閨•家 (西九龍中心) (已結業)

西九龍中心開左間新既餐廳，呢間餐廳主打健康無味精既餸菜，新開無幾耐就成日大排長龍！見到有咁健康既選擇，我同屋企人就過黎食lunch。打開餐牌，見到有好多好吸引既家常小菜！我地點左兩個餐，呢度最吸引既係跟餐會送老火湯，每一日都送唔同款既湯，呢日係星期一，就送青攬青蘿蔔杏汁煲豬展，湯水生津解毒、止咳平喘，好養生！我地點左柱候牛筋腩飯，牛筋煮到好腍，入口即溶，牛腩都好入味。另外仲有梅子金沙骨飯，一樣高水準！另外仲點左滷水豆腐同埋油菜菜心，好豐富！

行街街來到好耐冇來嘅深水埗西九龍中心，喺3樓見到好大廣告牌『閨·家無味精茶餐廳』，閨家歸家，好似好吸引，又見多人排隊，引起我的好奇心，試吓無妨。『香煎蓮藕餅豬扒飯』似乎唔少人嗌，跟風來一個，有一舊蓮藕餅，香口得來入邊啲粒粒好爽好彈牙;另有两塊薄切豬扒，也煎得好好味有口感，仲有D酸菜好開胃。『花雕醉雞紫薯麵』，其實除此之外，另有菠菜麵，甘笋麵揀，紫薯麵從未試過，因此一試，手口麵即叫即整，好Q彈，顔色又係夢幻的紫色，同成個餐廳的粉紅色都一樣夢幻。湯就每日有一款，今日係『青欖青蘿卜杏汁煲豬展』，材料充足，味道清甜，絕無味精，欖利咽生津解毒，飲完好滋潤。還加配了蠔油生菜及飲品，都唔錯。

之前一路都知道有呢間小店既存在, 但因為係龍門居比較唔就腳就冇試到,聽聞佢地搬左入西九龍中心, 特登入去試同支持下, 叫左個豬軟骨飯($48), 跟餐有埋湯店員上餐之前發現兜豬軟骨唔夠熱, 叫廚房整返熱D先上, 非常細心黎到之後比想像中有驚喜, 入面有4.5大塊豬軟骨, 仲要舊舊都有啫喱呢碟飯令我諗起鰂魚涌個間坐忘間豬軟骨, 兩間既豬軟骨都非常有質素, 份量仲非常足, 呢度唔使過海仲只係做緊$48加上係自己柚冇理由唔支持另外仲叫左個蓮偶餅紫薯麵($45)蓮偶餅煎得好食, 特別係個紫薯麵, 放入口未咬已經感覺到呢個麵既質感同普通麵唔同, 非常分明同有彈性, 食到有D味道同食唔出有紫薯味仲叫左個海蜇手撕雞($38)海蜇個質感好好同好有咬口, 但只有幾條, 反而手撕雞雞就比好多

閨家是一間位於深水埗西九龍中心的一間餐廳，無味精·無味精·無味精，重要係講三次👍🏻無味精原材料的老火湯，主打家常小菜為主。不定期加入新款菜式。每星期都有不同口味的老火湯，真心推薦，重點真係無味精架，超喜歡飲湯既你妳你仲唔快步去品嘗一下。手剁鹹魚煎肉餅飯 $48即叫即剁肉餅，肉餅鬆軟鹹魚味濃，食完都唔覺口渴。👍🏻👍🏻👍🏻👍🏻👍🏻咖哩豬扒飯(小辣)$50咖哩豬扒飯，可以選大中小辣，而今次唔太食得辣既我，叫左小辣，但放心一點辣都無架，仲有咖哩味，無添加豬扒又唔會難咬，真係好好味。重點·重點.重點每個跟餐都會送每星期老火靚湯，如果鍾意飲湯既你，仲可以單點老火靚湯(大盅)$28‼️提提大家‼️仲有加配飲品油菜溏心蛋🤩🤩

同朋友食一個咸魚肉餅＋豬扒飯另一個係梅子金沙骨飯咸魚肉餅＋豬扒飯（90分）咸魚肉餅好入味，仲食到粒粒的咸魚，用料足，好有口感，又咸又好味豬扒都好有水準，唔會好煙韌，軟腍腍的肉質，加上醬汁係幾好食梅子金沙骨（77分）梅子金沙骨都唔錯，醬汁係梅子整，食到底會見到梅子肉，金沙骨都炆得好軟熟，唔會痴牙，整體表現理想唯一要彈的係，叫碟醃青瓜都幾貴，38蚊，雖然麻辣青瓜好好味。 呢度凍飲加7蚊，熱飲5蚊，都其他茶餐廳貴少少，另外加12蚊有油菜（菜心or 生菜），最正有得選蠔油，正。

閨家呢個名聽就聽左好多次，但咁耐都未有機會食，今次黎到深水埗撞岩新開冇耐嘅閨家就試一試！💛香煎蓮藕餅豬扒飯 $56 +溏心蛋 $6蓮藕餅真係好好好好味！平時都好鍾意食蓮藕，呢到蓮藕餅好香，仲好爽好有咬口，又唔會好似平時啲肉餅咁油👍🏻👍🏻👍🏻豬扒都超好味，又淋又入味，好正！溏心蛋就貪得意另外加嘅，就咁食嘅話有點兒太鹹，一定要送飯💛手剁鹹魚煎肉餅飯 $48呢個肉餅又係超好味，鹹魚味勁香，鹹得岩岩好，就咁食都唔會太鹹，仲要$48有兩大塊肉餅，好抵食！💛手拍青瓜 $28真係估唔到28蚊有咁大碟青瓜，好抵食，對我黎講唔算太辣，少少辣少少麻幾開胃🤤🤤💛跟餐老火湯💛呢個不得了，唔怪得杜生飲完都咁大反應！同出面啲19餐湯差好遠，飲得出佢好重料，蘿蔔味勁香，超鍾意😋😋

21/12第一次食叫左鰻魚炒飯(送老火湯)+煉奶炸饅頭鰻魚炒飯：🌟🌟🌟抄飯每一粒都有顏色,幾好味唔會好鹹,鰻魚都唔會好少💛煉奶炸饅頭：🌟🌟🌟🌟🌟而我細細個係唔知邊間舖食過既炸饅頭係好乾又無味所以對炸饅頭無好感,諗住今次都係,點知估唔到原來炸饅頭係可以咁食💦影左相再食,大約隔左5分鐘都係脆,饅頭入邊都唔會好乾,唔會硬掘掘,加埋煉奶真係好夾今次真係完全對🌟炸饅頭改觀❤️23/12第二次食叫左南乳豬手紫薯麵+咖哩魚柳飯(送老火湯)服務態度：🌟🌟🌟🌟🌟喺門口等位嗰陣,店員好有禮貌咁問我拎住袋野好似好重咁,使唔使擺住入去先,都幾細心,會留意埋門外等緊位既客❤️其他店員都幾有禮貌, funny會同啲客講下笑咁南乳豬手紫薯麵：🌟🌟🌟🌟🌟豬手係幾入味,紫薯麵幾新鮮,幾有咬口,而且個湯無味精,幾好飲💜咖哩魚柳飯：🌟🌟🌟🌟咖哩辣度係小辣,但食落係唔辣都幾好(唔食得辣)👅咖哩味都幾特別,唔似普通即沖咖哩汁,幾好味既,紅蘿蔔好甜魚柳都脆嘅，份量都幾多,而且每塊都幾厚👍🏻最正係個湯,每日都會唔同,仲要無味精,價錢又唔算貴,都幾難得🏡仲有個background好靚💛(🇭🇰真心食評,非打手❕)

店家在第四波疫情下開店，都頗具鬥志。加上新的正苦政策，6點後禁堂食都幾牙煙。 好在店家的食物和價錢都不錯，下午茶餐大概落在$28-$35 包熱飲無加一，其他餐點都是$35-$50左右。我和朋友第一次來到這間店，很驚奇地發現店家的裝修非常有少女心，全粉紅色的設計加上很夢幻的燈光，坐在卡位的時候簡直是打卡一流。 員工也穿着着粉紅色的職員服，態度親切和充滿微笑。我和朋友都各點了下午茶餐一份，味道相當不錯，特別是他的招牌豬扒，非常有味道，單點只需要$18一份。但相對而言薯條和朱古力就不是那麼出彩，有點過淋，但一分錢一分貨，這個價錢就未必需要要求那麼高。另外有一樣要注意的是，今天是店家開張的第二日，可能員工和店家都還未熟悉營業流程。我和朋友大概等了半個鐘頭才上了第一份餐點，已第二份餐點更需要再等多15分鐘才到。 而食材供應方面，他們手工麵因為麵機出了問題，所以當天不能提供手工麵的餐點。加油吧！閨家👍🏻這只是第二天，我相信你們會做得更好。期待下一次的光顧🥰