阿一海景飯店

营业中

休息中

好難搵到一間海景餐廳點心可以咁普通😓除咗燒味叉燒夠鬆、味道可以，廚房撈面重梘水，鮑汁菜心鮑汁完全無味😓😓😓完全無諗過會咁失望，海景環境當然可以😌服務亦可以😌每位350食海景午餐都算低食，希望點心真係提升少少質素💪💪今時今日香港疫情下做生意真係辛苦，一個咁好品牌真係要加油💪💪

今日黎了這家佔盡地利的餐廳在無敵海景下飲茶，真係令人食得暢快。蝦餃大細適中，因為我自己本人真係好怕嗰D超級大粒標榜隻蝦好大甚至乎係要用幾隻蝦整嘅蝦餃，咬落去跌晒D餡出黎為乜呢，好似呢一間一啖一粒咪幾好law。燒賣同樣美味，我都係鍾意呢D傳統舊式嘅燒賣。XO醬腸粉嘅重點當然係個XO醬啦，辣得黎又食到瑤柱嘅香味，加埋面的幾條韭黃，真香。鮑魚撻聽講係呢度的鎮店之寶，佢個鮑魚當然好食啦，不過連個撻皮都好食，真係難得。鮮竹卷的腐竹好薄，入面D餡料好新鮮，唔錯。呢碟就真係勁，有氣勢，打卡一流。

放假先嚟落雨🌧要搵個坐得耐嘅地方消磨時間🤣今次食中餐！訂咗1130ᴀᴍ餐廳係ɪsǫᴜᴀʀᴇ 被安排了ᴡɪɴᴅᴏᴡ sᴇᴀᴛ 可以望住海景慢慢食☺️適逢ʀᴇsᴛᴀᴜʀᴀɴᴛ ᴡᴇᴇᴋ點咗sᴇᴛ ʟᴜɴᴄʜ 有6道菜 · ┈┈┈┈┈┈ · ꕥ · ┈┈┈┈┈┈ · • 午市套餐💲𝟷𝟿𝟾/人 +sᴄ • ✿ 蟹子燒賣✿ 香煎蘿蔔糕✿ 雞絲春卷✿ 西班牙黑豚肉叉燒✿ 韮皇瑤柱火鴨絲羹✿ 千島汁蝦多士✿ 鮑汁海參扣天白花菇伴唐生菜✿ 迷你荷葉飯✿ 香滑芝麻糊 / 陳皮紅豆沙 𝘼𝙙𝙙-𝙤𝙣✿ 一哥鮑魚酥 $𝟼𝟾 · ┈┈┈┈┈┈ · ꕥ · ┈┈┈┈┈┈ · 食物還好 有海景搭夠下甜品我哋2樣都有叫但唔好食12點幾人開始多就熱鬧啲💬🗣加咗嘢食 結帳人均~💲290

餐廳環境係坐擁灣仔會展海景, 服務亦做到顧客至上。 當晚食餐廳周餐牌, 另加了南非飽魚。另外加嘅7頭南非飽魚(+$138)比頭盤嘅大連凍飽魚更有鮮味吧! 麻香海蜇偏清淡但夠爽口, 松茸羊肚箘鮮雞燉螺頭還是很清新嘅味道一片松茸是主角令人印象深刻。可惜只有一片。釀焗鮮蟹蓋的蟹肉還算夠豐滿的。 惜冶味指數還是有點不足。鵝掌有點皮包骨嘅感覺。獻汁偏甜而乏鮮味。酥炸牛腩炸衣做到酥同夠薄, 牛腩亦剛剛好咬口同剛剛夠鹵水味。 但無任何擺碟同用作擺放牛腩嘅碟竟然是一隻黑色嘅小碟? 盡管說中菜怎樣不講究賣相但現在嘅高檔中餐廳好多都用了西菜嘅展示方式。這方面餐廳廚師還是應該好好想想擺碟是否有改善空間? 最尾嘅蓮蓉西米布丁做得幾好只是蓮蓉同西米份量稍稍少。同樣如果在賣相同份量上應該有改進空間吧！無論如何, 也算是見識過本地米芝蓮餐廳吧！

約了朋友食生日飯，因為這酒家有特價套餐每位$198，我們book咗一個月才有位食。環境非常好，因為剛好坐在窗口位，樓高29樓，可以遠眺美麗維港海景。二人中午飯套餐 ：西班牙黑豚肉叉燒，可能係全瘦肉關係比較鞋口。三色點心：蟹籽燒賣、香煎蘿蔔糕和雞絲春捲，味道同一般酒樓冇分別。韮王瑤柱火鴨絲羹 ： 味道恰到好處，多食材，唔鹹。唔錯。海參鮑汁扣白花菇伴唐生菜：海參同花菇炆得好淋，生菜都幾新鮮，鮑汁味道剛剛好。好味道。迷你荷葉飯：餡料多，調醬汁和飯好味，唔鹹，肯定冇味精。蝦多士、紅豆沙和黑芝麻糊：蝦多士好油膩唔掂，糖水一般啦。服務態度唔錯。

母親節帶媽咪食佢最愛既中菜，咁岩阿一出左母親節fine dining 套餐就去試吓啦。套餐連甜品一共有8道餸，其中兩道餸可以有選擇。頭盤有驚喜，龍蝦有好幾件，伴牛油果+胡麻醬個味好夾，啲醬係足夠撈埋啲沙律🥗 另外黑松露既份量亦絕唔吝嗇（咁當然俾咗咁多錢都唔預佢少份量既🙈）。乳豬肥瘦適中，個皮夠脆。海蜇亦好爽口👍🏻個翅好足料，我覺得唔落醋都唔會腥，反而可以食倒原汁原味😋飽魚我地冇特別加錢，揀左普通南非鮑魚，都唔錯，入味又夠淋👍🏻另外牛尾同雞因為係per serve 咁上，我同媽咪一人揀左一樣。牛尾係佢地既招牌，煮得好入味好淋，不過食落就覺得有少少咸。雞就不過不失。食到後面其實已經好飽，但個炒飯好好食所以都忍唔住食晒 🙈甜品就冇乜特別，不過媽咪讚個餅好食。整體黎講成餐飯係食得開心既，野食好食，有海景，服務又好，對得住依個價錢👍🏻

今日試一下這家米芝連中菜餐廳。試試廚師推介午市套餐八折後$378.4/位七彩小鳳鮮：這涼拌看似平平無奇，但爽口的海蜇、拌以酸爽的皮旦和酸薑，味道相當合拍。雞件已經去骨，口感軟身，雖然和海蜇看似沒關係，但味道沒有違和感。蝦餃蝦餃皮晶凝通透，蝦肉口感爽彈，吃蝦的原味，沒有肥膏，是中上水平。燒賣這燒賣用的是手切肉，口感特別的爽，肥肉唔多，還有蝦肉，味道也不錯。叉燒包這叉燒餐包個子少少，麵包10分鬆化，加上蜜汁叉燒餡，沒有過分的甜膩，味道幾ok.海參海皇龍蝦豆腐羹這湯羹的味道十分鮮美，湯羮內有豆腐，海參、龍蝦肉和蝦肉等，湯汁順滑又有少少爽口的蝦肉，不錯吧。頭抽爆炒花膠玉蘭這花膠真係好厚肉，口感十足，炆得十分軟滑，啖啖骨膠原，帶點豉汁風味，黏滑不膩。伴菜還有芥蘭和粟米芯等等。鑲蟹蓋啖啖肉，熱乎乎，全蟹肉鮮味，一絲絲的蟹肉，當中還有蔬菜和洋蔥，沒有很膩口。鮑魚小黃瓜蔥油麵這蔥油麵真可口，麵條軟滑陣陣鮑汁滋味，當中夾有小黃瓜加添爽脆口感，而那小鮑魚當然十分軟滑可口，完全不用花勁咀嚼。黑松露焗蓮蓉西米布甸這西米布甸口感香滑creamy, 加上黑松露十分幽香，啖啖是奶香和吉士風味，沒有很甜膩，還不錯。另

啊一鮑魚，其實都唔使點推鎖，今日試吓佢個中午套餐，燒腩仔、有點心、有魚翅、當然唔小得佢嘅鮑魚、最後仲有個迷你荷葉抄飯⋯燒腩仔好香又脆口、點心都唔錯，夠料又大件，返而個翅就有D失望，煮得唔夠特出，影響咗啊一個品牌⋯鮑魚雖然細細粒，但好夠味，荷葉飯都唔錯⋯

🔸三式美點:蟹子燒賣、香煎蘿蔔糕、雞絲春卷我打打下先發現個日無食過蘿蔔糕😂🤡燒賣、春卷都係普通酒樓水平，春卷都幾油下🥲🔸西班牙黑豚肉叉燒叉燒都ok，不過可以再燒香啲。🔸韮皇瑤柱火鴨絲羹芡汁太傑🙈🔸千島汁蝦多士炸多士油左啲，配沙律醬食，個人覺得如果配甜酸醬食會好啲，無咁油🤔🔸鮑汁海參扣天白花菇伴唐生菜呢個最好食，海參同花菇都炆得幾入味😋🔸迷你荷葉飯呢個一上枱就咁督左兩個窿，肉酸咗啲，而且隻蝦唔知咩事，唔係梅又唔係爽口，質地好奇怪🥴🔸香滑芝麻糊、陳皮紅豆沙紅豆沙🆗陳皮味幾香😗🔸一哥鮑魚酥額外加$68就試下，鮑魚煮到太淋，下面個酥底淋既喂😢整體來講，午餐食物質素都係一間好普通嘅酒樓，可能夜晚嘅小菜會好少少？🤔仲有可能多人book左lunch set，食物整好晒咁，一坐低就冚冚聲上菜，節奏勁快😂會聽到侍應話「海參上得上得」🙂作為人稱明星飯店的餐廳，雖然呢個lunch set價錢係幾平，無咩期望，但都唔係咁求其，個質素真係嘛嘛🙈難怪失去左米之蓮一星🙈📍#阿一海景飯店 (#尖沙咀美食)尖沙咀彌敦道63號iSQUARE國際廣場29樓➡️𝗙𝗼𝗹𝗹𝗼𝘄左我未啊😚跟住我去飲飲食食😎吃是真愛❤️ @eatist

最好食係個炒飯同薯仔，其他都差了很多！龍蝦沙律有殼，帶子OK。乳豬海蜇- 面脆，但味道比一般酒樓差。牛尾失望，因有雪味。桃膠糖水-淡味黃豆糕- 豆很硬服務員態度ok

這晚到阿一海景飯店吃晚餐，吃的是套餐。先評食物：香芒藍龍蝦沙律：芒果有點酸，失望！幸好藍龍蝦肉粒質感爽彈，芝麻醬和沙律菜永遠是絕配。鮮雞螺頭燉花膠條：這個大力推介，湯很鮮甜。天白花菇扣鮑魚伴唐生菜：花菇厚身，生菜爽脆，鮑魚煮得很軟，可惜味道沒太大驚喜，怪不得不同級數的鮑魚價錢相差那麼遠。招牌焗釀蟹蓋：蟹蓋內除了蟹肉，還有一些其他材料，合起來味道一般，吃不到蟹肉的鮮甜。紅酒燴牛尾：牛尾煮得很軟，醬汁偏甜。金菇豚肉卷：豚肉有點柴，可能還是用牛肉做這菜比較合適，醬汁同樣偏甜。大富大貴炒飯：這炒飯好吃，炒得香，不油膩，飯內有蟹肉、蝦粒等，材料豐富。精美甜點：桂花糕比較甜，曲奇不夠脆。總的來說，食物水準只屬一般。再說環境：環境是這飯店的最大賣點，我們坐的桌子可飽覽270度的維港美景，入座時是黃昏，離座時是晚上，黃昏美景到璀璨夜景都盡收眼底，還可邊進食邊欣賞幻彩詠香江。最後講服務：服務其實是很不錯的，由入座至離座，侍應都很有禮貌，還不時主動上前為我們添茶。唯一美中不足的就是，侍應送上牛尾和豚肉卷時，我們說會分享食物，本以為他會給我們碟子，但卻沒有，要向另一位侍應提出，才給我們碟子。

因為想去慶祝生日，想揀間海景餐廳但係嚟到發現呢度嘅海景麻麻都係露天海景餐廳爽啲。因為唔想諗揀咩食物，所以揀咗個$688+10%lunch set，海蜇加一舊燒肉⭐️⭐️海蜇勁重麻油味，燒肉正常龍蝦頭牛油果黑松露燒帶子沙律⭐️龍蝦正常，燒帶子幾香，本人不食松露同埋牛油果所以唔覺得好食魚翅⭐️勁腥南非鮑魚冬菇生菜⭐️鮑魚太淋無趙頭，仲有啲鹹連鮑魚都令我失望紅酒燴牛尾⭐️⭐️牛尾仔淋 舊薯仔成個套餐最佳叉燒蛋白炒飯⭐️⭐️⭐️街坊酒樓質素 正正常常最後係甜品⭐️⭐️⭐️两塊腰果餅仔 椰汁紅豆糕桃膠雪耳碗糖水無味的⋯連糖水都吾掂⋯總結 伏 冇下次比呢個價錢呢啲質素..我食樓下間酒樓唔好？同埋如果真係想睇海景係k11隨便一間餐廳 個海景都靚過呢到

因為提早慶祝生日想揀個海景餐廳，但係嚟到發覺呢個個海景吾係話好靚如果真係想睇海景 建議搵翻啲露天既，一坐底店員就俾咗幾個餐牌我，有點心紙，有lunchset 因為吾想諗叫乜食物 所以揀咗個最Basic既 $688set 另外加一。一開始上咗海蜇拼一舊燒肉，海蜇好重麻油味 個人唔係好喜歡燒肉正常。龍蝦頭牛油果黑松露帶子沙律因為我自己係唔食牛油果同埋松露所以我淨係食帶子龍蝦沙律 普通。魚翅，好腥。南非鮑魚冬菇生菜罐頭鮑仲好食，冇諗過鮑魚都令我失望紅酒汁煮牛尾個牛尾煮得好淋 但係食到呢度已經完全唔想再食任何野，只有旁邊舊薯仔入到口叉燒蛋白炒飯正常，食唔落，唔想浪費，打包最後係甜品椰汁紅豆糕 兩塊餅仔 一碗桃膠雪耳糖水甜品都好普通，中下總結 688+10%一位 服務態度好 店員經常幫加茶但食物方面 比呢個價錢我寧願去K11是但搵間露天海景餐廳食無下次 以上純粹個人食後感 勿插

餐廳名叫海景飯店，雖然坐唔同位都會望到景色，但近窗邊嘅位置會更加好建議訂位時可以講定想坐窗邊位夜晚有唔同嘅套餐，我地簡左「精選鮑魚套餐」白滷水法國鵝肝拼五香素鵝～係凍食嘅，味道幾特別翡翠百花釀花膠～花膠偏細隻蟹肉燴生翅～正正常常🤣蟹肉唔算突出主角鮑魚配波蘭鵝掌拌唐生菜～芝士焗龍蝦～唔夠彈牙大富大貴炒飯～食完上面嘅其實都飽了，算係一個足料嘅炒飯官燕蛋白杏仁茶～杏仁味好重當日期間限定套餐有8折Total $3718.9 2位但食物味道同環境都未算好特別試一次就好了

而家疫情未能出外旅遊，但係Asia miles積分就到期，所以咪試吓換一餐飯滿足自己嘅食慾餐廳環境優雅舒適，而服務態度非常良好，縱然我哋諸多要求，服務員態度非常好，滿臉笑容😊，令我不能不卑足100分這個套餐頭盤係芒果龍蝦肉沙律，有啲Fusion 菜感覺，芒果鮮甜，龍蝦肉可口，開胃菜，不失水準花膠湯熱騰騰，入口暖心，冬天飲更一流果然名不虛傳，冬菇炆得好腍，有咬口，飽魚更加入味，質感非常好👍🏻，值得一讚釀蟹蓋味道偏淡，剛好對冲番上一道濃味嘅鮑魚，有層次感之後大家掛住食，都忘記影相，紅酒燴牛尾、金菇豚肉卷和大富大貴炒飯都食得腍腍脷這餐飯食得非常開心🥳