阿元來了 (鴻圖道)

营业中

休息中

阿元來了這間餐廳是我第二次來了，因為這間餐廳的裝修十分漂亮，昏暗的燈光配上台灣夜市的招牌，真的讓我置身在台夜市中在觀塘上班的人必定會知道這間店到晚市會排長龍，我們一行二人在晚市時間決定去賭一下運氣等待了大概半小時候便安排入座我們點了魯肉飯、肉躁生菜、大腸麵線、蠔餅和一杯飲品。魯肉飯的份量比較小，魯肉煮得入味，它是偏向咸的魯肉，魯肉份量足夠，吃到最後一啖飯也能有魯肉大腸麵線的配料十分多，二人分享也足夠肉躁生菜還可以吧，但價錢偏貴。蠔餅炸得脆口，但略為過於流心，可以再炸多些時間。

lunch 12:40分來到排隊，因為要齊人先可以入，等左15-20分鐘就有位坐了入面好有特色，好似身在台灣甘我地一行5人，叫左10樣嘢share食魯肉飯一流，好好食，足夠撈到成碗飯鹽酥雞炸得夠鬆軟蚵仔大腸麵線，比起台灣食個味就爭少少，但好過八xx 集肉燥青菜滷味拼盤，好似唔太美觀玉米起司蛋餅，朋友話好正，好芝士香菇旗魚丸湯，但食落去似貢丸，可能加左香菇爆蛋雞肉飯，一路以為係咩來，原來係太陽蛋加雞絲皮蛋豆腐有驚喜，本身賣相唔吸引，但食落口又唔差，送飯一流九份竽圓(冷)，由於一早就叫左，食完之後d冰都開始溶了，但味道都可以

又係喺東張西望見佢介紹過佢個珍珠奶茶，好出名。我梗係要試吓啦今次終於有機會！入到去見到裝修好別緻，好有台灣舊式風味，好似置身一個小嘅夜市咁樣。令人更加掛住台灣啊！職員都係講國語，真係台式風味嘅口音，唔通職員都係會請返台灣人🧐先講滷肉飯同埋波仔大腸麵線。滷肉飯味道幾香濃，細細碗一人一碗啱啱。而麵線就係我去台灣必食同埋好鍾意食！但係香港好少有，喺呢度終於食到！成碗麵線係好香蒜頭味，味道豐富。之後仲叫咗一個鹽酥雞同埋九份芋圓。鹽酥雞都係台灣夜市必食！味道好香椒鹽味，超級惹味九份芋圓仲配有紅豆花生等餡料，好有層次。最後當然唔少得兩杯最鍾意嘅珍珠奶茶啦！珍珠大小適中，茶底都算滑。另外最開心嘅就係喺台灣餐廳有嘅好處：就係可以聽到我最鍾意嘅S.H.E同埋Hebe嘅歌啦分別聽咗Hebe翻唱林俊傑的《當你》仲有女神自己嘅《還是要幸福》同埋S.H.E的《戀人未滿》聽到我勁興奮超幸福啊！提提大家記得喺觀塘店記得要由後門入呀：）

熟我既朋友都知我星期六等埋男友收工一齊去食個晏 !! 今日佢同事話同我地一齊食 ~~ 仲提議話好耐冇去阿元，去食下添 !! 黎到竟然要等位 !! 唔緊要，好快就好位喇 ... 但勁爆笑 ... 佢俾左個佢地點菜入機既枱我地坐 ... 但又唔叫我地唔好坐果個位 ... 4人枱得 3張櫈 !! 咁一定係坐果D位 ... 坐底仲要俾人話 ... 超 O 咀 ...Anyway 唔會打擾我地食野既雅慶，只要你食物會好食 !! 我地都仲會黎 ~~ 我地叫左 兩個鹵肉飯 / 大腸麵線 / 炸尤魚 / 甜不辣拼盤/ 肉燥青菜 !!鹵肉飯比之前差左少少，可能今日廚師有D失準 !! 但炸尤魚同拼盤都好味 !! 都仲係好地道既味道 !! 我俾人話我做咩去到台灣唔食大腸麵線，要係香港食 ~~ 好簡單 !! 突然間思鄉係需要搵野替代一下 !! 今日唯一要壇既野係...男友叫左杯 仙草凍奶茶，一支飲管 ... 好難可以吸到上黎，提議店主下次都可以問客人要唔要匙庚 !

今日同朋友去觀塘行街，我提議去食阿元來了，因為想試好耐，朋友帶路所以唔算太難搵，間鋪既裝修好似置身台灣一樣，兩個人叫左一碗魯肉飯，一碗蚵仔大腸麵線，一杯珍珠奶茶及一杯芒果綠茶，啲野食都算得得幾快，兩個人都係食左一百蚊左右，好抵食！

之前見到雜誌介紹，但一直未有機會試. 星期五的午膳時間 12:15pm 黎到便當車前面暫時未需要排隊. 正👍🏻 唔洗排隊拿拿臨買完可以返公司開餐. 我揀左雞扒便當. 之後職員叫我揀三款小菜. （炒雞蛋，煮冬瓜，綠色葉嘅菜，泡菜，頌有一款忘記了）拎到返公司就影一影個便當真面目比大家睇. $55 有超大雞扒，三個小菜，醃菜同白飯（好似有少量滷肉飯汁咁）. 以份量黎計係勁扺，女仔無可能食得晒，男仔/食肉獸都會好滿足. 雞扒係好傳統台灣炸雞，有厚嘅炸漿皮. 但雞扒係之前炸好左，所以到我食嘅時候只有餘温. 因為唔係好熱，所以好快會有油膩感. 同埋唔知點解食到厚肉部份，有少少‘騷’味炒雞蛋係炒至全熟的厚身雞蛋. 加左紅蘿蔔絲. 所以望落好靚綠色葉嘅菜係鹹鹹地帶有麻油香味. 好食. 不過我唔肯定係咩菜又似菠菜又似A菜煮冬瓜係我最鐘意嘅小菜. 又鹹又甜咁. 好似甜豉油煮到冬瓜軟硬適中. 飯佢嘅飯上面配左一片好似豬肉捲切片的肉. 都幾好食. 白飯方面，係用比較圓身的米. 食落口有少少甜味同比較軟熟. 同埋有淋少少似滷肉飯的汁. 所以非常易入口. 好快食晒黎個便當係合格！下次可以考慮食另一款便當. 有一個

第二次吃阿元來了.第一次吃的時候是3月頭的時候, 那時點了蚵仔煎、魯肉飯、粿條、鹵水拼盤和芋圓,味道都很不錯, 蚵仔煎更是口感Q彈、充滿台灣風味, 可是這次三個月後再來, 質素卻大不如前, 不知道是否因新開了分店而師傅轉了?整體質素直線下降.

其實"阿元來了"已開在觀塘有一段時間自己沒有試過, 這是第一次內部佈置很復古平時經常聽到要排長龍，所以慢慢未去今次好好彩。我地星期六早少少到大約12點左右唔洗等位，即刻有得坐香菇肉羹米粉($45)分量上唔會太多。女生岩岩好酥炸魷魚 ($39)感覺上油膩感比較重因為肉眼都看到好多油上菜前無咩點隔但有個好處是即整。熱辣辣肉鬆芝士蛋餅 ($35)我個人最期待既蛋餅。一直記掛住台灣蛋餅。好軟好香蛋味即叫即整。加上醬汁好配肉鬆芝士其實成餐幾好食。不過價格有點高間中一次就可以

「阿元來了」唔係第一次食，西環店初開業已食過，佢有地道風味，但如果同「請坐」（已結業）比較仍有段距離。素聞觀塘分店裝修更具特色，又闊落d，雖然地鐵站行去有點遠（介乎觀塘與牛頭角之間），不過見識下都無妨。雖然預左要排隊，但因為佢係工廈入面，排隊的位置好焗，夏天排都幾辛苦。入到去，裝修的確好有台式懷舊氣氛，大排檔、車站、雜貨店等等都細心佈置過，樓底又高，亦唔需要搭枱，都坐得幾舒服。唯一嘛，就係佢有限時，坐左唔夠一個鐘就畀佢催埋單，有點掃興。食物呢，味道大部分都ok的，魯肉飯最好食，d肉係一條條，唔會好似免治肉咁冇咬口。另外第一次食旗魚黑輪，都係炸魚肉條果類啦，味道一般，旁邊綠色的醬汁賣相有點⋯唔點仲好d。

試過度小月、程班長等等等等既台灣菜，今日終於黎食阿元來了因為地點太難搵了，8點係觀塘落車，行到9點先搵到但9點黎到就完全唔洗等位，落單到送餐既過程都好快。餐廳環境方面好有以前台灣既feel，劃分左火車站、戲院、雜貨店等主題。單睇設計方面都覺得花左好多心思，值得加分！到野食方面喇魯肉飯（$29）、貢丸湯（$20）特別欣賞佢既魯肉飯！魯肉都幾肥，多油，好香口。貢丸湯其實就冇乜特別覺得份量少，但呢個價錢就由佢啦。建議大家嗌翻多啲小食蚵仔煎（$35）、塩酥雞（$35）蚵仔煎啲蠔仔份量雖然少，但勝在大粒係第一次食蚵仔蠔會感覺到啲蠔仔係新鮮同有汁而塩酥雞個鹹味就岩岩好！冇炸到乾曬身，咬落仲有少少肉汁加埋件雞本身嫩，確實不錯！無論係野食定係環境都絕對值得一讚一定會再翻黎！不過提提大家，紙巾係要另外比錢。同埋滿$200先可以用信用卡、Apple Pay等等等等。同女朋友一心諗住用apply pay比，點知唔過$200差啲唔夠錢比要留低洗碗。。。

阿元來了，第一次係食西營盤既分店，店鋪太細，而且平日夜晚排隊排起碼半小時，但坐低限時又係半小時，實在令人試過一次就不會再想試第二次。入正題，同樣的阿元來了，開到黎觀塘工業區，雖然依然人頭湧湧，但地方可大很多，而且裝修同佈置都好似台中某些台灣懷舊風既食店，單單係環境已遠勝西環店。再講返食物，午飯時間同晚飯時間既餐牌是不一樣的。午飯時間有蛋餅全店走懷舊風格，地方闊落肉丸湯，無咩特別，只係想飲湯魯肉飯係好吃，跟西環店同樣出色，魯肉不會太肥但好香好林蚵仔大腸麵線，這個不錯，但當然同台北阿宗麵線重有段距離肉鬆蛋餅，非常好食，足料，外層既蛋都煎得岩岩好蚵仔煎，個人覺得一般。。。太散。。。呢個好似糯米飯既，叫高雄米糕，真係好似食糯米雞咁，無咩特別芋圓，有桂花香味既糖水，芋圓都算有q彈感覺另外我同朋友都有叫飲品，佢既香芋奶茶，好飲呀總括，呢間分店，好過西環好多倍，建議想試阿元來了既人黎呢間，因為都無咁快比人趕走而且食物質素我覺得好似重好過西環果間。。。

I have finally visited this famous Taiwanese restaurant that many of my friends recommended. Soooooo excited. I tried few of the typical Taiwanese dishes including the minced pork rice, Taiwanese fried chicken, Oyster omelette. They all tasted like the dishes I ate in Taiwan night market. We also ordered few drinks, one thing worth mentioning is that the drinks taste really sweet so it’s better to select the sugar amount when you order

住係呢頭咁耐, 其實都好少係牛頭角食飯難得依家連公司都係埋呢頭.今日LUNCH 就約個FD 黎呢度~真係開左咁耐, 第一次黎食, 平時係有經過呢條街, 亦有經過佢外賣個COUNTER, 但原來要入去坐呢, 係要兜去後巷先入到去既. 好神秘咁~店內好有特色~ 又係畀人打卡用~第一次黎.. 真係唔知食乜.呢張點餐紙真係好有台灣味~只可惜佢地係港幣唔係台幣咋~ XD朋友話擔仔麵唔差, 咁就叫左個試下.我就中意揀小食多D~台南擔仔麵 $35, 香芋奶茶$23, 冬瓜檸檬 $23原先諗住一個麵SHARE 食, 但原來都幾細, 所以上左一碗後, 再追加多一碗, 另一碗要粿條~肉鬆起司蛋餅 $30呢個一份有4件仔, 頭同尾係冇乜料, 中間個份就足料喇. 好味呀! 肉鬆咸咸地, 同CHEESE 幾夾~重有個酥炸魷魚 $39 係我最愛既味道呀! 好中意食炸魷魚~~~~ 下次黎可能會再叫一樣既小食, 但就會試下叫飯食!今日唔想食飯所以試麵先~我星期六12點去到, 早去到未爆, 重可揀位坐.到我地食完後出返去, 已經排開巷了~~~~原來開左咁耐都重咁爆既, 估唔到, 因為呢個位講真唔係太就腳.好在我黎得早咋

唔知食咩好？一定要食阿元來了！因為真係好好食，而且仲唔貴，非常適合女仔嘅雞仔肚！地址唔容易搵，行左好耐行到阿元嘅外賣店，好才阿元嘅員工講點行過去我地先冇迷路。我同fd一點幾到，都要等，不過好快，5分鐘就進的了。一進到去覺得好有feel！好鍾意個裝修同環境，店員應該有d係台灣人，因為有d講普通話。兩個女仔點左魯肉飯、蚵仔大腸麵線、鹽酥雞、鳳梨青茶、百香果綠茶。魯肉飯一定要點！量同屋企食飯嘅碗一樣小，女仔一個人食就飽了，魯肉我覺得唔會肥，送飯岩岩好。蚵仔大腸麵線，我同fd都覺得麻麻地，冇咩特別。鹽酥雞就一定要點啦！我覺得同其他地方嘅鹽酥雞味道好唔同，好好味！聽講酥炸魷魚都好好食，無奈兩個女仔食唔曬所以冇點到！下次一定要食飲品我覺得一般，應該冇點到好食嘅。

一直都好想嘗試阿元來了。耐何每次經過都大排長龍🙈早前有機會叫外賣，一於向朋友提議阿元來了。是次外賣令我感到驚嘆，實在估唔到外賣都咁好食。試完外賣一直念念不忘，決定要黎一次堂食。趁星期六午飯時間相約朋友到阿元，幸好未有長龍。一坐低發現店舖裝飾別有一番風味，感覺非常懷舊。當日點左 - 台南擔仔麵，酥炸魷魚，肉鬆芝士蛋餅食物到齊後我地怕唔夠...所以又點左個台南擔仔粿條但食物令我有點失望粿條同麵比起明顯油好多...至於酥炸魷魚竟然唔及之前外賣鹽酥雞咁乾爽，食到最後幾條我已經唔敢再食...因為見到油光滿滿肉鬆芝士蛋餅..口感比較軟，肉鬆集中係中間。。老實說今次堂食竟然比起外賣令我有點失望.. 食物唔係全熱仲要好油...芋香奶茶，檸檬冬瓜茶。朋友說芋香奶茶唔會太甜，幾好飲。本人大愛冬瓜茶，但年紀漸長都開始唔敢飲太甜。所以就點左檸檬冬瓜茶（自己欺騙自己，咪又係咁多糖🤦🏻‍♀️）飲品絕對冇失望，甜酸恰到好處仲飲到冬瓜茶香味我估...我下次都係叫番外賣速遞算