阿元來了 (鴻圖道)

营业中

休息中

喺觀塘番工嘅好處就係四周圍都有好多美食,今日就同同事行咗過嚟阿元來了食午餐,懷緬一下台灣嘅味道🇹🇼 估唔到落大雨都仲有一條排隊嘅人龍,可想而知呢間舖嘅威力都唔小,趕住時間要番公司嘅朋友真係要預早小小出嚟喇。我哋都大約等咗差唔多20分鐘,臨去到門口職員小姐就會拎張點菜單同埋筆俾我哋預早揀選食物,咁到時坐低咗之後就好快有得食啦。 今日我哋得三條友,所以就叫咗兩個魯肉飯+一個台南擔仔粿條+一份鹽酥雞,佢哋兩個都飲香芋珍珠奶茶而我就試咗杯黑糖牛奶珍珠。 魯肉飯一如以往咁好味,拎到埋嚟嘅時候賣相已經好吸引,成個面都有滿滿嘅魯肉碎,我哋share食嘅話都會撈一撈佢,等啲飯同埋肉汁可以平均分佈,啲米好似珍珠米咁,一粒粒口感軟熟,熱辣辣真係好滿足我哋第一次試呢碗台南擔仔粿條,原來粿條嘅質感好似河粉同腸粉嘅朋友咁,白色一塊塊比較濶,拌埋啲肉燥一齊食,另外仲有半隻滷蛋一隻蝦同埋肉丸,呢個味道就普通啲,唔算好突出。鹽酥雞就正喇,炸到啱啱好,卜卜脆,又唔會太油太乾,幾乎次次嚟都會叫呢款小食 至於我杯黑糖牛奶珍珠,我叫咗小冰微糖,味道啱啱好,好重奶味,如果同"名牌"相比,咁當然質素係有一段距離啦,不過喜歡呢度嘅

聽同事講過阿元來了好多次，終於的起心肝行去食，因為距離公司有啲遠😂12:40幾分去到後門已經見到有人排隊，排隊期間可能因為天氣熱，店員仲拎左細細杯既冬瓜茶派俾我地飲～一入到去..嘩，成間餐廳裝修都好有特色。不過就啲位太有特色，唔係咁好坐，都比較迫。如果拎多個袋都無位放。不過可能因為咁，啲人多數好快食完就會走，所以變相等位都唔會等太耐。聽聞一定要試佢個魯肉飯。如果怕肥膩既朋友就唔好叫啦。因為有好多肥肉，好香好正對於個麵線，我就無咩特別感受～我地一直唔知個甜不辣係咩，雖然食完都唔係好知😂，不過幾好食，可以一試。蛋餅好食啊，記得要襯熱食～下次我地會叫外賣自取架啦。因為..靚係靚，但真係坐得唔舒服😂😂

Feels like you have been to Taiwan in the old days when you come to Ah Yuan. The drinks are awesome especially pearl milk tea and honey lemon tea. Sweetness of drinks has 5 different degrees depend on your preference, from non-sweet to normal. Braised pork rice, pork meat ball soup and deep fried squid ball are must try items. The braised pork is soft and the fatty skin can mix with rice which comes perfect. Oyster omelette is ok but the starch and rice flour with the omelette in Taiwan tastes b

呢間分店比較大，排隊唔使等咁耐，我地收工時間7點幾到都係等左10分鐘就有位啦🙆🏻🙆🏻🙆🏻2個人試左幾樣野食👇🏻台灣香腸─有台灣味道，加埋d蒜味，唔錯，但如果係成條香腸拎住食，仲有風味😌魯肉飯─肥瘦適中，有豬油香味❗️台南擔仔米粉─味道清淡，有興趣可以一試‼️香菇旗魚丸湯─普普通通，不過不失🙆🏻但叫左2杯野飲，有我最鐘意既香芋珍珠奶茶❤️2個人埋單都唔使HKD 200h，性價比幾高😈

Weekday下午2點去阿元食lunch，今次排咗大概10分鐘就入得，比平日快咗。👑 魯肉飯每次食台灣菜都必叫嘅魯肉飯，碗飯睇落偏細，但女孩子食算夠飽，魯肉都幾足料，肥瘦各佔一半，好有口感，好入味，好惹味！😍呢度嘅裝潢好有懷舊感覺，一個一流嘅影相地方，可能lunch time好多人，full晒，想影下環境相都唔容易。另外餐廳係用紙嚟點餐，飲品紙有d難填，如果幾個朋友揀中同一款飲品，但各自嘅要求唔同（如：凍+少冰 / 凍+走冰 / 凍+少甜），填同一張會有d混亂。不過整體嚟講，阿元係值得食完再食嘅 ☺️

「阿元來了」的大名一早已聽過，但對於九龍東的居民我來說，西環店始終太遠了。所以在觀塘開分店後，一直都搵機會要去食！星期五晚來到，門口長長人龍，估唔到過左一段時間，阿元依然受歡迎！天氣炎熱，店子挺貼心提供紙扇給排隊的人。工廠區巷子內等了30分鐘，才能入座。這次點了爆蛋雞肉飯、魯肉飯、大腸拼小腸，和甜品九份芋圓冰。食物質素很不錯，對得起價格。最印象深刻，最好味的是魯肉飯，跟在台灣吃到的味道很接近，魯肉入味，粒粒分明，亦不會過膩，大讚

即興去左阿元，之前一直聽友人推介，心郁郁想食蛋餅，點知去到已經六點無得食唯有叫魯肉飯加左杯野飲同甜不辣，本身見咁嘅價錢應該有一定份量，個飯一上黎，嘩，小朋友碗🙄🙄🙄🙄 杯野飲太普通，唔記得左係咩， 甜不辣同我喺台灣食嘅完全唔同，好油，好多味粉，得魯肉飯正常少少，味道都ok，但食完唔夠飽。。。。。。 結果又嗌多左個魚羹，以前喺台灣住都幾鐘意食，鐘意佢個味清清地，魚味鮮甜，點知中伏 一入口，頂，酸辣湯？勁酸，個湯底完全唔掂！！！ 試下個魚條，都ok, 係即炸仲脆脆地放入湯入面， 即刻拯救左d魚條出黎，費事俾個湯底玷汙佢，結果放棄左個湯羮😑😑😑個環境，服務都ok,但食物試過一次就夠😩😩😩

禮拜六晚同朋友兩個人約左試呢間台式餐廳, 6:45PM到達, 時間算早, 但都要排隊排左20分鐘左右~~被安排座位前店員會俾張餐單我地預先選擇食物, 入到去覺得成個裝修好靚好特別, 好似真係置身台灣咁😍我地叫左個魯肉飯, 刈包, 酥炸魷魚同芋圓, 野食都好快就上左👏我自己本身好中意食刈包, 因為D麵包好鬆軟, 而且裡面舊肉又入味, 夾埋一齊好好食! ☺☺魷魚都係熱辣辣, D炸粉唔會太厚~~!👍🏻魯肉飯份量適中, D肉入口都好淋至於個芋圓呢, $30大大碗, 好抵又好味!! 朋友仲忍唔住打包一個第2日食🙈呢間台式餐廳絕對要俾個LIKE佢! 難怪咁多人排隊.... 👍🏻👍🏻👍🏻

自從觀塘開左分店阿元之後，隔無耐就會去食，佢地d滷肉飯同鹽酥雞真係會令到我食上癮，每次去都係必點！之前係工業區食過一次另一間台式野食，叫小時x,網上吹到好好食，嘩，食完勁難食，果次食完令到我更加想食阿元，果間同阿元真係無得比。真係見到老闆係好俾個心出來，佢地d食物你真係食得出，同埋d服務員態度好好，唔似得果間小時x,幾個著校服後生仔囡，坐係度自己搞牙較，懶到死。阿元我會繼續來食😋祝老闆繼續開分店，令到更加多人食到你食物。

其實都唔係第一次嚟阿元來了，第一次嚟既時候撞正佢爆水喉定唔知咩，冇開門😕明明睇住佢ig profile打既地址嚟都唔見佢有講話維修唔開，搞到山長水遠嚟到冇飯食，附近又係工廠區夜晚冇咩食肆開門，唔知要去邊度搵食。第二次嚟到又係夜晚，係條後巷排左好耐先終於有位，仲要係同對情侶搭台，一張小方桌坐4人都咪話唔尷尬😅好多人嚟到都係影下佢既裝修打個卡，但可能只係食個芋圓做甜品。我地嚟食晚餐既當然就叫左個焢肉飯啦，嚟到發現份量意外地細，男仔食絕對唔夠，仲要油令令咁😰個麵線就不過不失，想食台灣野呢個價錢香港有更多更好既選擇

返學前約埋同學仔出嚟食嘢，四個人一齊去食啦，平時路過都唔覺眼呢度有間臺灣食店，因為入口唔係正門，記得要走後門呀， 同學仔話都見過好多人等位，5:45PM入去食應該唔使等位。估唔到工廠區裏邊有間佈置得幾骨子嘅臺灣小食。每樣餸菜，粉麵都係細細碗，大家要有心理準備。同學仔話佈置比起食物好好多，呢間食店，應該仲有改善食物進步嘅空間, 仲話睇咗好多人嘅食評，可能因為咁抱過高祈望來試。香菇肉羹麵線 + 楊桃汁走冰。肉羹好似係豬肉碎，落調味再煮返一舊舊，所以覺得啲肉比較腍，呢碗係粗麵線，打芡湯多，麵線少同比較腍，無咩咬口，每人分到一兩啖，楊桃汁祇有輕微楊桃味。柯仔大腸麵線，加熱茉莉綠茶。呢碗係幼麵線，比較好食，柯仔都多幾粒, 大腸乾淨, 茉莉綠茶嘅茉莉比較香，綠茶味需要加多一點啊! 但係都幾好飲。三色水餃併熱芋圓。白色餃子裏邊個餡係椰菜，味道一般，皮比較厚, 黃色餃子裏面有粟米，芋圓寫係臺灣直送，芋圓似糯米粉團，同珍珠一樣咬落煙韌，因為食咗一細啖覺得較甜，所以無再食。後加鹽酥雞，雞比較細粒，雞皮薄，炸得香口，微鹹，好味。再加個柯仔煎，滷肉飯。望落去屙仔煎個樣係靚嘅，食落去冇乜味道，木薯粉勁多，好似食

地點有點偏，裝修有特式但冷氣不足，真的像似在夜市一邊流著汗一邊吃，食物好咸好油，份量少，價錢略貴。魯肉飯29元一飯碗份量，但油到吃不到，只能吃一半，碗底全是油，鹽酥雞OK可以，炸花枝丸不彈牙太粉，飲品一般，鹵水拼盆咸到吃完覺得會腎虧。

阿元開咗咁耐都未試過，經常聽同事講佢嘅嘢飲都幾好飲喎🤣同事極力推介黑糖牛奶珍珠，所以經過就買咗杯試吓。講真我平時好怕牛奶嘅味道，但呢杯我飲到喎。黑糖味非常濃郁，珍珠係用黑糖整嘅，好QQ，我叫咗小糖，味道剛剛好。有啲地方買呢類飲品，明明叫咗少甜都好似無少甜到咁㗎嘛😜

每次去到阿元來了，都會有一種去咗台灣嘅感覺，呢度嘅侍應大部份都會講國語，態度非常親切，而且裝潢亦都花咗唔少心思，頗有台灣味道。我最常食嘅台灣菜，唔少得蛋餅。最鍾意蛋餅有一種軟糯煙韌口感，加上香甜醬汁，味道已經極佳。我點左一份粟米芝士蛋餅，整體食落香甜，仲有芝士味做陪襯，不過自己一個食會有少少膩。魯肉飯都唔錯㗎，豬肉鹹香適中，肥瘦得宜，仲有一片酸蘿蔔降低膩感。每次食台灣野，我都會叫一碗貢丸湯。如果加多兩條青菜就好啦。

個裝修好得意，打卡最啱。食物味道可以，吾會好食到要排隊黎食，不過同朋友聚餐傾計環境幾好。我本身喜歡食台灣臭豆腐，佢個臭豆腐味道都好地道。食物份量超小，大胃王吾適合。