阿來泰式地道風味

营业中

休息中

位於旺角鬧區既泰國餐廳，位吾算好多，但有好多人食，平日夜晚黎食都要等位。泰式咖哩軟殼法包見到餐牌上面有呢個菜式就覺得好吸引，所以即刻叫黎食。點完菜5分鐘就已經上菜，真系快到嚇死人。呢隻咖哩完全吾辣，仲好甜添，甜味太多，所以咖喱味吾系好出。不過用法包點咖哩真系好正，可惜系法包吾夠熱，同埋放太耐佢就吸晒d咖哩汁，會好軟。馬拉盞炒通菜吾食得辣既朋友食吾到飛天通菜可以試下呢個，味道充滿泰式風味，但一d都吾辣。

阿來泰式平時都系旺角食，但原來最近長沙灣開多左一間，覺得旺角太多人吾想等位都可以去長沙灣食。生蝦刺身每次食泰國菜都一定會叫生蝦，一來真系鍾意食，二來系想試下佢既汁有咩吾同。呢間生蝦都幾大隻，好鮮味，個汁有少少辣，不過接受到。鐵板蠔仔煎蛋份量好多，堆到好高，而且蠔肉既數量都好多，78蚊真系好抵食，因為佢用煎炒方法煮，比起潮州蠔餅仲無咁多油咁熱氣。不過佢間餐廳冷氣開得好大，d嘢食好快吹到凍晒，同埋野食黎得超快，吾系即煮所以吾系話好熱。

Thai food has always been my favourite. This Thai restaurant was located very close to the mtr station and offered very nice food as well!Phad Thai is a must-try here. The rice noodles were really nicely fried, with rich amount of ingredients! I would really recommend it!! I also tried the pan fried egg oyster. It was really delicious!Next up was yellow curry soft shell crab. It was not the kind of spicy curry but a bit sweet.At the end, I got the mango sticky rice for dessert. The mango was qui

行旺角行行下想食泰國嘢做晚餐，諗住黎得旺角食泰國嘢應該質素未必及得上九龍城架啦，點知都算有驚喜由於我同友人唔算好大食，所以叫左泰式生蝦刺身、沙嗲串燒同埋泰式炒金邊粉就夠食了先講蝦刺身，夠晒冰鮮，大細適中，一碟有八隻，味道不錯之後黎既係炒金邊粉，炒得幾好，熱得黎又唔會好油膩，配埋青檸同埋花生粒黎送，風味十足我鐘意食香口嘢，所以串燒係必叫既味道不錯，係乾身左少少，不過點埋沙嗲醬就岩岩好，味道更佳我地叫既串燒半打，有三串豬肉同埋三串雞肉，兩者都不錯。整體黎講，依間泰菜餐館食物都幾全面，佢仲有泰式海鮮等菜式，而且服務都算幾好，上菜快，要食都要趁早少少，因為我地走果時大約七點幾，都差唔多滿座了。

之前好友介紹旺角通菜街附近有間抵吃泰菜，今日剛巧約朋友仔去睇戲，睇戲前就先來到吃個午餐吧！一去到餐廳已經坐滿，原來還有上層，我們二人被安排到上層去。樓上的裝修如一般的中菜館一樣，有幾張大圓枱。幸好我們被安排到四人坐位上，不用搭枱。二人點了泰式鐵板蠔仔蛋，泰式香芒蟹肉炒飯，海鮮雜錦喇沙及兩杯特飲。海鮮雜錦喇沙喇沙的椰香味不算濃，但辣味十足，有青口，大蝦及蟹柳，湯底有點似冬蔭功，極具泰式風味。泰式香芒蟹肉炒飯十分足料，勁多蟹肉，芒果很甜，炒飯很香，不過如果油能少點就更好的啊！眼見四周很多人都點這個炒飯呢！泰式鐵板蠔仔蛋份量很大，蠔仔很多，蛋餅十分香口惹味!特飲菊花蜜及鹹檸七兩個人，一飯一湯粉再加一碟小菜，已經吃到飽飽的啊！

之前經過女人街 見到間泰國菜7點幾出面排左好多人！琴日咁岩經過都入去試下先！菜單選擇好多 但我食泰國菜 黎黎去去都只係食果幾樣！但味道都比較重口味！食完都要飲番杯涼菜！下一下火氣！泰式馬拉盞炒通菜，通菜好嫩，吾會炒到老哂，但比較咸同辣！ 佢份量都好大下！好難成碟食哂啊！但好明顯係甜同新鮮🤤🤤🤤佢既豬頸肉同出面味道吾太一樣！有香葉味同咬落好有口感！價錢好抵 份量又大！個烏頭魚就比較細條 附送埋個汁同醬！口味比較淡 吾算太辣！啊青咖哩叫左豬！ 個汁比較淡 但肉份量好多 食極都仲有！ 🙈🙈🙈飲品必選椰青！椰青也十分新鮮，味道好清甜，不像在其他泰國餐廳偶爾會碰到皮肉難分離的老椰，有個變左味話要換， 老闆都肯💦✌🏻態度好好啊。

朋友推薦了很久的地道泰國菜，趁這個週末有空，和男朋友早早訂位來朝聖。果然沒有讓我失望，明爐烏頭肉質嫩，沾點加配的泰式辣醬，好夾，好好味😋湯底好多豬肉碎同菇，酸中帶甜，唔錯！佢仲有個冬蔭功味！ 鐘意辣湯可以試下🤤泰式炭燒豬頸肉配上獨特的調料真的不錯👍，肉質嬌嫩，外脆內蘇，熱辣辣！下次會再試！豬肉青咖喱適合不太愛吃辣椒的男朋友，咖哩味濃郁卻不衝鼻，豬肉唔會'鞋'，嫩滑！配上一碗白米飯，胃非常滿足。醬汁吾會太杰身，微辣，賣相、味道都不錯。香葉辣椒肉碎炒飯，微辣，好多肉碎，每啖飯都勁多肉，配上煎蛋和香葉的香味，仲要個蛋煎到岩岩好！味道一流，大滿足！值得多來幾次，店員服務態度也很好，想吃或者愛吃泰國菜的食家們不妨來試試！地理位置好方便！

在旺角shopping 完，又到了晚飯時間。知道在先達對面有間平民泰菜人氣頗高，咁啱對面有小巴返屋企，那麼就決定去試下吧！六點半來到，樓下已經滿座，接待叫我們走到二樓去，二樓有幾張大枱和四人枱，與樓下相比，座位之間較寬敞。餐牌內有很多食物，實在讓人心大心細，所以我決定讓小女生點菜。小女生點了喜愛的香芒蟹肉炒飯、蒜蓉包、沙嗲串燒及香芒糯米飯。泰式香芒蟹肉炒飯$68看似很單調，原來裡面有很多芒果和蟹肉，芒果夠熟，又香又甜，加上蛋香，小女生大啖大啖的吃進肚子裡。蒜蓉包 $25一共四塊，焗得很金黃，十分香脆，蒜蓉味就是剛好的。串燒沙嗲半打(豬、雞) $78兩款肉質淰滑，香茅味濃，加上甜甜的沙嗲醬，更加惹味！芒果糯米飯$58當然少不了甜品吧！糯米煮得足夠，軟綿綿的，配上椰汁，又是停不了口！椰青$35總括而言，在這鬧市中，以平民價吃上一頓地道的泰菜，吃得又飽又滿足呢！

食泰菜通常都會諗起要去九龍城食既，但其實去到旺角都俾我搵到間唔錯既泰菜餐館一入到去門面唔算好大，不過佢有埋上層，所以又唔會太難搵位既佢既餐牌都好多嘢食，我地都係叫番傳統啲既泰國菜前菜叫左泰式生蝦刺身，一碟有8隻，尚算有鮮味將生蝦點埋泰式酸辣汁味道更佳食肉獸必叫既串燒佢有分一打或半打上碟，我地一行兩個人就叫半打夠了，佢就豬肉同雞肉各佔一半，味道唔錯既，點埋沙嗲醬風味十足想食得更飽點都沙番碟嘢食我地點左泰式炒金邊粉，出面既炒金邊粉通常都落少少茄汁，我估計正統既應該唔會落茄汁，依碟就真係無落，炒得都有啲鑊氣既，不俗最後，黎趁泰國菜館必點既，係生菜包肉碎微辣，亦唔會太乾，配埋生菜包住黎食永遠都咁夾至於飲品，點少得泰式龍眼冰成餐食物味道唔錯，所以都見幾多客人幫襯，佢仲有得食多種泰式海鮮菜式架。如果黎開旺角又想食下泰菜既可以一試

自從月初泰國之旅之後，一直在香港沒有食過泰國菜，這個晚上我和朋友決定一試旺角的呀來泰菜。進了餐廳之後，服務員馬上端上餐牌，我和朋友格過價之後，還是決定點二人餐，不論食物吸引程度還是價錢，我們都覺得二人餐B比較吸引，點過食物後大慨五分鍾左右便有得食了，上菜速度真快！燒豬頸肉 套餐價$328燒豬頸肉幾乎是每次食泰國菜必點之一，這家的燒豬頸肉外皮烤至脆脆地的口感，內裡的肉則非常軟，呀來的燒豬頸肉絕對好味，令我感到無比驚喜，點上配醬更惹味。生蝦刺身 套餐價$328套餐B包含的美食，我都認為是食泰國菜必點的食物，另一款則是生蝦刺身，呀來的生蝦刺身新鮮，夠爽，之前曾經在其他泰國餐館食過有怪味的生蝦，呀來的還好，配醬也不錯，每人三隻剛剛好。泰式肉碎生菜包 套餐價$328這家生菜包不過不失，肉碎夠spicy，生菜則普普通通，朋友覺得這家的生菜包幾惹味，我覺得還可以，個人比較之下覺得前兩道美食更吸引。海南雞 例牌 套餐價$328個人甚小在泰國餐館食海南館，但不得不說的是這家的海南雞飯好好味，海南雞超級滑，我和朋友都讚不絕口。總括以言，這家餐廳絕對不錯，我和朋友都覺得是可以再來的泰國菜餐廳。兩個人食的話，

今天與許久不見的朋友見面，一見到就話想食泰國菜。咦？同我一樣喎。於是係openrice一搜 發現呢間係旺角嘅泰國菜好似ok 所以就去左試下。餐廳既位置都易揾嘅，行到附近唔知係心理作用定點，真係聞到啲泰國菜嘅味喎😂一行入去見到滿哂人，要等位啦。一問之下，待應叫我地上去2樓。原來呢到係要2樓㗎！仲見到有洗手間一坐低，因為肚餓就無花太多時間選擇，揀左個2人餐就算。野飲方面，我地嗌左青檸梳打同椰汁三色冰，兩杯都可以。第一樣黎既野食係生菜包。食泰國菜點可以唔少得佢呢？佢啲肉調味調得都幾好食，又唔會太肥，份量都唔少。好似話係辣，但我同朋友都唔係好食到個辣味跟住就輪到豬脾。好好食啊佢啲肥既位又唔會好漏，真係有啲入口即溶添！仲有燒豬頸肉。一定要點佢個醬食！唔會好乾，少少濕濕地仲有生蝦刺身。我覺得都新鮮嘅，同埋大隻。但我個人就不太好生蝦了呢個餐真係好抵，再包兩碗飯，平均一個人都係160左右。飽到捧住個肚走啦好滿足，仲聞到隔離檯啲咖哩好香，下次可以試下。

今晚陪朋友去先達整電話，近近地係附近搵食，叫到有間泰國餐廳，朋友話好想飲冬蔭功湯，咁就一於入去食！我哋係為咗要飲冬蔭功湯以來，一定飲番個先啦！叫咗個細份量，小辣，每人一碗剛好，好多菇，蝦又大大隻，好香好味道！叫咗個馬拉盞炒椰菜苗，啲菜好甜，好新鮮！正少不免會叫個大蝦柚子沙律，好多蝦，柚子好多汁，又爽！泰式炒金邊粉，好滑，好乾身，掂！飲品選擇咗青檸梳打，啲青檸篤兩，三下已經好出味！甜品叫咗個芒果糯米飯，食咗幾啖飯先記得影相，因要趁熱食啲飯，好香椰奶味，芒果又甜！間店都好多人食，門口有客要等位，下次再去食時要打電話去訂位先！

八月果陣去左一轉泰國，一直都好掛住泰國的味道。今日同朋友行開旺角，經過呢間主打泰式食品既餐廳，就入左去試試。「不過不失」生蝦相信係泰國菜必點食物，呢度既生蝦唔算好特別，生蝦汁有點兒稀，偏淡，唔算好做到提鮮既效果。而生蝦就夠爽口，食落算係脆身既蝦肉，呢點可以補返丁點兒分。「相輔相成」生菜包食落係一種好熟悉既感覺，有啲似屋企既蒸肉餅切粒。睇落個色水偏淡，本以為會淡口，唔夠味，但食落係剛好的，而且辣味好出，係下道開胃菜。生菜塊塊大小相約，而且唔係濕漉漉既，拎上手算舒服，整體來說幾唔錯。「嘖嘖稱奇」到左呢碟不得不提既主角──海南雞，本身覺得係度食海南雞會有啲奇怪，但見鋪頭入面個個都係咁食，咁我地都叫埋一份。雞皮咬落唔油，再加埋佢個雞醬，完全唔覺油膩。而雞肉就好滑，食落好腍，我估應該係廚師既功勞，值得一讚！「平行互補」甜品係芒果糯米飯，呢度食既係白糯米，唔係我心愛既紫米，不過估唔到都有驚喜。糯米有甜味唔係死甜，而且仲會有點點既鹹味，加埋個椰汁食落有一個平衡係度。另外，芒果可能唔算係當做，食落有點兒酸，扣小小分，不過整體黎講，呢個甜品係值得返黎再食既。最後想講，呢度上菜速度十級快，我地落左單唔夠三

同朋友黎左呢間泰國菜館到食。入到去唔算好多人，岩曬我地可以肆無忌憚咁傾計！我地坐低後揀左幾個送！雖然有揀午餐，但我覺得唔係特別好食，就唔介紹啦！我地揀左串燒沙爹（豬肉及雞肉各半）、泰式無骨酸辣鳳爪沙律同龍眼冰。串燒沙爹（豬肉及雞肉各半），聞落味道幾香，但略嫌肉有啲厚，唔夠入味。好彩肉唔會好"鞋"！佢嘅醬汁超好味。朋友直頭攞黎撈飯Haha！醬汁好香椰香味，仲有啲酸酸甜甜嘅感覺，好野味啊！泰式無骨酸辣鳳爪沙律，每次見到無骨鳳爪我一定會食。呢間嘅無骨鳳爪好爽口，而佢嘅醬汁系酸辣嘅味道，非常開胃。如果食到佢啲辣椒，你都咪話唔驚！真系會好辣嫁！龍眼冰，太甜了！而且冰太多，溶得好慢，飲極都飲唔到，想解渴或解辣就唔好揀佢嘅冰啦！總括黎講，中中等等啦！佢優勝之處應該系價錢較平！平日午餐都系$48一個餐包一杯熱飲，份量仲好多。都幾抵嫁。

食泰國嘢最喜歡食小店！咁先有風味！之前成日嘆屯門一間泰國小店，今次就衝出新界，去旺角試呢間泰小店。菜式方面，有我同老婆必叫嘅泰式生蝦；試試新意嘅軟殼蟹咖哩法包，再加一杯咸檸7。無錯，胃細真係唔叫得多，飽住點瞓XD生蝦好新鮮，而且數量真係唔少，係10隻！一人食到5隻！好滿足！而主食咖哩法包就喺預期之內，咖哩偏甜唔辣，加埋麵包嘅甜味，感覺好溫和，食得幾舒服。咁講得上係用法包，包皮比較韌，要啲力去撕開佢，不過夾埋咖哩食都幾有層次，一讚！叫咸檸7好夾，因為食包同咖哩都有少少heavy，飲個清爽飲品，正！下次嚟試埋個冬蔭公湯先！