阿來泰式地道風味

营业中

休息中

今天與許久不見的朋友見面，一見到就話想食泰國菜。咦？同我一樣喎。於是係openrice一搜 發現呢間係旺角嘅泰國菜好似ok 所以就去左試下。餐廳既位置都易揾嘅，行到附近唔知係心理作用定點，真係聞到啲泰國菜嘅味喎😂一行入去見到滿哂人，要等位啦。一問之下，待應叫我地上去2樓。原來呢到係要2樓㗎！仲見到有洗手間一坐低，因為肚餓就無花太多時間選擇，揀左個2人餐就算。野飲方面，我地嗌左青檸梳打同椰汁三色冰，兩杯都可以。第一樣黎既野食係生菜包。食泰國菜點可以唔少得佢呢？佢啲肉調味調得都幾好食，又唔會太肥，份量都唔少。好似話係辣，但我同朋友都唔係好食到個辣味跟住就輪到豬脾。好好食啊佢啲肥既位又唔會好漏，真係有啲入口即溶添！仲有燒豬頸肉。一定要點佢個醬食！唔會好乾，少少濕濕地仲有生蝦刺身。我覺得都新鮮嘅，同埋大隻。但我個人就不太好生蝦了呢個餐真係好抵，再包兩碗飯，平均一個人都係160左右。飽到捧住個肚走啦好滿足，仲聞到隔離檯啲咖哩好香，下次可以試下。