阿木台灣麵 (豉油街) (已搬遷) 新店位置

🍜番茄牛肉麵碗麵勁大碗！平時我都算大食，但係今次真係大到我食唔曬🤣碗麵好足料，有4舊牛肉，而且每一舊都勁厚！牛肉口感幾軟熟，唔會好韌。湯底係我最鍾意嘅蕃茄湯，酸酸甜甜好好味😋除咗牛肉同麵，仲有啲酸菜，啲酸菜都好好食，好夠酸🥰🫔芝士肉鬆蛋餅蛋餅都好大份！我地食咗芝士肉鬆味，本身以為肉鬆會係鹹肉鬆，但咬落去發現原來係甜肉鬆，好夾好好味😋但我唔係太食到芝士，如果可以多翻少少芝士就好了！不過整體嚟講都好好味～🍹芝士岩鹽奶蓋炭燒烏龍茶杯野飲有好厚嘅奶蓋🤩奶蓋好重奶味好正！我叫咗正常甜度，雖然唔會太甜，但下次會想試下微糖，咁嘅話茶味應該會再出啲！其實舖頭除咗有得食台灣野之外，仲有得買台灣野，例如係近期好Hit嘅鴨血，喺阿木都有得買，全部都係台灣製作㗎！除咗鴨血，太陽餅同唔同口味嘅拌麵都係阿木台灣麵自己出嘅產品，大家有興趣可以去買吓👍🏻👍🏻

今日食左幾樣嘢，都好好味，真係無可挑剔。價錢抵食，味道原汁原味，唔覺會好鹹好味精，難怪咁多人排隊，星期日2:30pm去到都要等半個鐘。不過係值得等嘅。《紅燒牛肉麵》- HK$65唔係講笑，啲牛肉超厚身同大塊，肉身似牛展，有肉有根分佈均勻，煮得好軟身，咬落去口感好好。棉軟硬適中。湯底牛味濃。 《肉燥拌麵》- HK$42同牛肉麵嘅面係一樣嘅，肉燥都好惹味。我覺得如果多返啲青瓜會fresh啲。《鹽酥雞》- HK$38炸得香脆，雞肉無雪味，只有少量調味，味道天然。同埋可以自己落鹽酥粉，味道自己較。《芝士肉鬆蛋餅》- HK$42好多肉鬆係入面，甜甜地加埋芝士真係一流，好似食緊台灣夜市嘅蛋餅咁。《炸甜不辣》- HK$29好煙韌，甜甜地，又有點咸，好特別，我諗入面係糯米，其實我係第一次食，但好味食到停唔到口。《蜜桃烏龍冷泡茶-無糖無冰》- HK$28味道好清新，好有茶香，帶甘香。裏面個茶包的確好多茶葉嘅。同埋個桃味好天然。《黑糖珍珠鮮奶》-HK$34超級好味又滑既鮮奶，加埋仙草真係好正❤️值得一提嘅係枱上擺咗麻辣醬，唔會好辣，可以撈落啲麵度食，增添你嘅味蕾，係另一種嘅享受。同埋如果鍾意食佢嘅麵，仲可以

🍜麻辣牛筋牛肉麵麻辣夠麻，辣度我認為不太食辣都朋友絕對接受到牛筋牛肉，好大塊同好多，心想：是咪唔使錢？份量十足😃筋肉分份平均而且入味。🍳芝士肉鬆蛋餅芝士肉鬆份量絕不欺場，肉鬆亦不會蓋過芝士味，芝士份量剛好不會膩。入座途中，見大多食客都有叫蛋餅🐥鹽酥雞枱上有鹽酥雞粉自由添加，啖啖肉，炸粉薄，不過今次有少少dry🙈阿木新店店外仲有好多台灣直送食物、醬料、飲品好多款式拌麵都好吸引：麻辣、椒麻、胡麻醬、蔥油😃。另外，我仲入手左佢正宗台灣直送太陽餅🤤🤤🤤

門口收銀櫃男員工 短髮沒帶眼鏡禮貌係零測完體溫見沒人招呼自己搵位置 又叫我去門口再測 然後囂張態度話我未指示你坐邊我話唔食，係咁byebyebyebye開門做生意 擺個瘟神係門口

以前每年都會去一次台灣，非常掛念台灣的美食，決定去旺角新開的「阿木台灣麵」食返餐，店舖雖然細細間，但係座位舒適、環境乾淨，最緊要價錢唔貴～必食推介：👍麻辣紅燒牛肉牛筋麵加3蚊可以轉關廟麵，大大碗分量足，牛肉煮到好軟入口即化，而我最鍾意就係牛筋，湯頭非常鮮甜，辣度岩岩好，鍾意辣嘅朋友仲可以自己加辣椒油👍家傳鹽酥肉即點即炸，需要俾啲耐性等一陣，香酥可口👍芝士岩鹽奶蓋四季春青茶茶底香，仲可以選擇無糖、少糖以及冰嘅份量，非常細心門口仲有好多台灣美食買添，好似太陽餅、調味料、飲品、麵粉類等等，我都忍唔住買咗盒太陽餅返屋企😋

放工去左公司附近嘅阿木台灣麵，細細間但位置舒適，新開呢間門口有好多台灣美食，包括太陽餅、米粉、醬料等，真係好耐冇去台灣，好掛住台灣美食，唯有食住台灣野先。一個人點左一碗紅燒牛肉牛筋麵、炸甜不辣、仙草奶茶。紅燒牛肉牛筋麵份量十足，牛肉幼嫩，湯底清甜，麵煮到岩岩好。炸甜不辣都好正，即刻製作，所以需要d時間。再搭配杯仙草奶茶，茶底五錯，好似去左台灣一樣，下午茶時段仲有好多抵食套餐，下次可以同同事一齊去食，好食。

我真係好L掛住台灣丫！今日又走咗去食台灣嘢🤣 下午兩點九黎到，拎籌等咗陣，都唔駛十分鐘。佢嘅賣點係黃店，其次係台灣嘢🤣所以就黎幫襯喇～ 服務員好有禮貌，雖然我知佢地手快快撳咗我嘅籌number，但其實當時又未有位，但佢地都有解釋返同有禮貌地請我哋稍等多陣👍 原本見佢有下午茶，但心血來潮，諗住等佢哋有得賺多一蚊得一蚊🤗所以叫咗兩個午餐，加一個午市追加🤭 午餐一) 鹽酥雞便當： 有三款台式配菜，鹽酥雞同滷肉飯； 無論滷肉定飯都可以加量，不另收費😛；鹽酥雞係一口size, 鹽酥雞調味粉自己隨心加減👍配合自己口味， 雞肉嫩嫩，炸漿唔黐牙👍🤤正👍如果可以多多一兩粒就更好了🤤； 三款菜式配菜 (菜脯，鹵蛋，麵筋 )味道平衡得好好，唔甜，唔咸，唔酸，但各有自身嘅滷味🤤🤤🤤第一次食哂便當啲配菜，一粒都無淨🤭 滷肉飯有配合返香港人嘅口味🤭唔會太油🤤🤤🤤。 午餐二) 麻辣牛肉麵 ，半碗牛肉😬大佬丫...你地會唔會蝕到入肉㗎... 牛肉夠淋，無牙婆婆都食到，但又唔會一夾就碎哂🤭不過就未夠入哂味，繼續努力😚麵質適中😆配合麻辣湯底好好食😋仲加多少少自家製辣醬😋正👍 追加) 黃金泡菜， 開頭諗咗好耐係咩呢，菜單上

我一向對台灣小菜特別鍾情因食物啱心水和人情味的感覺， 阿木台灣店是我其中之一至愛，在小食方面，我認為一定要食食這個「芝士肉鬆蛋餅 」，確實特別滋味！這台灣的蛋餅皮腍而且材料豐富呀，再而點埋鹽酥雞滷肉飯便當，滷肉和鹽酥雞十分之配合又啖啖肉啦！反而今次我沒有點到平時最鍾意食的皇牌紅燒牛肉麵， 始終皇牌最得人心，心思思下次都想再食過啊！ 阿木台灣麵 (旺角)新店地址：旺角豉油街60-102號鴻都大廈地下3-4號舖

香港吃到正宗台灣的口味的牛肉麵的機會越來越多, 只因越來越多台灣人在香港開食肆, 而牛肉麵可以說是台灣的”國民美食”, 所以如果懷念台灣旅行的時光, 可以容易地品嚐其牛肉麵, 尋回台灣的口味. 最近最大熱的應該是阿木台灣麵, 無論是在廣華街的本店, 還是剛開在豉油街的分店, 人流在這疫情下依然是絡繹不絕. 特別是在豉油街的那一間, 左右也有台灣菜餐廳, 但其他店也在拍烏蠅, 只有它才有人氣和人流.對很多食客而言, 阿木的第一個印象是黃店, 老闆娘也很支持社會運動. 除此之外, 它給我的印象就是牛肉麵特別抵食, 午市的牛肉麵不用六十元, 但有六七件厚切的牛腱心肉, 這部位是牛腱中筋肉比例最平均的部份, 牛香豐盈, 口感彈牙中帶軟糯, 沒有令討厭的理由. 湯底點了麻辣, 被之前吃過的辣度較為柔和, 比較是傳統紅燒湯底的香料味, 再帶點麻度就是. 麵身是厚身的關廟麵, 掛湯能力強. 最驚喜的反而是配料的酸菜, 酸甜苦辣比例平均, 柔和而自然. 加料的鹽酥雞外皮香脆, 雞肉口感嫩滑, 欠一點汁, 味道不會死鹹, 帶微辛香. 如此價錢已算超值.

每一次去旺角都想食阿木台灣麵，但次次去到門口就會見到好大班人等緊位，所以冇食過。今日見到阿木開左豉油街分店，咁啱未肚餓，再加埋鋪頭裝左GULU，方便邊行街邊等位，所以就下定決心一定要食到，最後攞位後一個鐘就可以入座。❗提前半個至一個鐘去THE GULU攞飛麻辣牛肉麵($65)用秘製麻辣醬調製嘅湯底，好香好好味，麵質偏淋。最最最重要嘅係超。級。多牛肉，又大舊，一碗有成六、七大舊，以呢個價錢，呢個質素，真係好抵，唔怪得成日都口長龍。紅燒牛肉麵($65)沒有辣味，湯底更濃郁，但又唔太漏，一樣都係有咁多舊牛肉，真係抵食夾大件肉鬆蛋餅($39)蛋餅皮口感煙韌，足料肉鬆甜甜地，好滿足。冬瓜茶($11 跟餐半價)冬瓜茶不會太甜

一心想去買太陽餅，但橫掂都去到兼且唔使等位，諗住試埋其他嘢特別係蛋餅🍳午飯時間佢有lunch set，一個正餐再加一杯嘢飲都係50-60幾蚊，份量同價錢黎講，都幾抵食我叫咗肉操拌麵便當，佢有餸可以揀我揀咗台灣腸，而我鍾意食粗面多啲所以轉左佢嗰隻粗嘅關廟麵（$54 + $3），跟餐飲品我就揀咗凍嘅珍珠奶茶（加$10 ），以及另外散叫咗一個芝士肉鬆蛋餅 （$42）先來嘅係芝士肉鬆蛋餅，望落去都幾大件，芝士肉鬆同蛋嘅味道不過不失，過吓口隱都幾好但同台灣食嘅味都係有相當分別，可能因為台灣嗰啲係小店望住佢即整即煎蛋香味相對較濃而蛋皮亦都較香脆而肉燥拌粗關廟麵再配台灣腸份量係相當之大份，無論麵同腸嘅份量都多，麵嘅質地我以為係煙靭嘅但係原來係冇彈性，呢個就唔係我杯茶，不過配埋旁邊有甖麻辣醬係非常惹味。台灣腸係好正正常常嘅味道，但真係好大份食到我好飽成餐較為失望嘅係杯嘢飲，我嗌左最普通嘅凍珍珠奶茶，佢呢間嘅珍珠奶茶並唔係我哋常常飲開嘅台式珍珠奶茶無手搖或機器攪過，而係好似茶餐廳嘅一杯奶茶加咗珍珠同一粒粒大大粒嘅冰，所以只係似飲緊普通奶茶，可以skip不枉我特登去買太陽餅（$138 8個），有驚喜！酥皮

阿木台灣麵｜旺角原來係不知不覺間阿木台灣麵已經在豉油街開了新分店，舊舖經常大排長所以好少機會食到，新店比之前的舖位大了一倍，而且座位更舒適。這間台式餐廳食物水準非常高而且地道，是第一次令我欣賞台灣麵的餐廳，雖然價錢偏貴但係物超所值，係暫時食過數一數二的美味😋✨🍜蕃茄牛肉麵 $69超濃番茄湯，牛肉厚厚的一大片，煮得好稔好入味，麵條煮得好彈牙。🍳芝士肉鬆蛋餅 $42係最有蛋餅味的蛋餅😂餅皮軟身而且甜甜的，夾著濃味的肉鬆配合得剛剛好，剩係望個樣已經令人食指大動😋🐤鹽酥雞 $38雞肉外皮炸得酥脆，肉質嫩口多汁😋💦

女朋友碌ig見到好多人推薦呢間台灣野於是就搵晚過去trytry佢去到門口想拎飛既時候發現已經派哂好彩店員話比我地聽隔離街開左分店都係好多人 等左大半個鐘先入到去不過食完就知等耐d都抵既相信去台灣既朋友一定會去早餐店食蛋餅呢到就可以幫你搵返個種味道紅燒牛肉麵個湯底夠濃厚半筋半肉texture既肉又好味又飽肚兩個人share一碗啱啱好鹽酥肉係類似豬頸肉咁 唔會太鹹 想重口d可以加枱面個樽鹽酥粉比較可惜既係蕃薯葉賣哂試唔到唯有擇日再戰p.s.鋪頭出面仲有d台灣野食野飲醬料賣幾抵我都忍唔住買左包拌麵返屋企ha

一直久仰阿木大名，今日難得有時間去食，就發現...真係好多人排隊！好彩我地2點半係GULU拎左飛先，3點都可以入去食了紅燒牛肉麵（$65）入面有成4，5大塊牛肉，入面係半筋半肉咁，仲要好林！同埋麵都係偏軟身，帶小小雪菜就更加開胃～芝士肉鬆蛋餅（$42）超級推介！！！E個蛋餅完全係皮薄餡靚而係佢個皮係好滑，唔似之前食過其他會係比較厚同鞋嘅皮！大推！台式炸大腸（$39）原本係有猶豫，最後都決定試下，點知又係好有驚喜外層係脆卜卜嘅皮，入面又有返豬腸嗰種煙靭，香港冇乜地方食到咁，黎到不妨試下黑糖珍珠鮮奶（$17）（飲品跟套餐半價）唔鍾意太甜嘅建議半糖，個人覺得味道岩岩好～不過下次我會叫返茶飲了，畢竟嘢食分量大，鮮奶都好飽，飲茶可以解滯總括而言，極度推介e間台式風味嘅餐廳。佢仲有唔同手信可以買添，例如太陽餅同唔同自家製味道嘅拌麵可以買返屋企

一直都見唔少朋友去食阿木牛肉麵💛，今日終於得閒去食。約咗朋友下午食，但一直都知阿木好受歡迎，好多人等。所以，我今次係Gulu App 拎籌先。(早咗45分鐘拎籌)咁差唔多時間就去門口等，好快就入到。紅燒牛肉麵 ($65)紅燒牛肉麵絕對係佢嘅招牌菜，好大碗。牛肉麵有5大塊牛腱，好厚身入味，應該有成1cm厚😱，不過咬落去一啲都唔硬，仲要好冧，唔使點咬就食到😆，啱晒唔鍾意咬嘢嘅我。另外，我加咗少量阿木自家制麻辣醬，麻辣醬用上蝦乾同花椒。麻辣醬同平時一般嘅少啲辣度，啱晒唔食辣嘅我，令成碗麵味道多咗層次。芝士肉鬆蛋餅 ($42)好鍾意呢個芝士肉鬆蛋餅💛， 蛋餅皮好滑又薄，入面有滿滿嘅肉鬆，超豐富😍。好想再叫~台式炸大腸 ($39)本身諗住叫鹽酥雞，不過見有炸大腸特別啲。炸大腸脆口，炸至乾身。外皮好脆，好似乳豬皮咁，內仍然有大腸嘅軟身。炸大腸唔使另加椒鹽粉都夠晒味。😊芝士岩鹽奶蓋四季春青茶 少甜 (+$19 半價)因為跟餐，所以有半價優惠。芝士奶蓋有陣陣芝士味，唔係好'傑'身嘅，配清甜嘅四季春恰到好處。係等位同時， 門口係一排台灣雜貨， 有阿木自家麻辣醬、拌麵同埋台灣特色小食例如太陽餅。每樣都好