阿來泰式地道風味

营业中

休息中

星期日到處都無下午茶，今日就黎到阿來泰式地道風味食野。泰式蠔仔蛋飯 $53蠔仔都算大大粒，但完全冇鮮味，如圖中所見，就係蠔仔煎蛋飯，成個煎蛋冇咩味，要靠旁邊既泰式辣醬吊味，食食下有d單調，好難食晒成個飯。泰式炒金邊粉 $53金邊粉入面有好多配料，包括蟹柳、魷魚、蜆同豆干，但食落去每樣配料完全冇味，似係急凍材料包，金邊粉既味道麻麻，同泰國金邊粉完全冇得比，唯一要讚就係每個餐都大大份，叫一個餐，兩人食都食得飽、但味道真係好似食緊茶記咁。我地仲叫左兩杯野飲，一杯就凍檸茶，正正常常，另一杯就係龍眼冰，如果閉眼飲的話，完全唔知自己飲緊咩，冇咩味。但呢間餐廳最敗筆就係成個環境，真係好似茶餐廳咁，餐具洗唔乾淨，仲有d食物殘渣係上面，成張枱同地下都黏黏笠笠，周不時仲有d蚊仔係你面前飛過，整個環境衛生好差，客人坐得極唔舒服。雖然網上好評如潮，但抱歉，我真係覺得呢間泰式料理認真麻麻，入到去好似食緊茶餐廳咁，應該不會再惠顧。