阿元來了 (鴻圖道)

营业中

休息中

來過兩次，一直抱怨為什麼會咁早就關門，有無咁巴閉，今日先發現，原來人地一直營業中，只係我自己以為門口個拉閘就係無開，so 白痴😂#魯肉飯#鹽酥雞#百果仙草綠茶#炸魷魚鬚

一直都好中意食台灣魯肉飯今日收工就去咗近近地既觀塘食我收6點去到都係6點半左右所以人唔多好快就有位叫咗個鹽酥雞share食，好好食個皮炸得好脆，肉都好嫩再黎一個魯肉飯最後個台灣香腸都好香蒜味，不過偏貴，飲品一般

平日夜晚來食，餐廳內都坐滿了人，餐廳唔算好大但有台灣小店感覺。食物選擇都多，可惜夜晚無肉鬆蛋餅，好想再食。我叫左4樣野食，首先要推介阿元魯肉飯，細細粒魯肉好入味，又唔會有好多肥膏，魯肉汁份量剛剛好，仲有菜，魯水蛋，甜酸蘿蔔，味道好豐富，必食沙茶魷魚焿麵，魷魚爽口，但整個麵味道較淡，個湯比較澀，有小小失望。本來係點左甘梅地瓜條，但係地瓜條賣哂，所以轉左地瓜球，有芋頭球同地瓜球，外脆內軟又夠味，再加上甘梅粉，係絕配，值得一試。芋泥蛋黃卷，個皮好脆，入面成個都係芋泥包住小小蛋黃，好香口，好好食，但食完一個都有d濟，最好就share食啦。

今日決定同朋友，一行四個人齊齊去食阿元來了，因為平日既十二點半開始，人龍就會開始聚集起來，所以我地亦提早了，在十二時左右就入到空曠既阿元來了坐低左。 考慮左一陣，大家都係致想食佢既招牌貨，皇牌魯肉飯,大家記得係有個讚讚符號嗰個，唔好搞錯阿。唔洗太耐，四個香噴噴既飯就到，佢既肉汁做得足夠濃郁出色，亦會太多，份量岩岩好足夠混合飯，十非滿足入面唔知有魯肉 亦有適量既配菜使食個唔會有味覺上既厭倦。唯一可惜既係份相信對於所有男仔及大部分女仔都唔夠，要加小食呢。

呢晚做孝順女同媽媽出去食飯☺️，因為佢只食中餐，所以決定帶佢嚟阿元來了試下台灣嘢，之前佢喺第三街嗰時我就成日食，都覺得ok。觀塘店其實近牛頭角站多啲，估唔到星期六黃昏工廠區都咁多人，客似雲來，食客無停過，長期滿座，不愧為打卡點。餐廳比起以前真係大N倍，坐多好多人，裝修同以前一樣都係超吸睛✨，真心會忍唔住係咁影相。望望餐牌，發現食物種類比以前多，而好多招牌亦都繼續保留喺到👍，但價錢就貴咗唔少，咁當然佢都係維持$2x-$4x就有一樣主食/小食，因為始終台灣食物定價較低，而份量亦較為的骰，所以我哋叫咗四樣食物同一杯飲品share。首先係魯肉飯($30)，賣相同味道同以前差唔多，飯夠多汁，魯肉亦都幾香半肥瘦，但醃漬得一嚿...。另外份量好似細咗🤔，真係白飯size，但眼見其他枱點解個碗大啲嘅，又係飯嚟，先諗返起應該係雞肉飯或者「阿元魯肉飯」，但講真我齋睇menu點知有無阿元二字個分別係乜呢？就算我上網睇咗都係見多嚿鹵水豆腐，👻鬼知原來連個size都唔同咩，我媽un咗好耐話早知比多$10😅。第二樣係香菇肉羹米粉($45)，呢個就大碗啲，但好杰下好糊😥，一撩起啲米粉發現勁大pat，夾極都夾唔開，而且

今天突然心血來潮，去"阿元" tea當天下午人流較少不用等位，馬上可入座😄叫了兩客小食~肉鬆起司蛋卷和鹽酥雞,还有兩杯飲料芒果多多及苿莉奶茶。蛋卷:沙律醬加香酥肉鬆滲透蛋香鹽酥雞:炸粉有點厚茉莉奶茶:茉莉茶香，不錯芒果多多:由於走冰关係，超甜總括來說，价錢親民，食物錯，佈置怀舊，环境乾淨，坐得舒適，值得推介😄

阿元滷肉飯($40)-面頭鋪滿滷肉，有D菜同埋一大舊既豆腐，滷肉分量好足，將滷肉撈好之後每啖飯都食到滷肉，夠嫩滑半肥瘦岩岩好，送飯一流。舊豆腐都大大件好好食~香菇肉羹米粉($45) -望落好細碗，但原來米粉份量都幾多下，女仔黎講已經夠晒飽！配上去D香菇肉羹，真係好正中!!鹽酥雞($37) -鹽酥雞炸得岩岩好。唔係好多炸粉，雞肉都好嫩滑，調味料都好足，係香港已經算係唔錯既鹽酥雞。唯一唔好既係分量太少!百香果紅茶(+10) -個人好怕D飲品好甜，所以叫左個最少既甜度~~微甜~~ 出到黎既效果岩岩好，微甜得黎有百香果既酸同清新，同紅茶好夾!餐廳地方- 有少少偏僻, 但估唔到佢鋪頭入邊嘅佈置係好有台灣特色，有夜市既感覺。感覺都幾熱鬧~~

午餐來了這間觀塘隱世台式小店！竟然今天唔洗等就有位！一個人食果然容易好多✌🏻平時排隊排到街外，估唔到裡面寬敞搭台都坐得舒服，整個店都是台式佈置，點菜時侍應都是滿腔台式譜通話，真像去返台灣！這台式慢慢的節奏令我吃飽也繼續坐多會呼吸新空氣！在這另類小店，埋單時忍不住跟收銀員：你們的店很出名唷！她說：真係唔知點解咁出名，好忙做唔停😂好可愛！難得在觀塘區有寫意小店，下次我都會再來！#呼吸新空氣

作為台灣過江龍，每日午市都大排長龍，星期六經過咁啱唔洗排隊，又未過5p.m.，可以一嚐出名嘅台灣蛋餅。1\焢肉飯$45五花肉肥瘦比例均衡，肥肉Q彈唔油膩，瘦肉紮實美口。入口即融，肉質軟嫩，皮脂口感黏稠，膠質豐富。配送熱辣辣嘅白飯大大啖食，感覺好幸福～(*^o^*)起初以為，只有兩片焢肉加少少魯肉唔夠送飯。後來發現，焢肉魯肉肉汁非常香口，少少都夠用一碗白飯。2\阿元魯肉飯魯肉味道濃郁飄香、甜咸可口，用醬油滷汁煮過嘅五花肉切丁，而非一般肉碎，貼近台灣味道。肥瘦比例適中，唔會過分油膩，肉汁同油脂令口感更香滑，乎合香港口味。滷汁分量剛好，可以撈哂成碗飯。配搭醃漬白蘿蔔同青菜，解決滷肉嘅油膩感。加埋半隻滷水蛋，滋味十足。3\肉鬆起司蛋餅蛋餅即叫即製，外層煎得微微金黃香脆，蛋皮柔韌、頗Q、有咬口。肉鬆香口，蓬鬆、酥脆嘅口感豐富層次。 熱溶嘅起司🧀️令蛋餅食落更加柔嫩潤口，唔會乾噌噌。甜辣醬汁同蛋餅味道好夾，食到舐舐脷。4\彰化肉圓見餐牌推介就一於試試。肉圓味道唔錯，香菇味道突出、香口。可惜唔太鍾意外層口感，質地好黏，但唔算Q。醬汁濃稠，建議減少份量，避免搶走肉圓味道。

相信啊元來了，大家都聽過，係香港出哂名，有幾次去都要排隊！餐廳地方較為偏僻，但為咗一嚐啊元美味，都要花下腳骨力！首先第一樣叫嘅係滷肉飯（細）。面頭鋪滿滷肉，我會將滷肉撈好令每啖飯都有滷肉嘅，真係好好食！成個飯好簡單得滷肉，但就令我食到一粒飯都無滷肉真係白飯小偷！第二樣係烷肉飯！同行朋友一向都唔愛食肥肉，但呢個飯佢讚不絕口，話肥嘅部分完全無啫喱嘅感覺，無臭味，入口即化！我都試咗，果然係入口即化，又係可以配上好多飯第三樣百香果綠茶，叫咗少冰少甜，啱啱好！有百香果嘅清新，同綠茶好夾，唔係死甜，糖漿味！第四樣就有失望，係九份芋圓。本人好喜歡食煙韌野，芋圓係我至愛！黎過幾次食滷肉飯，蛋餅，小食拼盤都無失望，所以對芋圓都有好大期待。點知上到場成碗湯係好清好淡味，仲有啲酸酸地，好怪。芋圓痴埋一舊，不過芋圓味道咬口都尚算合格但個湯真係fail哂，好似用1份紅豆湯沖咗10份水落去。下次黎，我唔會再叫芋圓，失望！其餘就推薦大家食！

#中意嘅請分享請點讚🍻----------😋阿元魯肉飯 $40同普通魯肉飯最大嘅分別係多左半隻滷水蛋同菜。魯肉嘅份量多，食到最後都仲有，魯肉夠嫩滑，半肥瘦適中，送飯一流。😋起司蛋餅 $25😋椰果奶茶 $24呢度係冇午市套餐，所以飲品要另外叫。飲品比較普通，唔太突出，不過食完飯再加杯台式飲品就好滿足。😋胚芽珍珠奶茶 $29----------店內裝修比較特別，好有台灣懷舊風味，有幾位店員仲係台灣人，感覺真係去左台灣咁。我係lunch hour去，所以去到已經大排長龍，不過好快就入到去食。----------🔎阿元來了🚩觀塘鴻圖道28號地下後座🚩西環堅尼地城北街31號地舖

之前都有聽過阿元來了的大名，今次有朋友帶路一嘗台灣風味美食！一到餐廳，就能見到懷舊的台灣裝潢，散發住一陣陣的台味😂朋友極力推薦這裡的蛋餅和魯肉飯！點了芝士玉米蛋餅，蛋餅的皮不會過厚，內裡夾著香濃的芝士加上清新的粟米粒，食畢一整份都不會覺得滯。(忘了拍照) 魯肉飯小巧一碗，肉燥肥瘦適中，而且肉汁豐富，整碗飯都能沾到肉汁，令人一口接著一口！及後見到隔壁食著擔仔麵又心思思想試，麵條口感彈牙，再配上肉燥，令整碗麵都滲透著台南風味，而貢丸都夠彈牙，不會有過多肥肉！整體來說，餐點份量不會好多，男士未必夠飽，不過就適合想試勻幾款美食的朋友！

我第一次可以比同一個員工激嬲幾次，真係唔寫條氣都唔順。女員工，金色highlight短髮，帶圓框眼鏡，操流利國語。我們2位約晚上8:30到，都想望下有無細枱可以得我們坐，點知望都未望，她已經命令式叫我們坐大圓枱。她說話高音，尖銳，無尾音，無請、謝謝、可不可以呢d字眼，簡單講就係無禮貌。坐低後，見到隔離細枱客人起身，我們坐過去，她再一次命令式叫我們坐另一張細枱，因為她想拍枱做大枱比客。好，我們坐低照食野。約到9點，她再次命令我們埋單先要計數。我問她攞個盒袋走食物，我已伸手想接盒但她無視我，直接放在枱面，好野！坐到9:30，她再一次命令我們離開，當時已經趕走了不少客人，她準備好哂清潔劑、抹布想要clear我張枱，下欄盤已經放係凳上，比哂signal我們好快d過主。呢位員工真係經典中之經典，可以用一種命令式、毫無禮貌咁同客人溝通，我們坐不夠一個鐘已經比她激嬲幾次，她的面口咀臉就更加唔好講。。。雖然聽得出操著台灣口音的普通話，但絕對無台灣人基本的禮貌，以及一間台灣餐廳基本的待客態度！人均消費唔係平，都$120，但享受住咁嘅服務態度，加上Disco的澎湃刺耳音樂，已經完全收到哂要”趕客”的意思。

這家店一直也特別有名，今天剛巧去觀塘所以就去嚐嚐。我們是平日中午來的，沒想到人也挺多的，基本上滿座，需要搭臺。我點了一碗小的滷肉飯再加一份鹽酥雞。我覺得都不錯，但讓我特別想要推薦的是它家家的蛋餅～我點的是配肉鬆蛋的，它的皮真的超有台灣的感覺～整個配下來覺得特別好吃！必點的！！！此外，它的冬瓜茶珍珠也很好喝！推薦！！！

食台灣野  少不免要去阿元啦!之前都真係太多人排  唔想等甘耐  今次終於有時間 一定要幫襯試下味!!我叫左一個肉燥飯，要肥版 (脂肪好正)佢D肉粒雖然係肥得，但佢配埋白飯食 減輕左肥膩感  而且又飽肚 真係唔錯下次可能會再試埋其他炸既小食 !