阿來泰式地道風味

营业中

休息中

“冬陰"是酸辣的意思，“功”是蝦的意思，翻譯過來其實就係酸辣蝦湯；只要聽到冬陰功這三個字，聯想到的就是泰式料理；帶上朋友來到位於旺角葛阿來泰式地道風味Aroy Khao Man Gai ，體咗一下菜單，太多美食選擇，讓人唔知道從何選擇，首選當然是冬陰功湯啦，主要有泰國特有的、香茅、辣椒和蝦，湯裏集合了酸辣甜鹹和濃濃的香料味道，吃完後讓人流連忘返，念念不忘；唯愛和美食不可辜負，強烈推薦阿來泰式地道風味 Aroy Khao Man Gai，既美味又開胃哦！

這天，突然好想好想食芒果糯米飯！搵啊搵啊搵，搵到黎旺角食泰國野！講真，我同男朋友食好少好少野，但環境真係比較逼，坐二人枱真係叫多樣都唔係好work！【泰式炸蝦餅】好抵食，熱辣辣，大大件，唔係特別好食，但價錢滿意！好滿足！【馬拉盞炒通菜】不錯！【泰式SUKI炒粉絲 (牛)】我地見到個名咁搞笑，叫suki，就嗌黎試下，又幾好味，原來係酸酸的，好開胃，濕濕地好易入口，牛都好多，可以一試～【芒果糯米飯】幾大份，可惜芒果有d黑，之後因為糯米中間太硬所以換咗比我地，連芒果都換了！芒果都好甜，正！總結，如果臨時想食泰菜，可以黎一試！

✨旺角大碟抵食好味多選擇泰式午餐😍呢到既Lunch Set係12:00-17:30😝味道雖然未話好驚喜必食 但都唔差而且幾好味！重點係大碟抵食 $50內已經有9款泰式午餐選擇✨去開旺角想食個泰Lunch 都可以考慮下呢間～🧚🏻‍♀️💛泰式炒金邊粉 $48 （7/10）金邊粉炒得煙煙韌韌 而且夠乾身味道酸酸甜甜 而配料主要係雞蛋、豆芽仲有好多花生碎🥜配埋金邊粉食超正🤤份量真係好大碟 女仔未必食得曬🤭同之後睇返先知我呢款午餐Set係比較少配料的🥺如果想食多啲配料 就要記得嗌返主餐牌個款泰式鮮蝦炒金邊粉啦🧚🏻‍♀️🐥海南雞飯 $54 （8/10）雞肉嫩滑 雞味好鮮好香😍皮同肉比例啱啱好 雞皮較薄亦唔會太肥（油）點埋辣中帶酸既秘制醬汁更加惹味😋油飯粒粒分明 充滿雞油香 見男朋友到清曬就知幾正！真心唔錯😆🍹龍眼冰 +$5 （8/10）泰式飲品中除咗椰青我最愛就係龍眼冰啦😍味道清甜消暑又解渴 仲有好多龍眼肉食返😝下次會想試埋泰式蠔仔蛋飯😋✨

肥雞響 旺角街市搭車咁耐都唔知附近有一間咁好味嘅泰國餐廳有一日肥雞同朋友喺旺角行完街唔知有啲咩做見到呢一間人口咁多門口咁多人排隊咁梗係入去試下啦咁肥雞入到去呢買咗個咖哩 炸軟殼蟹咁佢嘅軟殼蟹呢係就好咗放喺一個農夫包入面入面樣換咗洋蔥彩色椒同埋咖哩汁呢一個用嚟點多士或者配飯一流加上其實佢個農夫包本身都可以食所以有好多種唔同嘅食法當然呢得泰國餐廳梗係唔可以唔買海南雞飯同埋呢一個嘅金邊粉呀海南雞飯啲雞呢可以免費轉做或肉所以呢一點非常得肥雞風心佢啲其實肥仔最鍾意食海南雞飯唔係去啲雞係佢個酸辣汁我覺得佢嘅辣醬做得非常之出色啲雞翼都好滑 都係值得推介嘅咁佢個泰式金邊粉呢番茄味好重和氣好最配埋上面嘅大蝦同埋呢一個嘅花生說每一啖食落去呢都有好到地泰式嘅口感咁肥家一直都好想試下泰國名菜就係蠔仔炒蛋咁佢啲蠔仔每一啖都充滿咗飽滿嘅號加埋牙菜食味蕉嘅蛋真係好正呀個口感 咁肥雞再嗌多個泰國象啤好彩今次冇揸車泰國象啤喺夏天食嗰陣時候配埋一啲鑊氣感觸嘅泰國菜簡直係一個絕配嘅享受而家終於明白泰國人點解咁鍾意喺路邊食地道小菜嘅時候嗌返杯泰國象啤啦

近期繼續試泰國菜餐廳，今次叫左菜包，香芒糯米飯，同豬頸肉炒通菜。菜包有點太辣，唔係個個受得住。香芒糯米飯得一種白色糯米，芒果較少。豬頸肉炒通菜既豬頸肉較少，整體黎講不過不失，冇乜驚喜。

今晚肥妹仔放工之後去咗旺角嘅一間泰國餐廳食泰國菜。呢度嘅泰國菜價錢唔貴，但係份量都好多，肥妹仔都幾推介人嚟食㗎。泰式炸蝦餅  $78呢一個炸蝦餅蝦肉超級爽口彈牙，幾濃嘅蝦味，外皮炸到脆卜卜，好好食。泰式鐵板蠔仔蛋  $78呢一個鐵板蠔仔蛋肥妹仔真係要一讚，因為佢嘅蠔仔都好大粒，一啲腥味都冇，好新鮮。蛋好滑，加埋啲芽菜一齊食好香。火山軟殼蟹法包  $148呢一個軟殼蟹法包好惹味，軟殼蟹炸到脆卜卜，啲咖哩唔辣，好濃嘅椰香味，用嚟點麵包好正。阿來海南雞飯  $52無飯不歡嘅肥妹仔我叫咗呢一個海南雞飯食，佢嘅海南雞雖然唔算好滑，但係勝在個味都唔錯，個雞飯唔會好油， 都ok。蒜蓉包  $25肥妹仔我特登嗌嚟點咖哩食嘅。佢嘅蒜蓉包好大塊，焗到脆卜卜，蒜蓉味都幾香，正。椰汁三色冰 $22泰象啤$35椰汁雞湯  $58呢一個椰汁雞湯有驚喜，佢係偏酸， 但係椰香味都幾濃，雞件都幾滑，飲落去非常開胃。

朋友帶路話旺角有間地道泰國菜，平時淨係識去九龍城食，其實好唔方便呀，聽到旺角有點都要食下！！青檸酸辣蒸烏頭$148嘩，條烏頭仲大條過隻碟呀，上面舖滿晒青檸、酸辣嘅醬料，一上枱就好香，酸辣味特別開胃，唔會太辣太搶味，而且唔會腥，啖啖肉～海南雞例牌$78話係例牌但都有半隻呀，雞肉醃得入味，肉質嫩滑，仲去埋骨架，好方便呀泰式炒雜菜$58有椰菜、芥蘭、粟米仔、菇，落左好多蒜粒，個汁好惹味咸檸7$22飲埋咸檸7好完美～

星期四收工後，同朋友去左旺角阿來泰式地道風味食晚餐。泰菜係香港好受歡迎，同時都好常見。但常見同好食係兩回事。今次黎到呢間，未入餐廳已經見到滿座，證明有一定程度既支持。今次同朋友叫左個二人套餐，因為太多美食選擇，又唔知點揀好，所以就試佢地安排既套餐。首先前菜黎生蝦刺身，正！生蝦夠大隻，咬落肉質彈牙，完全無霉同雪味既感覺。配上青檸加其他配料造既特製醬汁，酸得黎又突出蝦既鮮味。蝦肉食落口感一流，食落更有層次感。跟住食既燒豬頸肉，夠熱夠彈牙！因為夠熱，所以皮帶點脆。食落彈牙，肉身嫩滑不會失去口感。更唔會過左火侯而令肉變老，食落啖啖肉汁後豬頸肉散出，香，脆，嫩，正！再跟住黎既泰式肉碎生菜包真心一絕！生菜本身夠新鮮大塊，可以包住更多肉碎，生菜包住黎食，就等於係生菜清新既口感配上濃味肉碎既強襲。令人停唔到口！肉碎份量足！調味夠！肉既油脂香令肉碎更惹味，微辣更令人開胃。算送飯當配菜都一流！最後主角泰式海南雞，份量足之餘，仲要係無骨！見到隻雞去骨後都甘完整，可以師傅日子有功。雞肉嫩滑，配油飯特別開胃，雞無雪味之餘，依然保留到雞既鮮味。不得不推介呢間餐廳，真係值回票價！

朋友話呢到啲豬手飯好唔錯，所以呢日嘅下午茶時段就黎試下。個飯一到，即刻試左啲豬手先，上面近皮嘅部分真係好滑好淋，而且滷水汁煮得好入味。而個汁亦都好好送飯。另外不得不提旁邊嘅酸菜，鹹鹹酸酸咁，令到個飯食落多左一種層次。不過豬手下面就放左兩條芥蘭莖，唔知點解就非常之苦。

第一次平日食係ok嘅，食物好食，服務都ok. 但第二次係星期五去食，限時1.5小時，食食下就有人嚟收嘢，問都唔問。我地睇下錶仲有20分鐘先到，點解收嘢？仲要d食物都未食完就攞走，仲要話我地夠鐘。喂，就算真係夠鐘都講聲和問下要唔要打包呀！同佢講我地係6點9先入嚟，應該8點3先完，你未夠8點就收我嘢，個waiter仲話樓下話夠鐘，跟住就行咗去。落去埋單時同收銀講佢又支吾以對，嬲到爆，俾錢走人。以後唔再去！

同fd 去旺角買完野餓餓地，直接行左附近呢間泰菜，蠻多人同評價好像唔錯menu 選擇好多，全日免加一. 選左個辣椒膏蝦頭油海鮮炒飯 $68帶微微辣，海鮮唔算多，最主要上面兩隻蝦. 調味都還可以，但個人覺得炒得唔夠乾身. 反而隔離枱order 無骨海南雞飯更吸引另外order 左個牛腩煲 $88，咖喱轉左店員話最辣既青咖喱. 咖喱好稀身，味道上的確帶香辣，但略偏咸，岩再撈多d 飯食. 牛腩炆得超軟腍，中間帶一層肥肉. 不過牛肉味較弱. 蒜蓉包 $24order 左個蒜蓉包送咖喱，包烘乾脆，浸係咖喱還不錯. 最後追加左個汁燒魷魚 $88魷魚原隻都頗大隻，幾新鮮，口感軟彈. 有塗層辣醬燒，所以帶一點辣度，不過最主要味道都係靠點一邊sauce, 酸辣的頗惹味臨走前其他枱order 咖喱軟殼蟹法包睇落好吸引，有機會下次可以試下

都係唔好煩，揀個兩人餐算。由於我想食生蝦刺身，咁梗係揀第二個二人餐啦。海南雞啲肉唔錯，仲要有雞髀，滑脫脫，肥嘟嘟，都有好多舊，兩個人一定夠。炭燒豬頸肉都好有肉感，外皮小脆，味道可以。生菜包，分糧非常多，一定會剩好多配料。生蝦刺身，有六舊，連埋紅辣椒仔食，有啲辣，所以另外果兩舊我都係就咁點醬食。嘢飲揀咗鹹檸七，正正常常。總結：呢個二人餐勝在份量好夠，價錢都大眾化，所以個人覺得唔錯。$328有咁多嘢食，算係咁。仲要冇加一。

天氣開始熱想食啲開胃酸酸甜甜嘅泰國嘢呢間旺角見到一間店好多人排餐牌見到有個二人餐內面有曬想食嘅嘢三百幾蚊但已有四個餸仲兩個飯同兩杯野飲生蝦刺身賣相吸引生蝦非常新鮮而且好大隻 彈牙爽身泰式肉碎菜包半肥瘦既肉碎裏面有小小辣椒再加芝麻好香 味道得中啱啱好加埋生菜 成個感覺好惹味又清新燒豬頸肉大大塊豬頸肉切得夠厚燒得夠香但唔會乾身泰式海南雞雞身夠滑加上特制海南汁酸酸辣辣 起埋骨 放心大食加埋個油飯 無得頂係旺角都搵到間咁好既泰菜好滿足

金沙炒大蝦 $158以此配上炸脆酥香的大蝦， 外脆內嫩又多汁之餘，仲加添了齒頰留香的鮮味。 咸香與鮮甜久久不散，用黎撈飯一流！黃咖哩牛腩煲 $88咖喱香濃惹味， 椰汁香非常突出，與咖喱味相映成趣。 牛腩炆得通透， 非常之軟淋入味。 絕對唔痴牙， 珍品！煲內牛腩好似食極都仲有， 非常足料。 而配菜又是證得欣賞的地方， 有青紅椒， 洋葱等等， 香口得黎又健康， 減少罪惡感。誠意推薦👍明爐冬蔭功烏頭 $168烏頭肉質肥美，絕無泥味。配上冬陰公湯底的酸酸辣辣， 更能帶出魚的甜。 而湯底味道調教恰到好處，不會過辣，就似泰國飲的一樣正宗， 風味十足。 阿來海南雞飯 $52 改白飯海南雞飯的主角就是雞肉。阿來的雞肉好嫩滑， 仲見到皮肉間有啫喱， 就知處理恰好， 沒有流失雞汁。 配上泰式辣醬沾黎食，另添一陣泰國風味。豬頸肉炒棷菜苗 $72可以用一個字形容這道菜， 爽！豬頸肉好爽口，加上鮮嫩的棷菜苗，除了爽脆外就是爽脆。

人來人往既通菜街，見到好多人排隊就入左依間餐廳食飯，餐廳係食泰國菜，多人排隊但好快就有位必食推介✨金沙炒大蝦 $158金沙即是咸旦醬，漏油咸蛋黃炒成的咸蛋黃醬更突顯其咸香味。香濃既蛋黃沾滿每隻大蝦，蝦大隻陣形牙又新鮮，啖啖都食到蛋黃香🦐黃咖哩牛腩煲 $88咖哩勝在唔太辣味道夠哂滑，而且好多配料青椒、洋蔥……令到咖哩更加香濃，牛腩炆到好腍夠哂入味明爐冬蔭公鳥頭 $168好大條又新鮮既烏頭，加上冬陰公湯即刻大大增加鮮味，仲吸哂湯既精華，好似係泰國飲個隻味阿來海南雞飯 $52 改白飯雞肉好嫩滑仲配左泰式醬可以沾黎食，油飯改左白飯豬頸肉炒棷菜苗 $72豬頸肉好爽口炒埋鮮嫩既棷菜苗