阿來泰式地道風味

营业中

休息中

💛好味指數:4.5/5💛💜回頭指數:4.5/5💜有啲想食海南雞，係旺角附近搵到間收費相宜泰國菜，仲有其他特色食物，建議可以多啲人嚟食，試多啲唔同食物😌✅阿來海南雞飯$56海南雞肉質嫩滑，配泰式辣汁好開胃，幾鍾意呢款醬汁，油飯帶淡淡香味🐥✅泰式鮮蝦炒金邊粉$63泰式金邊粉甜甜地，炒得都幾乾身👍🏻配料有花生碎和青檸，可以根據自己個人口味調配😀✅泰式火山排骨$108排骨砌成一座火山🌋份量比想像中多，排骨配上泰式酸辣醬，非常美味😋而且排骨肉質軟嫩無筋，內到外都充滿醬汁和芫荽香味☺️✅椰青$38食泰國野就一定會叫椰青🧉清甜解渴，仲要幾大隻😌不過椰肉有小小難整出嚟🫣🐻總結推薦火山排骨🌋會好想食完又食😆性價比幾高，飯麵類唔算太貴📍 阿來泰式地道風味 (旺角)旺角通菜街97號地舖

勁難食，難食到食到一半都要擺上黎，希望大家唔好中伏，唔好用外賣平台叫。未食過咁難食既泰國嘢，野食無味，又乾，個豬頸肉飯成個叉燒飯咁，落完汁都係乾爭爭。個炒河粉算好啲，有味但有啲有豉油有啲無。整體都好失望，之前堂食好食好多🥶

唔知🤔食乜好就會食泰國菜，酸酸辣辣又開胃😆經常食泰式炒金邊粉，午市套餐就真係好抵，仲可以加一杯飲料，如果唔夠食，都可以再選擇加一個小食！咁樣就一定夠晒飽☺️☺️價錢實惠抵食，份量足👍

呢間餐廳好多時都經過但每次都係食飽嗰時咁啱今晚突然之間醒起去到門口有一大班人仔等緊 嚇死—————————————————————泰國菜除左生蝦刺身其實蠔仔蛋都好吸淨架鐵板上嘅蠔仔蛋滋滋作響蛋味香濃 蠔仔大粒飽滿粒粒都大過手指公可以話係必食之選🤤另外唔少得嘅梗係咖哩啦唔想食嚟食去都係黃咖喱所以揀咗紅咖喱佢入面嘅泰國圓茄子好好味🤣原來除咗白飯之外撈炒飯都幾好味事關中島叫左個辣椒膏蝦頭油炒飯有啲辣貪過癮就試下撈啲咖喱落去點知出奇地唔錯仲降低咗個辣度🙈個炒飯其實本身都好味係嗆咗少少炒得夠乾身之餘配料都好足咁出街食盡可能都會叫返碟菜平衡返泰國菜少不免都一定係通菜不過今次加啲豬頸肉俾佢碟菜即刻多咗啲肉味 仲要塊塊都勁大塊總括都幾抵食分量足難怪成日都滿座—————————————————————↝ 泰式鐵板蠔仔蛋 $88↝ 牛肉紅咖喱 $68↝ 辣椒膏蝦頭油海鮮炒飯 $68↝ 豬頸肉炒通菜 $78↝ 泰式奶茶 $25↝ 椰汁三色冰 $25

雖然客人好多，但服務態度好好，尤其是染髮的哥哥仔。我兩個人食唔曬火山骨和蠔仔蛋要打包，他替我打包之餘，還主動問要否加多點汁。值得一讚。食物方面OK好食，份量也算多。抵食。

好耐無去泰國🇹🇭 好掛住隨街都可以買到嘅椰青同每餐都必食嘅咖喱。見到旺角通菜街嘅阿來長期都坐滿人，有時仲要排隊，決定去止一止個泰菜癮🫶ʙᴜʙᴜ推介🔥👍 泰皇咖喱火山軟殼蟹法包 $148一上到枱已經好震撼，大大個農夫法包裝住滿瀉嘅泰式黃咖喱，再加上兩隻軟殼蟹。軟殼蟹啱啱炸起，超酥脆，加上惹味嘅微辣黃咖喱，配法包食好滿足。👍 蒜蓉牛油雞中翼 $68大大份七隻雞翼，新鮮炸起，離遠都聞到蒜蓉牛油香。外脆內軟，肉質鮮嫩多汁。蒜蓉牛油比例啱啱好，唔會太油膩，滿口蒜蓉香，忍唔住一隻接一隻。👍 椰青 $38新鮮即開椰青，超多椰青水，清甜解渴，消暑之選。唔好唔記得刮埋啲椰青肉食，爽甜有咬口，健康好選擇。📍阿來泰式地道風味 旺角通菜街97號地舖

黎到旺角通菜街附近食泰國菜，呢間小店人流不絕，座位唔算太多，我地叫左燒豬頸肉，份量都幾大碟，外層燒到香脆裡面肉質彈牙，肥瘦層次分明，配埋酸辣醬飲品三色椰汁冰，好有椰汁味加埋軟淋淋一條條既泰式啫喱三色條，炸蝦餅大大件厚切熱辣辣，青咖哩牛肉個青咖哩辣得好過癮入面仲配有泰國茄子香草等配料，好濃咖哩味，乾炒牛肉河粉穫氣好夠，河粉用左比較粗身既炒加埋雞蛋菜一齊炒，味道真係好夾，唔會好咸同油，食物款式選擇多，上菜速度快。

💛 呢間泰國菜好近旺角地鐵站，超方便！另外價錢都好合理，亦比我發現咗超級好食嘅軟殼蟹法包😍💛 火山軟殼蟹法包 $148大大隻軟殼蟹放喺包上邊！炸得香脆😍另外啲咖喱汁都好惹味，又唔會太辣包蓋同埋成個包都可以食😆 加埋咖喱汁簡直一流！超級推薦這個！很好食😚😚💛 泰式炒金邊粉 $63另外嗌咗食泰國菜都好鍾意食嘅金邊粉~三隻蝦都好肥美😎 💛 馬拉盞炒通菜 $68另外通菜係我哋嘅至愛😍 碟菜唔會太油，亦都唔會太鹹，食下食下就好快食晒啦😁💛 椰青 $38椰青好好味好清新🥥 開口開得夠大，比較容易可以刮到入邊啲椰子肉出嚟食😆👍🏼我最鍾意食完正餐嗰啲椰子肉出嚟食當埋甜品😚

呢間泰國菜非常好食，好似仲有隱藏菜單，呢個就要問員工先知啦呢間嘅湯都做得幾出色，同埋佢嘅生菜包都好好味，超級足料同野味仲有佢嘅炒飯都出色，唔會好似出面咁唔足料，係超級足料同埋炒得好香口

突然想食泰國菜，即刻約埋三五知己，朋友推介呢間，平時成日經過都冇留意，今日一去到已經見到有人排隊，好彩我哋預先有預留枱，準時開飯。我哋一行三人，買咗五個菜式三杯飲品，食物嘅份量剛剛好，不會太多好適合我哋三個女生食。飲品方面正正常常，冇乜大驚喜，但如果以價錢來講我真係相當抵食嘅。最令人驚喜就係軟殼蟹咖喱法包，佢個咖喱汁好明顯見到有蛋白混埋一齊煮，對於我哋唔太鍾意食辣嘅，口感剛剛好，唔會辣到麻痹晒食唔到真正嘅味道，個包酥脆得來又朔晒汁，令人食慾大增。

早幾日放工落左旺角搵食~無意中發現哩間~性價比幾高既泰菜~當日雖然打風又落雨~不過都見唔少捧場客黎食~仲見到門口需要等位添~想食既真係最好打黎book定位~✅泰皇咖喱火山軟殼蟹法包($148)一打開meun已經比佢吸引住啦~黎到~當然冇令我失望啦~賣相同meun睇相一樣咁吸引~軟殼蟹大大隻~放左係麵包既最上面~唔會因為d咖喱汁而令到佢淋哂~食落仲係脆卜卜咁好正~咖喱味道香濃~唔辣既~仲食到裡面有蛋絲添~法包吸哂d咖喱汁一齊食~真係好好味呀~✅泰式鐵板蠔仔蛋($88)上到枱~仲聽到鐵板既滋滋聲~已經覺得好正~加左芽菜墊底~唔會令蠔仔蛋over cook~蛋香滿滿~煎到金黃色咁~賣相十分吸引~蠔仔脹卜卜大大粒咁口感一流~份量仲要超級多~食落唔腥之餘仲鮮美十足~冇唸過會咁高質~✅原隻椰青海鮮炒飯($78)炒飯啖啖都充滿住椰香味~亦都唔會過濕~原隻椰青~裡面裝到滿滿的~份量超多~除左面頭個2隻大蝦外~飯內仲有唔少蜆肉~魷魚等等既海鮮係裡面架~哩個炒飯~食落真係幾有驚喜~✅椰汁三色冰($25)正常水準~唔會太甜~不過食完成餐泰菜~飲返啖椰汁冰~係爽既~

上星期同朋友去咗位於旺角通菜街嘅阿來泰式地道風味餐廳食晚餐。我哋7點左右去到，等左陣先入得座。餐廳環境唔算大，座位比較緊貼，但都算坐得舒服，咁啱個日落雨，店員仲好貼心比個遮袋我地，幾細心。餐廳主打平民泰國菜。🔻泰式火山排骨味道：8/10價錢：$108餐廳新出嘅菜式，見到圖片幾吸引就決定叫。排骨用左上泰式酸辣汁，帶點微辣，幾惹味。豬肋條炆得好淋，好易就起到骨，肉質肥瘦均勻，幾好味🔻泰式鮮蝦炒金邊粉味道：8.5/10價錢：$63呢個金邊粉非常大份加足料，金邊粉一上枱香氣撲鼻，夠曬鑊氣，金邊粉食落帶點酸甜，仲有幾隻彈牙嘅鮮蝦，而且仲有大量花生碎、青檸，好食！🔻阿來海南雞飯味道：8/10價錢：$56海南雞肉質嫩滑，味道唔錯。而油飯油香味好夠，而且粒粒分明，幾好食！🔻青檸梳打味道：8/10價錢：$25夏天消暑必飲！

旺角通菜街真係行過無數咁多次，成日都見到依間阿來泰式地道風味大排長龍。地點又方便，價錢又親民，去到冇理由唔試一下。泰式鐵板蠔仔蛋$88識得食蠔仔蛋嘅朋友就知道蠔仔蛋一定要鐵板上，咁先保持到溫度同埋咁樣嘅炒蛋先會有焦香。蠔仔都大大隻，同埋份量都唔少，而且每一粒都好飽滿肥美！加埋佢地嘅秘製辣醬食落一流。泰皇咖喱火山軟殼蟹法包 $148估唔到究竟有兩隻軟殼蟹係度，性價比好高。咖喱係黃咖喱，主要係流體狀，有椰香味，又唔會太辣。法包吸收哂咖喱嘅味道，切開就可以食。💰人均100蚊左右晚餐

我覺得呢間泰國菜真係算好抵食，雖然環境唔係好靚嗰啲，但勝在價錢夠平民。🔆泰皇咖喱火山軟殼蟹法包（$1️⃣4️⃣8️⃣）呢個價錢真係好實在，百幾蚊食到咖喱軟殼蟹🥹，仲要質素唔差。軟殼蟹大約有一隻半，炸得好香脆。咖喱入面加咗蛋，所以好脆，用法包點嚟食真係好正🤪。不過要快啲食，如果唔係法包浸到淋晒就唔好。🔆泰式炸魚餅（$6️⃣8️⃣）其實我好中意魚餅😆，呢間就啱我心水，魚餅好厚身好彈牙，而且辣辣地，我覺得要試下。我哋仲叫咗個午巿套餐🤣，炸金邊粉都只係（$5️⃣3️⃣），好大份好抵食，加啲青檸汁提鮮仲正。另外好推薦大家加$2️⃣2️⃣轉椰青😌，配魚餅一齊食最夾。

早幾日心血來潮想食泰國嘢，經同事介紹，今日決定過嚟試吓。去到門口都有人等緊位，好彩預先打嚟訂咗枱，準時入得去食。我地3個人叫左3杯野飲（太多冰，飲完之後重有大半杯冰，感覺唔抵）西檸梳打x 2 - 飲到最後都重有汽 泰式奶茶- 有茶味5樣餸西柚沙律 - 酸甜酸甜，好開胃生蝦 - 冇咩特別，正正常常汁燒魷魚筒 - 燒到啱啱好咖喱軟殼蟹麵包 - 個咖喱汁好好味，麵包朔晒汁👍馬拉盞炒通菜 - 正常So far 樣樣都好食好啱我哋胃口，而且份量亦啱啱好，價錢相當合理！職員尚算有禮貌～如果想食泰國菜，都會考慮再嚟