶出地瓜條甜味😋😋😋!又食到梅子小小嘅酸味!兩者食到入口感覺味道好夾!地瓜軟硬適中!當小食吃想當之正👍👍

呢幾日特別凍，突然諗起之前喺旺角行街經過一間好出名嘅台灣麵，超級多人排隊。於是今日就試下，門口超多人排隊同埋有餐牌仲有好多台灣嘅出產嘅特產。 我叫左一碗紅燒牛肉牛筋面，一擺上臺比想像中大碗好多，而且牛肉超級厚又大塊，牛筋都好多塊，古5到咁大份兩個人食都ok.牛筋都炆得好琳....啲汁都濃+新鮮嘅蔥花，好香。另外，點左個招牌小食芝士肉鬆蛋餅🥞。呢個肉鬆真係好正宗喺出邊食唔到呢仲味，而且雞蛋味濃郁。最後叫咗杯芝士岩奶蓋少糖走冰。比平時嗰啲味濃D，但冇咁甜～味道啱啱好。食完超級滿足，咁嘅價錢咁嘅份量，超值。

得知阿木台灣麵開了新分店，所以我們決定去探探店，看看食物質素如何吧🙈。店舖面積相對原址大，環境燈光柔和，午市時間坐無虛席。💥芝士肉鬆蛋餅 HKD$42，這個滿滿肉鬆賣相的蛋餅，口感豐富蛋味香濃😋。味道甜甜的，與半溶的芝士很配合，味道與台灣夜市很相似，很有台灣的味道🤤，很喜歡吃這個小食💕。💥梅子地瓜條 HKD$36，這個份量挻多的，地瓜條炸到金黃色賣相不錯😍。地瓜條口感酥脆軟錦綿，面頭灑滿酸酸的梅子粉，令到味道酸酸的很惹味😋。💥鹽酥雞便當 HKD$54，這個可選擇多肉燥/多飯，靜靜選擇了多肉燥，看到滿滿的肉燥感覺很棒😍，肉燥味道不會太咸，用來拌飯確實不錯。鹽酥雞有6件，味道咸咸的口感煙韌。💥紅燒牛肉牛筋麵 HKD$69，濃郁的湯底不太咸，麵質軟硬度適中。牛肉和牛筋大大件份量十足，大大塊肉質腍身挻入味😋，口感不會感到韌。牛筋很大條，口感軟滑爽口。食物質素不錯份量挻多，以這個價錢是不錯的☺。另外跟餐還可以半價加購飲品，飲品味道不過不失。門面還有店舖自家品牌出售，可以買回家存貨一下🤤。

人龍台灣麵小店一直係必試餐廳前列, 可惜黎左幾次都大排長龍T.T 豉油街開左新鋪加上學識用app(TheGulu)預先拎定飛終於潮到聖喇🤩 另外, 平日下晝黎可以揀午市套餐, 平ddd🤏🏻之餘仲有跟餐飲品添😍1️⃣ 紅燒牛肉麵(片切)(午市套餐)湯底牛味超香超濃郁😳 係好忠於原著嘅台式紅燒風味～ 牛肉片片都係厚切架 而且仲超大塊🤩 牛肉好軟腍, 肉同筋嘅分佈平均～ 難怪咁多人揀呢道招牌菜🤤2️⃣ 芝士肉鬆蛋餅阿木另一招牌菜！蛋餅個皮夠曬薄, 肉鬆係作為靈魂一樣好重要嘅存在, 甜甜地將成個蛋餅嘅味道昇華😍 假如芝士個量同味道再出dddd就真係perfect池🤏🏻😛環境比想像中窄左ddd🤏🏻 但係兩道招牌菜真係幾好味嘅😆 台灣人🇹🇼親自主理嘅台式餐廳, 想一解成年未能踏足台灣🇹🇼嘅相思之苦, 阿木真係其中1個幾唔錯嘅選擇黎😊👍🏻

一向都幫襯開阿木台灣牛肉麵，而家開多間新分店，今日同fd食lunch特登帶佢去試，新分店大間好多、坐多啲人。今次同朋友都叫左紅燒牛肉牛筋面，配料十足，牛筋好多、而且牛展超大塊都有兩塊咁多，絕對係比足料既！食面第一啖已經吸哂啲湯汁，好鮮甜、味道唔會鹹，食完都唔會口渴😋。牛肉同牛筋都係林滑、食落無渣，再配酸菜一齊食，一流！芝士肉鬆蛋餅朋友都讚口不絕，肉鬆少少脆口、夾上煎蛋一齊食，口感豐富、好味！白桃四季春茶呢個茶叫左少甜，食完啲濃味野，配返呢個茶夠fresh!飲到底仲要有好白桃粒粒，好有咬口、值得一讚！阿木真係西利，而家仲出左咁多手信買又有太陽餅，又有豬腳同伴面禮盒🎁，好有台灣特色，岩哂而家去唔到台灣道可以買返啲手信返去過下台灣癮啦

好好食😋😋😋薄薄蛋餅入面滿滿肉鬆食一份都飽飽地🙌🏻呢個一定要嗌～最好GULU拎定票啊🤫🤫爆多人，超易爆場🧏🏻‍♀️-鹽酥雞便當碗左杯黑糖薑母茶唔記得影🤦🏻‍♀️🤦🏻‍♀️女生總有那數天🧏🏻‍♀️唔係我會叫凍奶茶杯野飲好濃好夠薑😚😚飲落好舒服濃淡剛剛好👌🏻👌🏻個雞‼️個鹽酥雞‼️凍左個皮仲脆仲係有咬口架😨好鐘意食呢個鹽酥雞做得好好～我應該要叫少飯😭啲肉燥好香唔油膩👍🏻👍🏻👍🏻

我同朋友都想食台灣野，所以就一齊去咗阿木嘅新分店。我之前去過佢哋嘅舊店，新分店比舊店大啲，但一樣要排隊(￣▽￣)，大家記得用APP攞定飛先！紅燒牛肉麵嗰日天氣好凍，好想食啲熱野，所以我就揀咗湯麵！我走咗酸菜同蔥。碗麵好大碗，仲有5舊好厚嘅牛肉，超級足料！牛肉一啲都唔韌，好淋。湯底熱辣辣，鹹鹹地，配埋啲麵條食都幾正～份量真係超多，我同朋友都食唔晒。鹽酥雞聽講阿木嘅鹽酥雞都好出名，一於就試埋佢。鹽酥雞細細粒，一口嘅size，好方便進食。出邊炸得好鬆脆，但入邊嘅雞粒仲好Juicy! 每台都有提供鹽酥雞調味粉，鹹鹹地，幾惹味。芝士岩鹽奶蓋四季春青茶我真係好鍾意飲奶蓋o(^▽^)o，今次都唔例外。我嗌左少冰、微甜。茶底嘅茶味都幾出，可以解吓膩。奶蓋好creamy，芝士味好重，好好味！阿木台灣麵而家仲出咗好多自家製產品。最特別係有豬腳、鴨血、太陽餅、同埋各款麵食。全部野都可以買返屋企，自己加熱/煮嚟食！太掛住台灣嘅話都可以買嚟頂下癮！我見到產品係喺台灣製造嘅，出品應該都好好。除咗依啲主食，店外嘅展示版都有好多款飲品、調味料，大家排隊嗰陣可以留意吓。