阿四車仔麵 (已結業)

下午有d肚餓,想平平地食一餐,又想餐廳環境乾淨寬敞d。來左阿四車仔麵。叫左淨四餸既餐,有瑞士雞翼,煮到淋淋地,瑞士汁濃,係自家既味道呢!咖哩魚蛋彈牙有咬口,咖哩汁好多,紅腸有幾片,點埋咖哩汁食都唔錯,魷魚份量都唔少,都係好有嚼勁。小食就加埋吉列炸蠔,有4大個,仲有泰式辣醬.另外仲前後叫左兩支可樂,中意佢傳統得黎細細支,好cutie!呢個價錢呢個環境好值!食得出食品係高質的。真係好耐無食車仔麵啦!回憶返晒黎呀!

今日黎到旺角鼓油街試食呢間阿四車仔麵，去到覺得佢嘅門面同餐廳內部裝修都非常之有格調，比人感覺坐得好舒服而且一啲都唔污糟，仲有酒精搓手液提供，值得一讚呀！入到去老闆仲問我地想坐邊度，臨走仲同我地講bye-bye，好Nice呀！坐低睇menu，呢到嘅車仔麵有超過30樣餸可以揀，仲有十幾種麵同醬汁任你配搭，另外仲有十款招牌小食同有大碗飯揀，正呀！睇左一輪Menu，我最後就揀左個四餸油麵同兩款小食，小食全部都係$20，好抵，而三餸麵就係$38，加一餸加$9 。跟餐飲品仲有減$8嘅優惠添！唔洗幾分鐘就上齊啲野食啦，碗碗都好大碗好足料呀！我揀左沙爹醬，佢係用匙上比我地自己撈勻嘅。係餸菜方面，我覺得呢四樣餸都非常之高水準架，豬大腸係用滷水汁煮嘅，煮得超入味，好香濃架，仲粒粒都勁大粒，非常推薦！牛腩每一舊都好大舊，燜得啱啱好，好軟淋同夠入味！冬菇嘅菇肉好厚實又大大舊，一樣係好入味！最後就係溏心蛋，同係比一隻蛋而唔係半隻，最愛溏心蛋嘅我真係好驚喜！另外兩樣小食，我就叫左日式吉列蠔同炸唐揚雞塊，兩個都係皮薄餡多，一啲都唔hea架，仲加左泰式酸辣醬添。

餐廳：阿四車仔麵 (旺角)地址：旺角豉油街108號地下旺角豉油街嘅一間新車仔麵店🍜，簡約嘅餐廳裝潢帶比食客休閑嘅風格氣息❇️，換黎一種新鮮食車仔麵嘅經驗呢間阿四車仔麵3️⃣餸先係$38，唔想食麵仲可以轉做飯🍚，特別嘅係仲有素食選擇，連甜酸齋都有叫左個招牌麵，$58可以試到9️⃣款餸，唔少仲要係餐廳推介嘅餸，例如辣魷魚🦑、豬大腸、瑞士雞翼、蘿蔔等😍。不得不推薦呢到嘅滷水蛋🥚，醃足最少一日，超入味👍🏼；蘿蔔大舊等黎仲好腍，入口即溶，吸收左沙嗲湯底好好味😋；仲有瑞士雞翼🇨🇭，色香味俱全，望見都好想食另外叫左個日式吉列蠔🦪，$20有5️⃣隻，加上酸辣醬香脆得黎仲增加左唔少滋味，將脆卜卜嘅外皮咬開仲有蠔汁流出🤤，唔錯唔錯當然唔少得餐廳出品嘅樽仔奶茶啦，用上紅茶同全脂奶🥛，茶味香濃，口感幼滑，兩者嘅平衡比例岩岩好，一枝300mL都係加$8咋

新開張的麵店寬敞、乾淨，價錢不貴。主打車仔麵，以三餸車仔麵或是四款淨餸起，可額外加錢添配料。望著點餐紙，選擇困難症發作，各款餸菜都想一試，想東想西，最後直接挑選招牌吧，反正什麼都有，只須自己選擇麵底及湯底醬汁。招牌麵配料：辣魚蛋、雞翼尖、豬皮、豬紅、豬大腸、蘿蔔、滷水蛋、辣魷魚、瑞士雞翼麵底：米粉醬汁：辣醬賣相及味道都不錯，整體份量大碗，尤其是米粉。麵條掛湯，慢慢吸收湯汁。配料方面，滷物最出色，如滷蛋及滷水雞翼等，滷得入味。白蘿蔔入味又鮮甜，一整片大大的。豬紅沒有腥味。豬大腸捲起成結實圓餅形，咬下去更有層次口感。不過辣醬不夠辣，可自行加添醬汁。不得不提就是調味架上的調味辣醬汁及辣菜脯，尤其是那爽口的菜脯粒，混進湯底中，味道鹹辣。招牌小食全部都是$20。瑤柱鮑汁雞腳 份量很多。雞腳厚肉，炆至軟淋入味，醬汁出色鮮甜。秘製香辣魷魚其實是咖喱醬汁，咖喱帶微辣，魷魚爽口。

看中醫過後，再醫肚才回家。路過阿四車仔麵，順路入座。雖說是車仔麵店，但也供應幾款飯，無飯不歡的話也不擔心陪朋友去食車仔麵會吃不飽。 這天選擇了基本的三餸一麵：粗麵，配蘿蔔、瑞士雞翼、溏心蛋，加沙嗲醬。 粗麵沒有鹼水味，份量合個人胃口，有需要的話可以加三元加麵。蘿蔔既軟腍又入味，值得一試。瑞士雞翼又一入味之選，肉質也軟滑。溏心蛋名副其實，蛋黃尤其香滑。 加沙爹醬味道更香。 喜歡濃味的話可以再自行加入辣椒等調味料。 另外點了一支飲品，是樽仔奶茶。以全脂淡奶調製，奶味恰到好處；錫蘭紅茶茶香細膩；甜度適中；三百毫升一支，是能享受但又不會覺得罪疚的份量。 侍應的招待非常貼心。鄰座是兩位年過五十的兒子，推著坐輪椅的年邁母親入座用餐，侍應迅速移走一張椅子以便安放輪椅，然後隨即送上一杯暖水讓長者休息。兒子點餐時問清楚油菜的選擇，以便揀選稔身的蔬菜讓母親能咬開，侍應即表示可以叫廚師煮腍一些，方便老人家進食。旁人看在眼內，也感溫暖。

黃店 💛 阿四車仔麵🟡 在5/8/2019罷工表態今晚我又黎食阿四車仔麵啦～ 今次已經係我今個月第三次食😆 最近間中都會黎旺角呢邊，就發現咗呢間車仔麵，佢又平又大碗，原汁原味之餘食物落單之後仲好快上枱，服務態度都一流。🍢 車仔麵 （$38/三餸一麵，加餸$9一樣）🍜 我揀咗米粉做麵底，健康啲😝 米粉份量超多，一條條煮開，軟熟度啱啱好。🥄 同食開嘅其他車仔麵唔好嘅係，腩汁係用匙羹另上嘅，一撈落去就稀釋咗落湯底入面，味道濃淡可以自行調較😋🍄 之後就揀咗我食車仔麵必叫嘅冬菇，甜甜嘅冬菇好好食😙🐮 牛腩亦都係呢度必叫嘅餸！份量又係好多，每舊都煮得好淋，肉絲唔會痴牙，讚👍🏻🐤 鍾意食甜嘢嘅我當然要叫埋瑞士雞翼，有兩隻，肉質少少滑，幾好☺️🦑 辣魷魚份量就偏少啲，不過我食其他車仔麵揀魷魚通常都要加錢，所以都ok嘅！味道都唔錯，但建議早啲食好啲，浸喺腩汁太耐會溝咗啲味🙈🍹 凍檸茶 （跟麵加$10）檸茶有驚喜！茶味濃，檸檬都好夠。冇叫少糖但都唔係好甜，啱曬怕肥嘅女仔😙🌯 炸墨魚卷 （$20）第一次食炸墨魚卷！只係$20我非常推薦大家食！！炸墨魚卷個皮好薄好脆，入面嘅墨魚又好多，好like😆

自從疫情之後，已經吾記得有幾耐無去過旺角掃街啦，實在好掛住掃街的日子，趁最近疫情無甘緊張，為左彌補無得掃街嘅心情梗係要搵間地道嘅香港美食，行到豉油街見到呢間阿四車仔麵，門面好濶落，內裡也乾淨衛生，呢個時間環境衛生最重要。系餐牌上最吸引我嘅系超牌車仔麵，有9個餸甘多，差不多全部可以試晒，吾使頭痛揀咩餸，跟住再加支樽裝可樂實在太perfect枱頭除左有調味料，重有我至愛嘅辣椒蘿蔔，好味，吾咸，我食左好多呢跟住再叫左4碟小食，吉列蠔好juicy，炸墨魚卷食到粒粒墨魚系入面，好彈牙，咖喱🦑其實車仔麵入面都有，不過貪心又再叫左，腐乳油菜都好味，臨走時見到原來有樽仔奶茶，最後又打包左2支返去慢慢歎，大滿足呀！

今次吃貨出巡🐷到一家在旺區開了新分店的阿四車仔麵🍜，港式新派車仔麵而又不乏懷舊味。💛招牌麵 $58💛日式咖喱南瓜薯餅飯 $38💛四餸小食 $38💛甜酸齋 $20💛花膠碗仔翅素翅 $20💛樽仔奶茶 $16💛凍檸茶 (跟餐) $10🍜招牌麵有九種餸菜，包括辣魚蛋、辣魷魚、豬皮、豬大腸、雞翼尖、蘿蔔、滷水蛋、瑞士雞翼、豬紅。而車仔麵我一向食開油麵。由於餸菜相當豐富，吃完麵還淨一半餸慢慢吃。比較喜歡的是瑞士雞翼，幾入味😋。🍛$38大碗飯有三個選擇，我們叫了薯餅飯。主角薯餅味道很好😋，南瓜味香，唯飯上面的咖喱略偏鹹。🥙除此之外，$38可選三餸車仔麵🍜或直接四餸，我們就叫了四款小食，包括蟹柳、糖心蛋、芋絲、滷水腩肉。比較突出是腩肉，很大塊而且肉質鬆軟，很好吃😋。🥣素翅很大碗可二人分，材料很夠，花膠味重😋。🥘酸酸甜甜的酸甜齋幾醒胃，陣陣蕃茄味🍅。🍶最後不得不提樽仔奶茶🍼很有特色。平常光顧的車仔麵檔都比較狹少和簡陋，阿四鋪面非常大，空鄺而光猛💡，裝潢較新派，碗碟餐具亦不失禮，同時又不乏懷舊情懷。兩人$200吃很很豐富絕對抵食🤟。聽說是有參與罷工的低調黃店💛，值得加分✅。

細個媽媽成日帶我去食車仔麵，今日我帶返媽媽去食，童年回憶返晒黎。早幾日同事話我知旺角開咗間新嘅阿四車仔麵。環境舒適，坐得又舒服，咁近我梗係要來試吓啦。第一次食招牌麵應該係最好嘅選擇，因為一次過有齊九個餸：辣魚蛋、辣魷魚、蘿蔔、豬皮、豬紅、瑞士雞翼、滷水蛋、雞翼尖、豬大腸，米粉係新竹米粉比較幼細。個辣魷魚🦑少少辣，好惹味，蘿蔔好大件好清甜，瑞士雞翼同滷水蛋好入味，豬大腸亦都處理得好乾淨👍🏻好飽啊！因為我連湯都飲埋，佢嘅湯底係用大地魚粉加豬骨熬製四個鐘而成，不加味精食完都唔口乾另外加$20有小食一款，佢嘅炸墨魚卷好彈牙，有墨魚粒喺裏面。再飲埋支玻璃樽裝可樂，大滿足呀！特別一提佢嘅樽仔奶茶，味道夠濃又唔太甜，環境乾淨舒適，下次可以帶埋仔仔一齊嚟食。

一般食車仔麵店舖通常都比較坐得唔多舒適，阿四車仔麵剛剛相反坐得非常舒適，每次食車仔麵總會遇上選擇困難症因為樣樣都想食，阿四相當好有個叫招牌麵可以一次品嚐到九款餸豬皮,豬紅,蘿蔔,咖哩魷魚,雞翼尖 ,辣魚旦,瑞士雞中翼,豬大腸,滷水蛋，見佢有幾款招牌小食幾吸引又order，二十元有5隻即炸日式吉列蠔真心抵食又好食，炸墨魚卷都是即炸熱辣辣食到中間有啲墨魚粒好食，這裡還有食車仔麵唔少得嘅玻璃樽可樂簡直perfect，調味架有辣椒油,麻辣油, 辣椒蘿蔔好爽脆又唔太辣，見佢有港式樽仔自家製奶茶雖然好飽都忍唔住要試唔太甜幾滑

同好友出旺角買完野，搵地方醫下肚，但又唔想食太貴，好友提議去食車仔麵，話尼間又平又抵食，一於跟佢去試試先點個推介小食，用慢煮方法烹調的瑞士雞翼，真的很好味D，雞肉不單嫩又滑，仲好入味，瑞士汁調得啱啱好，不濃不淡，值得一試滷水大腸，滷得出色，大腸一點也不肥膩，處理得好乾淨，一點腥味也沒有，滷得質感軟熟本來想點招牌車仔麵，$58有9款餸真係好抵，不過叫左小食，所以都係留待下次再試，最後點了三餸一麵，幼麵煮得恰到好處，軟硬適中，魚蛋大大粒，食落彈牙，辣汁係放係匙內，辣味唔太重，小辣人仕都可以接受，唔想食辣可以唔點，酸齋唔會太酸，咬落柔軟好味，豬紅食落煙煙韌韌，有口感，份量頗多$38三餸一麵或飯，唔食麵就揀四個餸，係物價高漲的市道，以尼個價錢食一碗有水準的車仔麵真係超值

同呀妹去旺角行街，見到有間車仔麵，裝修得幾好就去試下佢麵既種類都幾多，仲要有讚岐烏冬，同埋碟頭飯我就叫左豬皮，滷水蛋，滷水雞翼，同埋蘿蔔烏冬($50)咖哩豬皮夠入味、夠淋，份量仲好多滷水蛋，滷水雞翼，2樣都好入味，滷水汁夠甜，肉唔會實而蘿蔔亦都夠甜夠淋個烏冬只係+$3 但係唔係cheap cheap烏冬，係夠曬彈牙既烏冬，加分另外我揀左沙嗲醬，都唔錯架*佢每張枱仲要有一瓶，辣菜圃，可以自己加👍🏻👍🏻叫左個小食，唐揚雞塊($20)佢係即炸，所以熱辣辣，個醬係泰式辣醬，都幾夾

今日晏晝去開旺角，突然心血來潮想食碗車仔面，朋友推介左呢間阿四車仔麵。雖然食車仔麵，但餐廳入面裝修得好靚，比人感覺好舒服，座位都坐得闊落，唔似其他車仔麵甘要同人逼。醬料選擇都夠多，可以隨時自己加料。我點左3餸1面，有鹵水腩肉，豬紅同牛腩。豬紅食落夠滑口，唔會鞋恰恰。鹵水腩肉更加係好入味，咬落去淋身。牛腩都一樣忟得夠火喉，仲食到有肉汁添仲點左碟腐乳生菜，生菜煮得剛好，唔會over cook。另外點左杯奶茶，奶茶細滑味道濃，岩我中意重口味既人士。

旺角行街見到阿四車仔麵， 個名好特別， 好奇心驅使入去試下， 環境都好乾淨企理，枱與枱之間都好闊落，感覺唔錯。因為太肚餓就選咗四餸麵，另外就加咗兩個小食炸蠔和炸墨魚卷，果然冇令我失望，炸蠔非常之新鮮，咬落去多汁兼熱騰騰，真係值得一試，另外炸墨魚丸都好爽口。麵餸之中我最欣賞係豬大腸又厚身又夠味又夠腍。仲叫咗魚皮餃，雞腎，炸魚皮。炸魚皮分開上，浸一浸落湯再食yummy yummy。另外又可以無限自己添加枱上嘅菜脯，價錢合理，有機會我會再嚟幫襯。

6點幾係旺角行街行到肚餓，Brownbrown想搵間快靚正既餐廳食個晚餐，於是就黎左就近既阿四車仔面～<慢煮豉油雞脾飯 $38 + 凍檸茶 $10>豉油雞脾+肉燥係一個無得輸的組合！ 雞脾滷得十分入味，啖啖肉，再加埋肉燥飯，食緊果陣好似去左台灣的感覺！如果只係食個飯，$38真係又平又正呀喂～<日式吉列蠔 $20>吉列蠔比想像中多同大嚿黎個陣熱騰騰的，咬落去陣陣蠔味，相當好食，必試之選！ 其實餐廳仲有多樣化的車仔麵可以選，下次再黎試下先！