阿木台灣麵 (豉油街) (已搬遷) 新店位置

阿木台灣麵係旺角真係好hit，勁到短短時間已經開到第二間分店👏🏻，新分店係豉油街人潮依舊不斷，門口仲多咗好多台式雜貨可以買，但係好處係終於可以用GULU app拎籌排隊啦，真係天大嘅福音🤩～～網上拎籌真係快捷咗慳咗好多時間，至少唔使門口成堆人喺度等，到差唔多時候就會有訊息通知📩～⭐️平日嘅下晝係有lunch set 㗎，真係好抵食加飲品都係幾蚊👍🏻！/午市套餐🐷鹽酥肉便當 $54鹽酥雞食得多鹽酥肉都係第一次食，外層炸得脆酥脆可口，肉質有啲似豬頸肉，記得要落埋個鹽酥雞調味粉🧂，味道更香濃惹味！便當係會跟肉燥飯🍱、同三款台式前菜，有半邊滷水蛋、辣菜脯、麵筋，重點係肉燥飯係有得要多飯多肉燥！男仔食真係超飽，好有良心✨/🐮紅燒牛肉麵 $58牛肉係牛𦟌肉真係厚切得過分，分量真係嚇死每片都勁大塊一碗都有四大片👀，煮得好𣺉身入味軟腍而有嚼勁，真心物超所值😻，加$3可以轉粗手工關廟麵，但麵質個人唔太鍾意比較偏𣺉少少，湯底濃郁帶點鮮甜，超推薦💕/🧀芝士肉鬆蛋餅 $42蛋餅皮薄身包住極多肉鬆、芝士加雞蛋🥚，鹹香惹味每啖都好豐富！💥炸甜不辣 $29炸嘢真係要夠熱就好食😋，質地比魚旦更QQ軟彈，勁鐘意！/🧋凍珍

之前去旺角行街見到有間餐廳想食好耐，不過長期都有人龍排隊所以未食得成，今日有時間就去左等，用左GULU app拎位方便好多，我叫左一碗紅燒牛肉麵加$3轉左關廟麵，Wa,碗牛肉麵真係唔講得笑，佢塊牛肉厚切到見到都覺得點解可以甘大塊嫁，仲要好厚肉地，好淋好入味，湯底都好正，關廟麵彈牙有咬口，比較粗身，仲有叫左個小食炸鹽酥雞，外皮香脆，如果入面既雞肉可以再juice d仲好，杯飲品我叫左芝士奶蓋烏龍茶，奶蓋超香滑，好好飲。

之前食過總店 覺得幾好食 尤其知道係台灣人開 感覺會比較正宗今次試附近新開分店 依舊舖仔細細 不過地方細唔緊要 最緊要係好食今次黎唔洗等位 但依然坐滿點左紅燒牛肉牛筋麵 起司肉鬆蛋卷 香酥肉便當 同珍珠奶茶除左蛋卷之外 其他都令人失望紅燒牛肉麵 湯頭唔夠濃 麵身偏淋 牛肉ok 食晒d牛 放棄左個麵感覺上珍珠奶茶應該係台灣食店嘅基本 但奶唔滑 茶味唔香濃 可能冰太多 好啖 珍珠冇味 唔好食 好似未煮好咁 唔軟糯煙韌 飲左兩啖放棄 蛋卷算係有驚喜嘅 個皮做得唔錯 肉鬆香脆 呢個食晒整體感覺名過於實 唔值得排隊等 希望佢可以加把勁

成日經過呢間台式餐廳好多人排隊，今日終於有機會試下！呢間小店由台灣人主理，夠哂正宗！-▪️紅燒牛肉麵係台灣的味道呀🥰一解我嘅旅行癮。湯底調得好濃郁，忍唔住飲咗幾大啖！酸菜好惹味，牛肉厚切又大塊，而且有四大件，非常扺食！牛肉好入味，肉質軟腍，脂肪分佈平均，麵亦都好軟硬適中，好掛汁呢！▪️鹽酥雞炸得酥脆可口，粉唔會太口，咬落去雞肉都幾嫩滑！▪️熱仙草奶茶可以自選甜度，我揀咗微糖，奶香茶濃，真係好有台式味道！仙草切成細細粒，好嫩滑又唔會太甜。▪️門口擺咗好多唔同台式特產，包括太陽餅、台灣麵、醬料等等，我最後買咗四款台灣麵同佢地自己製嘅太陽餅（$138），買返屋企當手信，當自己去左旅行🤣

出旺角地鐵站就用gulu排隊，去到就到我，時間岩岩好。餐具感覺乾淨衛生。麻辣牛肉麵- 4片超厚的台灣牛肉，咁厚以為好難咬，但肉質十分柔嫩軟塌，不會鞋口。份量滿滿台灣麵 ，採用高根麵粉每日人手製造 ，中間放著滿滿的酸菜，初嘗小小嘴唇已有麻麻痺痺的感覺沒有太辣，老闆娘話麻辣醬自家炒製， 無味精無添加喔，十分好味。鹽酥雞$38 - 都是用瘦雞球肉，鹽酥味香濃，唔係死咸， 沒有太大負擔。黑糖珍珠鮮奶 - 珍珠粒粒分明，無痴住一大舊，很有趙口。黑糖溝鮮奶甜度岩岩好，香滑得很。老闆員工勁忙碌都保持笑容 ，十分難得，門口仲有好多台灣面食產品，供大家選購。旺角豉油街98-100號鴻都大廈地下3-4號鋪阿木台灣麵豉油街新店

今日路過見到一間好多人排哂隊既餐廳, 直覺話我知應該唔錯, 就拎左飛試下。餐廳有位台灣人詳細介紹, 係門外等梗時候, 仲俾左個MENU我睇住先。雖然人多, 但都唔算等好耐, 10分鐘左右就安排入座。 坐位有小小迫, 但餐廳播放住五月天既歌, 粉絲既我非常受落。香港人真係好鐘意去台灣, 佢門口仲有一堆手信可以買, 食飽都要D，有台灣伴麵，太陽餅，台式醬料。 鹽酥拌麵$50麵質軟硬適中 岩哂我口味，三小碟前菜都好開胃。鹽酥雞本身唔會太咸芝士肉鬆蛋餅 $42 爆多肉鬆, 好好食. 平時我都會係屋企自己整蛋餅, 但無台式醬油, 所以無咁好食, 埋單果陣問左台灣女仕, 睇下有無得賣, 好可惜佢話自己調教出黎。台灣小香腸 $29 係我最愛台灣小食。其實仲有好多小食都想試，我諗再黎多幾次先食得哂飲品揀左熱檸檬紅茶，普普通通。下次一定要試佢地台式飲品。

旺角, 一個餐廳佈滿地區, 各式各樣, 有時想食野都好難落決定。俾一間台式餐廳吸引咗入去‧因為門口有各式各樣台式手信 / 食品供應, 食飽仲可以買D返屋企。 食飯時間, 人比較多, 不過等左一陣都好快可以安排入座‧餐廳坐位比較迫, 不過香港寸金尺土, 旺角有十間八間都係咁, 最緊要好食。 餐牌選擇好多, 好多台灣受歡迎食品都有。鹽酥雞便當 $50阿木好細心, 佢係MENU到會因應唔同客人需要, 可選擇多飯肉燥。味道方面, 鹽酥雞本身唔會太咸, 但枱上有調味粉可以自己落肉燥蕃薯苗 $36 一定要叫碟菜食下, 好好味. 唔油膩, 夾埋肉燥食, 正飲品揀左黑糖薑母茶, 好夠味. 唔錯Overall黎講, 台灣係香港人5大受歡迎國家之一,疫情下, 有間好食台式餐廳解一解思鄉病。見到隔離枱嘅牛肉麵都流哂口水😋😋😋下次一定要再黎試

呢間店上網睇見到新開就黎試下，點知一去到拎飛要等20幾張枱，所以第一次黎係無等既，之後比我地發現原來可以係THE GULU拎定飛，過左幾日我地就拎定飛先去食，結果最後都係等左15分鐘左右就入得🤣🤣滷肉飯$35-叫呢個飯仲可以揀多飯，真係好抵食👏🏻👏🏻呢碗滷肉飯好正宗台灣口味👏🏻👏🏻好好食😋😋😋麻辣牛肉牛筋面$69-超級大碗👏🏻好夠麻香辣味，牛筋同牛肉比起出面食既份量係超多，好食😋芝士玉米蛋餅$40-蛋餅好足料👍🏻👍🏻啖啖芝士，但就唔算太正宗，都好食既😋另外叫左杯金橘檸檬四季春，唔知點解會有話梅係入面，搞到成杯野飲好大陣話梅味😅

如果喜歡食台灣麵，這裡必定要試試，店舖位置都算就腳，店舖前面就有本身店內嘅醬料同台灣麵賣，等位時可以望望，真係有不同款式！店內空間不算太大，所以座位都比較窄，但對於我來說不太大問題，而食物質素先至係考慮！我點了個蕃茄牛肉牛筋麵，加埋個鹽酥雞，同埋杯黑糖珍珠奶茶！上菜速度快，落單在排隊時就可以先選擇定食物，一有位將餐牌交回店員就可以入單，大大碗蕃茄牛肉牛筋麵，超級軟熟嘅牛肉牛筋放在彈牙煙韌嘅台灣麵上，加埋清新嘅蔥香，真係食指大動！而湯底有濃郁嘅蕃茄味道，十分好味！鹽酥雞炸得十分香脆可口，加埋枱上嘅鹽酥雞調味粉入口感覺就好似在台灣街邊嘅口感！配埋杯香滑嘅黑糖珍珠奶茶，煙韌彈牙嘅珍珠十分有口感！估不到付費時還見到有太陽餅賣，當然要賣返盒走，回家同家人分享一下！

呢間一向係長龍店, 最近仲開埋分店添, 今日2:30嚟到, 好彩只排咗約15min, 問店員lunch set 同單點份量有冇唔同, 佢答一樣 ! 咁當然叫lunch set喇, 平啲仲包小食半份同飲品 (轉凍飲要加$)。初初叫紅燒牛肉麵（角切）, 店員落單後話角切沽清😔, 少少失望唯有轉切片, 點知驚喜隨即出現 ! 碗麵竟然有5「片」牛腱, 其實用「片」嚟形容有啲過份謙虛, 件牛肉炆完, 厚度竟然仲超過1cm, 夾起來重量十足, 結果係食牛肉都食飽 ! 另外呢家店嘅幼麵有咬勁、又掛到湯, 加埋枱面罐麻辣醬, 又另一種風味 ! 😋總括嚟講呢間阿木係值得排下隊嘅 !漏咗講碟鹽酥雞都係有水準 ! 👍🏻

係旺角放工好想食牛肉麵，平時經過呢到都大排長龍，今日下午無咁繁忙就決定試下首先係門口有取票機自助拎位，但其實大家可以用The GULU呢個APP就可以遠距取票當號碼到自己先去就可以慳返好多時間我點左招牌紅燒牛肉麵有4塊牛肉，每塊都好似牛扒咁大塊!真係無誇張!口感仲要係幾乎入口即融湯底濃郁帶有牛骨香麵條掛湯彈牙成個湯麵係好高水準!另外點左個鹽酥雞加一杯芝士岩鹽奶蓋炭燒烏龍茶雞炸得剛好，炸粉夠薄飲品一濃一淡混合完好夾好好飲其實我今日早到左，係門口等左一陣留意到門外有貨架放左好多台灣特色雜貨係到賣好多以前要到台灣先買到既罐頭乾糧都可以搵到好興奮!我都未入去食野就掃左好多貨最值得關注既係佢地出左自家拌麵，有4種口味胡麻醬, 阿婆蔥油,椒麻, 麻辣另外仲有自家太陽餅大家一定要支持一下!

在門口看見這間餐廳很地道，門口有很多台灣美食賣，很特別，無去台灣旅行，有點想念台灣食物，就去試一試它的水準！先講講食物方面：高水準，鹽酥肉第一次食，沒有失望，香脆可口做得令人想再試，還有蛋餅都是一流的，蛋汁味道做得很好，有此水準價錢亦合理。環境方面：很衛生乾淨，店舖裝修很新正，餐具亦衛生獨立包裝的，只是座位不夠寬敞。服務方面：店員態度很友善，落單快速，收銀亦很有禮貌，所以我會再光顧。位置方面：旺角地鐵站E2出口亦不難找。沒有失望反而有驚喜的一間台式餐廳，但門口排隊的人很多，記得要拿定票入座，想念台灣美食的你們肯定要去試下了！

每次經過見到好多人都放棄咗食呢一間，今次兩點來到，過咗食飯時間見到冇乜人就試吓等吓啦，都要等半個鐘先入到去食。💛💛💛💛💛💛💛💛💛💛💛💛。紅燒牛肉麵$65有四大件厚厚嘅牛肉，肥瘦適中，肉質軟而唔韌⋯面底份量多，爽口彈牙，湯底燶燶的又唔會太油。芝士肉鬆蛋餅$40蛋餅皮薄薄好煙韌，有超級多嘅肉鬆，雖然芝士份量唔係好多，但係咁樣就唔會蓋過蛋餅同肉鬆嘅味道，值得推介，必試。芝士岩鹽奶蓋炭燒烏龍茶$38燶燶嘅芝士味，好香滑，叫咗少甜，味道啱啱好。除咗可以享用佢哋嘅美食，喺店外面放咗好多食品可以購買⋯所有都係台灣製造嫁，我買咗佢哋最近新出嘅食品太陽餅$138有8塊。拌麵$48 ，一盒有兩份，有四款口味，分別係蔥油，麻辣，椒麻，胡麻醬，買晒佢試試

▫️/ 紅燒牛肉牛筋麵 / ♥︎♥︎♥︎♥︎♡我最怕就係紅燒牛肉會好韌，點知有驚喜✨牛肉牛筋厚切得黎，又炆得幾lum幾入味喎衰鬼👻仲要勁足料😍湯底唔係味精嘅咸，鹹甜度都ok嘅～▫️/ 麻辣肉操拌麵 轉粗手工關廟麵 / ♥︎♥︎♥︎♥︎♡手工粗麵麵質偏軟，但咬落去有實在感，好鍾意🥰唔講得笑小辣都食到個嘴好麻，我就係想要呢啲!!😳好惹味😚▫️/ 芝士肉鬆蛋餅 / ♥︎♥︎♥︎♡♡蛋餅皮身超薄，名正言順嘅皮薄多餡❗️😆超多肉鬆，但學 @ 話齋芝士味就真係食唔出😳同埋蛋餅質地偏腍😗▫️/ 炸甜不辣 / ♥︎♥︎♥︎♥︎♡我想講！係我第一次👉🏼👈🏼......食🤣甜甜地，偏幾煙韌唔脆的，另加孜然粉更好😋▫️/ 鹽酥雞 / ♥︎♥︎♥︎♥︎♡加分位🌟 香脆可口，炸粉好薄，炸到酥脆的~~保留到雞原有質地，細細粒一啖size方便入口，好食到差啲俾 @ 食晒🤣▫️/ 芝士岩鹽奶蓋炭燒烏龍茶 / ♥︎♥︎♥︎♥︎♡▫️/ 芝士岩鹽奶蓋四季春青茶 / ♥︎♥︎♥︎♡♡奶蓋不嬲都係冇得輸🤩叫咗少甜，甜到就啱啱好😚不過茶味可以再重一點△——————————————————————💡𝚛𝚎𝚖𝚒𝚗𝚍𝚎𝚛:▫️舖頭出面仲有來自台灣食品台灣貨，有飲品、麵類、自家製醬料等▫️實在

阿木台灣麵最近終於開張了，地區都是在旺角的，我用app 拿了飛的情況，不用等太耐終於有位了，我比較喜歡新店的環境新裝修舒適舒服，每張枱都間隔。客人都多但都不會感覺迫。我和朋友分別點左個紅燒牛肉麵和蕃加牛肉麵、炸大腸和芝士玉米蛋餅，它們四款都非常之配味：一啖肥嫩既紅燒牛肉，一啖充滿芝士蛋餅，再配上彈牙既麵，真的回味無窮。我和朋友下次都會支持阿木台灣牛肉麵新店地址：旺角豉油街98-100號鴻都大廈地下3-4號