阿四車仔麵 (已結業)

最近少左出旺角，今日去旺角，行到豉油街見到間新開既車仔麵店（其實可能開左好耐都唔定），門面好骨子又有懷舊Feel，見價錢又幾抵食就入左去三餸麵/飯都都$38，又多選擇，正呀我嗌左腩肉、魚皮餃、牛腩烏冬腩肉超！好！味！又厚又林又入味，啖啖肉好好食，牛腩稍為細舊少少，但勝在夠入味，口感佳，魚皮餃就正常水準阿叔食滷水蛋、辣魚蛋、豬皮油麵，滷水蛋好入味，豬皮爽口小食我地嗌左魚皮、魷魚、豬大腸、吉列蠔魚皮香脆、吉列蠔啖啖肉之餘仲好juicy，豬大腸洗得乾淨冇腥臭味，好食飲品我地嗌左奶茶同鴛鴦，阿叔話鴛鴦好好飲，仲話要番黎再食咁話