阿來泰式地道風味

营业中

休息中

平時我食泰國野多數都諗到去九龍城啦, 不過九龍城又真係麻麻地就腳, 咁啱路過旺角先達對面呢個小鋪仔, 諗住入去食個快飯🤣下晏嘅午餐set 真係好抵食, 香辣肉醉煎蛋伴白飯,個蛋係煎到超級正嘅脆邊,流心! 肉碎夾集左豆角之類嘅類,好有口感, 個汁濃濃的但唔算辣 送白飯係一流嘅。$50 個餐真心抵食.!朋友仔減肥, 要求叫個冬陰工加菜, 咁唯有順應要求啦。 個冬陰工湯足足可以分到三碗同有三隻蝦,仲有菇及蕃茄等配料都非常豐富。 個湯偏甜, creamy 嘅 ,可惜一D 都唔辣 唔夠刺激, 嗜辣的可能可以叫佢加辣。馬拉盞炒通菜，係正宗泰國嘢嘅馬拉盞味，味道好濃，最出色嘅係啲通菜非常幼嫩一啲渣都冇！講到嫩, 一定要讚下呢個椰青汁清甜, D 肉勁滑, 輕輕一刮就可以起晒所有肉出嚟, 最好就係呢個感覺。

又到食晚時間，搵間平靚正嘅餐廳唔係一件易事，見到呢間有人排隊去食，應該唔會差，所以決定食！生蝦刺身新鮮，肉質唔霉，係唔錯嘅頭盤。呢個咖喱軟殼蟹法包一黎到就刻心心眼，熱辣辣嘅鬆軟法包點埋啲咖喱一齊食簡直一絕，十分推介！青咖喱雞啱哂唔係太食得辣嘅我地，如果我嗰胃仲有位嘅話一定嗌多兩碗飯黎配咖喱食。飛天通菜都幾辣，但係幾惹味。肉碎生菜包嘅肉碎多到食唔哂，而且唔會好鹹，配埋生菜食完全唔會膩~泰式豬頸肉飯嘅豬頸肉服瘦適中，燒得啱啱好。冬蔭功酸酸辣辣好開胃，入面隻蝦都幾大隻。芒果糯米飯係我嘅最愛，暖笠笠，椰汁夠，芒果甜！

同愛人去完先達上紅van前醫醫個肚，見間阿來好多sales去食，應該唔錯，佢哋有精選午餐連熱飮，四十八蚊，有九款選擇，我哋叫左一個椰汁青咖喱雞飯，見水汪汪好似湯，但食落味道都唔錯，有我喜歡嘅小茄子，加五蚊可轉特飮，轉左杯咸檸七，如果個咸檸可以咸返D酸返D就更抵飲；金柚子鮮蝦沙律，好多柚子，大蝦有三隻左右，配上大量炸椰絲及小紅蝦，好野味；泰式臭草炒蛋粉絲，好特別嘅菜式，炒得香口，值得再食；泰式香葉包雞蓉，用斑蘭葉包住似扎肉嘅雞蓉去炸，食落有微微斑蘭味。

完全明白點解呢度長期都有人排，同坐無虛席！因為啲泰菜真係抵食到你唔信全日免收加一已經好正，啲菜式碟碟都好抵我同朋友今日叫咗泰式海南雞飯同泰式滷豬脾飯，兩碟各自都係$45，差啲以為睇錯價錢！重點係味道都唔錯，份量又大，完全係價廉物美之後我地叫咗柚子蝦沙律，柚肉勁多，同樣係抵食之選最後亦都係我嘅最愛，就係冬蔭功啦！雖然我地只係叫咗細size, 但係勁足料，好多菇同海鮮！辣度適中同椰汁味濃，好正最後埋單只不過係$246就食到咁多野，仲要係晚餐，真係抵到爛絕對會一去再去

好耐冇見班朋友 終於約到食飯😭朋友提議食泰國野 梗係即刻say yes 好耐冇食泰國野🤤🤤食泰國菜必食既其中之一 一定係生蝦 生蝦又新鮮又大隻 真係啖啖肉啊唔係講笑 而且又爽口彈牙喎重點 一定要加埋個汁一齊食又係必食系列 豬肉碎份量非常多 而且啲肉碎唔會太肥或者太瘦 岩岩好 不過生菜份量就略嫌較少 可能因為我地太多人食😂冬蔭功都係必食的嗌咗細碗既都夠我地飲仲要好足料 大滿足最最最令我驚喜既就係呢道菜 軟殼蟹炸得岩岩好非常香口 最中意既係啲咖喱 連埋個法包一齊食 又或者用黎撈飯食都勁正啊非常推薦越係簡單嘅菜 越難整得好食但呢碟炒通菜真係炒得岩岩好 好爽脆燒豬頸肉飯記得要加埋個汁 夠晒惹味青咖喱既香味比想像中濃 唔錯唔錯🤤最後梗係唔少得芒果糯米飯！好滿意個糯米飯 甜甜地咁但食得多都唔會覺得漏 之後再食返舊芒果 酸酸甜甜咁 勁正係一餐勁滿足既泰國菜啊

一行四人，良久不見，特意不搭台免阻暢言，候時不久，門口侍應有禮，抵讚！-炸蝦餅油油膩，一般！-飛天炒通菜，夠辣，尚可！-生菜包，冇泰色香料味，一堆豬肉炒埋就算。-青咖哩雞，份量少，好寒酸，雞肉係急凍雞排切片。-炒金邊粉，不過不失，全晚唯一夠熱出煙嘅食物。價錢唔貴，food court質素,各取所需！重點提提侍應問題，全店侍應都好後生有活力、有笑容，好抵讚!但唯一一位矮肥女侍應令我們有點難受，落單冇笑容，態度差，芒果糯米飯食剩一半時，她負責收碟清台，她差點想收起糯米飯，我們特意提點不要收走，但她卻收起所有餐具，試問什麼意思！？算了，她又借意來抺台，拋下一句：「埋左張單先啦！夠哂鐘嫁喇！」我與友人你眼望我眼，也不知有限時，結賬走出餐廳，看看門口張貼了限時九十分鐘，知道了，我們大意！當時約九時，店內有空位，亦無客人等位，點解趕客走？來用餐要受氣，飽了，沒回頭！永遠blacklist!

早排喪食放題，今次食個泰國野黎調適下😂😂呢間泰國野係長沙彎都有一間，之前去過😆依然人頭湧湧！上菜速度極快！鮮蝦冬蔭功湯嘅湯酸度適中，我嗜酸仲嫌佢唔夠tim ah😆😆有原粒車莉茄！我最愛😆有唔同嘅菇菌，仲有大大隻，好爽口嘅鮮蝦。成個配搭勁有口感。蒜蓉包一睇就知充滿住蒜蓉，未食都問到陣陣嘅香味。外脆內軟帶點煙韌，正呀！飛天通菜，雖然睇落外表係普通嘅菜，但越普通越難整得好味。呢碟鹹淡適中，唔會炒得好老，仲有啲炸蒜係面，食落有多重口感。炸蝦餅，外皮粉得脆卜卜，內裹非常彈牙。能夠食到一粒粒蝦肉，好有口感，配搭酸辣醬，非常適合。而且雖然炸物，但應該已給索左啲油。上碟時沒有油淋淋嘅感覺。泰式海南雞，雞肉好滑，我極中意食雞胸，但一樣好滑，完全冇嚡嘅感覺。而且醬汁非常入味，好香，配合雞一齊食，超正。椰青同龍眼肉都好推介。椰青係原個新鮮椰青，入面嘅椰青水好鮮甜，好香。仲有得整啲椰肉岀黎食。龍眼冰亦非常鮮甜。牛肉青咖喱，牛肉即使浸住好耐，亦好滑，更能吸左咖哩嘅味道，更入味。而且牛肉份量亦好多。咖哩嘅椰香味好重，唔太辣，適合唔食得辣但想食咖哩嘅朋友。仲有唔同蔬菜配搭。能夠吸引咁多人黎食，總有佢原因。我只能肯定

叫左生菜包 冬陰公炒飯 蝦餅同一杯三色冰 三色冰一飲 已經飲到d 冰好水喉水味 之後食食下 生茶包 見到有手指尾咁大隻既昆蟲附左係生菜上面） 之後已經唔敢再食了 雖然員工已經換過一碟生菜過黎 但最後都冇要到

Weekend係旺角行完街，口淡淡想食翻D開胃菜。第一時間就諗起泰國野，之前都好似食過旺角呢間泰國野，印象中係幾平既，所以就去左食。🤤餐廳係旺角通菜街，都幾方便，入到去雖然唔係好大但都幾多位下。 由於人數唔多，我地是但叫左兩飯兩餸兩個椰青就算。睇下餐牌，D野真係幾平，但估唔到係唔洗加一。當中我地食左香芒蟹肉炒飯($68)，燒豬頸肉飯($52)，香葉包雞蓉($58)，蠔仔蛋($78)同埋椰青($35)。香芒蟹肉炒飯外表睇上去一般，👏但係芒果比我想像之中多，十分不錯。👇🏻燒豬頸肉飯就比較一般，因為飯比較乾而且冇咩汁🙈 不過好彩個到有自助泰式醬汁比我任加。 👇🏻香葉包雞蓉就不過不失，勝在用葉包住令人覺得額外有風味👇🏻蠔仔蛋D蠔幾多，不過美中不足既係有少少沙石係入面😫。👇🏻椰青就幾甜幾多水，以35蚊黎講都算抵飲。👇🏻總括黎講呢間野性價比都幾高。😆

呢間餐廳之前都黎過 個印象係味道不過不失 但價錢唔貴 而且唔洗加一💁🏻♀️ 所以基於巧合就再次黎食😆 舖頭有上下兩層 foodpigss🐷🐷喺6點左右黎到下層已經滿座 然而上左二樓通常去大多數嘅餐廳都係一枱俾一至兩本menu 未必大家可以同時睇 所以呢個時候可以望下牆身😁 十分方便☺️入正題 今次就食啲之前無食過嘅野😝 當中包括呢碟泰皇咖喱火山軟殼蟹法包（$138）可能因為無點期待過 然而都算幾有驚喜🤗 咬落充滿咖哩汁嘅麵包道 口感係軟綿綿😁 而軟殼蟹都炸得唔錯 份量仲幾多下😇 夾埋一齊食好match👍🏻 性價比挺高的喔💕 仲有呢個泰式香芒蟹肉炒飯（$68）芒果份量都幾多下🤗 又唔會酸😇 個飯都炒得幾好 蟹肉再加多啲就更佳雖則話想試新野 但都忍唔住食呢個之前都食過嘅泰式燒豬頸肉飯（$52）事關覺得食泰國野 豬頸肉係必食💃🏻 而呢碟都燒得唔錯 脆脆地送飯一流最後就緊係唔少得椰青（$35）喇！好新鮮又清甜💕正呀！下次會再黎

今日放工約左朋友食呢間泰菜，但佢遲放工，我就去攞位先，但店員話入座起計90分鐘，所以都係等埋朋友先入去，可能係平日嘅關係，好快就入得。佢有啲set可以揀，但我地最後都係散叫自己想食的，分別叫左冬蔭公湯、飛天通菜、金邊粉同埋生菜包，野飲我就要左青檸梳打！上菜速度快，讚！冬蔭公湯好足料，尤其係啲蝦，好肥大唔會係死蝦，酸辣適中好開胃！我覺得最好味係呢個生菜包，豬肉碎唔會太辣太鹹，又夠香！配合爽脆嘅生菜，好食到停唔到！金邊粉就中規中矩，配料好足，味道都好正宗，但略嫌個粉有啲過濕！飛天通菜就最普通，好夠味但啲菜有少少‘鞋’！青檸梳打味道酸酸甜甜，每次食泰菜都會飲！下次要再黎試埋其他菜式！！

回頭率幾高既泰國🇹🇭餐廳 👋🏻小編百吃不厭坦白講 燒魷魚🦑呢個攞滿分 好正既燒烤味 配上酸甜醬汁 令人唔多覺又整返幾舊 講得燒，點少得嗌豬頸肉蝦餅呢！☺️豬頸肉雖然偏瘦 小編就係鐘意佢少咁d肥膏既油膩口感 十分爽口！蝦餅平時食開食層皮多過食餡 呢個真材實料呀 外脆內軟 食到有厚厚既蝦肉 果然係唔錯既炸物選擇！比較對呢碟炒貴习有d保留 炒得未免太濕 搞到一pat pat其實佢個蝦醬係幾香口 不過口感有d奇怪 所以有d sad囉坦白講，小編今次偏心比9分完全係豬脾飯 首先佢d汁係超有滷水汁 夠濃 而且仲有層好肥好正既肥肉 一般要正宗豬脾飯先會有 所以見到係超感動😹海南雞飯相比就差好多 海南雞老身 口感硬硬地 雞皮唔夠肥 希望有黄油飯會更好

難得閒日放假，午餐緊係去下旺角啦～唔經唔覺行到先達，搵食晏既地方就搵到阿來泰😉午市幫襯，青咖哩雞飯永遠係我首選💕因爲實在獨愛椰汁味重既咖哩，而且雞柳感覺上成件事冇咁邪惡😉不過其實我最愛既係佢既九層塔,吸晒汁真係超正炒金邊粉，夠晒鑊氣得黎又唔會油淋淋，最後食唔晒打包返屋企叮返熱都仲咁乾身鮮蝦冬蔭公湯，有別於其他餐廳，呢度冬蔭公齋用鮮蝦，冇其他海鮮，有四隻蝦，超爽口，夠味得黎飲完唔會好口渴串燒牛雞，香茅味好足，比較乾身好似係泰式咖啡，本身唔跟奶，味濃且偏甜

聽人講旺角有間平靚正既泰國餐廳，同朋友一齊黎試下。朋友叫的菠蘿炒飯，有很多材料係入面呢，入面有蝦，魷魚粒、蟹柳、提子乾、不可少的菠蘿、肉松、粟米等，很豐富。味道不錯，又夠煱氣。燒豬頸肉外表都好吸引，但點知食落就有點失望，因為燒得過乾😥，搞到有肉質點鞋，唔知係今次失左水準，定平時都係咁呢？！🤔一人要左個椰青椰青永不會中伏，除非壞左啦，哈哈哈。😇再叫左個生蝦😍，生蝦很新鮮，咬落彈彈牙，好中意佢個青色的汁，點咩都好「野」味呢。

我自從泰國番妮就已經好掛住泰國菜，好想日日都食，所以琴晚就叫左爸佢地去食，我地見開飯俾哂奬阿來，又話係最人氣食店就去試下。我地好彩早去唔洗等位咋，我入座之後，好多人等呀。佢傢價錢非常相宜，40、50就有得食，係旺角妮講真係好平。我要左一打串燒，熱辣辣送上，有豬有雞，好惹味！我地又叫左好耐無食傢馬拉盞炒通菜，我覺得佢吵得非常之好，好夠味，勁香！我哋又叫咗兩個飯，一個係海南雞飯，另外一個係豬手飯。海南雞飯嘅飯佢係用油飯，可能因為唔係用好多豬油，所以呢就唔係食到成口都係油，冇我想像中咁唔健康，雞肉都非常之鮮嫩，佢哋俾咗無骨嘅海南雞飯俾我哋，勁好呀我哋食得勁放心。我覺得個豬手飯啲肉都幾入味，如果比多幾舊肉就好啦，嘻嘻，因為我哋幾個人不停喺度爭食，哈哈。我地又叫咗一個菠蘿炒飯，我就覺得味道啱啱好，我爸就覺得有啲淡，如果有整個菠蘿載着味道會更加濃，但而家咁樣食都好好食。爸爸叫咗個椰青嚟飲，好夠凍好冰涼正！我妹就叫咗椰汁三色冰，椰汁味好濃，值得一試。