阿拉丁咖喱屋

营业中

休息中

今日同男朋友仔一齊食lunch,我地係第1枱客,可能仲早啦!我地點左2個set lunch,一個雞,1個魚,仲有1個薯角,d汁好好味,用晒嚟撈飯....但我覺得d meat就ok la,唔太入味....but overall is good ge!!

本身喜歡試新菜, 不過要選d平平地先得。哈哈﹗知道今日去銅鑼灣，不過我唔熟路都唔知有乜食，上網查到呢間店價錢合理，而且我又未食過印度菜，我就決定帶朋友一齊去試。我同朋友2個人好快就搵到，之後跟d指示牌牌行上去，以為上樓餐廳會比其他的灰暗﹑迫夾…點知一入到去餐廳，咦﹗﹗好光猛同有點情調wor﹗嘻嘻~~因為我唔食辣，朋友雖然好食得辛辣不過都就我，話咁快我就叫左響”開飯喇”好多人試過話OK的餐。個餐有乜餸我就唔再多講啦，睇相相吧﹗查實冇乜仔細睇個menu，所以都唔知會食d咩(汗)說說味道吧，-個薯角好好食，原來入面全部係薯蓉，外脆內軟都幾得意呀。佢有個綠色醬點架，我試過淨食就好難食，點知用黎點野食就出奇好食，可以用黎點埋羊卷﹑薄餅，正﹗-個鐵板燒羊卷我就唔多鐘意，因為有一點點辣，同埋味道好濃，唔知係咪我食唔慣隻味所以覺得怪左d，食了一條已經好濟。-有3塊烤餅同一碟印度香飯。-蕃茄咖哩雞，食左幾啖with烤餅有d濟，配印度香飯就好食，不過我食得唔多，因為食了2條羊卷已經好飽(汗)，味道比我想像中濃。-我地都加左$9轉特飲，我飲芒果乳酪，朋友飲特式乳酪。都ok好飲，酸酸的當開胃都好^^0個度的侍

睇完各位食評, 昨晚上去飯. 地方細細, 裝修普通, 坐得都適服; 不過食物一流, 烤雞, naan 餅, 咖哩都好好食, 好過出面又大又有名的鋪頭, 最重要重係底食!! 食到好飽都係一人60-70 蚊~~

哇﹗好多印度人黎食野喎...我諗一定好正宗+ 好味啦﹗果然無錯,脆脆薯角,燒雞,乳酪蝦,芒果特飲....正丫﹗d野唔辣又香,不過我唔識用手食,我見佢地食得好易喎﹗大家唔洗驚唔識落order有個講中文好勁既靚仔同hk人喔﹗呢度仲有時代廣場靚境,望到大電視我諗倒數都好玩呢....

食過好多次都覺得好好味﹐但係最近去過覺得退步左! 之前食二人餐食都好飽架﹐但係唔知點解今次去覺得portion 細左﹐亦都無以前咁好味。唔知係一時失手定係點﹐比多次機會再係咁就withdraw左呢間印度餐廳lu...

見到食評個個都讚呢間印度餐廳好食，就同男友黎試一試。呢間餐廳係樓上鋪，鋪仔細細但係人客就好多，我地都等左一陣先有位坐。間鋪人多，加上有個電視，非常之噪，如果想靜靜地食餐飯我建議你去第二度。不過呢度勝在服務好，個waiter 好細心介紹每個套餐，係佢建議下我地叫左個$158套餐。先來一碟小食咖哩角，配綠色既豆角汁。個咖哩角幾脆幾好食，不過個汁０的味有０的怪咁，唔係幾岩我口味，所以冇乜點過。檸檬燒烤雞，份量太多啦，兩個人差０的食唔哂。０的雞冇乜特別亦唔多好味，好普通的一隻烤雞。主菜係咖哩牛腩同茄子汁配印度烤餅同香飯。茄子汁好香好好食，食左好開胃。咖哩牛腩同平時食開個０的唔同，羶羶地咁有種說不出的味度，可能係印度口味掛！我就唔係好鍾意啦~ 香飯同烤餅都係印度食品，香飯五顏六色咁好靚呀！不過味道同普通既飯都冇乜分別，烤餅亦唔係好脆。套餐跟既飲品，加三蚊既青檸汁就大大杯，唔駛加錢既檸檬茶個size就小左一半，駛唔駛咁孤寒呀！總的來說呢餐只係好普通，勝在價錢相宜同服務態度好。

I have been here many times and I think they serve very nice food!! Cheap but nice indeed!

店鋪簡單冇Design, 但食物水準不錯.芒果醇酪直得try.

尋日有個朋友生日，諗住同佢食d特別小小既野.....之前都有食過重慶大廈o個度既印度餐廳，但係佢地d味道就唔係個個都接受到喇~食完o個次之後，觀感唔係咁好~而呢間餐廳既印度菜就好好多，有印度菜既特色，有適合香港人既口味，都幾多野食choose，而且價錢都好合理~!仲食到好飽tim~~令我對印度菜有d改觀......

上星期同個朋友仔一齊嚟試吓因睇食評唔錯又係銅鑼灣,方便,試咗推介的烤雞及印度香料魚,蒜茸及普通薄餅及兩杯乳酪,好飽,總括都幾好,特別係個魚好好味,至於烤雞多幾個人一齊食先好叫如果唔係就好寡,因為有成件,蒜茸薄餅一般,下次試下另外一些.重有叫套餐抵些,

20/7 和朋友來試此餐廳, 都幾好丫!適合香港人口味! 原來2 人set dinner 都有好幾個選擇~HK$98.00/118.00/138.00/148.00.........我地試左個HK$138.00:1)印度薯角4隻--香脆!OK 啦2)鐵板羊肉菤4條--香料味濃, 不是太大條,但有點漏!3)番茄牛油雞--好味! 味道特別! 一試難忘!4)印度炒飯--OK 啦5)烤餅--新鮮! 熱騰騰!60飲品--芒果酸奶---good (+$9.00), Lemon Soda (+$5.00)(總括食物都ok !地方細細, 坐得都適服!^0^....)Total: HK$152.00

果晚約朋友食飯，但係唔知食嘜好，行到Time Square 附近見到呢間印度！之前一直想試，咁係咪上去試！食品方面都幾好及服務都十分好，所以大家不妨一試

胡椒薄脆- 辣辣地, 好似薯片咁好薄, 無乜咬口.炸雜菜- 幾好食, 好似有d南瓜定薯仔既野, 我鍾意. 乾汁咖哩牛腩- 普普通通, 淨係食左一舊, (因為我掛住食雜菌)印度雜菌- 我最鍾意食呢個, 其實無乜特別, 我諗係磨菇加咖哩汁, 但配埋個烤餅好好味. 總括黎講幾好, 員工好nice, 雖然環境麻麻, 但係好乾淨, 我會再黎架. PS. 因為份量唔太大, 二人餐可能唔夠兩個男仔食啊.

一分錢一分貨, 可能因為lunch set 的價錢平, 烤餅份量不太夠, 兩個女仔兩個餐, 烤餅擺埋一個籃, 大家都覺得唔多夠. 下次都係跟飯好D乳酪濃汁滑羊: 羊肉味唔多覺, 都唔騷, 咖哩味應該再濃D, 唔夠冶味.... 好在包埋杯凍檸茶唔使加錢, 總體表現一般啦!

四條友嗌左個二人套餐，有印度菜角，香飯一碟，番茄牛油curry chicken，芒果乳酸，散嗌左個燒雞印度菜角-點sauce ok香飯-淡貿貿番茄牛油-curry chicken-麻麻燒雞-好食好抵食！