閨•家 (西九龍中心) (已結業)

第一次幫襯，期待住健康家常飯餸味道，食評好多讚好。叫了一個鹹魚煎肉餅豬扒飯，點知……湯是正正常常的，但肉餅死咸，係咸到苦，豬扒超乾又韌，何來家的味道？何來無味精？

搬咗出嚟一段時間，間中都好懷念屋企，想食返啲住家餸，嗌左佢地既招牌人氣飯，香煎蓮藕餅豬扒飯，送埋碗老火湯。香煎蓮藕餅豬扒飯,$52蓮藕咬落好爽，豬扒易咬, 飯既份量岩岩好食完好滿足!!

😅 小編依日好夜先食飯，快快腳去咗一轉西九龍中心搵食，去咗想幫襯下家常零味精嘅閨·家。［ 亂闖試飲試食 ］🍽 柱侯牛腩飯 😋😋😋😋本身想試梅子金沙骨飯，好明顯都賣晒，最後揀咗依個 😆 牛腩有好幾舊，幾大件，腍腍地幾入味，而柱侯汁甜甜地，撈飯🍚食就最好！🍹檸檬茶 (凍) 😋😋😋😋檸味🍋夠，茶唔會澀，飲完夠爽夠解渴！晚餐 💵💵 約港幣$60/人💁🏻‍♀️ 係家常味道，但唔會食到口淡淡，作為平日飯堂都唔錯，都係普通茶餐廳價錢。🙆🏻‍♀️ 最後，喜歡嘅話，歡迎follow @foodirectory.hk ！

已經食過閨家幾次，最impress我都係招牌香煎蓮藕餅豬扒飯 真係好好食，個豬扒好香，同埋肉質好正，啱啱好。蓮藕餅好有口感，喺香港真係好少食到！仲有如果有全日制學生證，就可以再加多碗靚湯，每日都有唔同湯，非常之窩心。

話說早前.閨家以前有好幾間分店.記得我層經試過灣仔店.當時我都試過佢哋嘅鹹魚肉餅飯及豬扒飯.佢哋啲例湯都好唔錯！估唔到時到今天.「閨家」只係剩返西九龍中心這間.我還記得當天的味道.肉餅好香鹹魚味及有啲碎蓮藕.好好食還標榜無味精.今日到來懷緬過去的味道！今日點餐如下： 1. 鹹魚肉餅豬扒飯 X1 $52元 跟老火湯 2.下午茶朱古力脆脆西多 X1 $34元 餐飲：熱鴛鴦鹹魚肉餅啲無咗以前嗰種鹹魚香味.肉餅無以前的鬆化.依家肉餅比較死實.好彩豬扒還可以.個老火湯足料.但總覺得以前的比依家的更好！ 跟餐：老火湯足料.有粟米及紅蘿蔔鮮甜！下午茶：朱古力脆脆西多.🚶🏻‍♂️👉📌閨•家 (西九龍中心) (深水埗)深水埗欽州街37號西九龍中心3樓319號舖

概覽：主打窩心住家飯，標榜食物冇味精，定價合理。店家開鋪時間係 12:30pm，但我 12:20pm 到達，已可入座，不需等位。中午 12:37pm 店面情況：香煎蓮藕豬扒飯餐附例湯（小）$52，湯要等大概5分鍾，主食要等大概10分鍾。香煎蓮藕豬扒飯：扮盤靚，上碟食物夠熱，熱到燙。拌碟有雪菜加香蔥，好有心思。個人認為蓮藕餅同豬扒分別都夠晒味送飯，唔需要用到雪菜/香蔥。反而有裝飾作用嘅甜豉油幾好送蓮藕餅同豬扒！飯好夠水份豬扒：唔太厚，瘦肉和脂肪部分互相配合，味道就係豉油味。上色均勻，煎得香和乾身（見圖，煎得快要燶）。蓮藕餅：最少1cm 厚，外層煎得香脆，好好味！足料蓮藕絲，口感好好！係手工家常菜！跟餐例湯：佛手瓜粟米蘿蔔湯（小）湯唔算太濃，係冇味精嘅表現。據觀察，每盅湯都有湯料。差不多食晒時，店鋪外有人等位。12:57pm 店面情況：

香煎蓮藕豬扒飯 (附每日例湯)$52好味指數：8.5/10終於試得到呢間餐廳，因為主打冇味精，所以好吸引。今次叫咗蓮藕餅🐷豬扒飯，其實一上菜見到就知道好🫶🏽用心，首先飯🍚嘅份量適中，側邊仲有啲雪菜絲同葱油，等客人可以有唔同嘅口味撈飯，非常貼心。之後輪到主角，首先係🫓蓮藕餅，煎到表面有少少燶邊，咬落肉質口感唔會太硬，帶點煙靭，食到條條蓮藕絲，口感豐富，而且調味✅適中，非常欣賞。之後到🐖豬扒，充滿香茅味好入味，話說係醃左一晚，而且肉質唔會太淋，食得出用梅頭部分，而且無骨🦴好方便。最後仲有彩蛋，惠顧任何客飯，會送🥣例湯一碗，飲一啖已經知道真係家的味道，無味精嫁。佢仲要日日嘅例湯都唔同，飲完真係大🈵足，性價比好高。🤤

因無人煮飯，2次經過西九，看見這間餐館評價高，就試一下，2次都點了招牌蓮藕餅兼豬x飯，送養生湯，吃下ok, 個餅煮得香，豬x煮得不太油兼沒多根或硬或有血水，明顯質量穩定，養生湯都不錯，甜醬油撈飯直刺激味覺，總體印象不錯，價錢60附近非常好，起碼質素穩定。只有3點需改進，付款只收cash?? 座位細兼桌子細，剛放好食物巳無空間，吃時手x巳碰到隔離塑膠板，另養生湯應每1-2星期常轉一下，這要扣點分，但食物質素與價錢成正比 .因此推介

閨•家 (西九龍中心) (深水埗)♡︎𝗖𝗔𝗨𝗦𝗔𝗟 𝗥𝗘𝗦𝗧𝗔𝗨𝗥𝗔𝗡𝗧♡︎$50 慢煮豬軟骨飯(配老火湯)(8.5/10🌟)🧡sʟᴏᴡ ᴄᴏᴏᴋ ᴘᴏʀᴄɪɴᴇ ᴄᴀʀᴛɪʟᴀɢᴇ🧡🐽豬軟骨煮得好淋好入味，每舊豬軟骨嘅骨膠原好豐富😆，因為軟骨既部分好多✨，好正。而且好多汁，好啱鍾意用汁送飯嘅我😗。$50 咖哩雞飯(配老火湯)(8/10🌟)🧡ᴄᴜʀʀʏ ᴄʜɪᴄᴋᴇɴ ʀɪᴄᴇ🧡🐤咖喱雞飯表面擺咗咖哩白切雞，底部有薯仔🥔，薯仔煮得實淨，唔會太粉。🍛咖喱微辣，食落有椰香味。整體唔錯😋～$52 大檸樂手羽飯(配老火湯)(7.5/10🌟)🧡ʙɪɢ ʟ ᴡᴏᴋ ᴄʜɪᴄᴋᴇɴ ᴡɪɴɢs ʀɪᴄᴇ🧡🍗雞翼煮得入味，而且味道好特別，似由可樂煮成🥤。叫咗俾小朋友食，食哂話好味🤣📝店舖主打無味精湯，任何飯類都會附送細盅燉湯🥣，抵食住家之選～食物：8/10環境：7.5/10性價比：8.5/10📍深水埗欽州街37號西九龍中心3樓319號舖其他分店：📍屯門河傍街148號美基樓地下A號舖#homefood #slowcook #cartilage #currychicken #chinesesoup #heal

Intro: 依家食個健康少少嘅飯都好困難，一係就好貴，一係就少地方有，一係就味道麻麻，而今次就選擇左去深水埗主打住家飯嘅店舖阿，平日黎都要排隊阿～ ___________________🍽 香煎蓮藕餅豬扒飯配老火湯💰 52 ⭐️7.5/10✍🏻 蓮藕餅肉好結實，同食薯餅嘅感覺一樣✍🏻 豬扒偏鹹，但勝在容易咬開而肉質好好✍🏻 老火湯好有料，飲得出冇味精嘅豬骨味✍🏻 食完後感覺好口渴，係咪真係冇味精呢___________________🏠 閨家 📍 深水埗欽州街37號西九龍中心3樓319號📍屯門河傍街148號美基樓地下A號舖📍屯門龍門路45號富健花園地下40號舖⭐️ 7.5/10___________________

真心唔知選咩好最後覺得自己應該係俾芝士撈吸引😂加埋見到隔離位叫炸魚柳就呢兩樣啦～(っ◔◡◔)っ ♥ 豬扒芝士撈公仔麵+炒蛋♥Um…豬扒正常調味係成份餐中算比較好味嘅食物😅芝士唔濃配上無口感嘅公仔麵我無食晒🥲(っ◔◡◔)っ ♥ 脆炸魚柳配著條♥茶餐價錢黎講算合理魚柳即炸出黎好脆略嫌皮太厚😛薯條.一般🥲如果有機會再去我諗我會食西多士算😂推薦度⭐️/5

🔹真手撕雞飯 配沙薑汁 $50我唔係好識分係真定假手撕雞，但係D雞肉真係一絲絲，同埋好滑，雞皮唔多，得兩塊左右，我嫌D沙薑汁有D小~不過整體係幾好味🔸跟細湯 (星期日: 霸王花豬展湯)賣點係無味精湯，飲落感覺比平時D湯飲，可能因為無味精，所以落多左D鹽?不過成碗湯係好濃味，如果想飲大碗都係$30一碗🔹招牌豬扒麵 (下午茶 $34)D豬扒好淋，煎得好香好好食，因為好好味，所以我無浸落碗麵度，驚沖淡左豬扒本身既味道~🔸凍朱古力 +$7朱古力好濃，食完野飲到尾都唔會覺得好稀好淡好岩想飲湯水既人黎~野好食~湯好味

之前係屯門店食過一次外賣，當時見到手工麵想試，但店家話手工麵想保持質素，所以不設外賣，殘念。今日出開西九龍，經過見店內食客不多，而且仲有下午茶（2：30-6：00），決定食個 early dinner。手工麵有三款：菠菜、甘筍、紫薯。但是日甘筍賣哂，所以要咗菠菜、紫薯各一。麵條口感不錯，有咬口、唔糊口，而且份量亦不少。但除咗顏色不同，真心食唔出兩者分別。T25 手剁香煎蓮藕餅（$44）凍檸茶（+$2）兩大塊，又夠厚，中間食到藕粒，調味亦不錯。T24 招牌豬扒（$42）凍檸茶（+$2）醃味不錯而且夠哂入味，豬扒夠鬆軟又唔會太過軟淋，但如果再煎香啲就更可口。每日供應不同例湯（$30），是日係木瓜、南北杏、雪耳、豬展，標榜不加味精，叫咗碗試試。味道的確夠哂味，但以$30一碗，個人認為偏貴。（如果叫主餐牌內的飯類，會送一碗細例湯）

食咗好几次，都非常喜歡，因為豬排、蓮藕餅、湯都係好好味！全部係我既favourite!! 但近排再帶朋友去嘅時候，發現人手極不足，聽電話、收銀、送餐、落單得兩個員工，我地几位朋友明明排第一，裡面明明有枱，都要等好耐先入到去坐，心情立即差咗。今次試吓唔叫飯，叫咗個紫薯面，佢地仲有兩隻面可以選擇：橙色的甘荀面、綠色嘅菠菜面。下次都想試。紫薯面都好好味，因為湯底鮮甜，加埋無得輸既蓮藕餅，真係正！🥰🥰🥰但可惜的就係㨂面係無當日靚湯飲🥺🥺

呢間喺西九龍嘅平民抵食茶餐廳🍴真係好正😍必食佢哋嘅慢煮豬軟骨飯🐷豬軟骨炆到好軟腍 又入味 仲好有骨膠原嘅感覺～佢哋嘅套餐仲會包佢哋嘅招牌冇味精湯水🍲真係好鮮甜 又足料！