阿一海景飯店

营业中

休息中

今日特登嚟食個閒暇午餐，其實原本試隔離間餐廳，但呢一間餐廳有人企喺reception，最後入咗呢間。套餐份量好多，一定夠食有餘，野食質素整體唔錯，最鍾意食叉燒同埋鮑魚撻，窗外環境一流，性價比唔錯

叫了兩個888餐有七折的套餐,只可以話食海景同服務啦優點-服務周到-海景算吾錯，等埋8點睇埋幻彩耀香江就更值得改善-鮑魚寫清楚系吾系乾鮑-冷氣超凍。黑松露香煎帶子！（4分）-帶子煎到表面香，有帶子味道，黑松露系細細塊但都幾香，系整個餐最好的一道菜。蜜汁叉燒拼五香素鵝（3分）-叉燒基本上塊肉應該吾系梅頭，比較鞋，表面亦無叉燒應該有的焦燶同蜜汁味。 五香素鵝系幾有五香味，內面有幾塊冬菇，都吾錯。竹笙雞絲遼參羹（2分）-基本上無特別，尤其是湯底。鮑魚天白姑陪唐生菜（1分）-來阿一當然想試佢點整乾鮑啦，但食完覺得吾似，最後問了waitress原來吾系，真系超失望，我寧願你比隻細隻D乾鮑好過比隻吾知系罐頭定冰鮮鮑魚我食囉。天白姑亦沒有菇香和平時賣的天白菇應該有白色花紋系表面囉。紅酒會牛尾（2分）-個汁味道比較奇怪，牛尾亦無牛味。金姑豚肉卷（2分）-豚肉系煎得幾香，但金菇好勒。法國鵝肝葡汁蟹蓋飯（3分）-其中一件鵝肝表面太燶啦，真系有燶味，內面就只有大概6成熟。蟹蓋飯焗得有點過火，邊已經乾。鮮果西米露-椰汁吾夠無香味，鮮果亦食吾出系乜生果。甜點（2分）-桂花糕幾香但核桃酥就比普通餅店仲差。

老老實實，來食得梗係因為來食鮑魚啦，點心好一般，但勝在個景搭夠，唯一最強係疫情下的午市優惠。燒賣算係不過不失，雖然肉質都算新鮮，但咬落同一般酒樓食既無咩大分別，無驚喜囉但個蝦餃就真係全部新鮮蝦肉，絕對係值得一食，而且皮薄餡靚重點來啦鮑魚穌係今次來的目的，真心一直都係保持水準，用筷子夾起好似比較難，今次人少少就用手食，甘先可以一口食到個穌連埋中間粒金華火腿加上鮑魚但呢碟煙肉蟹條就即時比下去。大家可以一試佢地的午市套餐

四月底嘅一個星期四晚上，又去試吓Restaurant Week豐富的晚餐，今次試吓位於 iSquare 29樓嘅中餐「阿一海景」之前曾經來過呢度午餐，食物都有水準，今次食晚飯，整體以呢個價錢，可以講係合理消費😄因為今次安排坐喺中間位置，未能欣賞外面嘅靚境，但亦替餐廳開心，可以講入坐率接近全🈵️香芒牛油果龍蝦沙律🥗👍🏻👍🏻👍🏻好正，龍蝦肉好爽，牛油果芒果新鮮😋鮮雞燉螺頭，湯都算足料嘅釀焗鮮蟹蓋，蟹肉係夠嘅，不過洋蔥多咗啲😅原隻鮑魚扣天白花菇伴唐山菜😋紅酒燴牛尾，牛尾炆得唔算太腍，味道係好嘅😋大富大貴炒飯，個飯炒得夠乾身，味道亦好👍🏻👍🏻👍🏻香滑芝麻糊，有芝麻香味，不過食落係只有甜味😅精美甜點，合桃酥好好食😋😋

We love the causeway bay富臨阿一This is their TST restaurant!Cwb one is 3 star Michelin vs tst is 1 starThis is really really good value of $$!All dishes resemble the cwb one and all very very yummy. The only difference is abalone quality, which is kind of expected (2k hkd vs <500 hkd menu for restaurant week).The 8 dishes menu is really surprisingly good! You can feel chefs spent a lot of effort into each fish. If you want to try cwb one but can’t make up your mind, try this one!The view here i

疫情嚴峻都沒心情寫食評但點都要俾自己記得，下次再下次不要來，碰啱餐廳周無人爭係有原因的，好耐無嚟都有少少期望，可惜啲食物味道遠遠不及這個價錢，茶位連加一近三百蚊一位，雖則物價通脹，食餐好些少都要三五百蚊，但都要俾心機做好啲，不應被人感覺到粗製濫做，前面的幾款點心好一般，係隻鮑魚算大隻，口感煙煙un un，魚湯燉海參，食吾出魚湯嘅鮮味，甜品陳皮紅豆沙，無陳皮味無甜味，致於服務就更不堪，一般高級食府應該有的服務全部沒提供，整體來說，這餐飯衹值30分，還是算把啦！！

生日當然要吃些好料獎賞自己，因而今天便與閨密姊妹到中菜館享用鮑魚，姊妹隨即就從網上尋得此間高質餐廳，便立即攜同我到這裏一同享用晚餐。阿一海景飯店是《米芝蓮》二星名店，位處於尖沙咀的國際廣場29樓，餐廳的特點優勢是可從高處眺望整片維港景色，盡收眼簾的美景配搭佳餚美食，感覺享受放鬆。店門入口右邊設有酒吧空間，直望則是大廳位置，整體面積寬廣闊大，並皆沿用古色古香的中式風格。精選鮑魚套餐當天我們揀選了精選鮑魚套餐，整份套餐包括甜品共有八款菜餚，而當中的鮑魚菜式有提供五種不同頭數選項供顧客選擇，我們便選擇了原價 $1888 的34頭鮑，由於餐廳正在推廣期間限定的八折優惠，即可品嚐到眾多款的菜式。白滷水法國鵝肝 拼 五香素鵝法國鵝肝口感細緻綿密，滑膩即化，豐美多汁，味道有著滷水汁的適量鹹香。素鵝顧名思義是使用素菜製成，師傅把腐皮掃上以五香粉、麻油、生抽、糖、薑片煮好的醬汁，再進行蒸煮和煎製，並配搭上蔬菜作內餡，咀嚼時香脆酥爽，清新不膩。翡翠百花釀花膠花膠外觀肥美大塊，師傅特意再加入蝦肉釀製作內餡，咀嚼時軟滑清香，膠質豐富，爽口鮮味。旁邊伴碟的兩條芥蘭蔬菜，口感清甜爽脆，鮮嫩入味。肉蟹會生翅生翅的芡

疫情期間，要去食好嘢，一定要預早訂檯；如果唔係好大機會要週圍搵位又要趕在下午茶餐開始前食完；會有d趕今次決定試試阿一海景~ afterall, 平時唔會有呢個discount!繼續4人同行~訂檯時雖然有落remarks話要窗口位；但都無緣。。。之後每兩個人俾4人檯；真係每張檯嘅距離都有1.5米；好寬敞。。燈光，溫度等等都好好。。。不過可惜之後來了3位女士；因為唔可以同檯食飯；而決定要嗌過去另一張檯；呢個就煞風景d；不過呢個就係我唔好彩啦。。。4個人都叫set lunch number 1 (想試佢個鮑魚酥）;而家仲有7折，每人HKD229.6 (未計加一）； nice~先來嘅4小碟；我真係唔明點解要明明而家都2人限聚令；但佢一定要4個人分量咁上；咁就喺我哋面前分嘅；每檯兩份。。。但就好似食剩左先俾我咁；真係建議餐廳一係就用小碟子，兩份兩份咁上；呢個做法。。。真係令我覺得好似食緊人哋剩低嘅餸菜雖然賣相同presentation 差d；但其實味道係ok 嘅；交得準；每樣一舊然後就到鮑魚酥了；雖然d味道唔係好融合到（感覺酥還酥，鮑魚還鮑魚）；但個酥整得好鬆化，鮑魚都好入味點心；繼續都係喺我哋

根本唔識得攞咪之蓮一星，成個場得兩三個夥計，又甩漏，個蟹蓋我淨係食咗一啖，同夥計講話打包拎返屋企，點知最後佢同我掉咗, 話聽錯咗喎，冇可能囉，因為我講得好清楚，同埋佢當時都認咗我。真係好激氣，以後都唔會再嚟。This restaurant doesn’t deserve any Michelin star at all. The service is horrible horrible. I will definitely not coming back ever again.

發現鼎食聚、香港旅遊發展局，連同200+家酒樓、餐廳，推出We Love Dining promotion。第２站，是尖沙嘴阿一海景飯店We Love Dining 午餐，188元/位：#點心：有５款 筍尖鮮蝦餃、蟹籽燒賣皇、蜂巢芋角、焗菠蘿叉燒包、XO醬煎腸粉，芋角最好味！其他的中規中矩。#每天精選靚湯：蟲草花煲猴頭菇，素湯，但味道挺濃，好味！#碧綠雙子星蒸豆腐：味道不錯！#紅酒燴牛尾配薯仔生麵：非常好味！令我對牛尾改觀的菜！#香滑芝麻糊：香、滑、濃，水準之上！服務跟不上，除了點心和湯，其餘的菜，非常慢！連結賬也搞錯！無語。。。

今日呢間餐廳都唔錯，除咗環境（我地係坐窗邊位，望到海景），最抵讚既係經理（我估），佢超級有禮貌，服務又好，因為叫左set，但入面有個餸我係敏感唔食得，佢都即刻提議轉另一個比我，非常細心。我哋試咗每位$888個個set，價錢算係抵食，不過整體黎講唔算太出色。最鍾意係呢個頭盤沙律，值得一試。另外仲試咗佢嘅金菇豚肉卷，豚肉好硬，完全唔使試。呢個本身係個set冇嘅，佢轉左呢個雞粒蛋白炒飯俾我，一般正常嘢，冇咩特別。甜品可以話係完全唔出色，可以改進下。

剛剛星期日早上去飲茶，點心質素還不及街坊茶樓，但價錢卻是星級酒家的水準；試了五款點心，竟然冇一款合格，真係畀佢嚇親。雖然服務是到位的，兼且有海景，但仍然冇法挽救如此的食物水平，一定冇下次。

家有喜事，歡宴親朋，當然要搵間靠得住。在限聚令及社交距離管制下，訂了間房，幾小桌飯局。其實第一次幫襯阿一，訂台時大部份食評都係午市，所以都係膽博膽，飯局前一晚，再睇一睇食評，點知竟然有一則負評，心中一怯！畢竟我哋訂了貴價日本吉品鮑餐。我們一行人準時到場，入到房間，已感滿意，270度開揚夜境，心擴神怡，長輩十分滿意。到上菜時間，先來一碗蟹肉翅，一大碗，之前看食評話份量細，但見到頭盆份量如此，就放心了。一絲絲翅加蟹肉，鮮味！燉湯味道濃郁。鮑魚更加得彈，入口軟熟。而最出色係和牛，味道及肉質都鮮嫩，牛味極濃。到了八點，同場加映幼彩耀香江，視覺同樣享受。服務員都服務周到！確實係宴客首選。

由於是工作日，但想找一個比較舒服能夠空曠一點的餐廳去咗而且人不太多，加上有美好的維港景色，最適合和朋友一起談工作的事情，這間餐廳的枱數不太多，如果擔心人太多的你，這一間餐廳係絕對可以考慮，中午時段其實人也不多，我們剛好吃了一個套餐，完全不用考慮吃什麼菜式，分量剛剛好，由於時間就是金錢所以我們也沒有選擇更多特別的款式，今次我們吃了商務套餐，最特別的是他的牛尾，我拍了圖你可以參考，其實他的飯炒得非常之好吃大家又可以點一點他的商務套餐品嚐一下，整個套餐有一些點心一些主菜和一些頭盤，令我覺得最特別的莫過於是最後的炒飯，最後還有紅豆沙如果你不喜歡也可以不吃，如果你喜歡還可以叫經理追加多一個送給你，他的經理非常之好客。

這是一間讓遊客感到地方闊落的餐館，定位不在食物質素。沒有出色的烹調，也不會送給你食物的美味，主要是讓接待遊客為主的一間餐廳，鮑魚餐牌大堆頭的中式套餐，法國餐的上碟安排，每碟都是兩口，每種食物無論如何擺碟，你都不會覺得是一碟精品，欠缺的就是食物最終的新鮮及烹調能力。當晚人客稀疏，公司客戶為主的顧客，入座率不高。888的套餐你能吃到什麼，還給你一個七折，次高級的粵菜酒樓路線，應該收貨吧。錯覺上這間酒樓都是鮑魚主角，實情是自己想多了。飽魚主角是另一間Sino Plaza 才對，富臨酒家。