阿來泰式地道風味

营业中

休息中

黎到旺角通菜街附近食泰國菜，呢間小店人流不絕，座位唔算太多，我地叫左燒豬頸肉，份量都幾大碟，外層燒到香脆裡面肉質彈牙，肥瘦層次分明，配埋酸辣醬飲品三色椰汁冰，好有椰汁味加埋軟淋淋一條條既泰式啫喱三色條，炸蝦餅大大件厚切熱辣辣，青咖哩牛肉個青咖哩辣得好過癮入面仲配有泰國茄子香草等配料，好濃咖哩味，乾炒牛肉河粉穫氣好夠，河粉用左比較粗身既炒加埋雞蛋菜一齊炒，味道真係好夾，唔會好咸同油，食物款式選擇多，上菜速度快。

💛 呢間泰國菜好近旺角地鐵站，超方便！另外價錢都好合理，亦比我發現咗超級好食嘅軟殼蟹法包😍💛 火山軟殼蟹法包 $148大大隻軟殼蟹放喺包上邊！炸得香脆😍另外啲咖喱汁都好惹味，又唔會太辣包蓋同埋成個包都可以食😆 加埋咖喱汁簡直一流！超級推薦這個！很好食😚😚💛 泰式炒金邊粉 $63另外嗌咗食泰國菜都好鍾意食嘅金邊粉~三隻蝦都好肥美😎 💛 馬拉盞炒通菜 $68另外通菜係我哋嘅至愛😍 碟菜唔會太油，亦都唔會太鹹，食下食下就好快食晒啦😁💛 椰青 $38椰青好好味好清新🥥 開口開得夠大，比較容易可以刮到入邊啲椰子肉出嚟食😆👍🏼我最鍾意食完正餐嗰啲椰子肉出嚟食當埋甜品😚

呢間泰國菜非常好食，好似仲有隱藏菜單，呢個就要問員工先知啦呢間嘅湯都做得幾出色，同埋佢嘅生菜包都好好味，超級足料同野味仲有佢嘅炒飯都出色，唔會好似出面咁唔足料，係超級足料同埋炒得好香口

突然想食泰國菜，即刻約埋三五知己，朋友推介呢間，平時成日經過都冇留意，今日一去到已經見到有人排隊，好彩我哋預先有預留枱，準時開飯。我哋一行三人，買咗五個菜式三杯飲品，食物嘅份量剛剛好，不會太多好適合我哋三個女生食。飲品方面正正常常，冇乜大驚喜，但如果以價錢來講我真係相當抵食嘅。最令人驚喜就係軟殼蟹咖喱法包，佢個咖喱汁好明顯見到有蛋白混埋一齊煮，對於我哋唔太鍾意食辣嘅，口感剛剛好，唔會辣到麻痹晒食唔到真正嘅味道，個包酥脆得來又朔晒汁，令人食慾大增。

早幾日放工落左旺角搵食~無意中發現哩間~性價比幾高既泰菜~當日雖然打風又落雨~不過都見唔少捧場客黎食~仲見到門口需要等位添~想食既真係最好打黎book定位~✅泰皇咖喱火山軟殼蟹法包($148)一打開meun已經比佢吸引住啦~黎到~當然冇令我失望啦~賣相同meun睇相一樣咁吸引~軟殼蟹大大隻~放左係麵包既最上面~唔會因為d咖喱汁而令到佢淋哂~食落仲係脆卜卜咁好正~咖喱味道香濃~唔辣既~仲食到裡面有蛋絲添~法包吸哂d咖喱汁一齊食~真係好好味呀~✅泰式鐵板蠔仔蛋($88)上到枱~仲聽到鐵板既滋滋聲~已經覺得好正~加左芽菜墊底~唔會令蠔仔蛋over cook~蛋香滿滿~煎到金黃色咁~賣相十分吸引~蠔仔脹卜卜大大粒咁口感一流~份量仲要超級多~食落唔腥之餘仲鮮美十足~冇唸過會咁高質~✅原隻椰青海鮮炒飯($78)炒飯啖啖都充滿住椰香味~亦都唔會過濕~原隻椰青~裡面裝到滿滿的~份量超多~除左面頭個2隻大蝦外~飯內仲有唔少蜆肉~魷魚等等既海鮮係裡面架~哩個炒飯~食落真係幾有驚喜~✅椰汁三色冰($25)正常水準~唔會太甜~不過食完成餐泰菜~飲返啖椰汁冰~係爽既~

上星期同朋友去咗位於旺角通菜街嘅阿來泰式地道風味餐廳食晚餐。我哋7點左右去到，等左陣先入得座。餐廳環境唔算大，座位比較緊貼，但都算坐得舒服，咁啱個日落雨，店員仲好貼心比個遮袋我地，幾細心。餐廳主打平民泰國菜。🔻泰式火山排骨味道：8/10價錢：$108餐廳新出嘅菜式，見到圖片幾吸引就決定叫。排骨用左上泰式酸辣汁，帶點微辣，幾惹味。豬肋條炆得好淋，好易就起到骨，肉質肥瘦均勻，幾好味🔻泰式鮮蝦炒金邊粉味道：8.5/10價錢：$63呢個金邊粉非常大份加足料，金邊粉一上枱香氣撲鼻，夠曬鑊氣，金邊粉食落帶點酸甜，仲有幾隻彈牙嘅鮮蝦，而且仲有大量花生碎、青檸，好食！🔻阿來海南雞飯味道：8/10價錢：$56海南雞肉質嫩滑，味道唔錯。而油飯油香味好夠，而且粒粒分明，幾好食！🔻青檸梳打味道：8/10價錢：$25夏天消暑必飲！

旺角通菜街真係行過無數咁多次，成日都見到依間阿來泰式地道風味大排長龍。地點又方便，價錢又親民，去到冇理由唔試一下。泰式鐵板蠔仔蛋$88識得食蠔仔蛋嘅朋友就知道蠔仔蛋一定要鐵板上，咁先保持到溫度同埋咁樣嘅炒蛋先會有焦香。蠔仔都大大隻，同埋份量都唔少，而且每一粒都好飽滿肥美！加埋佢地嘅秘製辣醬食落一流。泰皇咖喱火山軟殼蟹法包 $148估唔到究竟有兩隻軟殼蟹係度，性價比好高。咖喱係黃咖喱，主要係流體狀，有椰香味，又唔會太辣。法包吸收哂咖喱嘅味道，切開就可以食。💰人均100蚊左右晚餐

我覺得呢間泰國菜真係算好抵食，雖然環境唔係好靚嗰啲，但勝在價錢夠平民。🔆泰皇咖喱火山軟殼蟹法包（$1️⃣4️⃣8️⃣）呢個價錢真係好實在，百幾蚊食到咖喱軟殼蟹🥹，仲要質素唔差。軟殼蟹大約有一隻半，炸得好香脆。咖喱入面加咗蛋，所以好脆，用法包點嚟食真係好正🤪。不過要快啲食，如果唔係法包浸到淋晒就唔好。🔆泰式炸魚餅（$6️⃣8️⃣）其實我好中意魚餅😆，呢間就啱我心水，魚餅好厚身好彈牙，而且辣辣地，我覺得要試下。我哋仲叫咗個午巿套餐🤣，炸金邊粉都只係（$5️⃣3️⃣），好大份好抵食，加啲青檸汁提鮮仲正。另外好推薦大家加$2️⃣2️⃣轉椰青😌，配魚餅一齊食最夾。

早幾日心血來潮想食泰國嘢，經同事介紹，今日決定過嚟試吓。去到門口都有人等緊位，好彩預先打嚟訂咗枱，準時入得去食。我地3個人叫左3杯野飲（太多冰，飲完之後重有大半杯冰，感覺唔抵）西檸梳打x 2 - 飲到最後都重有汽 泰式奶茶- 有茶味5樣餸西柚沙律 - 酸甜酸甜，好開胃生蝦 - 冇咩特別，正正常常汁燒魷魚筒 - 燒到啱啱好咖喱軟殼蟹麵包 - 個咖喱汁好好味，麵包朔晒汁👍馬拉盞炒通菜 - 正常So far 樣樣都好食好啱我哋胃口，而且份量亦啱啱好，價錢相當合理！職員尚算有禮貌～如果想食泰國菜，都會考慮再嚟

喺旺角中心附近搵食，見到有一間泰國菜好多人排隊等外賣，見到價錢CP值幾高，等咗一陣就入得去試吓！第一眼就睇中咗呢個泰式火山排骨，新登場一於試吓每個餸菜平均都係低於$100 ， CP值好高火山排骨件數不少，用嘅係泰式酸辣汁，啲肉似係豬肋骨，煮得好軟，用牙輕輕一咬就骨肉分離店員仲好貼心咁俾埋手套，方便拎起手食！另外我哋仲嗌左一個海鮮黃咖喱，超濃郁嘅醬汁，最適合就係用黎送飯送包蒜蓉法包$28有4塊，每塊平均先至$7，而且搽滿牛油，必食撈埋咖喱，直頭想嗌多一份包至於海鮮方面就有幾隻硯，幾隻蝦，同埋蟹柳，薯仔車厘茄等等嘅配菜飲埋個椰青汁透心涼，差唔多都係每台必點嘅推介

前幾日行旺角，見到阿來泰式地道風味幾多人排隊，望一望menu,原來幾抵食，所以我和朋友都排埋一份。見隔離枱都有食，就一於叫個招牌菜： 咖哩軟殼蟹火山包，咖哩汁偏奶香，帶有蛋花，唔會太辣但勁香！勁creamy , 正麵包吸哂咖哩汁香好好食，夠鬆軟綿密！上層既軟殼蟹幾足料，大大隻！炸到金黃香脆，但又無乜油膩感，配上咖哩汁食更有風味。豬頸肉炒通菜，份量亦相當多，炒得幾有鑊氣，又香又惹味！豬頸肉，綿綿細密夠嫩滑！

每次食泰國嘢最鍾意就係食咖喱法包🤩呢度加左酥脆嘅軟殼蟹 再點埋個咖喱好惹味🦀咖喱係加咗啲雞蛋 食落更加口感🥚法包外脆內煙韌 索晒濃香嘅咖喱醬🥖🍛大大個 食完大滿足呀😚

成日係旺角搵食真係好頭痛就正正呢排咁熱~ 真係想食下泰國野消消暑~今次就黎左呢度食~ 今次我同友人2個人都叫左幾多野食XD1. 泰式鐵板蠔仔蛋  $88- 呢個蠔仔蛋一上枱真係熱屎辣辣，一食落口就覺得個蛋無味係正常我諗呢個菜真心唔落得鹽~ 因為本身蠔仔已經已出水~ 所以蛋就變左無咩味然後就靠晒個辣醬去增加返蛋同蠔仔的鮮味~ 食呢個真係要快快食~ 因為蠔仔真係會快出水架XD 味道真係正既~2. 泰式火山排骨 $108呢個直頭好似係招牌菜~ 呢個一字排骨~ 都真係幾出色因為佢上面個料頭正正就係感覺係佢本身放生蝦個D辣料頭但係就炒熱左個隻個一字排已經夠晒入味而且仲要係個鮮嫩度岩岩好唔會係好鞋什什個隻，肉質滑~ 啖啖肉~ 食完我想講其實都飽飽地XD3. 泰式豬肉炒粉絲 $63呢個粉絲個人黎講就麻麻地~ 肉片份量適中啦~ 但係個粉絲就乾身得黎真係好一餅野叫完之後見到隔離枱個金邊粉仲正D~ 個味就唔係唔好食不過我自己就覺得個賣相同個味就唔太岩我~4. 椰青 $38友人話都夠凍都好飲~5. 椰汁三色冰 $25呢度係用三色條條整呢個三色冰~ 冰粒夠椰汁味夠~ 條條又夠多絕對對得住 $25 呢個價~總括

今日我去到喺OpenRice長期都排名比較高嘅一間泰國餐廳度試一試佢哋嘅泰式菜🇹🇭，其實依一間餐廳係幾年前我已經食過一次，隔咗幾年後我又翻返嚟呢一間餐廳😋，同朋友一齊食飯，有時都想食泰國餐廳，食佢地嘅蝦餅&咖哩等等泰國小菜🥰🥰隔左幾年佢地嘅裝修都無變，至於野食嘅質素，我唔記得啦，因為食飯多數都focus 係朋友身上，野食都無咁著重😹今次就唔同啦！因為要寫食評，所以食咩都要記得清清楚楚係基本😹當然都影響唔到我同朋友聚會嘅心情👯👯‍♂️⭐️泰式小食拼盤 💰$148小食拼盤一共有四樣野食，包括炸春捲，泰式炸魚餅，蒜蓉炸雞翼，最後就係成個拼盤最好食嘅炸蝦餅👍🏻 1款菜式有4個享受😎 除左雞翼乾得濟，其他都ok😋😋⭐️黃咖喱牛肉 💰$68今餐嘅泰式黃咖喱令我覺得意外好吃👍🏻雖然我覺得有啲水，但可以講係成餐飯焦點之一🥰 以前食開嘅咖喱係比較濃郁又唔會好稀，以外呢一餐啲咖哩稀得黎又幾重口味😋😋⭐️蒜蓉包四件 💰$28咖哩配塔必備之一！食咖哩必定要叫嘅一份蒜蓉包配咖哩😋真係好好食架👍🏻👍🏻⭐️馬拉盞炒通菜 💰$68黎到泰國餐廳，點少得馬拉盞炒通菜👍🏻今次馬拉盞炒通菜鑊氣足夠，食落去仲好入味👍🏻😋😋⭐️原隻椰青海鮮

“泰皇咖喱火山軟殼蟹法包”($148)“阿來海南雞飯”($56)“青檸梳打”(+$6)“泰式奶茶”($25)旺角先達對面有間泰菜館阿來呢間餐廳一向都出名價錢親民又好味😋入到去先知原來餐廳有2層位置比想像中多,不過都好快坐滿哂😝見嘢食份量都幾多所以叫咗2樣share算🤣泰皇咖喱火山軟殼蟹法包一定係打卡之選😍法包裝住滿滿嘅咖喱同4大件軟殼蟹🦀軟殼蟹非常酥脆,唔會太油淋淋法包索哂啲濃濃嘅咖喱好正😛啲咖喱仲炒咗蛋落去😍阿來海南雞飯真係抵食之選大大碟先$56,配飲品仲有跟餐價🤩啲雞都好夠嫩滑😙點埋酸辣醬一流☺️油飯食落香口但唔會過膩😋飲品就要咗青檸梳打同泰式奶茶青檸梳打好夠酸好fresh☺️跟海南雞飯先$6好抵泰式奶茶偏甜,不過好岩我🤣