阿久根和牛拉麵屋

营业中

休息中

上網已經留意左呢間拉面店好耐，因為呢間拉面店係以和牛為主，同平常人食開的拉麵店有唔同，所以呢日就約埋朋友收工過來試一試，店舖座位唔多，平日時間收工過來都已經要排隊。排隊嘅時候，店員已經俾左點餐紙我地可以揀定食乜，到入左嘅時候，廚師就可以即刻煮，慢省等候時間。餐廳好有日本風味，牆上掛滿唔同嘅同日本有關嘅畫。我點左慢煮A4和牛叉燒拉麵濃蝦湯（＄158）：和牛叉燒有兩片，大大片，而且燒得粉嫩，油脂味很香口，濃蝦湯很杰身，而且拉麵很彈牙，亦有很多配料，紫菜很清脆，木耳很爽口，筍，香蔥及糖心蛋，糖心蛋蛋味香濃，而且熟度剛剛好。朋友點了炙燒豚肉拉麵（＄92），朋友食量比較多，另外追加了三片慢煮薩摩雞（＋＄38）。最好的是湯底可選清爽或濃厚，朋友點了濃厚，燒豚肉帶有甜味，肉質柔軟，雞肉有鮮甜味，三片亦很厚身，口感柔軟。沖繩苦瓜餃子（＄48）：本身也喜歡吃苦瓜，加上未吃過苦瓜餃子，一看到就立刻選擇了，覺得很吸引，餃子煎得很香口，皮薄餡靚，而且苦瓜不苦澀，帶有甘味，原來苦瓜配餃子也很好吃，而且苦瓜和豬肉的比例剛剛好。

📍今日心血來潮想食日本拉麵，就黎到阿久根和牛拉麵屋止一止癮！舖門口設計已經好有日本風格，左邊有個繪馬，因為小店關係，入面座位唔多。但佢BAR枱個日式屋頂設計就好別緻，令到個氣氛生息不少。🍴招牌三色拉麵 $138因為店家未有A4和牛供應，所以試唔到個和牛，而店家就轉為較大份量既雞肉同豚肉，有少少可惜。上枱後個麵質係幼麵，都算彈牙，個驚喜係個雞肉，好嫩，煮得岩岩好。個豚肉有厚度，唔會好薄，加埋火灸，超香。🍴香煎虎蝦沾麵 $128個拉麵一上枱個湯底仲不斷沸騰中，食慾大增即刻！佢仲會比張咭仔教你點樣食，好暖心。先飲左啖個湯底，味道好濃郁，滿滿既蝦味。隻虎蝦仲要大大隻，食落超滿足。🍴日式餃子 $48即叫即煎，夠哂新鮮，而個餃子皮又薄，一啖一隻。

佢地既慢煮雞肉真係好嫩滑🤤，而且件件雞肉都有份咁上下份量! 平時食得多醬油湯底，先黎個雞白湯先! 濃厚雞白湯配上佢地既拉麵同雞肉，雞味都幾突出，亦唔會覺得好"溜" 而且我再另外叫多份木耳，大份得黎仲要好爽口，浸耐D係個湯到，木耳掛到湯汁，一啖拉麵一啖木耳，正!而另一碗係三色拉麵，但因為和牛冇貨所以分別有3件叉燒同3件雞肉配濃蝦湯另外再加面 加糖心蛋~ 濃蝦湯飲第一啖真係覺得好香蝦味❤，叉燒亦唔會太肥膩，叫多份筍，份量岩哂大食既你~不得不推介，沖繩苦瓜餃子，真係有好香苦瓜味，食完個口仲有回甘，雖然係$48 4隻，但味道係真係有驚喜!🥰

🔸慢煮A4和牛叉燒沾麵 （$168）🔸先嚟講下阿久讓既慢煮A4和牛叉燒沾麵，佢嘅A4和牛肉味道真係好濃郁，加上肉質好嫩滑，一入口就可以感受到佢嘅鮮美。麵條方面，質地好有咬口，粗身彈牙，食落又唔會冇嚼頭，好適合麵條控。最特別嘅係佢嘅雞白湯，一直保存喺石鍋裏面，所以即使食到最後一滴，都仲係好熱，而且湯底濃郁雞味，鹹度適中，唔會太咸，真係好開胃又滋味。🔸慢煮A4和牛叉燒拉麵 （$158）+配慢煮薩摩雞 （$38） 🔸而慢煮A4和牛叉燒拉麵就唔同啦，佢嘅拉麵比沾麵幼細，湯底就冇咁杰身，但味道都好濃郁，令人一食就愛上。如果想加強味道，可以追加慢煮薩摩雞，佢嘅肉質同樣嫩滑，令啲拉麵更加豐富多元化。 總括來講，阿久讓既慢煮A4和牛叉燒沾麵同叉燒拉麵，都係值得一試既好滋味。

今日行過旺角，想食下拉麵，就係附近拉左間拉麵小店入去試下，入到拉麵店，地方唔算好大，但好有日本特色，好似入左間日本既拉麵店咁，好有感覺。🔹🔸🔹🔸🔹🔸🔹🔸🔹🔸🔹濃蝦湯香煎虎蝦拉麵 $109拉麵入面一隻煎香左嘅大蝦，肉質都算彈牙。依個拉麵嘅濃蝦湯好正，用左自家製蝦油同新鮮蝦熬煮，味道好濃郁鮮味，好有蝦味。拉麵煮得岩岩好，幾彈牙。整體嚟講，成個拉麵好唔錯，如果食到辣嘅嘢話，可以加辣椒粉，呢度有三款，不過辣度都幾辣下！🔹🔸🔹🔸🔹🔸🔹🔸🔹🔸🔹招牌三色拉麵 $128拉麵入面有三種肉，分別係：慢煮A4和牛、慢煮薩摩雞同炙燒豚肉。依個招牌三色拉麵都係濃蝦湯，相對上大虎蝦嘅湯底更有蝦味。慢煮A4和牛係用鹿兒島阿久根西冷，肉質超嫩，牛脂香味好足。炙燒豚肉口感好軟，肥肉瘦肉都有，淡淡油香好好食。慢煮薩摩雞滑嫩好食，但要比較既話，都係和牛最好食。🔹🔸🔹🔸🔹🔸🔹🔸🔹🔸🔹啤酒食拉麵🍜一定配埋啤酒，解渴又清爽！🔹🔸🔹🔸🔹🔸🔹🔸🔹🔸🔹總結：食物質量好高，不論係和肉定蝦湯，都做得好出色，價錢唔算貴～👍🏻職員既服務都好好，下次黎會想試下沾麵😁😁❤️💛❤️💛❤️💛❤️💛❤️💛❤️

終於試到這間人氣拉麵店！網上有眾多好評及推介~ 餐廳門面亮眼，內裡裝潢簡約日式風，氣氛熱鬧，環境乾淨企理，彷彿進入了日本地道拉麵小店🥰 食物方面有多款沾麵、拉麵、小食及飲品，質素高 食得好滋味🥰 今次去到和牛同虎蝦都賣晒，希望下次有得食🥹晚市二人消費：$335（不設加一服務費）𝑹𝒂𝒎𝒆𝒏🍜慢煮安格斯牛小排沾麵 配濃蝦湯 ($148)✨配菜有糖心蛋、紫菜、竹荀、大蔥及木耳牛小排肉質入口軟滑，牛味相當濃郁，肉質相當軟腍👍🏻 糖心蛋口感味道一流湯底非常濃稠，鹹香惹味🤤 拉麵粗身 好掛湯，麵質軟硬適中 口感煙韌彈牙😋👍🏻🍜燒牛肩胛拉麵 配濃蝦湯 ($99)✨配菜有糖心蛋、紫菜、竹荀、大蔥及木耳蝦味好香濃🔥 配上牛肩胛，肉質相當軟腍有咬口👍🏻 溏心蛋口感味道一流湯底偏濃稠，味道一流 完全不會覺得鹹，拉麵幼身，麵質軟硬適中 口感煙韌彈牙😋👍🏻𝑺𝒏𝒂𝒄𝒌沖繩苦瓜餃子 ($48/4件)✨好特別的餃子🤩 煎過外皮微焦，好香口，入口淡淡苦瓜味 很不錯👍🏻𝑫𝒓𝒊𝒏𝒌津路烏龍茶 ($20/支)✨

招牌三色拉麵 包括有：慢煮A4和牛、燒豚肉、雞肉和牛好肥美，肉紋超靚😍豚肉燒得剛剛好！表面微焦好香口👍🏻而雞肉就幾嫩滑～濃蝦湯味道好濃郁‼️ 同拉麵超夾😍燒牛肩胛拉麵湯底揀咗雞白湯～牛肩胛燒得好香～油光閃閃好吸引😍入口好香，肉質嫩嫩的👍🏻沖繩苦瓜餃子 第一次見苦瓜餃子點可以唔試吓😋餃子加咗苦瓜肉，有少少甘味，好特別～而且比較清爽一啲都唔會油膩👍🏻阿久根和牛拉麵屋 (旺角)旺角廣華街13號廣輝大廈地下1號舖

招牌三色拉麵 $138慢煮薩摩雞拉麵 (濃厚) $95限定大啤 $38烏龍茶 $20好多時拉麵屋都係主打一至兩樣皇牌食材／湯底，而今次推介呢間真係好似樣樣都幾出色咁，有和牛，有蝦湯，有五花肉，有慢煮薩摩雞，所以就乜都試下佢！三色拉麵係以蝦湯做底，有齊A4和牛，雞叉燒，燒豚肉。A4和牛做咗個慢煮之後再用18小時去浸自家醬油，所以入晒味又口感好好；豚肉好有驚喜，用咗24小時入味再灸燒，加強左當中油脂香味，又肥瘦均衡；雞肉選用咗脾位，所以夠嫰，水準同樣唔錯！蝦湯濃到好重蝦膏味，完美做到掛麵效果！另一碗個雞白湯有得揀正常定係加強濃厚，店家用薩摩雞20小時熬製湯底，的確算濃～不過對比之下，個人認為呢度嘅蝦湯係正過雞湯嘅～下次嚟，會試埋啲沾麵睇下

呢排對拉麵幾有興趣 所以呢晚又搵咗啲特別嘅拉麵店食啦🐮 一睇個餐廳名就知主打拉麵上面嘅牛肉啦 呢日係星期五 加上拉麵店座位有限 所以門口都排咗條小人龍😮燒牛肩胛拉麵有三款湯底可以選擇 我揀咗香蔥醬油湯🍜 湯底唔會好重鹼水味 飲落口唔會得個鹹字 仲同幼身拉麵幾夾 幾鍾意佢嘅牛肩胛 燒得好香 而且唔會太熟 唔會好韌咬唔開😉慢煮安格斯牛小排濃蝦湯沾麵呢碗係粗身拉麵 食落口粗度幾似烏冬 但相對較有咬口😚 我就鍾意呢個沾麵多啲 可能係本身我個人偏好粗麵掛湯嘅口感多啲😛 安格斯牛小排慢煮過 再放入熱辣辣嘅沾麵湯入面可以更加半生熟 呢個濃蝦湯呈橙紅色 味道好濃郁 仲有啲櫻花蝦喺入面 雞軟骨餃子呢間拉麵店有好多款餃子選擇 比較特別嘅有苦瓜餃子或者wasabi餃子🥟 不過呢晚就食佢嘅新產品雞軟骨餃子 有雞軟骨令到餡料多咗爽脆嘅口感飲品烏龍茶同罐裝啤酒都係好夾呢間餐廳嘅氛圍同食物 呢度嘅啤酒仲要係Kirin🍻雖然呢次冇揀到有和牛嘅拉麵 但係牛肉嘅質素都有中上質素🥰 難怪大家要排隊都嚟幫襯呢間拉麵小店

係廣華街見到一間非常特別, 門口裝潢好似日式地道拉麵小店, 平時好少會行過的話未必會見到。舖仔細細, 單看門裝潢, 就知是一定係日式拉麵店, 日式燈籠, 內裏裝修係全木系嘅吧檯座位設計及開放式廚房, 好有日本feel, 好似去咗日本食拉麵一樣。拉麵款式唔算多, 但勝在碗碗麵都有特色, 又夠大碗。我地叫了一碗香煎虎蝦拉麵, 另一碗黑蒜濃湯灸燒豚肉拉麵。黑蒜濃湯灸燒豚肉拉麵 - $92豚肉長長的, 肥瘦適中, 肉片都幾厚, 經灸燒過外層焦香, 肉質鬆軟又入味, 拉麵是粗身麵, 好彈牙, 主角湯底黑蒜豬骨湯, 超級濃郁, 黑蒜味好香, 一上枱勁香, 另外糖心蛋都非常出色, 配菜有筍, 木耳, 大蔥, 紫菜。全碗麵由賣相到味道都好正。香煎虎蝦拉麵 - $109香煎虎蝦拉麵隻虎蝦特別大隻, 又係燒到岩岩好, 蝦殼燒到勁香蝦味, 配菜有糖心蛋, 筍, 木耳, 大蔥, 紫菜,。個湯底都濃蝦湯呦味, 再加入櫻花蝦作調味, 增加湯底香味之餘亦提升口感。雞軟骨餃子 - $48係麵店自家製嘅特色餃子, 皮薄餡料豐富, 外皮煎得好香脆, 雞軟骨都不錯, 入口爽脆, 點埋餃子汁更好味, 餃子汁有少許柚子的味道

旺角廣華街除咗多甜品舖之外，亦有好多唔少美食，阿久根和牛拉麵屋就係其中一間隱世美食餐廳。 雖然門口細細，但睇佢門口掛住紅色日本燈籠好sharp🎏，其實都好易搵到。餐廳主打拉麵同埋沾麵🍜。 先嚟叫咗碗招牌三色拉麵，有慢煮A4和牛🐮、雞肉🐔、炙燒豚肉🐖，一上檯見到好豐富嘅材料，豬、牛、雞都可以一次過試晒，雞肉嫩滑；慢煮A4和牛色澤粉嫩，食落肉質都好嫩；炙燒豚肉係拉麵不可缺少吧，炙燒豚肉油脂香，肥瘦均勻。溏心蛋亦好入味，流心效果唔錯。湯底係超濃味嘅濃蝦湯，味道鮮美。 炙燒豚肉沾麵，今次揀咗個雞白湯🐔，湯頭呈乳白色，濃厚嘅雞白湯充滿雞嘅鮮味精華，膠質十足，將沾麵加上雞白雞，每口麵都食到雞嘅鮮味，掛湯力十足。 雞軟骨餃子煎得香脆🥟，食落去肉汁豐滿，帶出雞軟骨的質感，味道可口😋。

阿久根和牛拉麵屋🍜🥩……….初次食這一間位於旺角(近油麻地)的拉麵屋。餐廳設計係採用了傳統日本小型拉麵屋的設計，木系色調，有特色拉麵屋有關的繪畫。餐廳只設有吧枱位置，位置不算多。餐桌上提供了各式各樣的調味料，任君選擇。食物價錢尚可，主打推銷牛肉和慢煮和牛……….🍜燒牛肩胛拉麵 $99•呢個係阿久根和牛拉麵屋人氣拉麵選擇，可配濃蝦湯、雞白湯或香蔥醬油湯。今次選擇了濃蝦湯。濃蝦湯尚算香而不感膩，拉麵比較幼身，配料有蔥、荀、紫菜、木耳和溏心蛋，配料足夠。有4塊炙燒過的牛肩胛，口感軟腍，帶點牛香🍲慢煮A4和牛叉燒沾麵 $168•除了拉麵，都想食下沾麵！拉麵和沾麵配料一樣。麵條比較粗身彈牙，能夠掛汁，有固定麵身硬度。沾麵湯底同樣係濃蝦湯，係剛新鮮出爐熱辣辣又濃稠的湯底，味道較重和偏鹹，適合鍾意重口味嘅人。一碗拉麵有2塊和牛，牛味相比起牛肩胛更香濃，不錯🥟日式餃子 $48•一碟四枚日式餃子，皮薄餡料味道正常，一口尺寸，枱上面有餃子汁可以自行添加🥚溏心蛋 $15🍹檸檬紅茶 $15•餐廳提供不同玻璃樽裝的飲品，分別有可樂，七喜，忌廉，芬達和檸檬紅茶等……….💰人均 $172.5/per person

👧🏻😋👅🍽✨必食和牛叉燒🤤-阿久根和牛拉麵屋 🇭🇰 旺角廣華街13號廣輝大廈地下1號舖 🇭🇰-🍜主打和牛既拉麵店係香港唔多, 呢間真係超出色🍜舖頭唔係好多位, 店員有禮, 熟悉餐點-🐄 慢煮A4和牛叉燒沾麵 $168💯和牛叉燒呢個名究竟邊個諗出嚟真係好貼切🤤 爽口又煙韌, 比常見豚肉更香濃同冇咁肥膩💯可選雞白湯/濃蝦湯, 雞白湯滾下滾下越滾越濃, 麵條較粗身, 汁又杰好掛汁-🦐 慢煮安格斯牛小排濃蝦湯沾麵 $148✨慢煮薄切牛小排好嫩滑; 指定配濃蝦湯, 沾完更突出濃郁牛香味✨沾麵用石鍋上個湯, 食到最後都仲係熱辣辣, 可以1秒整熟嚿牛😂-🐓 慢煮薩摩鷄 $38💯落單時店員細心詢問分開上定放上個麵, 我地share想試下唔同湯就分開上💯薩摩鷄都係用慢煮方式整, 好滑又有痴住少少雞筋, 唔沾湯就咁食都好味

最近吾知點解好想食拉麵🍜 咁岩上網搵下附近有咩拉麵店介紹 見到依間阿久根和牛拉麵屋🤣 拉麵用和牛做主菜真係未見過 由於太特別 決定一於試下佢😳 🍀慢煮A4和牛叉燒沾麵 (雞白湯)煮熟後嘅和牛聞落真係好香濃😍 咬落口 和牛嘅油脂同香味充斥係口腔入面😋 和牛肉質軟嫩 口感有嚼勁😉 雞白湯味道相對較清 如果濃味少少會更加入味 有做到掛湯效果😗 拉麵口感煙韌有口感 係我鐘意嘅硬度😜🍀雞白湯慢煮薩摩雞拉麵雞白湯湯底味道同鹹度都差吾多 食落分別吾大😬 慢煮薩摩雞口感軟嫩 雞肉味幾濃郁🐓 都吾錯😛🍀沖繩苦瓜餃子鐘意食苦瓜嘅朋友要試下 整做餃子真係好少見🥟 苦瓜味道突出 幾特別😝

香港拉麵店 其實唔算好多間舖頭入到去 有陣怪味個日咁肚餓 我就唔理拉黑蒜油虎蝦拉麵湯底有味 都濃味既 我諗當豚骨拉麵咁食會好啲同個名系無關係黑蒜油真系得面頭個陣 好薄好薄千奇唔好有好大期望蒜味完全唔覺有啲筍唔靚 唔系爽口個種虎蝦炸到乾晒 會整親個口個隻炸到個外皮香脆 開邊炸呢 個邊位已經肉唔會嫩得最入面個啲啲位食到下 麵條本身好淋 麵質唔會爽我已經叫左硬麵 都系咁最食得落算系隻蛋 有蛋味無特別應該都唔會再食 仲要收百幾真系搞唔掂