阿來泰式地道風味

营业中

休息中

今日去旺角度做野，天氣非常熱，好想食d酸酸地既野去開下胃，所以難就揀左最鐘意既泰國菜!!! 呢間餐廳外面有一個好signature既擺設，所以一眼就會認得出係泰國菜，就共入去試無影門牌。佢個lunch set 又真係唔貴，旺角來說算好抵!!!一入到去，餐廳已經坐滿晒人，好多上班一族都會係度食lunch!! 叫左兩個 set, 一個係阿來海南雞飯，d雞肉超滑!!個醬辣辣地，好好食同好夾添!! 另一個係泰式炒金邊粉，好大碟呀!!份量超多!! 熱喇喇，擠埋青檸汁落去就更加好食!! 仲叫左馬拉盞炒通菜，又係好大碟!! 食落去係超夠鑊氣!!!不得了!! 我地仲叫左個金柚子鮮蝦沙律，我最鐘意既泰國菜式之一!! 估唔到，佢d柚子好多，仲要有d好大舊，不辣，仲甜甜地，岩晒我鐘意食柚子!! D蝦都好大隻!! 飲品就叫左青檸梳打 同 椰汁三色冰，兩杯都好解暑，岩哂大暑天氣飲。基評分: *味道(基基基基基)**外貌*(基基基基)*抵食(基基基基基)**服務(基基基基基)*最後基言:呢度食野超抵，份量又多，又高質呀!!

今日去旺角 經過一間幾多人嘅泰國餐廳 見到餐牌幾平 就入去試下啦 叫咗個泰式炒金邊粉 過咗一陣呢好快就上菜 聞落去都幾香 見到有唔少嘅海鮮料 食落口冇出面其他餐廳嗰啲咁油腻 但係好辣好夠味 份量都唔細 夠一個男仔食 見到隔離枱其他餸都幾吸引 之後都會想返嚟食多次

有朋自遠方來，有泰國的好友來了香港！晚上相約一起吃飯，就挑了旺角的「阿來」吃泰國菜。此炸蝦餅新鮮熱辣炸起，蝦膠打得彈牙！吃得出廚師背後的心機。值得一讚。原條鳥頭邊食邊滾，旁邊有碗酸湯...可以自己倒在爐中 DIY。此湯香料與辣度的比例剛好！清酸微辣豬肉碎加上辣椒碎！再加青檸汁，以惹味作主導這海南雞肉質軟腍，雖然唔係最香滑.但雞肉本身已經夠味，而且已經去骨，再沾上特制的黑醬油甜甜地。醬油味濃郁十分滋味油飯粒粒分明，帶一點香茅的味道！還有些嚼感，不會過份油潤。泰式炒芥蘭只是來點蔬菜平衡一不，芥蘭嫩綠爽脆。餐廳唔算好大，但完全無擠迫感！食物保持水準之餘，特別係服務質素比前更優勝所有服務員都好有禮貌又主動留意食客所需！

同朋友係旺角行街，咁岩見到依間泰國餐廳幾多人食，就諗住入去試下🙂一坐低我已經諗好要叫最出名既炒金邊粉😌😌 佢係食泰國菜必定要食嘅菜式！！雖然佢睇落好普通，但加少少青檸同花生碎，食落好滋味✌🏻✌🏻 加上佢咁大碟，令人好有滿足感😆😆我地仲叫左個明爐烏頭，係餐廳既推介菜😬 掛住食，都冇咩影相🤣🙈 幫佢轉身既時候先影左張，其實佢仲有d配菜，材料都幾豐富👍🏻 仲有一碗湯汁，可以加落去煮既🤤🤤飲品方面，我地叫左杯青檸梳打，酸酸地、好醒神！Cool😜😜食到最後，其實已經飽飽地，但又想坐耐d傾下計😝😝，所以叫多個甜品- 香葉椰香西米糕！😬一碟有六件，岩哂兩個人share🤓 朋友覺得佢比較甜，但我中意食甜野就覺得味道岩岩好😺 依間泰國餐廳又好味，價錢又合理，下次可以叫埋屋企人黎食👨‍👩‍👧‍👦

今晚特登帶媽咪黎食泰國嘢😼😼 因為見呢間喺泰國廚師掌廚既 啲生蝦刺身又幾正幾抵咁😻 就同媽咪黎食泰國菜啦😻今晚由我發辦 😼 我已經做定資料蒐集😼 要咗個生蝦刺身 泰式明爐烏頭魚少辣同兩個椰青😻😻😻椰青都幾清甜 又夠凍！😽😽 一陣食完明爐烏頭魚解辣一流！😽 椰青入邊嘅椰肉就好薄皮 一用匙羹筆就出左黎😹😹 食落好方便😼唔係間間泰國菜嘅生蝦刺身都夠膽食😿😿 有啲驚佢唔新鮮或者放得太耐🙀 但呢間人流咁多 食材應該新鮮😼😼 所以好放心既😼 生蝦刺身總共有八隻 $98😽每隻都好大隻😽😽 除翻開都唔貴 生蝦肉質都夠甜夠黏 點佢個特色醬汁食 再連埋加蒜頭😼😼 少少辣好惹味！😼比空口食味道濃好多！😼泰式明爐烏頭魚就一路用火燒住一路食 熱辣辣yummy又食唔停口😻😻 烏頭魚又無咩骨 點啲湯食酸酸辣辣😻 仲有啲秀珍菇！吸哂湯食最夠味啦😽😽 不過有陣時火都幾大 小心啲哦😹

一嚟就叫咗個海南雞飯先，有雞翼，雞髀同雞胸肉，一次過滿足哂三個願望雞肉嫩滑有香味，油飯雖然睇落冇咩色，但係都好入味酸辣嘅醬汁同雞肉好配搭過吓口癮真係唔錯泰式小食拼盤有四樣嘢食：蝦餅，魚餅，春卷同雞翼呢個炸蝦餅好推介蝦滑好彈牙，炸得外脆內軟，而且有蝦味蒜蓉牛油雞翼都係外脆內軟嘅，外皮炸都好薄，沾上蒜茸粒，好香口春卷係素嘅，入面塞到滿滿都係餡，有芋頭絲，蓮藕絲，木耳，粉絲等等......食落有口感，春卷皮又夠香脆炸魚餅係橙色嘅，入面有好多好似扎肉嘅餡料，而且好重香茅味小食拼嘅中間係泰式辣醬，呢個配搭好正，中和返啲炸物嘅油膩感，又酸酸甜甜唔會辣原個椰青嘅椰肉極多，同朋友一人一個，起勢用匙刮哂出嚟食，滑捋捋芒果糯米飯呢個甜品冇人可以抵抗微暖嘅糯米飯淋上甜絲絲嘅椰漿，香甜軟糯大大個呂宋芒去核，而且起肉起得好乾淨，連核兩旁嘅肉都起埋出嚟，冇偷工減料，亦冇浪費芒果好甜，一啲都唔酸，將芒果同滿有椰香嘅糯米飯一齊食，為呢餐飯劃上完美句號題外話：有個後生仔嘅男店員好有禮貌，服務態度好好，有個師奶就唔知點解好燥底

嚟到旺角同朋友食飯，兩個人都好掛住泰國嘢食，所以就搵咗呢間阿來泰式風味(注：阿來係泰文好食嘅意思)叫咗個香芒蟹肉炒飯share食金黃色嘅飯粒沾滿蛋漿同香芒嘅味道，好甜美，而且飯粒分明唔油膩，食落好清爽芒果同蟹肉嘅配搭一向都好夾，佢呢個炒飯嘅蟹肉夠雪白，一梳梳咁，食落好香嘅蟹味再加上少少蔥粒調味，成個炒飯都好好食啊豬頸肉炒通菜一啲都唔普通原本炭燒豬頸肉放入通菜一齊炒，多餘嘅油脂逼哂出嚟，肉質嫩滑彈牙通菜炒得啱啱好，口感調味一流，又唔會太鹹加上上面嘅炸蒜，整個通菜香口而不膩，好鬼好食原個椰青嘅美味唔使講，特別係依家香港天氣咁悶熱，飲啖椰青水真係清涼哂用一個大小剛好嘅碟裝住個椰青，劈開中間突起嘅位，形成一個蓋，再俾鐵匙羹同飲管一啖清甜椰青水，一口椰肉，確係消暑良品

平時比較少出旺角，今日咁啱出到旺角整嘢，喺先達對面見到呢間泰國嘢，咁就試下啦。見全日套餐只係50蚊左右咁抵，就梗係叫佢啦！全日套餐有2個1. 阿來海南雞飯 $54 ，選雞脾加$10 - 我只係鍾意食雞脾，所以加咗$10轉😌油飯都幾香，唔會好油，雞脾肉真係好嫩滑，而且有雞味😋2. 泰式豬髀飯 $48 - 配滷水蛋同泰式咸菜 - 豬髀肉好滑呀，層皮好肥美呀，大愛😍😍d皮好滑好香，正呀！套餐轉特飲加$5 ，都幾抵，所以揀咗1. 一個椰汁三色冰，紅黃色嘅粒粒中間應該係馬蹄，爽爽地，幾好2. 泰式咖啡，炭燒咖啡味，偏甜為咗健康d，加多個炒飛天炒通菜 $68 - 辣辣地又甜甜地，幾開胃最後叫咗個甜點，香葉椰汁西米糕 $48 - 面的椰汁糕幾厚喎仲好香，個底除咗西米同粟米粒外，仲有好多淋香芋頭粒粒，好好👍全日唔使加一，好抵

作為一位攝影愛好者, 經常都會在旺角區出入, 這一晚也如常地到旺角區買些攝影用品, 看看手錶原來尚有時間, 不如先試試這裡的泰國菜才回家。原來店名「阿來」在泰文就是好味的意思，坐下來，店子不大，但也潔淨舒服, 是日人客也不少。先來大大個椰青解渴, 飲了些椰青水, 味道清爽而冰涼可口，同時可以用匙子把椰肉都了刮出來食, 唔錯。來個泰式鮮蝦冬蔭公湯，真的用上大頭蝦去熬的，湯面泛紅油，吃起來酸辣俱備，也有香茅的清香，非常醒胃，還加入了不少的磨菇，喝起上來是增添其鮮甜, 湯內還有三隻鮮蝦, 認真足料。賣相已經討好的阿來海南雞(無骨)飯，雞肉整齊排列, 雞肉烹得唔會太熟, 無骨海南雞食落啖啖肉,肉質嫩滑非常, 雞皮好滑，雞味夠濃, 油飯也有水準, 食落味道豐富, 油飯香味，飯粒極有咬口，同雞肉的味道配合得非常夾, 蘸上酸酸地又有少辣的醬汁, 吃起來更醒胃。個人覺得這裡的泰國菜水準不錯, 價錢也不貴, 雖然店內環境只是一般, 但店鋪位處小巴站附近, 所以人流極多, 整晚人客不絕, 也是旺場。

見網上食評可以，又想食泰國菜，就去左試下食過好多泰國餐廳，都必試豬頸肉，但呢間既真係好垃圾，應該係食過最差之一，啲肉勁“梅”，完全冇咬口，又燒得唔香，啲汁又冇味，食左兩舊就已經唔會想食不過勝在其他食物係可以，冬陰公炒飯都夠香辣，炒通菜係好食既，青咖哩鷄都有辣香，只係雞少左啲價錢方便好合理，兩個人去食又想試多幾道菜都唔會肉赤

夏天咁熱，最好就係食啲酸辣野，先至開胃，食泰國嘢就最啱啦～ 假日嘅lunch去試吓「阿來泰式」～ 餐廳係旺角，位置好方便，星期六日公眾假期都有lunch set, 都係$48，仲要包飲品，免加一，真係抵食👍🏻👍🏻👍🏻金柚子鮮蝦沙律 $68柚子沙律係新鮮柚子肉加上椰子肉乾，仲有鮮蝦，味道酸酸甜甜，幾開胃～泰式肉碎生菜包＄78分量幾多，肉碎小小辣，幾惹味，生菜新鮮，整體味道好好，送飯一流～😋 椰汁青咖喱雞飯＄48亦係份量好多，細心地分開咗青咖哩雞同飯，青咖哩香濃唔太辣，雞都算滑，整體味道好，抵食👍🏻金不換香辣肉碎炒河＄48個人最喜歡這個午餐，好味又抵食😋 亦係唔算好辣，金不換炒河好香，河粉夠滑，味道好好😋 推介👍🏻

今晚約咗個舊同事食飯，他介紹去到旺角( 阿來)泰式地道風味餐廳食泰國菜， 餐廳位於先達廣場對面，非常方便，當我食完這餐後，就知個舊同點解成日都會到這餐廳光顧，因食物質素不錯 ，價錢又合理。阿來海南雞飯半隻$128， 雞好有雞味，肉質好嫩滑，記得要點個醬汁， 甜甜酸酸更帶出海南雞的味道。辣椒膏蝦頭油海鮮炒飯$68，飯炒得好金香爽口 ，加上微辣同蝦膏十分惹味。椰青$35食泰國菜一定少不了，椰青新鮮，清甜可口。芒果糯米飯$52，啖啖肉的芒果再配煙煙韌韌甜甜的糯米飯十分夾。• 仲有各種地道特色的串燒、小炒、粉麵及套餐。

今日出開嚟呢度睇醫生，想喺度快拿拿聲食個午餐，泰國菜係我嘅飛佛！ 經開先達就係呢度附近快閃阿來試下先。呢個呀來海南雞飯好抵食，平靚正，不得不叫。只係54蚊，仲要跟埋野飲，都幾多雞肉，冇乜脂肪。雞肉又嫩又滑又冇骨，配埋個香辣雞汁，超好送飯，我成個黃油飯食哂，一粒米都冇剩。，天氣咁熱，整返杯咸檸七爽丫丫。跟餐加10蚊only。馬拉盞椰菜苗賣哂，咁就要咸肉炒介蘭，都好好食，芥蘭炒得好爽身，好香口。大大碟的柚子沙律，岩哂我地重口味，不過有啲啲鹹。老婆飲凍檸茶，唔記得左叫小田。但呢杯凍檸茶沖得好好！！！有茶香但味唔會太甜，唔似一般茶餐廳啲凍檸茶！！！話減肥的女人最後都仲叫多個豬頸肉飯餐，碟飯咁多豬頸肉，説好的減肥在哪裡呢？

今天很想食泰國菜，所以來到了旺角的阿來泰式餐廳。這的價錢很合適，平民價錢就可以食到泰式地道菜。我和友人點了一杯檸檬梳打，味道很清新，很適合夏天享用。我就點了一杯龍眼冰，口感很新鮮，啖啖龍眼的清香，很好味。我們還點了泰式金邊粉，口感很美味，味道很正，很有鑊氣，食完這金邊粉，讓我感覺好像置身於泰國。這是泰式燒豬頸肉飯，豬頸肉燒得很脆卜卜，很有泰國風情，豬頸肉很新鮮，肉汁濃郁，配上特制醬汁，口感一流。燒油魚，口感很正，很新鮮，配上秘制醬汁，口感好味，食到停不了。芒果糯米飯口感一流，糯米飯配上新鮮椰汁，熱熱的，很甜美，再配上芒果的清香，簡直絕配，一熱一冷，口感似冰火交替。環境舒服。價錢合理。飲品種類很多選擇。

星期日約咗朋友喺旺角個邊做運動，打算運動前食少少嘢，行過見到呢間泰國嘢好似幾吸引，價錢又幾抵食就入咗去～舖面雖然唔係話大大間，但都幾多客仔架～睇一睇餐牌，啲午餐都幾抵食，48蚊有個，仲要包埋嘢飲！望埋小食同飲品，都幾多選擇～我哋叫咗兩個椰青！夏天咁熱梗係要飲返個清甜嘅椰青涼爽下！再嚟叫咗個泰式小食拼盤同海鮮雜錦喇沙～小食拼盤都幾抵叫，有四種小食：雞翼、蝦餅、越式春捲、雜菜餅，每款4件。蝦餅都整得幾好，點埋個泰式辣醬超正～不過個辣醬都幾辣下，唔太食得辣嘅就點少啲～但建議大家唔好眼闊肚窄，因為其實兩個人食咁嘅份量都幾多～海鮮雜錦喇沙味道都唔錯，唔會話好辣口，相比之下，我覺得湯底偏咸～材料方面都好豐富，有魷魚、青口、蟹柳、蝦等等，呢個價錢黎講都叫做性價比幾高，大家行經過不妨一試～