阿拉丁咖喱屋

营业中

休息中

20050518 8pm去接大熊放工兼食晚飯,抬頭望見阿拉丁咖喱屋.記得呢度食評唔錯,就走上去試試.地方細細,但冇壓迫感.搵個窗口位坐底再慢慢研究菜單.兩個人叫了$138套餐:﹙1﹚印度菜角一碟四隻,三角外型十足咖哩角.食落唔係咖哩餡係菜絲薯仔餡,外脆內軟.附送的青BB醬汁味道小小酸小小辣,點埋一齊十分好食.﹙2﹚鐵板羊肉卷一板四條,顏色鮮豔.食一條已經好夠,再食就覺得好漏.﹙3﹚蕃茄牛油咖喱雞咖喱顏色都係鮮豔.唔辣,好滑好Creamy.﹙4﹚印度香飯+ 薄餅香飯係長身,顏色由白+紅+黃色組成.睇落幾得意,但撈飯食落就冇乜特別.薄餅好大塊,用來點咖喱食好正.相比之下香飯非常失色.﹙5﹚芒果乳酸﹙+$9﹚梳打﹙+$5﹚唔知點解杯乳酸唔凍.就等於食杯唔凍的乳酪一樣,飲落感覺幾怪.我相信如果凍就一定好好飲.埋單$152總括食物味道係好食,價錢又夠平.不過印度菜食完就冇中國菜個種飽肚感,胃口大D 的話好快又會肚餓.服務Nice,不過侍應講說話好細聲,被過大的電視聲音蓋過,令點菜情況有些雞同鴨講.同埋見到食客走時都唔講聲Bye.呢度要扣分.

以前平d好食de+ 貴左又冇咁好食但我都差唔多1-2年冇去過因為最後幾次水準下降左我有一排1個月去2次重有.此台我朋友的朋友開...佢唔係印度人佢係巴勒斯坦人

剛同K先生吵大穫，心情唔係幾靚，加上依幾日勁熱個人又勁燥，竟然棄壽司黎依度食咖哩晚餐，真係心理「反常」。以為火上加油，食咩都唔好食啦，點知個乳酪濃汁蔬菜又幾出乎意料之外好食喎! d雜菜撈埋一齊，好爽又好多汁，幾好味!K先生就話秘制羊肉好食，所有汁都用薄餅點晒黎食，一滴不留! 第一次食印度香飯，又紅又黃，d飯好長身，好得意喎! 120 蚊埋單，食得飽飽，OK正!食完「馨」合合，出返黎飲杯雪梨茶，大家都下晒火lu......

咖哩有好多款，薄餅亦有好多，全部即叫即整，夠大夠好食，亦唔油。但總覺得以淨餅配咖哩才是最好。咖哩香濃，只嫌鐵板上的乾咖哩食物太乾身，會鞋口左少少。坐近窗口可以看街景，唔錯。

呢間咖喱屋話真係好得又唔係，不過啲嘢食响銅鑼灣嚟講真係好鬼平，一個午餐只係廿八蚊，加埋十蚊仲多兩件小雞扒。小雞扒就真係幾上得枱見人，個味都好濃。不過如果來吃主菜就提議唔好食”魚”，因為無論係咖喱魚、香味魚等全部都係無味魚，一啲都唔好食。反而牛肉、羊肉同雞肉都夠照。套餐可選飯或薄餅，但我覺得食薄餅會比較啱Feel，只因佢哋個汁料好鬼多，點極都有，所以個薄餅唔會話食到一半要乾”芹”。你都可以加九蚊由一般啡茶轉為芒果酸乳酪，不過第一次飲無話少甜，就真係甜到飲唔到；第二次開始學精叫佢少甜，好好多，好鬼正！不過少甜即係多咗酸乳，變相芒困味無咁重囉！要講係佢哋的服務，真係好鬼Nice，雖然佢個個樣都好印度，不過佢講中文的發音，隨時準過你同我！最後一提的是，佢哋個鋪仔真係好細，大約只係坐到40人，所以如果中午一點到步，就好大機會要等到一點半至有位。仲有，晚餐無特價餐，一個SET大約八十至一百！

我好多時上去食架，我覺得抵食過又好食過石崗喎﹗(其實我上親去都見到有外籍人士丫)雖然無咩印度氣氛，但係我為食正嘛﹗而且其他方面都好好丫，呢度又無加一但服務比好多要加一的還好呢﹗今次想話比大家知我試過羊脾啦﹗$240可辣可唔辣架，我try左唔辣，我地成六個人食，好正丫﹗隻脾又厚肉又入味，仲有成大碗汁啊﹗當然有食其他咖喱啦﹗點下nan食...唔一流呀﹗﹗而家有得用visa/master喎....

我兩人去食dinner,都很抵﹗$1xx很滿足丫,當然有食燒雞啦,飲芒果酸奶....正呀﹗仲發現隔離有人食燒羊脾呀﹗好鬼香呢﹗我問過要訂o架,好大隻要燒幾個鐘喎﹗而且最少4個人先食到,so 我下次要order返隻同屋企人分享先得,而且可以book位架,唔洗等嘛﹗

同朋友黎食晏, 朋友食雜菜我食羊, 要薄餅, 味道ok, 咁既價錢銅鑼灣黎講都幾抵.

次次去time square都會經過呢到,於是留意到呢間樓上鋪。迂迴曲折搵到上去,地方細細,裝潢不是太好,仲有大大部tv,勝在望到time squae前車水馬龍,一窗之隔,我靜靜坐係到睇住d人忙忙碌碌,好喜歡這種感覺,倒數時會更特別,對住個大鐘。印度菜角--薯仔餡,炸到表皮好脆,仲有特別sauce。串燒羊肉--唔'so',但又有羊肉味。蕃茄牛油咖喱雞--咖喱好rich好滑,唔辣gar,great!印度薄餅+印度飯--OK,第一次食覺得好得意。飲品,千祈唔好order奶茶or 印度奶茶,好甜...

同事話呢間唔錯，但一值無機會試，上星期終於同朋友黎左呢度食晏，試一試佢0既咖哩~~lunch set都係廿幾蚊，幾抵，叫左兩款share(一雞一牛)，再加$10有兩件烤雞。講真，咖哩味濃，但一點辣都無(唔知可唔可以加辣呢？﹗)，但都幾香，OK啦~但最好味都係加$10 0個兩件烤雞，真係幾好味，黎到要一試啊﹗

值得推介的有:烤雞芒果乳酸當然其他咖喱也很好吃,而且款色也不少,感覺十分正宗中午也有套餐,價錢尚可~

去到銅鑼灣成日都抬頭望上去，睇下有冇樓上舖有野食，結果搵到呢間。咖喱唔係齋辣，合香港人口味，薄餅唔算太油，連阿媽阿妹唔係太鍾意食羊都唔覺太「蘇」，最緊要係價錢合理，正！試過夜晚去食，唔知係咪舊樓關係竟然跳「灰士」，但係唔知點解好得意，望過去Times變得好靚；不過，最好就將部電視機收埋佢，氣氛可能會仲好

去呢到食過2次lunch...lunch hour 幾多人下..唔知係唔係因為人手不足,所以order 後要等幾耐d食物先送上....lunch set 幾抵食... $28(又唔洗加一)我覺得個"蕃茄咖哩雞"好好食,用d汁撈飯- 正...(但d飯好似小左d) 但我建議唔好加錢轉"馬尼拉奶茶"....一d都唔好飲!!

推介食品:芒果乳酪/鍋仔咖哩牛腩

一個set lunch 只係$28, 0係causeway bay算平0勒, 不過個就小0左d, 我用個汁送飯, 效果都唔錯, 0甘0既價錢我覺得都ok呀不過佢地唔夠人手, lunch 呢d peak hour 都得2個人