阿夫利拉麵 (The ONE)

营业中

休息中

今日係開張嘅第一日，晏晝大約十二點半就同朋友過左黎試一試，等左大約三至四個字就有位了。我揀左最傳統嘅柚子鹽味拉麵，同想像中嘅味道差唔多，湯底雖然望落似清湯，但其實味道都幾濃，柚子味突出。味道清新，就算食晒成碗拉麵都唔會覺得濟另外仲叫多左個炸軟殼蟹包，雖然afuri係主打柚子拉麵，但我哋都覺得炸軟殼蟹包比拉麵更有驚喜。軟殼蟹炸得脆，食食下裏面仲有汁，加上仲有泡菜，呢個配搭真係好match朋友就試左柚子沾麵，有啲失望嘅就係湯底比較油，唔可以食完沾面之後飲埋個湯，而且柚子味都冇拉麵咁突出，比較似係酸味多個柚子味，但其實個人覺得已經比坊間好多沾麵好味

等到頸都長，日本拉麵過江龍AFURI終於正式開張喇！主打必點柚子鹽味拉麵，雞湯同柚子兩個清新代表拼埋一齊非常夾，加上帶麥味香嘅幼條，質感彈牙，另外試咗純素擔擔麵，所用麵條為粗身太麵，相比之下麵質較軟腍好掛汁，仲有沾麵選擇呢除咗拉麵之外佢地仲有好多小食選擇，必食推薦自家製餃子，肉餡惹味兼有冰花脆皮；另外唐揚炸雞係用上日本國產雞，肉質特別鮮嫩；仲有一系列嘅夾包都唔錯。另外仲撈埋酒吧，有足足數十款酒水提供，可以一邊食麵一邊嘆酒！