阿元來了 (鴻圖道)

营业中

休息中

冇得飛台灣，成日都好掛住台灣嘢食。。其實本身係想來食麵線，嚟到先知道原來得下午時段有得食餐廳嘅設計好得意環境亦都好有氣氛，好有上兩個年代嘅感覺，叫咗個代表性啲嘅嘢食滷肉飯黎試吓，再加個鹽酥雞。見到個餐牌有樣嘢好特別既珍珠奶茶酥心諗一定係好伏啦，酥皮裏面仲要係甜嘅，結果又唔係太差喎，不過又未好味到我要返嚟食。希望可以好快再黎試麵線同埋蛋餅，因為香港真係唔多地方有得食，仲要有水準嘅台灣餐廳呢間真係我喜愛

上星期夜晚嚟到冇得食麵線同蛋餅，今日晏晝得閒即刻沖去食午餐。照舊餐廳都係爆場，不過好彩咁啱有張枱就唔使等位。Lunch time真係超多人😅😅例牌嗌返杯冬瓜茶飲住等嘢食黎🥰上星期先食完滷肉飯所以今日試吓新野，今日試爆蛋雞肉飯👍🏻👍🏻👍🏻值得推介，好香，好似仲係用咗豬油撈飯咁😋另外叫咗個蚵仔大腸米線呢個size真係唔夠我食，因為真係好好食呀！如果有得加醋同蒜就仲好😋其實今次主要係想黎試蛋餅，記得記得要晏晝先有麵線同蛋餅啊大家☀️由於太吸引所以咪影得切相就已經食咗😂粟米+肉鬆配蛋餅真係好夾❤️

難得去觀塘，搵下有咩食，一路行一路openrice下，見有台灣野係附近，又幾抵食就去試下。有兩邊入口，入到去收銀位姐姐叫我地去第二邊等位，我地第一個，好彩，因為等位區都幾悶熱下，十分鐘左右有位，都無咩冷氣，叫杯凍飲先，台灣奶茶唔少得。叫左碗細滷肉飯，大腸麵線，鹽酥雞，同埋一份蛋卷（我見佢話個皮台灣空運）麵線—-都幾似喺台灣食嘅味道，份量都OK大腸都入味滷肉飯——-好好食，唔算太肥同埋佢細細粒（比肉燥大粒少少）但咸甜適中，飯係我鍾意食既粒粒分明，下次叫大碗既先得鹽酥雞—-即炸，夠熱，炸得乾身，無咩油，唔錯蛋卷叫咗粟米肉鬆——就冇乜嘢特別個皮都煙韌，包唔實，瑋夾就散開了杯芽珍珠奶茶—-好飲，仲可以選擇少甜少冰走冰都得，我一口氣飲左半杯，珍珠幾香甜水果茶—-百香果味好重，一般貴左少少只係唔夠冷氣食到出哂汗，但值得再黎

我們是中午1:30開始排隊，建議可以12:00去到或者2:00打後去食，因為附近比較多OL過去食。2:00呢個時間去就最好，因為沒有什麼人排隊！我們入去感覺環境真係好有feel，嘢食也不太貴，份量也很適中，味道剛剛好，不是濃味個種，但一定不過不失！我們點了 以下幾樣嘢「招牌珍珠奶茶（三分糖）少冰茶味很香！「阿元滷肉飯（招牌）肥瘦相宜，值得試！「台灣擔仔麵」 味道比較清談，不過不失！「鹽酥雞」 炸皮很薄，肉質很滑，正！「滷味拼盤 」 滷水很入味，最喜歡滷水腐！「蜂蜜檸檬愛玉」愛玉很多，味道不會酸！整體食得很開心，途中落單，服務員都很有禮貌咁處理左，都很有耐心解釋！我地食左HKD 205，會考慮再次光臨！

🐾 阿元來了 (觀塘) 🐾-阿元滷肉飯✔️$42台南擔仔米粉✔️$36炸糖不甩拼盤✔️$30蚵仔煎✔️$30雙色芋泥酥✔️-阿元滷肉飯:啲魯肉都OK嘅，都好入味，份量都好多而且佢隻雞蛋超入味好好食👍🏻-台南擔仔米粉 :一樣係份量好多都係食唔晒不過呢個就有少少清淡好似行健康路線咁，佢都係有半隻滷蛋👍🏻👍🏻-炸糖不甩拼盤:我本身就好鍾意食糖不甩嘅，覺得佢煙煙韌韌咁，而且呢個個味都好好食-蚵仔煎:呢個都幾似台灣嗰隻不過啲汁太多可能就令到佢鹹咗少少-雙色芋泥酥：呢個比我想像中好食不過佢如果一次過食嘅話會太溜，所以我同朋友都係食咗一半之後再食啲熟食最後再食佢———————————————(非專業,完全跟據個人口味☺)食物:8/10環境:8/10服務:5/10人均消費:$100———————————————▪店舖名稱: 阿元來了 (觀塘)▪店舖地址:🔸 觀塘鴻圖道28號地下後座-----------------------

我很喜歡LUNCH去阿元來了. 因為環境好似去左一轉台灣一樣。由於疫情未能去旅行，黎一轉阿元來了就好似去左台灣咁。我最喜歡而阿元來了的招牌魯肉飯, 真係非常有台灣風味 – 細細碗—真係台灣咁細細碗。而佢只係HKD 32蚊。我咁細食岩岩好，這家店的魯肉飯上鋪滿了魯肉有肥有瘦，讓人吃了油而不膩，如果太細碗可以叫大魯肉飯，會有半顆滷蛋及菜，同樣是正宗的台式味道。飲品我一向喜歡加錢 (原價)百香果紅茶, 不太甜。今次試了蜜桃紅茶，同樣好味。如果想平一點亦有其他加$10的CHOICE。

阿元來了相信好多人都食過呢間阿元來了🤣🤣，前一排真係超級出名😍，我都唔例外都嚟咗排隊🤣，排咗10分鐘就有位，入到去真係好有feel❣❣.🔥滷肉飯$31一黎到碗嘢比我想像中細😭，有啲貴，不過個賣相幾靚仔❤❤， 肉嘅份量夠你配埋碗飯🤣，可能我大食有啲唔夠飽🤣🤣.你仲可以配好多唔同小食，但我就冇啦因為自己一個食🤣下次黎到會食多幾款野🌟.如果鍾意食滷肉飯同台式野嘅朋友，我喺到高度推介大家試下佢🤣

突然之間好想食台灣嘢食所以就去咗食阿元來了，其實阿元來了都黎左香港好一段時間，而且口碑非常之好👍🏾佢入面嘅裝修充滿着舊式台灣嘅風格，而今日就叫左香菇肉羹米線、蚵仔大腸麵線、玉米起司蛋餅、鳳爪、同埋芋圓。佢樣樣食物分量唔算多，不過就好濃濃嘅台灣味道，香菇肉羹米線同埋蚵仔大腸麵線兩款都重味同好味，不過個人就覺得香菇肉羹米線好味啲，食完仲可以飲埋個湯底😂至於個鳳爪真係出乎意料，原來係滷水鳳爪不過去咗骨，食落雖然冇泰式鳳爪酸酸辣辣 咁開胃不過食落鹹鹹地少少滷水味 作為前菜都幾好！食得台灣野梗係要叫芋圓，佢個芋圓做得算係幾出色，食落好Q彈而且好重地瓜同芋頭味！大家嚟到記得一定要嗌！

喺觀塘開完會肚仔有啲餓，經過呢度，門口已經有幾個人等位，問吓侍應要等幾耐，佢話一位唔使等，咁當然嗱嗱聲入去坐低啦。今日特別肚餓，所以叫咗三樣嘢：招牌阿元魯肉飯、炸花枝丸、鹽酥雞。滷肉飯肥瘦比例大約三七，咁有三成肥膏當然幾滑啦，味道唔錯，仲有半隻蛋，不過嚟嘅時候太肚餓一啖食咗，所以冇影相。炸花枝丸熱辣辣，表面脆脆地，亦都幾有花枝鮮味，俾個讚佢。鹽酥雞又係炸得脆脆地，好香口，有六嚿，不過都比我一下子吃清~全部食物都好味，價錢又唔貴，不過服務一般，但係我都食得好開心。

無得去台灣，就去住人氣台灣餐廳食住野解思鄉啦門口有D難搵，因為o係後巷入面，如果唔係見有人排隊，根本都唔知係入口等左15分鐘，終於入到去叫野食，都係以小食為主2個人一共叫左4個小食，一份芋圓，同埋一杯芋圓奶茶小食方面，叫左個芋泥蛋黃卷，一客有兩件 $37另外叫左個爆芝芝士蛋餅$30，仲有甜不辣拼盤$30 後尾再加左個蒜泥白肉 $40蒜泥白肉同平日米線X仔既口感不一樣，呢個口味比較煮家味重肉軟軟既好好味 朋友仔叫左個九份芋圓$40，都算係足料最尾埋單$190，兩個女仔係飽住行出門口嫁

同Miss W買完車輪餅就過左隔離‘阿元來了‘食午餐，但發現原來可以同時order車輪餅，咁我地咪白白企左15mins😭😭,不過如果唔係都欣賞唔到個製作過程！一入去’阿元來了‘就已經比佢7-80年代戲院裝飾吸引，有好多以前嘅電影海報、標語貼圖等等，非常有趣😁😁我同Miss W一時失策+眼闊肚窄共叫左4樣野+2杯飲品，分別係：1.‘阿元魯肉飯’$42 中形size配有粗粒魯肉、半隻滷蛋、2-3條白菜仔甜咸度適中，明顯遷就左香港人口味變得失去台灣特色，有d可惜😔😔2.‘蚵仔大腸麵線’$40，都係中形size但就滿滿1碗好滿好滿，蚵仔約有5-6隻，大腸就得兩嚿少左d,但非常非常好味，完全就係台灣嘅美味😉😉3.‘爆濃起司蛋餅’$30，蛋餅又係台灣獨有嘅美食，芝士又超多每口都feel到芝士係口內爆漿嘅感覺，好滿足喔😋😋但記得要襯熱食，芝士凍左就唔好食😌4.‘塩酥雞’$37 炸得酥脆，口感唔錯沒有‘銀’口嘅感覺，但炸得唔夠均勻，有幾粒乾左d最後兩杯飲品‘楊桃汁’+‘西柚綠茶‘都較淡味，特別係楊桃汁如果酸度同甜度各加多一度就一定有90分👍🏻👍🏻最後我同Miss W兩位女生都清曬所有食物，雖然好飽但都

最近冇得去旅行，好掛住台灣嘅街頭小食，好彩有阿元來了嘅車輪餅回味台灣。甘岩仲仲緊買三送一，可能試多幾隻味。佢仲要係即叫即整，個餅熱辣辣甘上，誠意十足。⭐️芝麻麻薯餅 & 花生麻薯餅呢款麻薯餅分左芝麻同花生口味，麻薯加熱后好QQ，加埋花生芝麻三重口感，好食！⭐️珍珠奶茶餅珍珠奶茶餅好有驚喜,個餡唔太甜。啲醬食得出奶茶味，珍珠仲係熱嘅Q彈Q彈！真係食得到嘅珍珠奶茶!⭐️奧利奧咖啡餅咖啡味我就覺得麻麻地啦，內餡咖啡味好淡，上面只係一塊普通嘅奧利奧餅，而且仲要係淋左嘅，口感好奇怪。

今天到附近上堂，發現原來阿元來了就在附近，決定去試一試，經常聽朋友說阿元來了在香港是很出名的台灣餐廳，十分期待呀。入到店內，充滿着台灣氣氛的佈置，好像置身於小台灣之中。可是，餐廳有它自己獨特嘅叫餐文化，當我進入餐廳之內，雖然沒有人等位，但餐廳已經客滿了九成，我找到一個位置就坐下，突然一個女店員大聲向我叫道，你要先在這裏待我們安排位置給你，我連忙說不好意思我一位，他便把我安排跟另外兩位食客坐在同一台，我明白他們生意很好，食客經常要等很久才可以有位進食，但對於我這個第一次來這間店吃嘅食客，不太懂他們的規矩，以為是自己找座位坐下的，其實店內並沒有很清楚説明進餐流程的安排，我還是覺得那個女店員的表達可以好一點。說會它的食品，我點了最傳統嘅阿元滷肉飯，味道跟我在台灣吃的差不多，但份量很少，價錢絕對是香港化，我覺得以它這個份量，在牛頭角工業區的後座中可以算是偏貴的。朝聖，一次就夠了。

觀塘嘅阿元來了已經開咗好耐，今日終於有機會試吓！上次夜晚嚟食，發現晚餐嘅食物選擇比午餐少啲，所以今次下晝嚟，就可以試到蚵仔麵線同蛋餅啦！🌿阿元魯肉飯 $42顧名思義，阿元魯肉飯就係阿元來了嘅必食招牌魯肉飯。醬甜肉香嘅滷肉配埋滷蛋同小白菜，真係好有台灣風味！個人認為如果飯多啲仲好，因為個滷肉實在太「送飯」😛🌿 蚵仔大腸麵線 $40由於之前去台灣食過嘅麵線一試難忘，所以嚟之前我非常期待呢個麵線！雖然冇想像中咁好食，但阿元嘅麵線質素都唔差㗎：麵線口感豐富，相比台灣較硬同粗身，蚵仔新鮮大粒，大腸就較薄片同咸。🌿 肉鬆起司蛋餅 $30蛋餅相比其他食品就普通啲，不過呢度嘅醬汁幾好食，又有辣汁，點少少一齊食會開胃啲。🌿 芋泥蛋黃卷 $30呢個芋泥卷意想不到好食！雖然係炸物，但唔會好漏，芋泥餡夠香綿，配埋蛋黃仲多咗咸香味，值得一試！🌿 鹽酥雞 $37鹽酥雞有胡椒鹽香，亦夠香脆，無骨又可以一啖食哂，非常方便！唯一唔好就係份量比較少，得十小舊左右，唔算好抵食。🌿 九份芋圓 $32三色芋圓彈牙好味，入面有芋頭粒，口感豐富，非常推薦！🌿小結：總括嚟講，阿元來了嘅食品都非常有台灣風味，想食台灣嘢嘅時候，就可以嚟

「阿元來了」是一間較受香港人歡迎的店鋪主打台灣美食，我看見在網上很多人推薦今日終於可以來到觀塘試試店舖內的裝潢十分用心，有著名景點十分車站同台灣80年代既用品，十分有懷舊氣息，仿佛好似去到台灣裝潢以懷舊風格設計，令每個位置都可以成為打卡位魯肉飯（細碗）魯肉係肥瘦分明，魯肉鋪滿係飯面，令每一啖飯都食到魯肉同時都食到魯肉既油香味，魯肉汁亦唔會過咸 仲有我鐘意食既黃蘿蔔味道正常，中規中矩 價錢都合理塩酥雞炸得香脆 唔會太厚粉 食落去仲有肉汁 九份芋圓 (冷)芋圓煙韌 有咬口感 但個人認為甜味不足 整個糖水味道偏淡地瓜球（$30）地瓜球係台灣熱門街頭小食，黃蕃薯同紫薯味濃 食落去香脆煙韌地瓜球灑上梅子粉 甜酸既感覺更開胃，特別係地瓜球唔係空心，入面餡料有芋泥紅豆配搭，令味道更豐富。珍珠奶茶有茶香味，珍珠好有咬口感 味道唔會過甜亦算大杯總結: 店鋪內設計用心，感覺好似去左台灣懷舊食堂進食食物方面，味道正常，不過不失!