阿來泰式地道風味

营业中

休息中

有時口淡淡想食下d香口野，泰國野都係唔錯既選擇。啱啱同事有時間陪我食飯，話旺角多野食，逛逛下就見到阿來，就食呢間啦。呢度睇餐牌都好多選擇下，如果人多的話，揀呢些2至4人餐就啱晒，有冬陰公，有飯，有咖哩同飲品，唔使煩，同埋一定夠食。D小食既相幾吸引，叫個泰式炸蝦餅試下先。餐牌其他食品都好吸引，坐左一陣，店員都擔心我地餓襯，主動問左我地2次想食d咩，於是要做決定了。先黎個泰式炒雜菜，顏色唔錯，炒得都夠香口，面頭有乾蒜，提升左蔬菜味既層次。紅咖哩做得唔錯，椰香味濃郁，特別在於佢既配料，有好幾款，拌飯一流。記住加多d咖哩汁拌飯。最後，蝦餅岀場了，炸得外脆內軟，點埋泰式辣醬，yummy！飲品叫左熱柑桔。

有朋友推介這間泰國菜, 平價抵食, 地點方便, 而且好評如潮,  決定一試!環境都算整潔, 坐位唔算好寬敞. 但店員見到我地拎住好多戰利品, 都好細心, 即刻拎多張櫈比我地放好!泰式香芒蟹肉炒飯 $68好多芒果新鮮切粒喺炒飯入面! 芒果好清甜 , 食落芒果味好突出, 同炒飯好夾!蟹肉切粒, 好鮮甜, 份量多而且攪晒入飯度!炒飯炒得岩岩好, 粒粒分明, 好味道!汁燒魷魚筒 $78原隻魷魚燒! 魷魚燒得岩岩好, 爽口鮮甜, 唔會韌!點埋個泰式醬汁, 酸酸甜甜帶點辣, 正呀!馬拉盞炒通菜 $68通菜非常新鮮, 十分爽口! 份量好多, 大大碟!通菜加上馬拉盞, 辣椒, 蒜頭同麵豉炒, 入味之餘, 又好惹味, 好岩餸飯食!泰象啤 $35食住泰菜飲啤酒, 爽呀!整體落單到送食物速度都好快, 食物好夠熱又好味, 價格相宜, 抵食!仲有好多其他菜想試, 下次會再黎!

次次行經過阿來泰式都會見到入邊滿晒座，所以一直都好想試吓，難得今晚見到入面有位唔使等，終於都比我試到呢間咁受歡迎既泰菜啦。入面嘅空間唔算話好寬敞，但原來仲有樓上位置嘅，所以唔好行過見到下層滿晒位就錯過左阿來嘅美食。由於我同男朋友都係貪心嘅人，想試晒呢度嘅小食，所以就叫咗個小食拼盤啦。入面有齊牛油雞翼，炸蝦餅，炸魚餅，最緊要有埋泰式春卷。所有野都炸到好香脆，配埋泰式甜酸醬就一流，絕對比單叫小食更加抵。之後仲叫咗細嘅冬陰公湯，呢個湯充滿椰奶味道，酸鹹適中，非常開胃。再黎既就係泰式肉碎生菜包，肉碎唔會話好肥，包住生菜食所以口感絕對唔油膩，分量亦都好足。最後點少得要叫返個炒粉呢，叫呢個嘅原因係比佢特別嘅名吸引左，叫泰式suki炒粉絲。我個人來講就好鍾意食辣嘅，所以呢個粉絲就好啱我啦，啲粉絲索晒啲酸辣汁，夠晒香口開胃。食酸酸辣辣嘅泰國菜永遠係好開胃嘅，所以我同男朋友兩個人竟然叫到成枱都係嘢食。食辣野點少得叫番杯熱柑橘蜜黎中和返口味先。最後埋單兩個人每人都係二百幾蚊，咁嘅價錢食到咁多款式嘅泰菜，性價比超高，絕對會再返嚟阿來食。

The food is below average. It doesn't taste like Thai food. Rather like Chinese food attempting to have Thai flavours. I would not suggest this restaurant for Thai food. If you do decide to eat here, eat downstairs rather. The upstairs is small and very noisy.

今日約左幾個好耐冇見的舊同學食飯，所以一齊食返餐豐富的泰國菜！餐廳位於先達對面，交通方便，大家放工都可以好快去到。四人餐 $568鮮蝦冬蔭功湯食泰國菜永遠唔少得的冬蔭功湯！酸酸辣辣好開胃，辣度係一般人都容易接受。炸蝦餅香脆蝦餅都炸得好靚呀！表面夠脆，蝦肉香甜泰式海南雞超新鮮雞肉，冇雪味，勁好味！泰式香辣魚伴青芒沙律呢個魚肉一樣唔會太辣，係香味比辣味重，加上酸甜青芒果，又係好開胃，送飯一流！泰色鐵板蠔仔蛋雖說是泰式，但這個是不辣的，滑溜雞蛋加上蠔仔肉被鐵板烤香，都係送飯恩物！椰青+$20泰式香芒蟹肉炒飯 $68泰國野真係好擅長係料理入面運用芒果，酸酸甜甜勁正呀！泰式肉碎生菜包 $78生菜包都係泰國特色，一定要試！生蝦刺身　$98愛刺身到一個地步, 唔係食日本菜都要搵刺身食! 泰國的生蝦透明滑溜, 配埋辣椒食, 比起日式刺身另有一番風味!整體來講除左食物唔錯，更難得的是價錢好平，嗌到成枱野食，食到勁飽都係大約$200一位，而且交通方便，搵唔到理由唔去推介朋友來試！

同朋友出黎聚舊，大家都係冇咩意見嘅人，所以就約咗黎旺角，一路行一路搵食，終於俾我地搵到依間啱哂心水嘅泰式餐廳。環境闊落，有十幾張枱，因為係午市時間，所以客人比較多，牆身貼咗啲推介美食，啱哂有選擇困難症嘅朋友~XD未食過喇沙嘅我，即刻就叫咗海鮮雜錦喇沙($45)，橙黃色嘅湯底未食就已經令人流哂口水，有辣味之餘仲滲出啖啖嘅椰香味。海鮮嘅種類非常多，有蝦青口蟹柳鮮魷，仲有豬紅豆卜等等。而朋友就叫咗香茅豬扒飯($48)，一上到黎就聞到陣陣嘅香料味，豬扒入味又有肉感。而且飯煮得好嫩，好難得依間餐廳做到唔太軟唔太硬嘅效果。見啲野食唔錯咁，所以叫多咗個小食泰式小食拼盤($138)，有魚餅蝦餅春卷雞翼，每款4件，魚餅蝦餅同普通泰式餐廳一樣，值得一提嘅係，春卷嘅餡料非常豐富同特別，係用雲耳粉絲黎整，好有口感~

朋友想食泰國菜，但大家都唔想去九龍城，交通太唔方便了😣於是我地就選擇左阿來，位於通菜街，地點方便又就腳，估唔到嘢食唔錯喎😋叫套餐比較抵食，所以我地二話不說先點個四人餐。四人餐 $568鮮蝦冬蔭功湯真心正，用料足，有三隻鮮蝦、菇🍄、車厘茄等等，唔太辣，但好好味！炸蝦餅泰式海南雞雞肉相當滑溜肥美，點醬食👍🏻泰色鐵板蠔仔蛋蠔仔好肥好肥，蛋則略嫌老左少少，但餸飯真係一流。飛天通菜、泰式肉碎生菜包 $78蒜蓉包+$10泰式香芒蟹肉炒飯 $68炒飯好美味，芒果好甜，蟹肉都唔少，推薦！青咖喱（海鮮）$78點蒜蓉包食好滋味😊生蝦刺身$98椰青 $35 （跟餐+$20）椰汁三色冰 $22食咁多野，每人都係二百幾蚊，但食到好飽好飽，非常抵食！

終於等到放假，一早約左朋友出去行花園街，準備入下啲短袖衫褲，計劃好哂個行程就係出到去行陣，然後早啲食晚飯，食完再行返去新世紀廣場睇戲!我地揀左間泰國餐廳，近近地，地點都好方便既餐廳，係百老匯轉彎位黃昏5點去到，好彩唔洗等位，未到晚市會好啲，坐左落黎睇下，原來係openrice入圍食店鋪頭細細間，走親民路線，牆上面好多食物既照片照住黎叫野食，起碼有個圖，知道果道菜大概係點，都幾方便叫野食我地叫左3樣野加杯野飲，（泰式鮮蝦春卷，泰式鐵板蠔仔蛋，泰式suki海鮮炒粉絲同埋椰汁三色冰）海鮮炒粉絲，蝦都好爽好，好多通菜，蛋，仲有蟹柳絲，味到酸酸甜甜好開胃蠔仔蛋，炒埋後再用鐵板上，保住暖暖地，蠔仔份量好多，好足料，一啲都無腥味，下面仲補左芽菜鮮蝦春卷，最後先上呢道菜，即整即炸，好鬆脆必定要點埋泰式辣醬，更惹味兩個人食左3碟野其實都好飽，好夠份量，好滿足，加埋杯野飲都你每人百幾蚊，好抵，（仲要無加一服務費）

中午約了好友在旺角食飯睇戲，本來想到旺角中心地庫，隨便找家餐廳便算，可惜，卻被這裏的菲傭及嘈音嚇怕，最後，決定到下一條街「搵食」。經過阿來泰式地道風味，記憶中它們的海南雞飯非常不錯，而且價錢非常合理，就在這裏開餐吧。這裏的菜式選擇非常多，精選午餐也只不過HK$48，已經超過10款選擇，而價錢亦已包括咖啡或茶。泰式燒豬肉丸小食點了燒豬肉丸，肉丸送上來時是剛剛燒起，熱辣辣的，外層帶點微脆，內層口感結實，帶有濃郁的肉香味，蘸上甜酸醬汁會更惹味。酸辣鳳爪沙律鳳爪的份量挺多，口怠爽脆有咬口，不會過淋，味道酸酸辣辣，非常醒胃。阿來海南雞脾飯本來是點海南雞飯，不過我們多加HK$10就可以將雞肉升級為雞脾，變成海南雞脾飯，雞脾基本上全隻已去骨，所以入口啖啖肉，而雞皮口感滑溜溜，雞肉肉質亦夠嫰，不會偏肥，配上油雞，整個感覺都是不油不膩，吃後令人非常滿足。餐飲我們點了龍眼冰及熱檸水，熱檸水基本上不用多說，而龍眼冰的味道非常清甜，感覺既滋潤又解渴。

呢排忙到飛起，係可見嘅將來都望唔到有得去旅行嘅盼望，唯有食住下泰國野吊住條命先。去泰式餐廳當然係要食生蝦刺身！D蝦都幾新鮮又大隻，係真係好大隻，配埋D泰式醬汁真係好夾好好味！我地點左細嘅冬陰公湯，之後發現其實一D都唔細。我地四個人飲到最後都飲唔晒而呢碗湯好足料有好多菇同埋蝦！雖然對我黎講有少少辣但冬陰公就係咁先過癮另外都點左泰式肉碎生菜包，雖然我對生菜包冇特別大興趣，但真係滿滿一大碟肉碎，而且仲係瘦既肉。可惜生菜有D少，我地四個人最後食晒啲生菜仲淨左好多肉碎。如果多D生菜就好啦 ！飛天通菜都炒得唔錯。成餐飯最驚喜係呢個朋友推薦嘅咖喱軟殻蟹法包入面D咖喱好好味甜甜地，微微辣，配埋個法包真係好正～再加上有好多件嘅軟殻蟹真係好正好抵，我地每人都可以食到一大舊蟹唔駛爭另外都叫左個豬頸肉飯，豬頸肉仲要燒得唔錯唔會好乾。最後到甜品芒果糯米飯。芒果甜，椰醬夠晒多。之前食開嘅芒果糯米飯都係凍嘅，呢度嘅竟然係熱嘅，另一番風味。

話說同女朋友係旺角行街，順便食埋飯，見到呢間舖有軟殼蟹所以走左入去食。環境：一般茶記的感覺，樓面比較細。服務：出餐好快，但侍應俾人感覺比較趕，一坐低就問食咩。食物：叫左碟海南雞($52)，連皮食都唔覺肥，油飯亦唔會覺膩。仲有個咖喱軟殼蟹法包，將咖喱藏在法包入面，法包表面烘到脆脆的，咖喱比較滑而且切開法包亦唔會漏到四圍都係。咖喱味道沒有想像的辣，但正因為唔辣先襯托出軟殼蟹的香味，而不是蓋過它。最後講到軟殼蟹，雖然沒有很脆，但勝在肉多，口感超贊。結論：如果路過，可以再食

在openrice看食評，發現都有很多人推介阿來的泰菜，便放在收藏表中，隔了一段時間終於有機會來試試。店裡地方不算大，但下午兩點多人不算少。午餐的選擇有挺多的，每一樣都看似很吸引。還有這個全日套餐，晚上來吃好像不錯。最後我點了一客泰式炒金邊粉，很期待。當時想是即炒的關係，泰式炒金邊粉等了一會才來。上菜時，發現這粉的份量一點都不細，滿滿的一大堆金邊粉，但顏色比起在香港某些泰式餐館或在泰國吃的要淺色。碟上附有青檸，榨進粉裡後再把花生碎拌勻，準備用餐。吃下去，第一個感覺是不夠熱，只是暖/薇暖的一碟炒金邊粉，是不是即炒的呢？咬著咬著，有強烈的感覺是味道不夠，總是差一點似的。為求把食物的層次增加，我舉手請店員拿來調味架。放緊調味以後，食物味道完全大大地提升了，由單一的口味，到有層次的味道！粉裡有些海鮮，蝦就只有完整連殼的小蝦。份量大，可惜味道不夠，味道也不算正宗，可能是港化了的口味吧。想吃泰菜，對是否正宗要求不高可以來吃，會吃得飽飽捧著肚子離開。

今日行完街就去咗試依間泰國嘢，去到見到有好多唔同嘅泰國菜貼晒係墻上面，搞到咩都想叫！叫咗個黃金蝦，馬拉盞炒通菜同埋雞肉濕炒河。原本以爲黃金蝦係正常size細細隻嘅，點知原來係虎蝦啊，成隻虎蝦沾滿咗蛋黃醬，拼埋去椰青隔籬，就知有幾大，而且唔係霉嫁啲肉，啖啖肉得嚟重要係彈牙，大滿足！我同朋友仲試咗蝦下面嘅炸米粉，沾咗少少蛋黃醬嘅米粉非常香口。馬拉盞炒通菜啲馬拉盞炒得好野味，同埋啲通菜都幾嫩。曾經食過有啲炒通菜個調味做得好好，但係啲通菜就老到不得了。。。。從此我就會憑通菜就知道個間餐廳啲食材用得好唔好。雞肉濕炒河就好足料，一啲都唔孤寒。如你唔想咁熱氣的話，都可以試下個濕炒河。如唔鍾意太多汁的話，就建議食乾炒河啦~ "啊來"真係好方便，有時係旺角行完街唔知食咩好，又多咗個選擇啦~

平時我食泰國野多數都諗到去九龍城啦, 不過九龍城又真係麻麻地就腳, 咁啱路過旺角先達對面呢個小鋪仔, 諗住入去食個快飯🤣下晏嘅午餐set 真係好抵食, 香辣肉醉煎蛋伴白飯,個蛋係煎到超級正嘅脆邊,流心! 肉碎夾集左豆角之類嘅類,好有口感, 個汁濃濃的但唔算辣 送白飯係一流嘅。$50 個餐真心抵食.!朋友仔減肥, 要求叫個冬陰工加菜, 咁唯有順應要求啦。 個冬陰工湯足足可以分到三碗同有三隻蝦,仲有菇及蕃茄等配料都非常豐富。 個湯偏甜, creamy 嘅 ,可惜一D 都唔辣 唔夠刺激, 嗜辣的可能可以叫佢加辣。馬拉盞炒通菜，係正宗泰國嘢嘅馬拉盞味，味道好濃，最出色嘅係啲通菜非常幼嫩一啲渣都冇！講到嫩, 一定要讚下呢個椰青汁清甜, D 肉勁滑, 輕輕一刮就可以起晒所有肉出嚟, 最好就係呢個感覺。

又到食晚時間，搵間平靚正嘅餐廳唔係一件易事，見到呢間有人排隊去食，應該唔會差，所以決定食！生蝦刺身新鮮，肉質唔霉，係唔錯嘅頭盤。呢個咖喱軟殼蟹法包一黎到就刻心心眼，熱辣辣嘅鬆軟法包點埋啲咖喱一齊食簡直一絕，十分推介！青咖喱雞啱哂唔係太食得辣嘅我地，如果我嗰胃仲有位嘅話一定嗌多兩碗飯黎配咖喱食。飛天通菜都幾辣，但係幾惹味。肉碎生菜包嘅肉碎多到食唔哂，而且唔會好鹹，配埋生菜食完全唔會膩~泰式豬頸肉飯嘅豬頸肉服瘦適中，燒得啱啱好。冬蔭功酸酸辣辣好開胃，入面隻蝦都幾大隻。芒果糯米飯係我嘅最愛，暖笠笠，椰汁夠，芒果甜！