阿四車仔麵 (已結業)

香港獨有的味道之一 非車仔麵莫屬👍🏻阿四車仔麵環境舒適又乾淨 價錢夠貼地！三餸麵都只是$38 份量夠多 連男生都夠飽！湯底雖稱不上驚艷 但愈吃愈起勁 吃畢沒口乾 餸方面多樣且用心！有部分餸更用上慢煮方式 例如雞翼 大腸～ 滷水腩肉沒有肥膩感 夠味蘿蔔清甜沒有渣 辣魷魚有咬口 雞腎難得好淋雞腳可是必點！ 煮得入味！大大隻！滿滿骨膠原 ♥️價錢都十分相宜！樽仔奶茶唔會好甜 都幾順滑🤤三餸麵 $38瑤柱鮑汁雞腳$20樽仔奶茶 $16

親民價格車仔麵，環境舒適衛生。滷水食物夠味道，推薦滷水雞翼、滷水蛋。如果鍾意食炸物的朋友，可選擇炸雞、炸生蠔、炸春卷。食物不油膩。另外飲品可選查少甜，少冰，少奶，走甜，員工會跟從顧客的食物要求準備。

下午去左係旺角豉油街嘅阿四車仔麵，我嗌左瑞士汁雞翼、雞翼尖、魚餃、蘿蔔、豬大腸、炸魚皮、辣魚蛋、生菜...嘩！好大碗呀，特別推介豬大腸，冇乜肥膏、洗得乾淨冇一朕味👍👍👍，厚切得嚟好彈牙😍😍😍😍😍，白蘿蔔甜到不得了，最緊要又無渣，正👍👍，瑞士汁雞翼及雞翼尖都好有水準😍😍😍😍，至於炸魚皮，我覺得可以再脆D😅😅，辣魚蛋也好惹味彈牙👍👍👍👍，另外值得留意的，是我最愛的辣菜鋪，正♥️，另外仲有麻辣醬、辣椒油任落，整碗車仔麵都值得推介！還有，這𥚃環境好寛敞，店員服務態度一流👍，你地快D去食番碗啦，除左車仔麵🍜，仲有咖喱飯及各種特式小食，仲好抵食下😋 🚜阿四車仔麵🍜🕹旺角豉油街108 號地鋪⏰11:00-22:00💰只收現金💵

—本來諗住食d嘢 下場就去食甜品剔剔下好似成枱嘢食lol三餸一麵($38)辣魚蛋/蘿蔔/雞翼油麵 少辣辣醬羹上就咁一碗車仔麵已經好足料魚蛋大大粒 蘿蔔腍冇渣 雞翼入味慢煮豉油雞髀飯($38)全髀鋪佔晒成個碗 皮薄肉嫩雖然深色 調味唔會話太濃仲有肉燥可以撈飯 飯粒都飽滿炸唐揚雞塊/炸墨魚卷/蠔油菜心($20)新鮮炸起嘅小食 加埋甜酸醬 好惹味凍飲(原價$18 跟餐減$8)細支忌廉($9)————————————————阿四車仔麵旺角豉油街108號地下

讀書時期 經常都食車仔麵 貪其經濟實惠多選擇 近年車仔麵店少了 今日到旺角工作 發現新開車仔麵店 當然試試店內裝潢彷照舊時麵檔設計 碰巧有一對中學生在此用膳 感覺就如回到當年話不多說 車仔麵最重要既係！選擇這兒既有傳統選揀 又有新派美食 我的選擇都較傳統：雞腎入味 入口鬆開 很耐未感受到鬆軟的雞腎兩隻瑞士雞翼 味甜 肉離骨 是時間的歷練辣魷魚 是傳統美食 一定要叫 微辣 彈牙粗麵腩汁 話不多說 是必然的選擇吧最後 一杯鴛鴦 是為港式特飲 完美！值得一提 調味料多元 菜蒲值得一試

車仔麵係香港地道野🇭🇰吸引之處一定係有好多秘製餸料選擇但竟然有人用西式煮法去整呢啲車仔麵餸😆。今次黎到旺角分店📍旺角租金一定貴到hihi🤑但響阿四車仔麵仲可以食到$38/3餸😭真係感動除咗標價有情，食物質素都非常用心💞設中央廚房處理食材，提高品質穩定性👍🏻又用西方嘅低溫慢煮方法處理食材例如牛腩、瑞士雞翼、豬大腸、蘿蔔等🤤真係非常講究嘅車仔麵店😍。湯底用大地魚粉＆豬骨熬4-5小時味道鮮香又唔會感覺「漏」#More推介 ［必嗌］餸：📌冬菇🤤超級入味菇味極濃📌溏心蛋📌魚皮餃📌豬大腸小食必嗌📌炸蠔💖細細隻但超級juicy。最後食車仔麵當然唔少得要飲支裝汽水😆❤️。。。阿四車仔麵除咗食物好、生產架構穩定安心💖餐廳環境都好舒服整潔，食完唔洗趕頭趕命😂。#mkfood #車仔麵 #香港味道 #香港小店 #撐小店 #noodles #quiltly

今日lunch 吾知食咩好，茶餐廳又日日食，無意中發現新開左間車仔麵，叫啊四車仔麵，見佢餐牌價錢又吾貴，一於食呢一間啦👍🏻餐應坐位設計比較闊，枱與枱之間距離比較遠，可以坐得鬆動啲。佢地食物方面都多選擇，吾止齋食車仔麵，重有飯同好多小食可以選擇，非常之好。我地就叫左一個車仔麵，蘿蔔牛腩，瑞士雞翼，碗仔翅，飲品方面，我地叫左咖啡同埋樽仔奶茶。先要介紹下個奶茶，茶味香濃，入口細滑，非常好飲。而我覺得個咖啡係超水準之作，比起他茶餐廳既咖啡，好飲幾倍。咖啡味吾會勁濃，係岩岩好，加埋適合份量既奶，入口後果種咖啡香味，一流呀，估吾到向車仔麵店飲到杯咁好飲既咖啡👍🏻👍🏻車仔麵方面，我最欣賞係個牛腩，如果鍾意食有肉同有少少脂肪既，就岩晒，香軟可口，一啲都吾韌，好入味，吾錯，吾錯😍豬大腸洗得好乾淨同煮得好入味！呢度嘅滷水汁味道都唔錯，用黎煮滷水蛋岩哂碗仔翅好足料，吾會水汪汪咁，每一啖都食到食到配料，加少少醋更好味瑞士雞翼好抵食，$20有5隻呀最後記得加菜甫落個面度一齊食，微微辣，脆卜卜！

平日午餐食車仔麵，今晚選擇晚餐去食車仔麵，人來人往既旺角，晚上有間環境大，又多位，職員仲好nice既 “阿四車仔麵”店。一人一碗車仔麵，三餸一麵 $38 (加餸每款 $9)爽口米線加人滷水蛋 、刺激味蕾既辣魷魚、爽脆辣豬皮、爽口豬大腸，配上沙嗲醬跟餐 + $8 凍阿華田(少冰) 美味油麵加人爽口豬紅、大大粒龍蝦丸、香脆炸魚皮，配上沙嗲醬及辣醬(正常)跟餐 + $8 凍鴛鴦食得車仔麵就當然要叫埋招牌小食 甜酸齋 $20 - 甜酸庹適中淨油菜(腐乳) $20 - 爽口油菜配上腐乳醬日式吉列蠔 $20 - 炸到金黃色既脆口蠔炸墨魚卷 $20 - 爽脆墨魚卷

今晚同男朋友去旺角睇數碼暴龍，睇之前食d野先，就去左附近呢間阿四車仔麵，佢既環境係好舒服，好闊落，而且走懷舊風。我地叫左兩個4餸車仔麵。男朋友叫左羅白、紅腸、牛腩同滷水蛋。湯底就要沙嗲汁。我試左幾啖，沙嗲真係好香好惹味，而且羅白好大塊，夠冧同無渣。無辣不歡既我，就叫左正常辣醬汁，餸就叫左大腸，冬菇、墨魚卷同牛腩。冬菇入味而且有3-4舊。墨魚卷好彈牙。如果食大腸既人一定要試下，切得大塊而且唔會有腥味。小食我地就叫左3樣。瑞士雞翼，啖啖肉，而且雞翼大隻入味，total 5隻勁抵食。而炸生蠔都唔錯，男朋友知我鐘意食，都係咁夾比我，個人覺得唔點醬仲好食，食到蠔既原本鮮味。最後既咖喱魷魚都爽口，加埋落車仔麵到，多個餸咁幾好味。最後埋單，200有找，上網check原來粉嶺都有分店，下次男朋友話同我去個邊試下。

最近少左出旺角，今日去旺角，行到豉油街見到間新開既車仔麵店（其實可能開左好耐都唔定），門面好骨子又有懷舊Feel，見價錢又幾抵食就入左去三餸麵/飯都都$38，又多選擇，正呀我嗌左腩肉、魚皮餃、牛腩烏冬腩肉超！好！味！又厚又林又入味，啖啖肉好好食，牛腩稍為細舊少少，但勝在夠入味，口感佳，魚皮餃就正常水準阿叔食滷水蛋、辣魚蛋、豬皮油麵，滷水蛋好入味，豬皮爽口小食我地嗌左魚皮、魷魚、豬大腸、吉列蠔魚皮香脆、吉列蠔啖啖肉之餘仲好juicy，豬大腸洗得乾淨冇腥臭味，好食飲品我地嗌左奶茶同鴛鴦，阿叔話鴛鴦好好飲，仲話要番黎再食咁話

好耐冇食過車仔麵，經過旺角呢邊發現開咗一間新嘅車仔麵檔，就入去醫下肚🤪車仔麵餸選擇夠多，有傳統嘅豬紅蘿蔔可以揀，亦都有新派嘅糖心蛋及丸類等等~估唔到仲有大碗飯可以揀， $38呢個價錢係幾抵，不過我都係鍾情於車仔麵🤤貪心嘅我自選左六餸車仔麵🤤有牛筋丸，辣魷魚，滷水蛋，冬菇，魚腐和油菜❤️至於麵底我則揀咗米粉，麵條好幼，食落似絲般質感，沒有粗糙感，而且吸收湯底精華，味道不會很淡~每樣餸嘅份量都有三件，份量啱啱好~牛筋丸比起一般牛丸更加爽脆彈牙，一口size啖啖肉🤤辣魷魚可能浸左湯，沒有想像般辣，但係質地非常爽脆，用咖喱汁炆令魷魚吸收晒咖喱精華，食落不會淡口，但辣少少會更好~滷水蛋亦滷得夠入味，一啖咬開見到漸變色的蛋白，清晰呈現出滷水汁慢慢滲透於蛋內🤤！油菜亦掛湯，同冬菇吸收晒湯底嘅精華味道不錯~最後嘆番杯熱檸水好滿足❤️

和朋友去旺角辦點事剛好經過這一家 — 阿四車仔麵裝修新穎 不像一般車仔麵店感覺不錯 便決定一起試一試招牌麵招牌菜式當然要試一試豬紅、辣魚蛋、瑞士雞翼、豬皮和辣魷魚等應有盡有 配料豐盛 大大碗好滿足配油麵 油麵彈牙 吃下去味香 正瑞士雞翼滷水入味 啱晒最喜歡吃雞翼的友人豬紅這裡的豬紅 醃得入味又不會腥 不錯不錯辣魷魚魷魚爽口彈牙 濃濃鮮味花膠碗仔素翅加了花膠的碗仔翅 養顏之選素翅用料十足 多層次口感 好味道 炸墨魚卷墨魚卷皮又薄又脆 吃得出墨魚香 推薦

經開旺角，見到有間新開車仔麵，而且地方都算幾大，望望餐牌又幾抵，入咗去試。車仔麵$38已經有三個餸，另加餸每款$9，配飲品減$8。而且另外仲有飯類、小食！叫咗腩肉、豬大腸、咖喱魷魚、雞腎。湯底我要左腩汁，再加沙嗲醬。佢哋嘅沙嗲醬好好，會用匙羹分開裝，就唔會溝淡晒個味。腩汁味都幾香。豬大腸幾大條，而且冇乜臭味。腩肉大大件，夠肥美。咖喱魷魚都幾多，夠入味。雞腎都幾爽口。佢另外仲有麻辣油、辣椒油，唔夠你可以自己加。

超抵食 大大碗 慢煮豉油雞髀飯 只係 $38咋！仲有埋肉燥同菜芯配埋！豉油雞髀唔只巨型，仲係用慢煮嘅方式去整！所以啲雞脾肉好軟熟，有啲好似平時炆完嘅感覺！鍾意佢個豉油味，唔會好咸！另外飯面仲有好多肉燥，唔怕食完隻雞脾無野送飯～其他小食都好抵食！每款都係$20蚊！我就揀咗鮑汁雞腳，一份有5隻！個鮑汁都好傑身，雞腳好入味！叫完個飯加配飲品可以-$8蚊。即係$10有埋杯凍檸茶，用膠杯獨立裝好，飲唔晒拎走都得～好方便！基本上女仔一個飯都已經飽晒！細食嘅話可能未必食得晒添！阿四車仔麵 (旺角)旺角豉油街108號地下

在公司OT做完阿四，放工閒逛旺角時，看到大大個「阿四車仔麵」招牌，感覺份外親切！店舖環境簡單新淨，很適合年輕人三五知己聚會。車仔麵最平$38一碗，有30多款餸菜任揀，平平地，醫肚一流！炸唐揚雞塊（$20）一碟四塊，二人餐剛剛夠share！甜酸醬是亮點，完全掩飾了炸物的熱氣，非常惹味！炸墨魚卷（$20）很神奇，雖然是油炸，但口感完全不油膩，吃完後碗裡意想不到的乾爽呢！四餸車仔麵（$47）溏心蛋絕對是心機餸，拉麵店閒閒地要15元一個，現在9元就搞掂，抵！炸魚皮另碟送上，可見老闆非常細心，讚！