阿元來了 (鴻圖道)

营业中

休息中

同個friend兩個人黎食，食到尾有staff催我地埋單，聲稱好多人喺出面等緊。跟住，我地就快手叫埋個甜品食，順便問個staff呢度食野有冇限時，佢話限食45分鐘，我眼都突埋，佢笑笑口話如果你有野食緊都唔會催你走嘅⋯到個甜品到左，又係食到尾嘅時候，有另一個staff催我地，都係話好多人等緊，心諗出面肯定好多人喺門口等緊啦～食埋啲野，大約三分鐘後出去埋單，出到門口就燥，人呢？一個人都無，又話好多人等位？？？ok 呢間野食一次就夠。唔講service，食物方面係ok嘅。鹽酥雞好香脆，無咩雪味，皮唔算厚。魯肉飯細細碗都好飽，個汁都夠濃～野飲方面叫左杯珍奶，正正常常無特別。甜品方面個芋圓幾好咬口，入面仲有紅豆～ 想食快餐或者唔怕比人催嘅咪黎試下

真係唔推薦使用網上外賣平台嗌外賣，一係自行斟酌嗌離屋企近嘅，今日嗌左個滷水拼盤同蛋捲，其他係朋友嗌嘅，外賣員一送到就好大力好唔耐煩踢門，開門俾錢又我同呻話咁遠又勝，又話中午好忙乜乜乜，運送費20蚊，來回路程唔洗三個字wor，仲另外要我俾貼士？垃圾！d嘢送到黎漏曬，點食啊

好耐之前喺第三街已經試過阿元，味道都幾正宗台灣口味😋，宜家又去唔到旅行，只可以留在港振興經濟🤨，支持小店🤟🏻.咖啡Oreo車輛餅 $12推薦指數：★ ★ ★ ☆ ☆即叫即整，所以即使冇咩人排隊都要等5-10分鐘，每件車輛餅都熱辣辣咖🤤，冬天食一定勁滿足🥰。咬開會有濃濃嘅咖啡香，車輪餅上嘅Oreo少少淋咗，但冇影響到味道，兩者好夾，唔會過甜。·下次要嚟試埋滷肉飯同蛋餅🤤

第1次食呢間，平民價1個飯$4x~5x, 野飲另計點左阿元魯肉飯，睇落細碗但飯好多，女仔好飽男仔唔sure咸味適中，魯肉粒粒分明，不過就是原始版本無其他餸，純魯肉飯黎講都好味，但下次我會叫有餸😅野飲叫左蘋果西打，都係叫可樂或唔飲較好。(真的，$10/1罐氣水，蘋果西打亦唔好飲)另有一張小食單係同隔離鋪合作，點左珍奶餅一試新奇麻麻地無奶茶味，甜，珍珠係珍奶果d珠不過張小食D野好味與否不能計落阿元度，佢地付款亦需先付分單

Poor services，明明仲有3張吉枱未入客，都要叫我地埋單。一餐飯被催左3次埋單，仲要係短短10分鐘催3次，撇除出餐時間，其實我地用餐時間唔到45分鐘。晚餐黎講根本唔算多，第一次催；我地加快左速度；第二次催；食物飲品仲淨兩成；第三次係有位戴眼鏡男侍應黎收野，連朋友既筷子都收走埋；意思係咪要我地寧願浪費食物都唔好阻住你地入客？好差既體驗。其實餐廳啲食物份量咁細應該係為左可以令人食多幾款或者同人share，想人叫得多又要食得快好兩難。我地係黎食晚餐，唔係快餐放題，如果餐廳有限時，應該要係入座講定或者係催之前先作出溫馨提示，至少可以令客人衡量點餐份量及互相體諒。而唔係為左追生意個陣就罔顧客人感受。真係好可惜，有舒適環境、有台灣美食、但完全冇台灣服務精神。失望！

我哋係坐風口位覺得好凍，問可唔可以較細啲個冷氣，個女侍應勁冇禮貌咁答我哋，話話之前已經熄咗一部冷氣，再熄就會冇冷氣，但我哋根本唔係叫佢熄冷氣🙄我哋四個人食咗$600，但坐咗大約半個鐘都冇就有人不斷收我哋啲嘢食，就算未食晒都照搶，拎住杯嘢飲都俾佢搶住要收，最後食咗45分鐘就叫我地賣單。啲嘢食質素真係好一般，坐得好唔舒服，服務態度好差，特別係戴眼鏡個中年女士應服務好差好冇禮貌，唔會再去，亦唔建議人去。

等位已經等左30分鐘，我不是要食下午茶都等到2:45先入座。據說要等齊人先入座，因為好多人。但到我入座時入面很多吉枱，為什麼要這樣。我們只用了25分鐘完成用餐便立刻走。不明白為什麼要等這樣耐而食一餐不外如事的午餐！份量小、味道又不好，只是一般的食物。本人就一定不會推薦，亦不會再光顧。可能是黃店的關係，所以大部分都是年輕人，黃店是要支持，我都經常幫襯黃店，但只這間⋯⋯我就覺得不了。如果你有時間花就盡管可以去等位💤

我覺得有一個迷思係......成日出去食台灣菜，好似只有難食同正常發揮分別雖然有例外，某啲菜式真係會特別好食既但阿元來了作為一間咁出名既餐廳又好似唔太有咩特別出色之處喎🤔飯，普通飲品，普通等位，即刻入座位置，唔算好就腳咁所以點解要行過黎食？🤣🤣男朋友話最失望係鹽酥雞，份量多既但就炸得好柴😩同樣價錢食屋企附近啲小店仲好啦

入到黎好有台灣特色嘅小店，下午茶餐雖然只有六款，但樣樣都好想食，最後揀左三個下午茶餐粟米蛋餅好食，有啲台南風味配福州魚丸湯甘梅地瓜條 原來話梅粉+番薯條，熱辣辣.好好味 甜不辣都係熱哄哄⋯⋯所以香菇肉羹米粉+鹵青菜夠分量 米粉軟身易入口配上三杯飲品下午茶餐每套$45，好抵食.兼好好食再另加芋圓糖水 perfect 呀下次再試另外的款式

好少嚟到觀塘呢邊食飯，難得過嚟搵朋友，緊係搵間我地都好鍾意嘅台灣野😻第一次搵到呢間阿元來了，入嚟第一個感覺係佢地超用心裝修裝潢極有心思跟晒台灣又有夜市風格，又有大戲院風格，有D檔口，D擺設又夠晒古文革風咁～有D店員好似仲唔識講廣東話，講國語有好親切嘅台灣腔🤣阿元魯肉飯，個人覺得份量唔錯，魯肉夠多可以撈勻成碗飯，比普通果款魯肉飯應該係多咗D菜同台式鹵好少嚟到觀塘呢邊食飯，難得過嚟搵朋友，緊係搵間我地都好鍾意嘅台灣野😻第一次搵到呢間阿元來了，入嚟第一個感覺係佢地超用心裝修裝潢極有心思跟晒台灣又有夜市風格，又有大戲院風格，有D檔口，D擺設又夠晒古文革風咁～有D店員好似仲唔識講廣東話，講國語有好親切嘅台灣腔🤣阿元魯肉飯 $42個人覺得份量唔錯，魯肉夠多可以撈勻成碗飯，比普通果款魯肉飯應該係多咗D菜同台式鹵豆腐不過我自己鍾意魯肉飯再肥D再多汁D ，夠肥美嘅魯肉先夠正宗啊～香菇肉羹 $37呢個肉羹湯應該係香港最好飲嘅一間，香菇俾得好多，湯夠晒濃稠，正！珍珠奶茶酥(炸) $30見到呢個非常之特別，必點嚟一試啦有驚喜完全唔伏，個酥皮炸得非常香非常酥脆熱辣辣咬落去真係爆到好香嘅珍珠奶茶漿如果個奶茶味更重

好耐冇去過台灣，所以揀咗呢一間台式餐廳食嘢。你間餐廳嘅設計係模擬十分車站，所以入到餐廳裏面真係有少少覺得自己去咗台灣咁樣。我哋叫咗一碗阿元滷肉飯、一碟蚵仔煎、一碗熱芋圓同一杯珍珠奶茶。-阿元滷肉飯呢度啲滷汁做得好好，唔會淨係得個咸字。啲肉吸晒啲滷水汁非常嘢味要嚟拌飯一流。-蚵仔煎蛋同蚵仔嘅比例適中，同埋煮嘅時候佢加咗薯粉所以做到Q彈嘅效果。-九份芋圓啲芋圓好彈口而且唔會冇咗食材嘅味道，會食到番薯、芋頭同紫薯嘅味道。-珍珠奶茶冇咩特別，都係一般嘅珍珠奶茶。整體來講，食物質素、價錢同環境都非常之高質，下次會再嚟👍🏻

除左想講食物之外，個人覺得阿元既裝潢都好有heart, 好有去左台灣既feel阿元魯肉飯 $42去台灣一定食魯肉飯，食過咁多間香港嘅魯肉飯我覺得阿元來了嘅台灣野真係好台灣好地道，味道係最似樣嘅。蚵仔大腸麵線 $40蚵仔係有明顯既四五隻，大腸都唔少，算係幾好食，當然加埋辣椒油就直接層次提升啦。肉鬆起司蛋餅 $30拿拿拿，去台灣蛋餅都係賣$30但係人哋係台幣$30😆😆冇辦法啦，慳左張機票，呢個都係食過好地道既蛋餅🥢🥢🥢多肉鬆！九份芋圓（熱$32)食完曬先叫既甜品，紅豆湯底係好食既，仲有好多芋圓，珍珠配料，本身佢有奶比你落，但覺得想食更原味所以無落到。

本身係響台北享受緊美食，然而我人仍然在香港，好似「跌落地揦返拃沙」咁🤣，走去食台灣嘢！想試呢間好耐，只係成日都好多人好怕排隊等位而仲未嚟試！咁啱早去觀塘，開舖冇耐就去，輕鬆有位！裝修都幾有懷舊氣息㗎😍😋好味推界😋🍴酥炸魷魚（$39）呢個真係超級好食同抵食，本身想食塩酥雞，不過發現原來魷魚都係貴$2，即刻轉呔，叫酥炸魷魚！嘩！嚟到時估唔到有咁多！好係台灣價錢咁！好香脆，魷魚煮得剛剛好，唔韌，調味出色，必點必點必點！重要事情講3次🍴阿元魯肉飯（$42）呢個又係好好味，我自己比較鍾意食有肉粒響飯面而唔係就咁肉碎汁嘅魯肉飯，飯面鋪咗好多半肥瘦肉粒，因為有肥膏部分，每啖都真係好有油香，同埋粒肉好入味（怕肥嘅人就好難enjoy，我就係食咗先...下餐再減嘅人🙈）下面當然都有肉碎汁，有蛋同菜！我自己覺得呢個抵過魯肉飯好多，因為大碗好多㗎！🍴蚵仔大腸麵線（$40）蚵仔同大腸都幾多，口味同台灣差唔多，做得好好！😶尚可選擇😶🍴西柚綠茶（+$10）+ 咖啡磚（+$3）叫飯麵小吃類別+$10 叫嘅，有8款選擇，有一半都唔太吸引，就揀呢個，其實係普通台式嘢飲，正常！只係叫少冰都好多冰！另外係我自己揀咗一個奇怪配

自己去搵阿元嘅觀塘店只係見到間外賣紅豆餅店經店員指示先知原來別有洞天原來隔離係堂食食堂裝修得好有台灣舊食堂風味勁多打卡位！一心諗住黎食蛋餅做下午茶點知見到芋泥就忍唔住叫左🤫🤫黎到仲以為俾錯左我原來芋泥卷係炸嘅不過份量剛好，我一個人都可以解決佢😠炸得好香脆芋蓉滿滿鹹蛋唔算好多，積左一邊所以食到尾先有鹹蛋味都夾堂食要滿35蚊所以外賣左個芋圓返屋企食味道正常，無乜驚喜但價錢都合理埋單原來仲有醫護人員八折優惠為醫護加油！

同朋友係觀塘行街搵地方食晏，佢提議話帶我去食呢間餐廳，我地係觀塘行去行左好耐，後尾先知原來牛頭角出會近好多🤦🏻‍♀️慶幸去到撞正唔多人(但都爆場嫁)排左2,3分鐘就入到去食。不得不提就係嗰到既環境，裝修得非常有心思，好有台灣既風味！👍🏻連佢地既店員都係台灣人黎嫁，全部都係用國語溝通既紅燒豬軟骨飯🍚 $45/碗份量都幾足夠，紅燒豬骨非常惹味，味道唔錯👍🏻不過其實呢到最出名既係魯肉飯，今次無試到，下次一定要試番！台南擔仔米粉🍜 $36/碗同樣份量都係好足夠，湯底清清地唔會話好濃味，米粉加左蛋，蝦同牛丸之外，仲加左肉燥，味道唔錯！值得一試🤨爆濃起司蛋餅🧀 $30/份呢個係必定要試！煎蛋餅入面夾住芝士，芝士煎到有爆醬溶溶地既效果，超級好食！絕對唔會令芝士控失望😍😍😍一份有4件，兩個人食啱啱好❗️塩酥雞 $37/份炸得非常酥脆，雖然係要炸既，但唔需要等好耐，落單後好快就送到黎👍🏻仲要係熱辣辣既！食台灣菜點可以唔嗌塩酥雞🤤🤤香芋珍珠奶茶;胚芽珍珠奶茶🥤係台灣店嗌番台式飲品當然無令人失望啦😝呢到既飲品選擇都幾多下，自己落單既時候可以揀埋甜度，同埋需唔需要多冰/少冰🧊我今次揀左7分甜，但其實都好夠甜呀，所