阿元來了 (鴻圖道)

营业中

休息中

今日到觀塘行街，午飯時間我朋友帶我去觀塘工廠區食台灣小食，我哋叫咗兩碗飯，滷肉飯香氣撲鼻，多汁夠入味，雖然睇落去細細碗但係嗌多個小食就夠飽。另一碗阿元滷肉飯就大碗少少，多咗條菜同半隻滷水蛋，價錢貴$10，加多一個小食，蛋餅入邊有肉鬆同芝士，食落味道好夾。再叫了杯金橘檸檬但係好甜，一杯可以加水變2杯，抵飲。

食阿元係享受，望住別緻的台式裝修，聽住充滿回憶的台灣國語歌曲，間中忍唔住朋友哼幾句，真係有種回到過去嘅感覺。午時堂食要等一段時間，所幸上菜速度快，食完再小抖一陣都唔會遲到。阿元魯飯只需$42，唔似坊間mark up得非常過份。味道唔錯，魯肉入味，份量唔少，但幾條菜同漬物好似唔太夾（？），魯蛋冇咩味，當填下肚。店內夾雜香港及台灣員工，但溝通上基本都冇咩問題，服務態度親切有禮，日日排長龍，的確不無道理。

呢間係近年好受追捧的台灣餐廳，裝修上幾有心思，打卡的確不錯，不過食物質素就實在普普通通，而且分量真係好細，只叫一樣主食係一定唔夠飽，分量細唔緊要，但係價錢同平時食個主食一樣都要四十幾蚊，好唔抵食。比較欣賞既係台南擔仔粿條及魚丸湯(如圖)，湯底算是不錯。不過友人話呢隻有肉餡既魚丸係台式打邊爐鋪頭都可買倒，三十蚊得兩粒實在好掠水。餐廳重點推薦的滷肉飯真係令人失望，肉好硬(如圖)，而且唔入味，真心度小月好食好多。另外大伏係芋圓，水多餡少，紅豆唔知有無十粒，而且芋圓好淡唔好食。唔信可叫一碗見識下。不會再光顧了。

盆栽芋圓本身諗住叫個普通嘅，但係覺得盆栽好得意😎，所以嗌咗！主要係將啲芋頭放喺曲奇🍪同埋奶下面，上面加塊葉。賣相來講好特別，但係未到來講我覺得偏甜，唔太啱我食！嗜甜嘅朋友就一定要試啦🤩！麵線碗麵有蝦有蛋，個湯都好鮮味😋。除咗面之外你仲可以轉做烏冬添！呢碗野真係好抵㗎！

之前食西營盤嗰間，佢搬咗之後都冇食過... 咁啱今日無啦啦飯局，就去咗觀塘間阿元食飯. 久違了的味道.7 點未夠坐低， 唔駛點等位~ 但係食食吓， 越嚟越多人， 好彩早d過嚟啫~我地兩個人食， 叫咗爆蛋雞肉飯， 香菇肉羹米粉， 滷味拼盤，豪華海鮮煎。 叫咗飯同小食， 可叫特價叫嘢飲， 我叫咗洛神紅梅， friend就飲咗蜜香綠茶加紅豆。 等咗一陣， 好快就有嘢食 個香菇肉羹米粉都幾大碗， 好多米粉， 好台灣味~ 豪華海鮮煎又好多料， 好大隻蝦蝦蝦. 成餐都好好食~ 我特別鐘意杯洛神紅梅， 酸酸甜甜咁， 好好味冇得去台灣， 食d台灣嘢， 頂住先啦~ 唔知幾時先可以去旅行呢

隱藏在鴻圖道的台灣小店，門外只有一個細細紅燈籠🏮，大閘落了大半，晚上比較難找，入內後仍要到後巷排隊，因為每天人氣都蠻高的。等了十五分鐘左右就入座了，內裡裝修充滿台灣氣色，懷舊裝潢。我們點了很多食物，3杯飲品。味道方面可以接受的，但仍不及台灣當地口味，偏港式。價錢方面，頗為貴，銀碼看成台灣價格差不多，是台灣的3-4倍。食物份量也比較細份，要吃很多才夠飽肚。3人吃了$371，服務還可以，食物上得很快，唯獨坐得可能有點擠迫，客人太多。

好掛住台灣嘅蛋餅同魯肉飯...😭位於工廠區嘅【阿元來了】，估唔到連假期都要排隊🥴好彩都唔算等得太耐...舖頭嘅裝修擺設好有舊式台灣風味，未食之前仲幻想可以一解相思之苦😔【肉鬆起司蛋餅】點餐紙寫明「蛋皮由台灣直送」，食之前對佢充滿希望...好可惜入面嘅蛋太厚，無咗蛋餅應有嘅質感🥱食入口覺得好似食緊腸粉🥴好失望👎🏻【阿元魯肉飯】$42/碗嘅魯肉飯大概只有一飯碗，份量偏少而且食落欠缺應有嘅油香👎🏻再次失望☹️【酥炸魷魚】份量都係偏少，味道不過不失，無乜驚喜整體嚟講都係不過不失嘅水準，位置都唔算就腳...而且枱與枱之間好迫，有D位基本上唔夠一個人行🙄加上大排檔式嘅服務，無下次了👋🏻

跟小朋友道發現號參加完活動， 發現很多人推介這間台式餐廳， 想不到公眾假期 在工業區都要排隊。 食物很地道， 鹽酥雞新鮮炸起， 麵和米粉味道算地道， 環境很有風味， 地方不大， 所以等了一段時間才排到位置。 店員容許我們拍照， 都好nice. 值得一試。

好耐之前已經知呢間出名食台灣野既餐廳, 見星期六番工就想去試下, 一點幾到步但都已經有好長排隊人龍, 大概排左45分鐘度, 而排緊隊既時候職員好好咁每人派左餐單俾我地先填揀食咩見到meau樣樣都好似好好食! 經過門口既時候仲有車輪餅可外帶入到舖頭覺得比我想象中靚!(о´∀`о)好有台灣地道環境! 對於好耐無去旅行既我好似番左台灣食野( ´ ▽ ` )雖然排隊需一段時間, 但上菜的速度好快, 服務都很好, 需要多set餐具時職員好快都遞上鹵肉飯@$32鹵肉飯既份量係一個人既份量度, 鹵肉既咸度適中, 不會太硬, 但比較乾身, 因為同朋友打算飯加小食share食, 所以感覺份量剛好鹵味拼盤@35很有口感的拼盤! 每款拼盤切條裝所以很好咬, 不過撈飯食先會無咁鹹; 意外地份量超多! 塩酥雞@37超香脆可口, 每一小粒放進口size就是剛好(´∀｀)一流的小吃~酥炸魷魚@39魷魚稍微覺得油了一點, 每條都很大條, 同樣份量大足總體來說, 很喜歡這餐廳! 超地道的台式餐廳(๑˃̵ᴗ˂̵)終於明白這間餐廳為何長期需要排隊等候, 因為真的高質! 價錢不算太貴但份量很足

好耐已經想去試阿元來了，終於琴晚食到。首先講下環境方面，門口位置有少少小，如果無細心留意可能就搵唔到門口，入到去個餐廳環境真係無得揮，好靚、好似去左台灣咁，應該要有嘅台式裝修都有。但環境比較逼，坐得唔係特別舒服。食物方面，幾推薦個滷水拼盤，好入味，但入面其中一個蛋睇落唔洗太新鮮應該擺左有一段時間。然後仲有個滷肉飯，醬汁都足夠，但係食完個滷水拼盤之後再食個滷肉飯會發覺個飯完全唔太夠味，淡左好多，應該係因為滷水拼盤個問題搶先過滷肉飯。女仔食量唔大嘅話其實叫$32個個就足夠，$42個個我自己就覺得唔係話特別抵，只係多左半粒蛋、幾條菜同一塊細細地嘅醃蘿蔔。價錢方面，就見仁見智啦，本人係覺得偏貴，因為份量其實唔大但個價錢就幾高下，叫左個地瓜芝士球，得3粒就要$35、貢丸湯一細碗仔就要$20。兩個人叫左兩碗飯、一個湯、一個滷水拼盤同埋個地瓜球就total係$174。整體而言，都係值得一試，但唔會再想去第二次。

久違嘅台灣野食，依家冇得去台灣，就食間台式餐廳當去咗。阿元來了，算係眾多台灣野食出名嘅一間，今次嗌咗阿元魯肉飯、爆蛋雞肉飯、鹽酥雞、炸珍珠奶茶酥同埋竹炭鮮奶珍珠。魯肉飯：賣相十分吸引，魯肉半肥瘦，滷得好香，入口又唔會太過肥膩，讚讀爆蛋雞肉飯：不過不失，雞肉撈埋蛋同飯一齊食都唔會好乾柴柴鹽酥雞：正！每粒都大大粒，而且好脆口，食多幾粒都覺得有啲邪惡😈但好食到停唔到炸珍珠奶茶酥：開頭見個名幾得意咁就試下，感覺幾得意，作為甜品都唔錯竹炭鮮奶珍珠：賣相唔係好吸引，不過飲落唔錯，唔太甜，幾香，珍珠亦唔會太軟冇口感以前仲有炸地瓜球，好可惜今次去食已經冇咗

1️⃣ [ 魯肉飯 ] ʜᴋᴅ32平時係香港食到嘅一係多瘦肉一係就完全唔夠魯肉撈飯乾爭爭但嚟一碗魯肉飯完全為香港台灣菜爭番啖氣半肥瘦嘅魯肉好入味，好好食🌟醬汁剛好可以撈成碗飯，調味亦剛好份量都唔少，配埋其他餸食啱晒！2️⃣ ʜᴋᴅ30新鮮炸起嘅甜不辣好正💥而且有落少少椒鹽調味咬落脆得嚟又香口😝而且有兩種唔同嘅甜不辣一種比較煙韌，一種比較重口味但相同嘅係兩款都咁好食3️⃣ [ 滷味拼盤 ] ʜᴋᴅ35 拼盤有齊雞翼、滷蛋、豬耳朵同油豆腐一定可以滿足你地唔同喜好每一款滷菜都好入味💃🏻特別係油豆腐，咬落竟然係彈牙每一款都覺得充滿台灣味🥳4️⃣ [ 蚵仔煎 ] ʜᴋᴅ37一上菜嚇親😲超級大碟用料十足，蠔仔亦都好多外邊煎得香脆，而中間比較軟稔口感比較黏，未必每個人都鍾意加埋蚵仔煎必配醬汁好滋味😌🥑整體嚟講🥚有啲店員係講台灣國語👯‍♀️加上店舖裝潢充滿台灣風格一路食台菜以為自己飛左去西門町🤣大部分菜式價錢唔超過50加上食物質素唔錯🥳無得飛去台灣嘅日子去嚟度重温地道台灣味都可以喔😘好味指數：9/10🏃‍♀️回頭指數：9/10

好想食台灣麵線就衝左去了好多人排隊，連外賣都等左好耐... hm... 半個鐘！好彩個麵線好好味最好就係個綠茶，好有果香，而且清新太肚餓忘記影相，最後只影低清新綠茶😂😂

今日難得放假，去咗觀塘行街，行到攰攰地男朋友話想食台灣野，記得附近好似有阿元來了，見佢評價唔錯就去試吓啦。 男朋友一向比較大食，所以就叫咗碗阿元滷肉飯，鹽酥雞同埋個下午茶餐。 首先上枱嘅喺滷肉飯，見到都好想食啦，滷肉粒粒都好大粒，配埋兩條菜同半隻滷水蛋，不過滷水蛋就好普通冇咩特別，但喺滷肉值得一讚嘅，飯就用咗珍珠米，味道恰到好處，唯一挑剔嘅喺佢個份量，如果女仔食就ok，大食既男仔就可能未必夠飽啦。之後上枱嘅喺鹽酥雞，炸到啱啱好，外邊脆卜卜，但又唔會太油膩，入邊又唔會乾身，好好味下午茶餐就係蛋餅啦，佢地個蛋餅有幾種口味，我哋就揀咗粟米，蛋味好出，個餅皮好煙韌，而且我最怕食啲餅皮有油膩嘅味道， 驚喜佢吔無仲有個魚丸湯，兩粒魚丸好大粒，不過個湯有少少鹹，另外跟左杯特飲 - 荔枝綠茶， 一向唔鍾意飲甜嘢嘅我叫咗少冰少甜， 味道啱啱好。最後埋單$124算抵食，兩個人都夠晒飽，下次經過都會再嚟食。

🌟 魯肉飯 🌟除左喺阿元來了 再食唔到咁有台灣風味嘅魯肉飯魯肉好冧 有入口即溶嘅感覺 魯肉汁好多 食到底都仲有肉汁 好正😊🌟 鹽酥雞 🌟每粒都幾大粒 脆脆地好有咬口😋🌟 肉鬆芝士蛋餅 🌟台灣直送嘅蛋餅皮 q彈口感 芝士同肉鬆好夾 朋友好鍾意食肉鬆 佢話有味過平時嘅肉鬆🤤加埋表面嘅醬汁 仲有豆瓣醬 好香口😚🌟 珍珠芒果綠茶 🌟珍珠好q彈 甜甜地 唔似出面有啲台式飲品冇味芒果綠茶正常味🤓🌟 洛神紅梅 🌟清清地幾好 有養生嘅感覺🥰整體嚟講 阿元來了係一間可以不停encore嘅餐廳好食又抵食😋💜注意返 繁忙時間要等一陣位❕🤑 魯肉飯 $32🤑 鹽酥雞 $37🤑 肉鬆芝士蛋餅 $35🤑 珍珠芒果綠茶 $14 (跟餐價)🤑 洛神紅梅 $11 (跟餐價)