阿拉丁咖喱屋

营业中

休息中

同朋友行街行到肚餓打算搵野食見到哩間野好顯眼就咁就試左😂叫左一個芝士nan, 蒜蓉nan同椰汁魚食😍係銅鑼灣區而言真係相當抵食😎😎十幾蚊就有一個細pizza份量嘅烤餅（切開做4份）如果係女仔的話，基本上食一份都會好有滿腹感👩👩/P.s本身打算叫一份nan2份share但係D汁同餅太好味唔想浪費D汁😂就再叫多一份😍😍😍😂埋單平均50蚊一個人 食到飽飽先走 真心抵食😛😛😛/講番味道，2份nan上菜嘅時候都係超級熱仲要有D燙手😂😂不過係夠熱先香嘅無論係芝士定蒜蓉味，2份餅嘅味道相當明顯同突出趁熱食嘅話味道仲更加好。另外椰汁魚柳呢，對於唔食spicy嘅朋友會係好選擇

難得三個朋友接小弟收工，緊係要食好西啦👅👅朋友話有好推介，就即管試試佢。岩岩有到鋪頭，印度野，心諗都係中伏多嫁喇。但上到黎又無理由走咁衰既，唯有試下囉😑最後四條友，叫左兩個二人餐。有羊，有雞，有蝦，樣樣都好足料，香料恰到好處。D咖哩食落真係幾正，同平時食既日式咖哩好唔到，香好多。而最正係有個綠色醬用黎點包既，好食到唔識講。叫到成枱都係，又食唔曬咁，賣單每人先$130有找，一個字抵阿👍🏻👍🏻

三個女人一個墟 最安靜時莫過於企係時代廣場諗爆頭晚餐想食咩 一轉頭望見大大個招牌 阿拉丁咖哩屋好在我地都屬於率性而行 咁就食咖哩啦～位置：時代廣場斜對面 羅素街嘅唐樓上2樓 方便同容易揾餐廳：星期日夜晚我地無訂枱 主餐廳就滿座 不過佢地係對面開多個鋪位 新裝修 乾淨又遠離廚房 食完包唔會成身油煙味服務：雖然係分鋪坐 但店員都會定期過嚟睇下 而且上菜都算快 食物質素：我地唔係叫咗好多 但烤包一定要食 第一次叫咗蒜味烤包 熱辣辣包質鬆軟 唔乾身 配上咖哩魚 但第二次叫嘅係洋蔥味 洋蔥粒太大粒 令到個包餡分離 而且洋蔥味淡 個咖哩魚本身已經唔夠香濃 當堂失色晒飲品：我係乳酪怪 當然要叫Lassi 一嚟可以中和番咖哩嘅濃味 同開胃食多幾樣菜總體：坐得舒服 食物質素唔錯 價錢親民 回頭指數

四個人點左咖喱雞，椰汁咖喱魚，masala牛腩，各種味道的nan，清炒時蔬。咖咖喱魚最好食，不過分量很少。蒜蓉、黃油、芝士味的nan都不錯。清炒時蔬就是水煮芥蘭，很一般。

Everything is cook to perfection. Atmosphere is satisfying and at the same time staff are very attentive and friendly. What more can you ask for a good family dinner.

Friend and I ordered the Palik panner (after being told this was saag panner by staff) and the mutter panner. Barely ate either dish. The Palik was not well blended, the spinach was stringy and barely blended (basically just chopped, like a salad), not smooth and creamy. The mutter panner was so oily it was disgusting, a layer of oil on top of the dish made it impossible to eat.

大家應該對佢唔陌生，好普通的印度乳酸飲品! 不過今次特別在係咸的Lassi! 一直都飲甜的，諗住試下道地小小啦，試左個salted Lassi! 一試第一下覺得好咸，但飲多啖， 果種又甜又咸又酸酸地的口味, 令到原本食辣的咖喱都唔會辣口! 而且仲會有種特別的口感! 咸味的Lassi 調味了黑鹽同埋烤孜然粉! 太融合啦！阿拉丁咖喱屋Expert rate : 8/10

很耐沒有去過這間印度菜。依稀記得這間餐廳食物質素很好，價錢相宜。 在銅鑼灣一帶來說是一間老字號。叫了一個二人餐兩人分享！印度菜角外皮烤得香脆可口，入面啖啖薯蓉。沾上薄荷醬就當然加倍清新啦！這個執骨燒肉雞沾上色素，每件都有一定分量，但可能是烤製而成的關係，較為乾同鞋身。咖喱牛腩非常淋又入味要黎拌印度薄餅同印度香飯食一流。咖喱一點也辣，非常美味同充滿印度風味。印度香飯帶少少五顏六色的飯粒，粒粒企身爽口。上檯微熱，呢方面要注意返。另外，還加了錢每杯餐飲轉$10就可以飲mango lassi。十分像冰沙，但非常充滿住芒果味中。非常易入口同非常非常非常地好飲。👍🏻

今日糾結左成個上晝究竟要食咩...之後同事突然提議去食印度野！哈哈今日完全係一個重口味模式 輕致勃勃既朋友同我就去左office附近既阿拉丁咖喱屋。位于樓上鋪既印度野係香港非常普遍，我認爲通常都係要係樓上舊樓成日都會揾到正宗既印度菜哈哈！一上到去地方唔係好大，不過lunch hour 上到去到已經坐滿一大半，都幾收歡迎~首先我就叫左個印度羊肉角samosas，表皮炸到非常金黃香脆，一咬落去裏面餡料非常豐富，一陣濃烈既羊肉味飄出黎，新鮮美味，而且旁邊既應該係青檸醬，酸酸地非常開胃。 另外我地叫左兩個咖喱，一個係brisket madras，呢款係waiter推介既，椰汁味道非常濃，而且要大贊牛腩炆到非常非常嫩！完全唔韌，而且辣度適中，唔食得太辣既朋友都可以試下！ 我地仲叫左個chicken makhni，呢款比較辣，但係絕對唔會蓋過香料同濃郁既番茄味，而且唔好睇佢個碟好似好細咁，其實分量都好多架！食印度野點少的印度薄餅naan呢！我地叫左兩款，一個原味一個蒜蓉味，分量絕對唔會比飯少！多到食唔曬，食完之後非常飽。薄餅上菜既時候非常香噴噴，同埋全部新鮮出爐仲暖粒粒，唔會好似其他餐廳一

Walked around Times Square, suddenly looked up while waiting for traffic light... ooh, the Indian food I haven't revisit after 8 years, actually not sure whether this is the same one I went before, but it's same location, anyway.It was quite full, even though I was alone, still waited for approx 10min.Ordered my fave food: aloo chat, garlic naan and mango lassi.  Food served within 15mins.  The aloo chat is not hot & spicy which perfect for me.  It included, of course, potato, and cucumber, chic

肥仔今日突然想食咖哩，於是上openrice睇下銅鑼灣有咩餐廳食咖哩，見到呢間多好評又有餐牌睇埋，都幾啱食係時代附近，上到去唔多人，可能未到食飯時間，因為係openrice睇哂餐牌既關係，好快就叫左4樣野食微辣，同想像中唔同，以為係好多菜再加d雞肉，黎到之後都幾suprise，應該無撈沙津醬落去，用哂d香料黎調個醬，好食😋雞肉都幾多，仲有d蕃茄青瓜粒同豆濃濃的香料搽滿哂落d雞肉，黎到仲渣渣聲出哂煙，雞肉唔鞋，都幾嫩👍肥仔叫的，佢話好辣好正，其實叫個陣侍應都提過話好辣，牛腩有少少un，大致上都唔錯，但無跟飯個d，要另外叫未必人人接受到，用純乳酪加埋青瓜，個人覺得叫埋薄餅點埋黎食會好食d值得一讚係侍應好主動斟水，見你差唔多飲哂就即刻斟，完全無話突登唔斟水俾你焗你叫野飲👍雖然我地都叫左杯野飲，但呢樣真係抵讚！價錢適中，唔使加一，食物同服務都唔錯

每次行經時代廣場，抬頭望都會見到哩間餐廳，眼見佢都開左而又維持到一段時間，心諗應該係好食嘅。終於今次大約七點左右上去，咦？已經要開始排隊等位.等左半個鐘頭倒就有位喇.睇完餐牌，覺得二人晚餐抵食就決定了!二人套餐包括:-胡椒薄脆-印式菜角-去骨燒烤雞-乳酪濃汁蝦-澱粉類：我地揀左香飯同烤餅能夠係旺區保持人氣，食物價格合理固然重要，講到底味道保持好食水準實在難得，難怪眼見都有遊客攞住Trip Advisor 資料黎覓食啦～

係銅鑼灣食到正宗印度咖喱，對於重口味的我是天大喜訊首先推介是去骨燒烤雞(+$10)橙紅色的雞塊充滿印度香料的味道，又香又辣，配合檸檬汁，味道層次豐富！因為是烤雞緣故，肉質較乾。乳酪濃汁羊這個是不辣的，但有另一番風味！羊肉味道夠羶，又不韌，濃郁的乳酪汁配合cheese naan ，十分好吃！免治羊naan除了傳統naan之外，這個免治羊肉也十分好味，烤餅中fill with惹味的羊肉，單吃也可！ 乾汁咖喱牛腩！這個辣度十足，咖喱味道濃厚，牛腩也煮得十分入味！

阿拉丁一向都係我地既飯堂, 因為又抵食又好食, 所以再黎食過. 平時每次黎都係叫咖哩魚set , 但今次試下新野, 原本想散叫, 但係散叫唔抵, 所以試下咖哩蝦set.一個set 包括: 炸薯角, 鐵板雞, 咖哩蝦, 白飯或印度尖米飯, 烤餅, 脆餅, 兩柸飲品.炸薯角(4件) – 前菜, 係我既最愛, 外裏炸得好脆, 裏面包住既係薯仔蓉, 配綠色既淡咖哩辣醬, 好開胃.去骨燒烤雞(4件) - 鐵板雞係用紅咖哩甜辣醬腌左之後去烤既雞, 放向鐵板上枱. 雞下配菜係洋蔥, 我鐘意向佢岩岩上枱重係熱既時候, 加d 檸檬汁上去, 正! 由於佢係烤, 所以比較干身.咖哩蝦 - 黃咖哩醬….蝦十分之十分之”聲”…..好彩係甜甜地既黃咖哩醬, 送飯同點烤餅一流 ! 我最後只係食左一隻蝦………………白飯或印度尖米飯(1份) – 二簡一, 去得食印度野, 梗係簡印度尖米飯, 尖米飯染左黃色, 紅色, 但其實冇味, 飯味唔重, 口感唔同白飯, 比較硬.烤餅(2件) - 腍腍地, 好有口感, 但都係同飯一樣, 都係冇味既, 不過用送黃咖哩醬或送餸係最好既, 因為唔係影響咖哩既味道.脆餅(1件) - 第一次食

以前係銅鑼灣成日都見依家樓上野食，個名真係幾得意，不過自己就係從來無上去試過，難得同朋友係銅鑼灣，佢地又話想食下印度野，佢地愈講我就愈想食下印度薄餅。之後就膽粗粗去左試食下。我地叫左咖哩羊同雞。講下個咖哩羊，喱汁濃得黎，不會好咸，食得出一定唔係平時用咖喱粉開既味道，除了很多香料之外，還加上洋蔥、蕃茄，煮溶了的味道加埋咖喱，好好味。羊肉食得出係花了時間去炆煮，炆得好林，味道氛芳濃郁。一碟羊毛出在羊肉，大概有五至六件，大大塊，啖啖肉。羊肉又唔會太肥，一咬就咬得開，好好食。再加埋咖哩既好朋友，薄餅。薄餅，沾咖哩一齊食的話，軟腍的麵包吸盡咖哩汁，而且一放入口係熱，加上麵包煙煙韌韌既口感，真係好好味，諗番起都流哂口水，再想去食下。