阿來泰式地道風味

营业中

休息中

昨天兩個人見食評唔錯，就去試下la，當時未夠7點，入面還有好多吉位，雖然規定用餐時間90分鐘，但都要等齊人先可以入。叫左三樣嘢：生菜包，串燒，海南雞。生菜包有5塊生菜，如果多一塊就好d，最後包唔曬d肉碎。肉碎味道微辣，調味唔錯，只係d肉碎比較多肥豬肉。串燒d肉無乜味，比較韌，味道全靠醬味黎幫助。另外d花生係審上去，無一齊炒過，d醬唔夠香。海南雞飯d飯幾夠味，全餐唯一亮點。雞肉正常質地，無雪味，易無雞味。

這間在旺角的泰國菜館，每晚放工經過門口都圍滿了人，今晚就同同事一齊去試一試。餐廳以泰國菜作招來，有沙律、小食、咖喱、海鮮及泰式粉麵等，價錢公道，而且晚市都不用加一。泰式鮮蝦炒金邊粉金邊粉爽口，伴入了花生碎及少許辣椒香味，微酸惹味，蝦仁彈牙。泰式炸蝦餅蝦餅炸得香脆，表面炸漿不算厚，蝦肉很厚，而且彈牙。海南雞例牌雖然是例牌，但份量差不多有半隻，全部都去了骨，雞肉嫩滑但略欠點雞油香味，加上特製的醬汁，適合配油飯一起吃。青檸梳打&泰式咖啡前者帶點青檸清香及酸味，而且不會太甜，非常解渴；後者可選擇加奶與否，咖啡味道較淡，比較甜。

今日阿媽生日，佢最鍾意就係食泰國菜，尤其是明爐烏頭，所以今晚就去了附近這間阿來食泰國菜。餐廳有套餐亦都有散叫，全日免收加一，唔怪得之咁旺場啦！金柚子鮮蝦沙律沙律份量十足，柚子肉加上花生碎及泰式酸甜汁，清新開胃。泰式明爐烏頭原條烏頭以小爐燒著，新鮮熱辣，烏頭不及冬天時肥美，但肉質嫩滑，有泰式湯汁、芹菜、肉碎及香葉等浸煮，帶點鮮甜及淡淡的酸味。串燒沙嗲半打串燒有雞及豬，沙嗲醬有很香的花生味，十分惹味，雞肉燒得較香而且比較腍滑，豬肉串則較乾身。

原來已經好耐冇食泰國菜，出開旺角行街就搵到呢間阿來泰式地道風味。本身係香港出名嘅泰國菜可能要去到九龍城食，估唔到喺旺角都搵到一間咁好食嘅泰國菜，而且價錢一啲都唔貴。泰式生蝦刺身一食落口就覺得好新鮮，一定要配埋佢嘅醬汁，個味道好難形容，醬汁冇出面食開嗰啲咁酸，係好容易入口同生蝦好夾。泰式肉碎生菜包食生菜包其實最驚就係啲菜霉霉爛爛，放完啲肉就甩晒出嚟，但呢度嘅生菜好新鮮，食落索索聲，啲肉碎有落少少辣椒，好惹味，絕對係食過最好食嘅生菜包之一。啲肉都唔算好肥，份量都好多，食完啲生菜都仲有肉淨。辣椒膏蝦頭油海鮮炒飯 呢個真係不得了，有蝦味又夠辣，海鮮用料好足，隻蝦係好彈牙，每一啖飯都有青口魷魚，啲飯炒到好乾身一粒粒，呢種辣椒膏係會令人上癮架，平時唔食飯嘅我都清左成碟飯。食完正餐一定要滿足埋第二個胃，就叫咗泰式芒果糯米飯。啲芒果好大塊，一啲都唔酸。糯米飯係熱嘅，配埋啲芒果同椰汁令人好滿足，老實講真係覺得好食過泰國嗰啲。就算食到好飽，我哋都清左成碟芒果糯米飯。依家打打下食評，諗起佢個辣椒膏蝦頭油炒飯同芒果糯米飯都流晒口水。呢間餐廳絕對可以再嚟而且價錢真係好公道， $70都唔使就有個飯食。

三個人黎食晚餐，限制左90分鐘時間食菜上得算好快，不錯首先，炸蝦餅，唔夠熱，食落好硬考我牙力通菜色水有d驚，一度懷疑係咪用左特製醬料？咁灰嘅個pad thai，應該係我人生食過最dry嘅pad thai抵讚嘅係個烏頭，冬蔭公湯底好好味，魚肉好嫩滑個芒果糯米飯都好食，芒果算新鮮！生菜包個肉太濕，如果再辣少少會更好。青咖哩汁好多，送飯一流，不過都係唔夠辣（利申，譚仔食開4小辣，唔叫食得好辣）總括黎講，無想像中咁好食，但個魚可以再encore🤘🏻

今晚同同事去旺角行街，順便食埋晚飯，突然話想食泰國菜，我心諗吾通要搭車去九龍城。好在比我地搵到附近有間食泰國菜既餐廳。入到去都發覺幾多人，原來仲有樓上2樓的。我地兩人食吾到太多菜式，點了最經典的泰式海鮮炒金邊粉，味道酸酸甜甜的，旁邊放左花生粒作伴菜，混合埋都幾香口。而金邊粉咬落軟滑，蝦肉大大隻又爽口，仲有幾多隻。食既時候，加埋幾滴青寧汁就更加出哂味道。東蔭功湯，香味一流，第一口覺得有少許辣，但往後慢慢適應左，湯味道十分濃郁，湯料中既海鲜有蝦有蜆有菇，亦很足料啊。到串燒啦，串燒只有雞或豬肉供應，烤得不會太過乾身，份量比我預期中大碟，真係估吾到咁大大串，不過若有牛肉可選就更加好了。整體食物味道好味道，價錢又相宜，服務員態度幾好，眼見都幾多三五成群既後生仔約埋一齊來食，可能旺角真係後生仔女既聚腳地啊！

同男友放工去到旺角 突然間想食下泰國野就諗起有間係旺中附近入到去 爆晒場 佢叫我地上閣樓估唔到呢間店面小小 原來仲有閣樓上面果層仲要都幾大下 一d都唔焗促（ 個冷氣 仲涼咗少少添 哈）閣樓都爆場咁濟 我同男友兩個人食都要搭枱嗌左（5滿分）一杯 鹹檸七一杯 凍泰式咖啡一個椰青焗飯一個馬拉盞炒椰菜苗一個泰式豬頸肉我男友好欣賞杯鹹檸七呀仲講笑咁話想買曬佢成罌鹹檸檬添叫我返屋企 沖畀佢飲哈哈個椰青焗飯超級好食應該落咗椰漿或椰奶焗椰香味非常濃郁 如果呢間鋪頭喺我地屋企附近 我諗我哋會成日落去食返同一個飯馬拉盞炒菜個味啱啱好因為馬拉盞好容易會過鹹但呢間舖頭處理得非常之好味道恰到好處值得一再回味

係旺角行完街要搵野食，朋友話呢間泰國菜性價比高喎，好啦，就試下勁抵食既拼盤呀有蝦餅，魚餅，4隻雞翼，春卷，真係勁足料最鐘意係佢個蝦餅，又香又彈牙！另外個3款都唔錯，以呢個價錢黎講都幾高質好大碟呀，而且整得唔錯夠乾身唔會變左一pat野咁佢仲有蝦架，幾大隻，同幾爽口！食金邊粉緊係要有花生碎同青檸啦，再惹味d仲有唔少得既椰菜苗唔係到到有得食架真係！唔會太油之餘仲炒得好鑊氣呀！加埋D豬頸肉真係好滿足不過就會坐得比較迫，要留意

死亡week11難得做完project梗係同男朋友食返餐好平衡吓心理，即興話食泰菜就近近哋揀咗阿來，點知又幾好食喎👍🏻叫咗個二人餐(B) $328有得揀「泰式滷豬脾(例牌)」或者「泰式海南雞(例牌)」，我哋今次就揀咗海南雞，啲雞好滑好好食☺️ 佢另外比嘅海南雞醬酸酸辣辣咁好惹味，我仲拎咗佢嚟撈飯食🤪跟住有生蝦刺身🍤 啲蝦都幾大隻彈牙，配埋蒜片同辣椒片再點埋生蝦汁一齊食好過癮😆泰式肉碎生菜包🥬呢個冇影到相，因為我覺得一般，味道比較酸唔同出面食到辣辣哋咁會想一啖接一啖，不過都算幾大兜，啲肉碎多到可以當餸食😂燒豬頸肉🐷唔知係咪因為即燒所以呢個等得比較耐，差唔多食到一半先上，但係好好食好爽口，唔會燒得好韌😀個套餐仲包咗兩碗白飯/油飯同兩杯嘢飲(椰青+$20)，兩個人食好飽肚都幾抵食，可以encore🤙🏻

同班fd放學想食泰國菜，行過就去咗呢間食。因為我地同行十個，上咗二樓有大枱。無諗過啲野幾好食。叫咗好多野試，例如生菜包，pad Thai，生蝦，兩個菜等。最值得推介係個冬蔭公烏頭魚！冬蔭公湯分開有另上，邊食可以邊加湯，夠酸夠辣。生菜包都值得推介，味道夠酸，如果中意食酸野值得一試，我地都反單咗一次😛另外甜品叫咗椰汁糕同芒果椰汁飯，味道都不錯！最重要係價錢相宜，買單每人一百都唔洗，適合一大班人一起食。

Disappointing meal despite booking after seeing a lot of happy customer reviews on Openrice. Had variety of dishes (raw prawns, tom yum soup, pineapple rice, chicken green curry, tung choi, garlic bread and pork neck) and ALL were poor. You can definitely find better, more authentic Thai restaurants in HK. Price was fairly expensive for the quality and service was basic.  Do not waste your stomach, time or money!

新年期間，幾乎餐餐都係中菜，太誇張了所以放工就拉埋同事逃離一下中菜，就黎左旺角食泰國野，之後仲可以行一陣街兩名女子，叫既食物唔多，但都以飽肚為主火山軟殼蟹法包因為menu影得好吸引，爆多的醬汁，大大隻既軟殼蟹幸好，實名同相既份量同賣相都差唔多軟殼蟹要快啲夾起，唔係就好快變淋(但我朋友竟然係鐘意淋身，我理解唔到麵包就外脆，內煙un，屬於較有嚼口既類型醬汁好充分，完全夠食到最後泰式炒金邊粉呢一款就係乾身既炒金邊粉，好香好有鑊氣乾身之餘又唔燶件有花生碎、青檸同大蝦，蝦亦幾彈牙爽口我個人亦好喜歡佢既調味，有香辛鑊氣之餘，一點都唔濃味，很推介食泰國菜必點既椰青，非常清甜，椰肉嫩，好易括出黎食

今晚去旺角行街，朋友話想食泰國菜，但又唔想食太貴嘅餐廳，行左陣，見到呢間泰國餐廳既價錢都幾親民，所以一於入去食下。呢間餐廳唔係好大間，而且枱與枱之間嘅空位唔會好大，所以你要預咗坐得會有啲迫。因為得兩個人食，所以我哋就淨係叫咗個柚子沙律，一個火山軟殼蟹法包，同埋一個辣椒膏蝦頭油海鮮炒飯。首先嚟嘅就梗係個柚子沙律啦：開頭以為佢咁嘅價錢，應該都淨係得啲柚子同埋啲青菜。點知嚟到發現上面竟然有蝦，即時覺得好抵食。而且佢啲酸酸甜甜嘅味道 ，令到你胃口大開。跟住就到火山軟殼蟹法包：佢應該係有兩隻嘅軟殼蟹，對切放咗喺個法包入面。 軟殼蟹炸得好脆，而且點埋啲咖哩醬食，好好味。食完個軟殼蟹，仲可以將啲法包點佢入面嘅咖哩汁。法包點咗啲咖哩汁之後十分惹味。最後到個辣椒膏蝦頭油海鮮炒飯：個炒飯中規中矩啦，入面除左有蝦米仔之外，仲有有粒大蝦。呢個炒飯帶少少微辣，食落口好惹味，但佢嘅份量唔算好多，女仔ok,男仔只食炒飯未必夠飽。

🤮🤮🤮🤮🤮🤮🤮🤮🤮🤮🤮🤮🤮🤮一年前過黎食過，味道中上，今日好想食泰國菜，就諗起旺角依間阿來泰國菜餐廳。泰式鮮蝦炒金邊粉，味道麻麻，麵質過林，整體味道一般，不值58元，海南雞半隻價錢128，上菜的時候竟然有4隻雞翼，而牠們的味道明顯有雪臭味，肉質十分霉。馬拉盞炒芥蘭只有十分咸的味道，菜本身十分老，很多渣。兩個人來吃，點了三款菜連加一要254元，到頭來唔知食左啲乜，街市外賣仲好食。

有朋自遠方來，自要盡地主之誼帶她賞靚境啖美食。今曰在旺角買買買之後，去了在通菜街97號的阿來食泰式菜，雖然這裏的午餐$48客超抵，大大份又好味，但做東道主都是點些小菜給朋友嚐嚐，套餐就待平時要速食時才點。金柚鮮蝦，一食便知金柚不假，柚的甜配炸了椰絲的脆，蝦的鮮再加泰汁的微酸，味道同口感好豐富又勁開胃。碟鐵板蠔仔蛋很足料，蠔量足同蛋量不是相伯仲而是量多過蛋咁。蠔隻隻脹卜卜，新鮮就是新鮮的模樣，蛋炒得剛好，不老，食到底配銀芽食解膩，增爽爽的口感，食得更過癮。主食是火山軟殼蟹法包，法包焗到脆脆，將溶漿模樣大大隻炸脆的軟殼蟹放入，睇到食指大動，又擔心胃能否放得落。美食當前，減肥放兩傍，開懷大嚼至重要。入口滿嘴鮮嫩的蟹肉。用匙羹滔一些醬料加蟹肉放法包上食，味道調得宜，咸、甜、鮮都嚐到。今餐主要點的都是海鮮肉，不然碟頭咁大，二人未必能ko所點的美食。最後以清涼椰青作結，人生快樂就是這樣簡單，良友相伴，美食在前，佳飲在手， 夫復何求，暢快。