阿一豬扒酸辣米綫

营业中

休息中

This is one of the tastier soup noodle places in north point. The spicy pork chop noodles are so good, but unfortunately the staff at this branch really need some training!Last week I ordered a delivery meal and the lady who took my order was extremely rude when I asked her to repeat my order and tell me the total price. When the delivery arrived, the delivery man tried to walk away with $150 when the bill was only $112...

之前吃過好 幾次 都算ok 冇乜特別， 但最近有兩次外賣都畀錯 ，叫咗酸辣豬扒米線又唔記得落酸菜淨係得個辣字， 連續 兩次都係咁。上星期仲離譜食到我連續屙咗兩日， 都係食咗酸辣豬扒米線， 我唔會再返去，都係去譚仔安全啲 ，啲嘢乾淨啲。

朋友極力介紹要到此店一試，個人認為真的很好鸭腿湯飯餐$48+$3凍飲，有油菜有湯有飯有野飲，真係超值超飽超好味，麻辣手x雞水晶粉中辣$38，加O樂$9，好好味。咖哩豬扒餐$44，正到不得了。招呼好，環境衛生一定會再來

以前經常OT後都會同老公拍拖去幫襯阿一，不過生完BB之後都無機會再去幫襯，呢日陪完囝囝去廸士尼就決定去搵阿一，不過都只可以買外賣返屋企settle down何仔之後先可以慢慢嘆。我地柯打左兩份阿一真味豬扒酸辣米綫，一份酥炸雲吞及一份上湯爽咸豬手。第一次外賣阿一，第一樣要讚係佢粉同湯分開上，而且我地返到屋企車程加上幫個仔沖涼各樣處理好後已經差不多一個鐘，但個湯依然夠熱。不過可能焗左咁耐，所以D花生唔似以前堂食咁脆卜卜。另一樣我喜歡的就係佢D酸菜，帶少少麻辣，好醒胃，通常我都唔夠會死埋老公個D。主角豬扒黎喇，佢個豬扒好份味，又無雪味，炸得鬆軟，又唔會好肥！酥炸雲吞都係堂食剛剛炸起好食D，隔左咁耐先食雖然都仲有脆口，但感覺都係比下去。上湯爽咸豬手用嘅應該係急凍豬手，不過都妹味，無雪味又唔會有毛，清洗得好乾淨。同個名一樣做得爽豬，食落幾過隱。

好少北角既小妹咁岩出開去見依度又近地鐵站所以黎左食同行朋友好食得辣既所以坐底佢點左 「麻酸樂蠔仔」$36一粒粒蠔仔配埋酸菜食雖然辣辣地（小妹唔食辣），但真係好惹味「阿一真味豬扒酸辣米綫」佢豬扒炸得好鬆軟，麵內放左花生做配料份外有口感由於當日小妹同朋友都唔餓所以咁樣share食都已經足夠

今晚做完運動已經晚上9點幾，想搵間食得輕宜啲！記得同事介紹過呢間嘅蠔仔粥，所以來到試下，去到仲好旺場，店員要我同個太太卡位搭枱，茶餐廳格局，桌椅唔迫，樓底幾高！餐牌食物好多選擇，揀好叫個店員落單！食物好快到！鮮蠔仔麻酸辣撈水晶粉（$37）叫咗小辣，賣相幾好，蠔仔好飽滿，而且有十多隻，味道好鮮，不過其中一粒有殻碎，水晶粉彈牙，有咬口又唔會好硬，加上連皮花生香脆，酸菜爽口，其實好香好食，不過呢度嘅小辣對我來說都太辣，味道好麻辣，係食一小束已經食唔到，最後要過湯，沖走啲辣油，先至勉強食到半碗！（極度懷疑落單無落少辣）湯我飲咗一啖，好濃好清爽，可惜要用佢過走啲辣味！浪費了！蠔油生菜（$18）半個唐生菜有多，叫了少蠔油，所以蠔油唔多，鹹鹹地吊味，生菜淥得剛好，仲爽脆又無草青味！好食！店員爽快，上菜好爽手！因為只收現金，我得一張$500，都驚呢間店唔收，好在店家只寫唔收$1000！比錢順利！無唸過咁辣

平時好少去北角，因為離我屋企非常遠，返工又唔會過嚟食飯。有機會嚟到，當然要試下朋友成日讚嘅阿一豬扒原來好近地鐵站，一出就搵到！我叫咗一個酸辣豬扒米線（小辣），豬扒半肥瘦，煮得夠淋，而且味道好好不過米線口感就一般般，但為咗個豬扒真係值得一試（另外佢仲有水晶粉揀，我諗下次會試下水晶粉）

成日過路,今天幫襯下,點左豬排藕餅酸辣米線,四十幾蚊冇乜要求,豬排預左係㧧打粉+味精,味道OK,蓮藕配魚肉整得好難食,米線太淋,酸菜太鹹,湯底都算0K,此終去譚仔三哥穩陣D！

阿一既豬排米線一向都受大家歡迎就係人都知，同朋友傾計都成日話想再黎試，今日難得早啲得閒，就由九龍過黎回味一下啦～招牌豬排（＄36)：由於我個人唔中意食米線，好彩呢到有得揀上海面，無阻到我食佢個招牌菜 原諒我今次食食下先記得相機食先哈哈，因為太肚餓同埋遲左去。豬排比起上次食質素有啲啲退步左，首先份量上係無變，依然都係有時5-6件豬排，量都好足，但今次唔知係咪因為豬排浸左係湯幾分鐘先食，味道淡左啲，記得上次食係濃味啲兼且豬排既肉係好鬆軟，完全唔鞋口，但今次食落比上次個味道淡左之餘，有少少煎過耐左既感覺，當然唔會話去到韌既地步，但感覺上係退步左啲。但講返湯底依然一樣咁鮮甜，即使我唔會辣都唔會話因為走辣而覺得淡口，呢個亦都係其中一個好吸引我既原因～～～～ 朋友叫呢個湯飯一樣係材料多多既飽肚之選，如果大家想黎食但又唔想食炸豬排咁HEAVY既話，不妨考慮下呢到既湯飯，只算叫最清淡既餸，只要連埋個湯，一樣感覺到惹味！！出名係有原因既～欣賞呢到即使出名都唔會點加價，三十幾蚊食到呢個質素絕對係窮人恩物啊～

在北角搵食真的很容易口啖啖的一天決定吃酸辣米線呢家阿一豬扒酸辣米綫出名豬扒然而今次故意選擇吃肥牛想不到牛味好香入口有嚼勁，係正品來的！而且店員親切友善總是笑咪咪的來落單，送菜在冬天上班時間吃這碗米線真是特別溫暖！餓底PEGGY：抵食之選

今日放假，瞓到都差唔多晏晝，落去食嘢。咁就行下行下又去咗呢間啦。叫咗個啊一咖喱豬扒飯，一嚟到嘅時候已經充滿香濃咖喱味，份量都好多，豬扒好大件，不過略嫌有啲鹹，好彩佢唔硬，薯仔都係，好軟熟，總括嚟講呢餐食落之後都有啲鹹，不過不失啦。

今日放假瞓到晏晝先起身，肚餓就落樓食野先。不知不覺已經兩點半鐘，啊一豬扒呢間餐廳亦已經開始提供下午茶，佢任何嘅上湯或者麻酸辣米線都會送杯嘢飲或者紅豆冰。所以我就叫咗個招牌阿一豬扒米線，都係＄34，好抵呀。豬扒都好大件，一啲都唔硬，唔會話咬唔斷好似其他餐廳咁，食落有小小咸嘅味道，不過都比啲酸辣嘅湯底中和左，另外米線硬度適中，唔會斷開哂。總括來講哩個下午茶餐都好抵食而且質素都好。

是日lunch黎到北角搵食，黎左呢間阿一豬扒酸辣米綫，肥少說挺不錯。都幾多人，又係要等位，要同人拼枱，有點窄(因我們倆太肥了)。 當然要叫招牌菜啦！叫左豬扒酸辣米線，小辣。上枱見到個湯好似好清咁，只有少量辣油在面，飲一啖，挺香的。米線是較粗身的，外表非常滑。食食下時，個嘴開始麻，都幾係野。豬扒有好多舊下，已剪開一塊塊方便食用。豬扒十分入味，炸得香脆，送米線十分惹味！個人十分喜歡它的配料，酸菜，爽脆，甜酸又帶一點湯的辣，十分美味！另叫左一碗蘿蔔唐生菜。個湯清香，味略淡，蘿蔔唔夠淋，略硬，未能帶出其清甜味。唐生菜則焯得剛剛好，咬落爽甜！食完又係要做快閃黨，出面keep住有人排隊。

裝修後，整間鋪靚晒，坐位望落都感覺舒服左。今晚行過，好想試下裝修後有冇有不同，好想再幫襯久違了的酸辣米缐。今次買回家嘆。點知，回家後食極都冇酸辣味，跟裝修前完全兩會事。好像食清湯一樣。希望舖頭快改進。

之前阿一停業裝修，叫外賣時沒有吃到豬扒酸辣米線，很是想念，是日終於再次來到這裡，發現店面已經煥然一新。夥計們還是非常熱情而且利落，點上一份招牌豬扒酸辣，大概2分鐘之後就端上來，34元一碗，雖然有漲價2元，但價格仍然實惠。店裡冷氣很凍，吃辣的特別爽，酸菜夠味，辣湯夠香但不會刺激喉嚨，豬扒更是特色，而且分量十足，一碗有三塊，女生若胃口不大應該吃不完。總之！還是一如既往的好味！