阿元來了 (鴻圖道)

营业中

休息中

阿元來了，第一次係食西營盤既分店，店鋪太細，而且平日夜晚排隊排起碼半小時，但坐低限時又係半小時，實在令人試過一次就不會再想試第二次。入正題，同樣的阿元來了，開到黎觀塘工業區，雖然依然人頭湧湧，但地方可大很多，而且裝修同佈置都好似台中某些台灣懷舊風既食店，單單係環境已遠勝西環店。再講返食物，午飯時間同晚飯時間既餐牌是不一樣的。午飯時間有蛋餅全店走懷舊風格，地方闊落肉丸湯，無咩特別，只係想飲湯魯肉飯係好吃，跟西環店同樣出色，魯肉不會太肥但好香好林蚵仔大腸麵線，這個不錯，但當然同台北阿宗麵線重有段距離肉鬆蛋餅，非常好食，足料，外層既蛋都煎得岩岩好蚵仔煎，個人覺得一般。。。太散。。。呢個好似糯米飯既，叫高雄米糕，真係好似食糯米雞咁，無咩特別芋圓，有桂花香味既糖水，芋圓都算有q彈感覺另外我同朋友都有叫飲品，佢既香芋奶茶，好飲呀總括，呢間分店，好過西環好多倍，建議想試阿元來了既人黎呢間，因為都無咁快比人趕走而且食物質素我覺得好似重好過西環果間。。。

I have finally visited this famous Taiwanese restaurant that many of my friends recommended. Soooooo excited. I tried few of the typical Taiwanese dishes including the minced pork rice, Taiwanese fried chicken, Oyster omelette. They all tasted like the dishes I ate in Taiwan night market. We also ordered few drinks, one thing worth mentioning is that the drinks taste really sweet so it’s better to select the sugar amount when you order

住係呢頭咁耐, 其實都好少係牛頭角食飯難得依家連公司都係埋呢頭.今日LUNCH 就約個FD 黎呢度~真係開左咁耐, 第一次黎食, 平時係有經過呢條街, 亦有經過佢外賣個COUNTER, 但原來要入去坐呢, 係要兜去後巷先入到去既. 好神秘咁~店內好有特色~ 又係畀人打卡用~第一次黎.. 真係唔知食乜.呢張點餐紙真係好有台灣味~只可惜佢地係港幣唔係台幣咋~ XD朋友話擔仔麵唔差, 咁就叫左個試下.我就中意揀小食多D~台南擔仔麵 $35, 香芋奶茶$23, 冬瓜檸檬 $23原先諗住一個麵SHARE 食, 但原來都幾細, 所以上左一碗後, 再追加多一碗, 另一碗要粿條~肉鬆起司蛋餅 $30呢個一份有4件仔, 頭同尾係冇乜料, 中間個份就足料喇. 好味呀! 肉鬆咸咸地, 同CHEESE 幾夾~重有個酥炸魷魚 $39 係我最愛既味道呀! 好中意食炸魷魚~~~~ 下次黎可能會再叫一樣既小食, 但就會試下叫飯食!今日唔想食飯所以試麵先~我星期六12點去到, 早去到未爆, 重可揀位坐.到我地食完後出返去, 已經排開巷了~~~~原來開左咁耐都重咁爆既, 估唔到, 因為呢個位講真唔係太就腳.好在我黎得早咋

唔知食咩好？一定要食阿元來了！因為真係好好食，而且仲唔貴，非常適合女仔嘅雞仔肚！地址唔容易搵，行左好耐行到阿元嘅外賣店，好才阿元嘅員工講點行過去我地先冇迷路。我同fd一點幾到，都要等，不過好快，5分鐘就進的了。一進到去覺得好有feel！好鍾意個裝修同環境，店員應該有d係台灣人，因為有d講普通話。兩個女仔點左魯肉飯、蚵仔大腸麵線、鹽酥雞、鳳梨青茶、百香果綠茶。魯肉飯一定要點！量同屋企食飯嘅碗一樣小，女仔一個人食就飽了，魯肉我覺得唔會肥，送飯岩岩好。蚵仔大腸麵線，我同fd都覺得麻麻地，冇咩特別。鹽酥雞就一定要點啦！我覺得同其他地方嘅鹽酥雞味道好唔同，好好味！聽講酥炸魷魚都好好食，無奈兩個女仔食唔曬所以冇點到！下次一定要食飲品我覺得一般，應該冇點到好食嘅。

一直都好想嘗試阿元來了。耐何每次經過都大排長龍🙈早前有機會叫外賣，一於向朋友提議阿元來了。是次外賣令我感到驚嘆，實在估唔到外賣都咁好食。試完外賣一直念念不忘，決定要黎一次堂食。趁星期六午飯時間相約朋友到阿元，幸好未有長龍。一坐低發現店舖裝飾別有一番風味，感覺非常懷舊。當日點左 - 台南擔仔麵，酥炸魷魚，肉鬆芝士蛋餅食物到齊後我地怕唔夠...所以又點左個台南擔仔粿條但食物令我有點失望粿條同麵比起明顯油好多...至於酥炸魷魚竟然唔及之前外賣鹽酥雞咁乾爽，食到最後幾條我已經唔敢再食...因為見到油光滿滿肉鬆芝士蛋餅..口感比較軟，肉鬆集中係中間。。老實說今次堂食竟然比起外賣令我有點失望.. 食物唔係全熱仲要好油...芋香奶茶，檸檬冬瓜茶。朋友說芋香奶茶唔會太甜，幾好飲。本人大愛冬瓜茶，但年紀漸長都開始唔敢飲太甜。所以就點左檸檬冬瓜茶（自己欺騙自己，咪又係咁多糖🤦🏻‍♀️）飲品絕對冇失望，甜酸恰到好處仲飲到冬瓜茶香味我估...我下次都係叫番外賣速遞算

終於堂食到啦～因為雜誌出膳稿介紹，所以日日都客似雲來，當然店內好懷舊嘅台灣風裝修係幾殺食的。呢日同阿姐12:15來到就好彩仲有位。。。阿姐竟然搵唔到啱食嘅，我反而仲叫到2味食: 鹽酥雞及起司蛋餅。味道唔錯的，要食唔想排長龍的話，最好揀非繁忙時間來。

今日經過開呢頭，之前曾經睇報紙見到呢間食店嘅介紹。黎到時大約兩點鐘仍然需要排隊，等左大約10分鐘可以入座。進入食店後見到很多食客亦有點滷肉飯。我就點左滷肉飯，芝士蛋餅，同一杯珍珠奶茶。滷肉飯上菜時間好快滷肉夠多，好多滷水汁。蛋餅即叫即整。芝士好足料分量亦夠大。

今晚同朋友食飯朋友想食台灣野見到官塘有阿元來了便去試試一入到已感覺好似去左台灣夜市，環境超正食物選擇都係地道台灣美食飲品種類超多我點了微糖黑糖牛奶珍珠加咖啡磚比預期中甜了一點呢個招牌魯肉飯，推介👍🏻👍🏻好有台灣風味，不過份量比較少我們再點了幾款台灣小食刈包、酥炸魷魚、台灣香腸、鹽酥雞四款都好味仿似置身於台灣一樣刈包味道不錯酥炸魷酥夠香脆鹽酥雞夠香脆、雞肉夠嫰最後點了我最愛的芋丸比想像中硬但味道不算太甜

今日去咗食鼎鼎大名嘅阿元來了，佢係位於工廠區入面，門口係一條後巷到，都搵左一陣，我七點幾去到，等左大概20分鐘就入得。店入邊嘅裝修好懷舊好特別，店內係沿用懷舊嘅圓枱，所以兩個人嚟點都要搭枱，有啲逼。我哋兩個人叫咗兩碗魯肉飯，魯肉飯唔好睇佢細細碗，其實都幾多，肉粒切得算太粒，所以比較有口感，肉好林，肥瘦均匀，好香好好味，果然係招牌！我哋再叫咗個鹽酥雞，份量唔多，炸得夠酥脆，不錯！飲品我哋就叫左珍珠奶茶同埋百香果綠茶，先講珍珠奶茶，珍珠偏甜唔夠煙韌，口感偏硬，有啲失望。而百香果綠茶，只係需要加＄9，好彩叫左微糖，店內的食物都偏甜，好鐘意百香果酸酸甜甜，好飲！最後叫左甜品芋圓，好失望，芋圓無乜芋頭味，成個糖水好甜。

喺西環嘅呢一間台灣餐廳真係好出名😆嚟觀塘開分店當然要試吓啦😌呢個肉操飯雖然睇落細細碗但係唔好睇小佢佢都真係幾飽肚😆佢嘅肉操唔係碎而係真係有肥肉嘅一粒粒嘅肉😍肉同飯嘅比例啱啱好😋個芝士粟米蛋餅又係好精彩😋芝士勁濃郁😍😍不過佢午飯時間真係好多人排隊😭This taiwanese restaurant so I decided to give it a try😌 The rice looks small but it's super filling😆 The pork and rice proportion is perfect and your bite will always consist of meat and rice😋the egg roll is super cheesy and simply delicious😍

整體黎講食物質素係唔錯既，但座位安排有啲怪，2個人同5個人都係坐一樣大既2人枱，座位都唔係太好坐，肥啲既人或屎忽大啲既人都會坐得唔舒服地方唔算大，啲位唔多，預左食完就要即走，因為外面都仲有人排隊，果陣時間都2點幾3點啲人唔知係咪諗住當食下午茶☕️

第一次食阿元來了，去到已經排左條龍，由於店鋪位置開係後面入，地方窄，淨係企係度一陣，已經爆汗爲左一嘗台味，忍住酷熱天氣下，♪等等♪都等♪ 溫馨提示: 輪候時間長，請帶定風傘機降下溫。終於一個台灣姐姐帶我們入位，位置都幾迫下，而現場搭枱情況較多。曾經係台灣食，就算幾忙都好，d台妹都會好熱情，反觀依度，店員都缺乏笑容😊來，笑一個！ㄋㄧˊㄧㄝˇㄎㄜˇㄧˇㄚ😁🍚🍚🍚🍚🍚🍚🍚🍚🍚🍚🍚🍚🍚講到食物方面:1.魯肉飯5個like雖然細細碗飯，但魯肉好足，汁多飯多，無錯！就係依個味好好味2.豬油飯無料到既，食落感覺係碗飯用左魯肉料面頭既果浸油，再撈左小小油葱，麻麻地。3.大腸麵線無左白蘿蔔既大腸麵線，少左個味，但整體都唔錯，足料又好味4.魯水拼盤份量太姑寒一碟: 一隻雞翼，半粒蛋，1開3既豆腐仔，幾條仔大腸。味道一般5.盐酥雞有點兒干，但都ok的。6.炸甜不辣朋友話炸麵粉黎，麻麻地。7.起司九層塔蛋餅好好食！！勁濃九層塔味！！推薦菜式魯肉飯，大腸麵線，起司九層塔蛋餅食後感: 黎依度食預左坐得唔舒服，環境吵雜難傾計，食完預左即刻埋單，因為好多人等緊位。望到隔離2個人用一張二人枱，對面5個人又係用一張二人枱

Totally overrated. 客人需排隊等進原來半空的餐廳, 懷疑製造人攏排隊效果. 整條隊的客人一次過進入餐廳的時候亦沒有帶位服務, 情況混亂. 食物十分一般, 大部分職員態度低劣.觀塘質素和份量的午餐, 中環午餐的價錢.

堂食全部食物份量都好細，魯肉飯更加係酒樓飯碗size，如果男人食一定唔夠食，想試多幾樣3~4人share食就好d，味道好一般，麵線更加同阿宗無得比，未去過可以去影下相打下卡，食過一次夠了，一行3人，要每人80蚊，真係好貴也不值

放工後單人匹馬來朝聖，6:20到達不用排隊(6:45走時已現人龍)。喜歡這裡的裝潢，懷舊而不老舊，一個整潔的用餐環境令人心情愉快。一人關係只點了香菇肉羹 $35 和鹽酥雞 $35，現點現做，份量嘛，一個女生吃下只是半飽，價錢嘛，不算便宜。個人喜歡阿元的傳統風味，比其他香港台式餐廳濃厚，加上視覺 (裝潢)和說國語服務員的影響，有種置身台灣的感覺。收費是台幣當然更理想